الإداريين الدبلوم والثانوية

الكاتب : Al-Hammadi | المشاهدات : 1,830 | الردود : 14 | ‏7 يوليو 2010
  1. Al-Hammadi

    Al-Hammadi بـترولـي نشيط

    148
    0
    16
    السلام عليكم

    (الإداريين الدبلوم والثانوية) وأقصد كل موظفين الشركة اللي على مسمى Snr. Tech. Asst. & Tech. Asst. ، كنا ناطرين حالنا حال غيرنا من الوظائف اللي تم تقييمها وارفعوها درجة أعلى لكن قالوا إنه موضوعنا بيد المؤسسة لأنه لازم يطلع قرار يشمل كل إداريين شركات القطاع النفطي (وبعد انتظار) طلع القرار اللي يقول إنه الإداري يوصل وعلى حسب سنين الخبرة اللي عنده إلى الدرجة (14) والتطبيق من شهر 12/2009

    لكن الصدمة لما يا وقت التطبيق ما شملنا ولما سألت فريق عمل الموارد البشرية قالوا انتوا مو إداريين انتوا على حسب مسماكم فنيين وإنه قرار المؤسسة ما ينطبق عليكم وكل اللي صار تم تقييم وظائفكم وصار لها درجة أعلى والتطبيق من 1/7/2010 مع إنه الفعلي وعلى حسب شغلنا والمهام اللي نقوم فيها إحنا (إداريين) وأول ما دخلنا الشركة كانت المسميات اللي وقعنا عليها إدارية.

    المهم ادري بتقولون نأخذ الدرجة 13 وبعدها نشوف لنا مسمى على الدرجة 14 ، وبرد وقول سألت فريق تقييم الوظائف عن المسميات المتوفرة على الدرجة 14 ونقدر نأخذها وطلع ما في إلا مسميين Snr. Foreman / Controller Maintenance لكن في مشاكل راح تصادفنا على المسميين وهي:

    1-المسميات مو موجودة في كل الفرق بالإضافة إن اللي عنده دبلوم إداري ما يقدر يأخذ مسمى الـ Snr. Foreman وبجذي مو الكل يقدر يستفيد منهم.
    2-التدوير بين المناطق: ولأنه التدوير ما يصير إلا بين الموظفين اللي على نفس المسمى راح تكون في مشكلة مع الموظفين الفنيين الأصليين (Snr. Foreman) اللي شغالين بالورش والسناتر واحنا شغالين بالمكاتب وشغلنا غير عن المسمى.
    3-الكورسات الخارجية للدرجة 14: (اسبوع لدول أوروبا أو اسبوعين للدول العربية) المشكلة بأنه الموظف ما يطلع كورس إلا على حسب مسماه الوظيفي فشلون راح نطلع كورسات فنية واحنا إداريين.

    كل اللي طالبينا مساواتنا مع الإداريين اللي في فرق عمل ( الموارد البشرية ، القوى العاملة ، تقييم الوظائف ، التعويضات ، التطوير ...الخ الخ) ، صار عندهم من بعد مسمى Controller =12 ، Controller I = 13 ، Snr. Controller =14

    والحل لمشكلتنا: Snr. Tech. Asst = 14 / Tech Asst I =13 / Tech Asst = 12

    وعلى فكره من يوميين كلمت النقابة بخصوص الموضوع ووعدوني إنه في إجتماعهم الياي مع الإدارية العليا واللي ارح يكون اليوم الأربعاء الساعة 10:30 راح يطرحون الموضوع.
    لذا نرجو دعم الموضوع لأنه يهم شريحة كبير من الموظفين والله كريم.
     
  2. مبارك المطوع

    مبارك المطوع بـترولـي جـديـد

    4
    0
    0
    الله يجزاك خير يالحمادي بصراحه كلامك عدل ومنطقي


    يعني احنا عايشين بالشركه طول عمرنا ان احنا Tech. Assist وعلساس ان احنا ادارين ومالنا شغل بأي شغله فنيه ،،، والحين يصدمونا ان احنا فنيين


    لا وحاكرينا فني وتشتغل اداري وما يحق لك تتسمى بمسميات فني




    كبير يالحمادي على هالموضوع الطيب
     
  3. حسين

    حسين بـترولـي نشيط

    59
    0
    0
    الحين اذا الواحد تغير مسماه لازم القريد يتغير معاه ولا موشرط يمكن يبقى على القريد نفسه مع تغير المسمى؟
     
  4. Al-Hammadi

    Al-Hammadi بـترولـي نشيط

    148
    0
    16
    مو شرط ويصير مرحلي وبعدين يأخذ قريد المسمى
     
  5. NokiaCity

    NokiaCity بـترولـي نشيط جدا

    الله يعطيك العافيه يالحمادي صراحه على هالتحرك و المبادرة منك و تمثيلك لنا عند النقابه لأن فعلا هالموضوع كان لازم واحد يطلع و يواجههم فيه ما يصير ننظلم على اساس مسمانا مسمى فني و فكرتك و اقراحك مأيدينك عليهم 100% و بانتظار رد النقابة

    و يا جماعه نبي الكل اللي يخصه هالموضوع يتفاعل و يعطينا تعليقه نبي النقابة ياخذون الموضوع بمحمل الجد و يتحركون بالمطالبه بهالمسمى اليديد Technical Assistant 1 حاله حال الـ Controller 1

    و ما راح نسكت الا لما ناخذ حقنا و تارقتنا يوصل 13 و السينير 14 غيرنا مو احسن منا


    وما اوصيكم نبي تفاااااااعل بالموضوع يا جماعه التكنكال اسستانت


    سر يالحمادي و نحن من وراءك ;)
     
