منو الافضل الـ Koc .. ولا .. عقود المقاولين .؟

الكاتب : KUWAITI_999 | المشاهدات : 2,667 | الردود : 5 | ‏1 يوليو 2010
  1. KUWAITI_999

    KUWAITI_999 بـترولـي جـديـد

    36
    0
    0
    السلام عليكم

    انا موظف في القطاع الخاص ( عقود المقاولين ) وقدمت على شركة نفط الكويت KOC


    بس قالولي ترى راح يفرق معاك الراتب لان شركة نفط الكويت KOC رواتبها اقل بوايد من العقود ..!! صج هالكلام ؟

    انا مو مركز بس على الراتب .. لكن الكل يطمح بوظيفة مريحة و راتبها افضل

    اللي ابي تفيدوني فيه (ولا عليكم امر) :

    1- اوقع العقد مع شركة نفط الكويت ولا اتم على العقود ؟
    2- ومنو احسن ؟
    3- وشنو الفرق بين ال KOC والعقود ؟
    4- ابتدأ من جم يبدا الراتب للمهندسين ؟ ومساعدين المهندسين (الدبلوم) ؟



    والف شكر مقدماً
     
  2. IMeCH-E

    IMeCH-E بـترولـي جـديـد

    45
    0
    0
    اخوي عندي تعليق و ان شاء الله افيدك ...

    اول شي كل مكان و له ميزاته و انت شوف الي يناسبك هذا الاهم ..

    بس انت تقول تدور الراحه و الراتب ...

    الرواتب بالعقود تكون شوي اعلى لان يمشيلك دعم العماله تقريبا 400 دينار اضافيه و لكن الراتب الاساسي لل KOC يكون اعلى يعني يمكن الفرق يكون 200 دينار او ساعات شوي اكثر

    و لكن العقود دوامها متعب ... و اخرتها بينتهي العقد و بترد تقدم من اول يديد ...

    انا اقول و من خبرتي ال KOC و غيرها من الشركات الحكوميه او جزء حكوميه افضل بوايد ... ليش ؟

    1 - راح تمشي على نظام القريدات ...
    2- راح يمشيلك بونس و مكافات سنويه
    3- دوام ثابت و ان شاء الله طوال العمر
    4- في مجال تترقى و تمسك منصب ( مع المده الطويله )
    5- ما تحاتي تتفنش لا سمح الله و تتوهق مع اقساظ او غيره من التزامات
    6- طبيعة العمل و مكان العمل ثابت
    7- قانون العمل متظبق و انت مرتاح ماله داعي تروح تقاضي و تراجع و تظالب بحققوقك ...
    8- الشركات الحكوميه متعودين على الموظف الكويتي و المعامله المظلوبه

    والله ولد عمي اوصلك المميزات الا الالف اذا تبي بعد ...

    العقود جيده و لكن لفتره قصيره ... او بحالة انك قاعد تكمل دراستك او شي من جذي

    افيدك بمعلومه ... تره العقود ما ياخذذون كويتيين الا لانهم مجبورين بنسبة عمالة كويتيه ...

    و اذا جالك عقد من koc انا اقول امسك و وقع و انت مرتاح و توكل على الله و ان شاء الله بالتوفيق و اتمنالك كل خير

    و اذا حاب تستفسر عن معلومات اضافيه رد على الموضوع و ان شاء الله انا مع الاخوان راح نفيدك

    و هذا رايي و يمكن في اراء مختلفه

    بالتوفيق لك و لغيرك ان شاء الله
     
  3. الــسميرون

    الــسميرون بـترولـي جـديـد

    41
    0
    0
    أخـوي كويـتي 999 ..
    أنـا مقـدم علـى نظـام العقـود وبـما أنك من أهـل نظـام العقـود ابـي أعـرف عـن طبيـعه دوامـهم ؟
    يعنـي نفـس ساعـات العمـل الحكوميـه ونفـس أجازاتـهم والعطـل الرسميـه ؟

    ولأنـي أفكـر أدرس وجـذي .. وأنـا سمعـت أن أذا اثبـت كفـائتـك فـي الشـغل وشافـوك ممـتاز ينسـبونك للشركـه يعنـي تصيـر واحـد منهـم وفيـهم ويـلغون لـك العقد وتصـير على طـول وويـاهم يعـني راح تـكون تبـع الموؤسسـه وليس للشركـه هـذا اللي عرفتـه وفهمتـه ..
    والله يـوفقـني ويوفقـك يارب .. أمين
     
  4. KUWAITI_999

    KUWAITI_999 بـترولـي جـديـد

    36
    0
    0


    رحم الله والديك .. كفيت و وفيت

    بس اذا عندك فكرة عن علاوة الزوجية وبدل الايجار اشلون طريقتهم ؟ يعني شنو يزيد المتزوج عن العزب ؟


    وماقصرت .. وعسى عمرك طـــــويل
     
  5. KUWAITI_999

    KUWAITI_999 بـترولـي جـديـد

    36
    0
    0

    عزيزي

    طبيعة شغل (العقود) على حسب مسماك الوظيفي .. والدوام الرسمي من 7:00 لـــ 3:00 بس يرخصونك ابجر اذا كان مسئولك زين ..

    الاجازات 35 يوم .. وعلى حسب عقدك مع منو اذا كان عقدك مثلاً مع الـ KOC تعطل معاهم بالايام الرسمية مثل العيد والراس السنة والعيد الوطني .....الخ


    وسالفت انك اذا ثبت وجودك هذي قالوها لي انا ومجموعة من الشباب اللي وياي بالعقود

    وصار لنا سنتين نسجل تقارير ودوامنا تمام من 7 لي 3 وهذا احنا ماتغير علينا شي .. بس كلام .. فالبداية يحطون لك

    الشمس بايد والقمر بايد عشان توقع العقد

    انا مابي أأيسك لكن هذا اللي صار معنا .. بس الحين العقود اليديده من شهر 6/ 2009 وفوق عدلوها


    بس انت قبل لاتوقع العقد اقراه كله عشان يكون عندك علم بكل شي .. ضروري ..


    وهذا الرابط للعقود اليديده http://www.q8ow.com/vb/showthread.php?t=30108


    وآسف عل اطالة .. وانشاء الله اكون فدتك
     
  6. الــسميرون

    الــسميرون بـترولـي جـديـد

    41
    0
    0
    الله يعـطيـك الــف عافيــه اخـوي كـويـــتي عالمـعلــومـات ..
    يعنـي شـركه koc الأنسـب لـي .. والله يـوفقــك ومـاقصـرت ..
    أشكــرك ...
     
جاري تحميل الصفحة...

مشاركة هذه الصفحة