مظلومة المؤسسة

الكاتب : PureDaimond | المشاهدات : 1,862 | الردود : 14 | ‏6 يوليو 2010
  1. PureDaimond

    PureDaimond بـترولـي جـديـد

    29
    0
    0
    [B]مرحبا يا جماعة في أحد يعرف شنو أسوي بموضوعي هذه يا ريت تقولولي


    آنا صارلي أكثر من سنتين ونص تحت التطوير وطبعا مدرائي ما قصروا إرفعولي ترقية بس وقفوها الشئون الإدارية عشان طبياتي أكثر من 30 يوم طبعا هذه اللوائح الإدارية نزلوها بشهر 3 وطبقوها بشهر 4 إشلون ما أدري الصراحة !!!!!! على فكرة إحنا ما عندنا أي علم باللوائح الإدارية الجديدة وكل ما نسأل أحد قالوا سري لا ما نقدر نعطيج.

    عموما العام الماضي سويت عمليتين دسك رقبة ولازم أرتاح ورى كل عمليه ثلاث اسابيع طبعا غير المراجعات ودخول المستشفى وأحيان آلام ما أقدر أقعد على المكتب قبل العملية

    إنزين شنو أسوي طلبت إعادة تصنيف المرضيات ردوا علي قالوا بعد مخاطبة مدير المستشفى لا يوجد تغيير على إعادة التصنيف

    إنزين شنو المخرج قلتلهم اييب تقرير من الدكتور يفيد إني سويت عمليتين ولازملي كان راحة سريرية بالفترة هذه قالوا لا ما ينفع

    إنزين حولوني مجلس طبي قالوا ما يفيدج

    إنزين منو يفيدني قالوا محد ولا تسويين أي شي لازم يمر عليج سنة كاملة بدون ما تاخذين مرضيات أكثر من 30 يوم

    رفعت تظلم حق لجنة التظلم صارلي شهر محد رد علي وكل ما أسأل يقولون ما إكتمل النصاب عشان يجتمعون

    إنزين وبعديييييييييييييين
    هل يعقل هذا الحل!!!!!!!
    خلاص إنسد الباب بويهي
    بس ما أقول إلا حسبي الله ونعم الوكيل
    [/B]
     
  2. aL- raSy

    aL- raSy إدارة المنتدى

    2,714
    0
    36
    هلابج يا مظلومة المؤسسه..

    اختي انا اللي اعرفه ان الطبيات و بالذات ( العمليات الجراحيه ) ما لها علاقه بالدرجه..
    و لا تعتبر عائق امام اي ترقيه..


    فعلن موضوعج محيّر..!!

    عندج حلين..
    1- كلمي مدرائج اللي رفعولج الدرجه.. على اساس يخاطبون الشؤون الاداريه بهالموضوع..
    2- اتجهي للنقابه..


    اخيرا.. الحمدالله على كل حال.. و بات مظلوم ولا تبات ظالم..
    و ارجو ان لا يفسّر كلامي.. بأنه تشجيع على الرضوخ للأمر الواقع..
    بالعكس.. طالبي بحقوقج و لا تيأسين.. و عسى الله يوفقج و ايسر امورج..
     
  3. PureDaimond

    PureDaimond بـترولـي جـديـد

    29
    0
    0
    مشكور أخوي على مشاركتك الأكثر من رائعة

    آنا موساكته كلمت النقابة من قبل ثلاث شهور وللحين الشخص اللي كلمته إهناك ما رد علي مع إنه دق الصدر وقال حاضر

    أما بالنسبة لمدرائي هم مو ساكتين بس ناطرين قرار لجنة التظلم وما يندرى شنو راح يقررون

    يعطيك ألف عافية
     
  4. fr9a

    fr9a موقوف

    84
    0
    0
    الله يكون بعونج..
    ويشافيج يارب..
    والحمدلله على سلامتج..
    وان شاء الله..تاخذين حقج
     
  5. PureDaimond

    PureDaimond بـترولـي جـديـد

    29
    0
    0
    الله يسلمك أخوي ومشكور على المشاركة الطيبة
     
  6. خلف الشمري

    خلف الشمري بـترولـي نشيط جدا

    169
    0
    0
    أولا : أسأل الله العظيم رب العرش العظيم أن يشفيك

    ثانيا : القسم المختص في الترقيات في دائرة التعويضات ينظر لهذه المرضيات ودائما يكتب أمام هذه المرضيات هل هيل نورمال أو عمليات جراحية

    وحسب كلامج حالتج تدش ضمن العمليات الجراحيه والنقاهه

    لازم تجيبين تقارير تفيد بهالكلام من الدكتور المختص وأتوقع مستشفى الأحمدي يفيدج بهالموضوع

    على العموم حسب كلامج حقج واضح بس بأثر رجعي ما أتوقع وإذا ما فاد دشي مع المؤسسة في المحكمه الإدارية أتوقع تكسبينها إذا طبياتج مثل ما تقولين

