استفـسأر بخصـوص الاريـآق

الكاتب : 7amad al3jmi | المشاهدات : 2,832 | الردود : 24 | ‏29 يونيو 2010
  1. 7amad al3jmi

    7amad al3jmi بـترولـي نشيط

    101
    0
    0
    السلام عليكم ورحمة الله وبركاته

    شبآب عندي استفسار بسيط

    بالنسبه للأرياق التابعه للشركة الكويتيه للحفريات ( kdc )

    بغيت اعرف احسن المواقع بين هالمكانين وين ( برقان او الاحمد ) ..؟

    ياليت اللي عندها خبره يفيدنا وشلون الوضع بالريق

    وتسلـــمون
     
  2. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    هلا اخوي 7amad al3jmi وحياك الله ,,,

    استفسارك يقول = بغيت اعرف احسن المواقع بين هالمكانين وين ( برقان او الاحمد ) ..؟

    اذا قصدك برقان أو الاحمدي ؟؟ ترى الرق (( ماله مكان ثابت )) !!

    يعني على حسب مكان البير اللي بيشتغل فيه سوآ شمال او جنوب الخ ......

    وبالنسبه للوضع بالريق ((( لاتعليق ))) بتداوم انشاالله وبنسمعها =---> منك :)


    وبالتوفيييق انشاالله ,,




     
  3. 7amad al3jmi

    7amad al3jmi بـترولـي نشيط

    101
    0
    0
    ((لآتعليق)) <<< هذي اما وراها بلاوي او وراها بلآوي :D

    اشكر مروك يـ العووود والافاده



    نبي توضيح اكثر ياشباب للي يدآوم بالريق
     
  4. IMeCH-E

    IMeCH-E بـترولـي جـديـد

    45
    0
    0
    السلام عليكم,

    اخوي حبيت افيدك بس ماني عارف شنو شهادتك ...المهم راح اشرح نظام الدوام

    ال Rig يكون نوعين ... حفر Driliing او صيانه و تبديل Maintenance and Workover

    ريق الحفر يكون ثابت مكانه بفتره تتراوح بين شهرين و ست شهور

    و ريق الصيانه يكون ثابت بين ال يومين و اسبوع او احيانا اكثر

    الدوام بشهادة اقل من المهندس كالتالي:

    Restabout - عامل حفر : تقوم باعمال التنظيف و مراقبة الموقع و البلاغ غن اي اضرار و التدريب و فهم الية التشغيل و تكون فترتها على حسب شغلك و معاملتك مع المسؤل عليك و يسمى ( Tool Pusher )

    بعد اجتياز هذي المرحله ( 3 - 6 شهور ) تترقى الى :

    Floorman - موظف على الريق : تقوم بربط البايبات و نقل الادوات و الاتصال مع الحفار Driller لتكون عملية الرفع و النزول سلسه و ترتيب الوظائف الي عليك و التنسيق مع المسؤول

    هذي المرحله اساسيه و يمكن تكون ثابت فيها لفتره طويله على حسب شغلك ( 6 شهور - سنه ) و بعدها تترقى مرحله بعد الاخرى

    اذا كنت مهندس:

    تشرف على العمال و تتابع التقارير

    تتعامل مع الشركات الخارجيه الي يسوون سيرفس على الرق للتنظيم

    مراجعه البيانات مع المسؤول على الموقع

    يكون لك مكتب كيربي متنقل بجانب الموقع فيه كمبيوتر تسجل فيه المعلومات المطلوبه


    عموما الدوام متعب مهما كانت شهادتك و المواقع متنقله باستمرار, و اذا كان في انتقال تنجبر في الاوفر تايم OverTime

    بالنسبه للرواتب تعتمد على حسب الشركة و الموقع و الشهاده

    و اذا حبيت تستفسر عن اي معلومات اسال و انا حاضر انشالله بجاوبك
     
  5. 7amad al3jmi

    7amad al3jmi بـترولـي نشيط

    101
    0
    0



    اخوي IMeCH-E

    وآآفي وشرحـك وآآفي .. كفيـت ووفـيت


    انا شهآدتي ثانويه عآمه .. وانقبلت بالـ KDC

    بدآية الامر مثل ماتفضلت رآح اتعين تحت مسمى Restabout ( عامل حفر )