  6. مبارك المطوع

    مبارك المطوع بـترولـي جـديـد

    4
    0
    0
    صحيح كلامك اخوي نوكيا ستي بصراحه انا تعجبني ردودك


    وما راح نسكت على هالموضوع


    واللي بيها بيها
     
  7. KOCkwt

    KOCkwt بـترولـي نشيط

    106
    0
    0
    كلامك طيب يالحمادى وراح نطالب وناخذ قريد 14 حالنا حال غيرنا والله ما يرضى بالظلم
     
  8. MR-SS

    MR-SS بـترولـي جـديـد

    1
    0
    0
    Technical Assistant
    kuwait
    يا جماعه ترى عندنا وايد حقوق ضايعه يعني مثل اليي توظفوا قبلنا بجم شهر اسسيهم اكثر منا
    التارقت للمسمى
     
  9. Al-Hammadi

    Al-Hammadi بـترولـي نشيط

    148
    0
    16
    (النقابة) : تم تأجيل الإجتماع مع الإدراة إلى الاسبوع القادم :(
     
  10. koc_dreams

    koc_dreams بـترولـي جـديـد

    3
    0
    0
    شكرا جزيلا يا اخ حمادي على طرح هذا الموضوع

    وعموما انا صارلي اكثر من سنه واتكلم بالموضوع مع تيم ليدر والكبير المهندسين الي عندنا وكل من ورا همه

    المهندس يركض على كادرة وحقوقه واحنا يا غافلين لكم الله

    اذا مدخل البيانا صار SNR . controler ويوصل لحد درجة 14 واحنا نوقف لحد 13 والله يا نا س ظلم

    يبيلها رجال مصعطة مرة يا خوي

    وهمتكم
     
  11. Al-Hammadi

    Al-Hammadi بـترولـي نشيط

    148
    0
    16
    وجه النائب سالم النملان سؤالا برلمانيا الى وزير النفط والاعلام الشيخ احمد العبدالله هذا نصه: تعتمد الشركات النفطية على معاملة الموظفين الاداريين على اساس مسمياتهم الوظيفية وليس على اعتبار شهادتهم فهناك الكثير من العاملين يعملون بوظائف السكرتارية او المساعدين الاداريين او المساعدين الفنيين وهم من حملة شهادة الدبلوم او الثانوية العامة او اقل الا ان مؤسسة البترول الكويتية اصدرت قرارا من خلال العضو المنتدب للشؤون الادارية والمالية يطلب فيه اعادة تقييم العاملين على هذه المسميات وغيرها من المسميات الادارية ومنح حملة الدبلوم فقط على درجات اضافية وليس على اساس المسمى الوظيفي مما سبب ارباكا وعدم مساواة بين العاملين في الشركات النفطية.
    لذا يرجى تزويدي بالاتي:
    -1 جميع محاضر اجتماعات اللجنة المناط بها موضوع اعادة تقييم العاملين في مؤسسة البترول الكويتية؟
    -2 يرجى توضيح اثر هذا القرار على المتضررين من اصحاب الخبرة الطويلة من حملة الثانوية العامة؟
    -3 هل سيتم عرض «نظام حوافز التقاعد المبكر» بشكل سنوي للعاملين ام ان هذا القرار تم اصداره ليتم عرضه لمرة واحدة؟
    -4 ما سبب تخصيص هذا القرار لدرجات معينة بدلا من تخصيصه لجميع العاملين ممن امضوا خدمة طويلة تتجاوز 30 عاما؟
    -5 هل قام العضو المنتدب للشؤون الادارية في مؤسسة البترول الكويتية بدراسة اي تعارض بين القرار الجديد المذكور والمادة «115» فقرة «أ» من قانون العمل في القطاع الاهلي الجديد 2010-6؟
     
  12. Al-Hammadi

    Al-Hammadi بـترولـي نشيط

    148
    0
    16
    السلام عليكم

    اليوم مريت فريقي عمل (شؤون العاملين ، وتقييم الوظائف) وسألتهم عن تصنيف مسميات المساعد فني وكبير مساعد فني ، إذا كانوا يعتبرون فنيين مثل ما قالو لي الموارد البشرية أو إداريين ، وكان ردهم واحد إحنا (إداريـــــــــــــــــــــــــين).
     
  13. المنصور

    المنصور بـترولـي خـاص أعضاء الشرف

    هالشي معروف من زمان

    ان المساعد الفني - اداري

    وهالشي مذكور في الوصف الوظيفي

    الشخص اللي قال انه يعتبر فني الظاهر انه غشيم وانه مشى على المسمى من حيث الشكل وأفتى انه فني

    واذا تبي ترجع حق موضوعكم الرئيسي

    ارجع الى فريق عمل التقييم الوظيفي - Job Evaluation Team

    لأنهم اهم اصحاب الاختصاص
     
  14. Al-Hammadi

    Al-Hammadi بـترولـي نشيط

    148
    0
    16
    السلام

    عيل ليش ما طبقوا علينا قرار المؤسسة واللي قال إنه الإداري الدبلوم و الثانوية وعلى حسب سنين الخبره يوصل لغاية الدرجة (14)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  15. الأحمدي80

    الأحمدي80 بـترولـي جـديـد

    26
    0
    0
    يااا ناس ماصارت .. شنو هالظلم اللي إحنا فيه .. لي متى يماطلون فينا جذي .. اللي يشوف حالهم يقول إن زيادة درجاتنا بتنقصهم منهم ..
    والله تعبنا وإلتزاماتنا كثرت .. لي متى يعني .. يبونا إنتظاهر وإلا شنو ؟؟؟؟!!!!!!!!!!!
     
جاري تحميل الصفحة...

مشاركة هذه الصفحة