    بس لا يكون طبياتج تخللها مرضيات مكتوب فيها حراره أو غيره لازم كل الطبيات من دكتور مختص بحالتج ومذكور فيها حالتج وتطلبين تقرير لحالتج


    والله يوفقج آمين
     
  7. Workers

    Workers إدارة المنتدى

    7,767
    30
    48
    ذكر
    الكويت
    نفس ماقالو الاخوان ترا مو محسوبه المرضيات اللي ذكرتيها
    لائحة الترقيات تقول :

    1- الانضباطية بالعمل : معدل حصول الموظف / العامل على إجازات مرضية (باستثناء الإجازات الناشئة عن إصابة / حادث داخل أو خارج العمل، المرض الخطير، العمليات، الفترة السريرية في المستشفى وفترة النقاهة، المضاعفات الناتجة عن الحمل أو الولادة) وعدد أيام الغياب بدون عذر​
     
  8. سلومكو

    سلومكو بـترولـي مميز

    563
    0
    0

    أول شي الحمدالله على سلامتج وماتشوفين شر أنشالله

    ومأجوره بأذن الله

    أختي بالحاله هذي أللي حتى المسؤولين سدو الباب جذي

    يمكن رأيي غير منطقي

    ولكن أقول مالج حل غير أنج تحولين موضوعج رأي عام ..!!

    تحولينه للصحف عشان الكل يدري ويعرف بموضوعج

    ذيج الساعه يتسنعون ويعطونج حقوقج المسلوبه

    لأنه أحتمال قريدج عطوه حق موظف ثاني مايستحق وطمطمو وتسترو عالموضوع


    لاتخلين حقج لوشنو مايصير

    عمر العمليات ماصارت عثره أمام الترقيات والقريدات

    وعسى يوفقج أنشالله ويقويج عليهم,حسبي الله ونعم الوكيل
     
  9. PureDaimond

    PureDaimond بـترولـي جـديـد

    29
    0
    0
    مشكورين على ردودكم

    وآنا كنت رافعة تظلم حق لجنة التظلم وإجتمعوا معاي ووصلني الرد اليوم بالرفض

    الحين أبي أروح محكمة ادارية شلون الطريقة اللي يعرف يبلغني

    ولكم جزيل الشكر
     
  10. PureDaimond

    PureDaimond بـترولـي جـديـد

    29
    0
    0
  11. الكبير

    الكبير بـترولـي نشيط جدا

    187
    0
    0
    عندج 60 يوم تقدرين تروحين المحكمة الإدارية خلالها
    الطريقة :
    1) تحطين محامي وهو يقوم بكل شي
    أو
    2) تروحين بنفسج قصر عند ضباط الدعاوى وترفعين قضيتج

    انا أعرف زميل بالمؤسسة عنده خبرة ورافع قضية إدارية على المؤسسة بدون محامي ممكن يفيدج اكثر
     
  12. خلف الشمري

    خلف الشمري بـترولـي نشيط جدا

    169
    0
    0
    السالفه يبيلها محامي

    مطلع وفاهم

    وأنا بصراحه مريت أكثر من محامي وبالأخير لقيت واحد فاهم في قوانين المؤسسة

    مكتب المحامي بدر العتيبي

    عنده خوش مستشار إسمه حسام متخصص بترول

    روح إستشاره ترا الإستشاره بلاش ونصيحه لا تتعدى هالمكتب

    على فكره هذي مو دعايه ، كوني موظف في المؤسسة يعني زميل هذي نصيحه من أخو لإخته
     
  13. PureDaimond

    PureDaimond بـترولـي جـديـد

    29
    0
    0
    مشكورين وما قصرتوا يا جماعة
     
  14. سلومكو

    سلومكو بـترولـي مميز

    563
    0
    0

    الله يعينج ياأخت على اللي انتي فيه

    ومثل ماقالو الأخوان لاتتعبين انتي بنفسج

    وكلي محامي وريحي نفسج وبأذن الله يرجع لج حقج

    وأعتقد أتعاب الأمور هذي والمحاكم الأداريه ماتكلف ترا

    ولكن مثل ماقالو لاتتكاسلين خلال شهر رمضان لانه خلال 60 يوم يحق لج بس


    وعسى الله يوفقج انشالله ويعينج
     
  15. باش مهندس

    باش مهندس بـترولـي جـديـد

    6
    0
    0
    أنصحك يا أخت تسألين عن المحامي بدر العتيبي ، هذول ما ينفع معاهم إلا المحاكم .. صدقيني أنا مجرب هذا المحامي ، ولا تتعبين نفسك بالشكاوي حق أحد ، محد راح يفيدك صدقيني ، كل واحد يراكض حق نفسه وربعه ..
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    15,685
  2. المحرر النفطي
    الردود:
    0
    المشاهدات:
    1,302
  3. المحرر النفطي
    الردود:
    0
    المشاهدات:
    1,201
  4. المحرر النفطي
    الردود:
    0
    المشاهدات:
    899
  5. سالم الشمري
    الردود:
    2
    المشاهدات:
    1,640

مشاركة هذه الصفحة