    طيب انا عندي كم استفسار بخصوص هالشغله

    رآتب الـ Restabout بالشركه الكويتيه للحفريات 388 + 100 بدل سكن = 480 طبعا من غير دعم العماله

    ابي كم يزيد الراتب بعد ما اترقى لـ Floorman والترقيات اللي بعدها

    وبما ان الدوام 12 ساعه .. هل يحسب لي اوفر تايم .. لأن اللي اعرفه ساعات العمل الاساسيه هي 8 ساعات حسب اعتقادي .. طيب هل يحسب لي اوفر تايم بما اني اداوم 12 ساعه ..؟

    وهل التأمين الصحي يشملنا اللي متوضفين عن طريق العقود

    والسموحه كآن ثقلت عليك ..


    ارق تحيه
     
  6. IMeCH-E

    IMeCH-E بـترولـي جـديـد

    45
    0
    0
    طويل العمر انا ما ابي افتيلك على الاوفر تايم و كل شركة لها نظامها الخاص ... و لكن كموظف كويتي راجع قانون العمل ... و اذا ماني غلطان اذا داومت 12 ساعه فالشركه مجبوره تعطيك اوفر تايم ...

    بالنسبه للتامين الصحي راجع العقد الي عندك و اذا لك حق فطالب فيه

    و الزياره عند الترقيه تختلف من شركه الى اخرى, حسب خبرتي 15% من الراتب

    و ان شاء الله موفق و بالعكس ما ثقلت و حاضرين

    و اذا تذكرت لك شي مني مناك هم تعال و اسال و حاضرين
     
  7. 7amad al3jmi

    7amad al3jmi بـترولـي نشيط

    101
    0
    0
    تسلم اخوي IMeCH-E ومآقصرت


    اشكرك على المعلومات وبيّض الله وجهك


    دمت بحفظ الرحمن
     
  8. حزب الكويت

    حزب الكويت بـترولـي جـديـد

    29
    0
    0
    السلام عليكم

    اخوى الفاضل بالنسبه للعمل في برقان او المناقيش او حقول الشمال كلها نفس الشغل ولكن المسافه اهيا اللي تفرق

    يعني برقان او المناقيش كلها من 30 الي 45 دقيقه اما حقول الشمال الصابريه والروضتين تقريبا ساعه و45 دقيقه والرتقه والعبدلي تقريبا ساعتين وربع ولكن كل الارياق نفس الشي

    والنسبه لشغل الارياق في نوعين يا حفر دريلنق او سيرفس صيانه وورك ئوفر

    اما بالنسبه للزياده بين عامل الحفر والفلورمات تقريبا 35 دينار بس

    والنسبه لعدد الساعات مافي اوفر تايم هالشركات كلها تضحك علي الشباب اخلونك توقع علي عقد اقولك بنعطيك راتب 388 و100 بدل سكن هههههههه طيب وين الاوفر تايم اللي فوق 8 ساعات يوميا الدوام بالارياق 12 ساعه لو تشوف العقد زين تلاقي مذكور فيه 388 و100 بدل ايجار شامل الاوفر تايم بوق اشكره وبالنسبه للتامين الصحي مافي تدرى شنو يعني تامين صحي يعني انت وزوجتك واعيالك تتعالجون في اى مستشفي بالفلوس مجانا علي حساب الشركه وطبعا هذا مستحيل لو تحج البقر علي قرونها ههههههه
    وبالنسبه للترقيات للكويتيين طبعا انسا وابتسم

    وتبون المفاجأه تدرون ان هالشركات قاعده تسجل الكويتيين بالشؤون علي اساس ان الكويتي يداوم بمقر الشركه مو الارياق تدرون ليش علشان ما يدفعون لكم بدل طريق او بدل خطر ام تامين صحي والمفروض يمشي لكم بدل طريق اللي هالشركات ما توفر لكم سيارات صح ولا لا وكل الكويتيين يروحون بسياراتهم الخاصه ولا قدر الله اذا صار حادث لا سمح الله منو يتحمل المسؤوليه شركه النفط لان التعيين تم عن طريقهم ولا الشركه المقاول لانها ما وفرت سيارات لنقل الموظفين ؟؟؟ يجب علي جميع الكويتيين العاملين في القطاع الخاص التقدم بشكوى في الشؤون علشان تاخذون حقكم بالكامل ....
     
