المتقدمين لاعلان الهيئة العامه للصناعه ضروري يدشون

الكاتب : كويتيه | المشاهدات : 33,660 | الردود : 206 | ‏1 يوليو 2010
  1. كويتيه

    كويتيه بـترولـي جـديـد

    السلام عليكم اخواني وخواتي

    الله يوفق الجميع

    عندي استفسار منو مقدم على اعلان الهيئة العامه للصناعه?? لانهم بدوا الاختبارات في مركز التدريب البترولي

    دزوا مسجات علي المتقدمين بمواعيد الاختبارات

    انا اختباري يوم الاحد بس متوهقه ومو عارفه بشنو

    اختبارهم الانجلبزي المره اللي طافت صعب

    احد يفيدنا

    ومشكورين
     
  2. Q8ia-Engineer

    Q8ia-Engineer بـترولـي نشيط

    57
    0
    0
    الأخت كويتية
    الله يوفقج يا رب. ممكن نعرف شنو تخصصج؟ و شلون كان امتحان الهيئة العامة للصناعة؟
    انا بعد مقدمة بس ما استلمت اي شي منهم بخصوص الامتحان...
    يا ليت تفيدينا...
     
  3. shaikha

    shaikha بـترولـي نشيط

    64
    0
    0
    انا مقدمه واختباري 7\8 ومادري شلون طريقة الاختبار هل اسئله عامه او انجليزي قواعد؟؟
     
  4. shaikha

    shaikha بـترولـي نشيط

    64
    0
    0
    شلون معاشاتهم هل المكان زين؟؟؟
     
  5. Q8ia-Engineer

    Q8ia-Engineer بـترولـي نشيط

    57
    0
    0
    الله يوفقكم يا رب :)
    بس يا ليت تذكرون لنا التخصص. عشان نعرف مواعيد الاختبارات حق كل وظيفة. أنا أعرف مجموعة من المهندسات مقدمين على الهيئة العامة للصناعة بس محد دق عليهم و لا استلمو مسجات بخصوص الامتحان.
     
  6. shaikha

    shaikha بـترولـي نشيط

    64
    0
    0
    انا تخصصي دبلوم ادارة اعمال
     
  7. Gunners

    Gunners بـترولـي جـديـد

    47
    0
    0
    S.G
    kuwait
    السلام وعليكم جميعا

    حاب استفسر بخصوص التقديم بالهيئة العامة للصناعة .. شلون طريقة التقديم ووين ؟؟

    لأني بقدم حق زوجتي وهي عندها دبلوم سكرتاريه من التطبيقي ... ؟

    يريت تفيدونا
     
  8. shaikha

    shaikha بـترولـي نشيط

    64
    0
    0
    اخوي راح ينزلون اعلان علي اساسه تقدم وطبعا بعد ماتقدم تنطر 6 اشهر يالله يدقون عليك وبعد الاختبار هم تنطر نفسهم 6 اشهر اذا عديت الاختبار خذوها واسطتك خلها قبلكككككككككككككككككككككككككككككككككككككككككككك ضروري
     
  9. Q8ia-Engineer

    Q8ia-Engineer بـترولـي نشيط

    57
    0
    0
    ايه والله حتى أنا سمعت نفس الشي ... 6 أشهر على ما يدقون و بعد الاختبار هم ننطر 6 أشهر عشان المقابلة.
    والله عذااااااااااب ... سنة كاملة ننطر عشان وظيفة؟ و يا تصيب يا تخيب ...

    الله يوفقنا أجمعين ....
     
