خريجين كلية south tyneside

الكاتب : mariner700528 | المشاهدات : 964 | الردود : 6 | ‏30 يونيو 2010
  1. mariner700528

    mariner700528 بـترولـي جـديـد

    15
    0
    0
    ليش وزارة التعليم العالي مو راضية تعتمد شهايد خريجين كلية south tyneside البحرية؟
    والي تخرجو منها ورين راحو؟ توظفو على ظهر الناقلات ولا شنو سوو؟
    أنا وربعي خريجين ثانوية والحين احنا نجهز علشان نقدم على هالكلية...
    بس ليلحين ماسمعت ولا خبر يبشر بالخير بخصوص التخرج والشهادة..*
    ليش الكلية فيها شي؟ هل مستواها ضعيف؟ ما أعتقد أن الشركة راح تدز طلبة يدرسون فيها اذا كان مستواها ضعيف رجاء الي يعرف يفيدني..http://www.q8ow.com/vb/images/smilies/cool.gif
     
  2. nagror_maqhor

    nagror_maqhor بـترولـي جـديـد

    37
    0
    0
    الكلية من اقدم الكليات البحرية في العالم و مستواها قوي و انا متخرج منها. موضوع الاعتراف هذا بين الشركة و التعليم العالي مضبطين الوضع بينهم انه ما يعترفون فيها عشان لا تتوظف بمكان ثاني بعد ما تتخرج على حساب الشركة. يعني بتنسجن هني معانا. بس انتا رايح هناك على حسابك ولا بعثة من الشركة ؟
     
  3. Marinor

    Marinor بـترولـي نشيط

    55
    0
    0
    الجواب:

    التعليم العالي يعادل الشهادات كدبلوم عالي وطني Higher National Diploma (سابقا نفس الشهادة كانت تعادل بكالريوس) إذا كملت البكالريوس في نفس الكلية أو أي جامعة أخرى معترف فيها راح تعادل شهادتك بكالريوس من قبل التعليم العالي.

    إللي تخرجوا راحو أماكن وايد ويعينون على درجة بكالريوس في الناقلات

    إنت وربعك خريجين ثانوية وتبون تسجلون في الهيكلة !!!!

    الكلية مافيها شي ، كلية عريقة ، والطلبة الموجودين فيها مبتعثين من شركات ومؤسسات عالمية مثال BP و Shell و RFA و تقريبا كل الشركات البحرية النفطية الخليجية و P&O وعد وخربط

    وحياك الله
     
  4. mariner700528

    mariner700528 بـترولـي جـديـد

    15
    0
    0
    ..

    مشكوريين بيض الله ويوهكم على الردود..
    اذا الشركة نزلت اعلان بعثة بنروح على حسابها...واذا مانزلت رحنا على حسابنا أي كلية قوية معتمدة من الوزارة..يعني مو اكاديمية الاسكندرية :rolleyes:
    أما سالفة تضبيط الشركة مع التعليم العالي عاادي...انت بالكويت صل على النبي :p
    بس أنا خابر أن الشركة نشيطة وبواخرها يديدة ...مادري شنو الي يخليكم تبون تطلعون منها ؟

    للأخ الي يسأل ليش انا بقدم عالهيكلة مشكوور على ردك :)..بس أنا كاتب بقدم على هالكلية مو على الهيكلة ..عادي القراءة التصويرية وأعراضها الجانبية :p
     
  5. nagror_maqhor

    nagror_maqhor بـترولـي جـديـد

    37
    0
    0
    انا حاولت اعادل شهادتي في التعليم العالي من قبل 4 سنين و ليلحين ماكو شي و طنشو و الشركة قاعدة تجدد اسطولها و نشالله بعد 4 سنين اغلب الاسطول يكون يديد.
     
  6. mariner700528

    mariner700528 بـترولـي جـديـد

    15
    0
    0
    ..

    عاد قبل يومين كنت بمبنى وزارة التعليم العالي قاعد أشوف حاطين بالقائمة عندهم تخصص هندسة بحرية بنفس الجامعه...أنا بس رحت اتطمش لأني مابي هندسة أبي ملاحة... بس اذا أهم دزو طالب على الجامعه غصبا عليهم يعتمدون شهادته..أدري تناقض لوول
     
  7. Marinor

    Marinor بـترولـي نشيط

    55
    0
    0
    كلامك مو واضح ! تبي تروح على حسابك ولا على حساب الشركة؟

    عزيزي علشان ما نضللك

    ترى الشغل في البحر صعب شوي والراتب غير مجزي مقارنة برواتب موظفين القطاع النفطي

    إذا اخترت مجال الملاحة راح تكون فرصك قليلة برة شركة الناقلات

    إذا تم ابتعاثك عن طريق الشركة راح تدرس دبلوم +ليسن بحري لأن الشركة والقوانين الدولية ما تحتاج إن يكون عندك بكالريوس وبالتالي التعليم العالي راح يعادل شهادتك كدبلوم

    والله يوفقك
     

مشاركة هذه الصفحة