  10. NaHLa86

    NaHLa86 بـترولـي جـديـد

    12
    0
    0
    انا امتحنت تاريخ 12-7

    عبارة عن امتحانين

    امتحان قدرات وامتحان انجليزي

    وموفقين ان شاءالله :)
     
  11. shaikha

    shaikha بـترولـي نشيط

    64
    0
    0
    اخت نهله شنو نوعية اسئلة امتحان القدرات؟؟؟؟؟وموفقه يارب
     
  12. Caizak

    Caizak بـترولـي جـديـد

    4
    0
    0
    أنا قدمت عليها مع نزول الإعلان
    وليومكم ما في حس ولا خبر منهم :)
     
  13. عطر

    عطر بـترولـي جـديـد

    13
    0
    0
    حتى انا قدمت بس ماادري احس خبصت الدنيا و طلعت مادري ليش

    ماابط جبدي غير امتحان القدرات و سالفة الوقت اللي مايمديك تقرا السؤال الا الوقت خلص

    مادري شنو كتبت كنت نعسانه و مقفله لوول

    الله كريم
     
  14. Eng_3li

    Eng_3li بـترولـي جـديـد

    انا قدمت مع الناس
    وامتحنت مع الناس
    بس مادري شسالفة هالهيئة!
    و لا ادري جم رواتبهم!

    لكن بعرف ، ليش كل الدنيا مقدمين عليهم ؟
     
  15. Q8ia-Engineer

    Q8ia-Engineer بـترولـي نشيط

    57
    0
    0
    السلام عليكم

    أخوي المهندس علي انت متى امتحنت؟ أنا اللي أعرفه أن للحين ما وصلو لين تخصص الهندسة؟ لان اهما ماشين حسب التخصصات ... لو سمحت انت هندسة شنو؟

    و موفقين يا رب :)
     
  16. Eng_3li

    Eng_3li بـترولـي جـديـد


    يا هلا اختي..
    انا امتحنت قبل شهر تقريباً
    و تخصصي هندسة ميكانيكية (جامعة الكويت).

    والله مادري شنو نظامهم، اذا يمشون على التخصصات ولا لأ
    لكن اللي متأكد منه ان موضوعهم فيه طوالة...
    عشان جذي انا متوظف و خالص بشركة خاصة
     
  17. Q8ia-Engineer

    Q8ia-Engineer بـترولـي نشيط

    57
    0
    0
    مشكور و ما قصرت أخوي المهندس علي
    أنا كلمتهم الاسبوع اللي فات و قالو ان اهما ماشين على حسب التخصصات و للحين ما وصلو تخصصي. أنا تخصصي هندسة صناعية (جامعة الكويت) و عندي ماجستير إدارة أعمال من برة الكويت.
    أنا بعد سمعت أن موضوعهم مطول و راح ياخذ 6 أشهر تقريبا...

    عالعموم الله يوفق الجميع :)
     
  18. msa

    msa بـترولـي نشيط

    أختي بخصوص إمتحاناتهم صح السالفة تتطول شوي يعني من التقديم لي إمتحان الأنكلش والقدرات 6 أشهر طبعا الإمتحانين الإنكلش والقدرات بنفس اليوم ساعة أنكلش وساعة قدرات إمتحان الإنكلش نفس إمتحانات الkpc بالضبط يعني 100 سؤال إختياري بساعة وحدة وإمتحان القدرات سوالف ذكاء وتركيب وتركيز وذكاء يعني صفحة فيها 8 أسئلة مثلا تحلينهم بنص دقيقه طبعا الأسئلة حيل سهله بس المشكلة تبي السرعه وعالعموم إمتحاناتهم سهلة والله يوفقكم وبعد هالإمتحانات تنطرون أقل من 6 أشهر بعدها مقابله شخصية وأقل من شهرين بعدا يدقون عالمقبولين والله يوفق الجميع
    وأي شي تبونه أنا حاضر لأني موظف بالهيئة العامة للصناعة وسلامتكم
     
  19. q8ty-9moo7

    q8ty-9moo7 بـترولـي جـديـد

    14
    0
    0



    اخوي ياليت تفيدنا اذا نجحت بالاختبار القدرات والانجليش هل يعني اني انشالله مقبول ؟؟؟
    انا سمعت ان اهم شي تعدي الاختبار :confused: والمقابله يعني مايسقطوون احد
    هل صحيح هالكلام وجزاك الله خير
     
  20. msa

    msa بـترولـي نشيط

    أهو أكيد لازم تعدي وتنجح بالإمتحان بس هذا مو معناته أنك تنقبل على طول لأنه أهم ياخذون أعداد محدده حق كل تخصص ما ياخذون الكل
     
جاري تحميل الصفحة...

مشاركة هذه الصفحة