  9. IMeCH-E

    IMeCH-E بـترولـي جـديـد

    45
    0
    0
    يالغالي الله يعينك والله , لكن الظاهر الشركة الي انت فيها ضالمتكم .... تره في وايد شركات تشتغل على الحفريات و منها الزين و على قولتك في منها المو زين ...

    و انا كنت اشتغل في شركة برقان للحفر و كنت استلم 715 + دعم العماله على شهادة الثانوية

    فما ادري والله من وين انت جايب الرقم 388 + 100 ؟؟ انا مو قاعد اقول انك مالف بالكلام ... و لكن ياخوي كل شركة تفرق عن الثانية

    بالتوفيق للجميع ان شاء الله
     
  10. IMeCH-E

    IMeCH-E بـترولـي جـديـد

    45
    0
    0
    و اسمحولي انا شرحي كان عام و ما كنت اتكلم عن شركة معينه بالشرح
     
  11. 7amad al3jmi

    7amad al3jmi بـترولـي نشيط

    101
    0
    0


    اخوي IMeCH-E ..

    بالنسبه لشركة برقان انا عارف ان معاشاتها 715 + 360 دعم العماله... بس اللي اعرفه انها شامله الاوفر تايم وشامله الزيادات
    بستثناء زيادات المسمى .. على ما اعتقد يعني ماني متأكد من الكلام



    وبالنسبه لشكرتنا الموقره .. انا يامحآكيك للحين ماباشرت عمل انا ووياي كم رجال خلصنا امورنا ووقعنا عقدنا
    آخر شي قالوا ( الريق اللي حطيناكم فيه .. مايدخلونه كويتيين ) وبيني وبينك انا قمت احس ان السالفه فيها لف
    ودوران واجد ..
    وبالنسبه للرقم اللي تقول من وين جايبه .. ( هذا بند من بنود العقد اللي وقعناه )

    والبند يقول :

    يقبل الطرف الاول تعيين الطرف الثاني القابل لذلك بوظيفة " مساعد حفار متدرب "
    بأجر شهري قدره 388 دينار كويتي + 100 دينار بدل سكن .. طبعا + 360 دعم العماله



    يعني لو بطآلب بحق من حقوقي .. ما اقدر .. ليش ..؟
    لأني للحين ماباشر عمل فـ من وين لي الحق .. هذا المقصد

    ولو فيه احد يدآوم بالـ KDC ياليت يجي يقولنا وينورنا شنو الظلم اللي وقع عليه

    اشكرك اخوي IMeCH-E واشكر مآدخلتك

    تحيآتي
     
  12. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    انا اقولك من وين جايب الرقم 388 + 100 ؟؟

    انا موظف بال K,D,C والرقم اللي اذكره اخونا / حزب الكويت صحيح وهذا اللي استلمته اول دوامي ..

    يعني ال Restabout بالشركة الكويتية للحفريات مو شركة برقان !!

    يستلم 388 + 100 بدل سكن / ودعم العماله (على حسب الشهاده)





     
  13. 7amad al3jmi

    7amad al3jmi بـترولـي نشيط

    101
    0
    0
    حياك الله اخوي العووود واشكرك على التوضيح

    ياليت بس توضح لنا بعض الامور :

    - كم صارلك بالشركة

    - عطنا نبذه مختصره عن طبيعة عملك

    - كم زاد راتبك خلال الفتره اللي عملت فيها

    - محسان الشركة اذا فيها محاسن

    - هل يمشيلك اوفر تايم والا لأ ..؟


    واشكرك علىى المرور
     
  14. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي



    - صارلي 8 سنوات تقريبآ .

    - طبيعة العمل = شغل 12 ساعه وعلى حسب وظيفتك (الشغل مايوقف) .

    - الزيادة على حسب الترقيات .

    - للأسف لاااايوجد فيها محاسن .

    - بالنسبه للأوفر تايم .. متنازل عنه حق اللي فوق !!
    تعرف معاشاتهم مو ذاك الزود وماعندهم شركات والبونص اللي ياخذونه حده ضعيف ومايتعدى 50 ألف !!!
    (زقوم) انشاالله :)




     
  15. IMeCH-E

    IMeCH-E بـترولـي جـديـد

    45
    0
    0
    السلام عليكم,

    والله يا اخواني الله يعينكم ان شاء الله و يعطيكم الف عافيه

    و سامحوني اذا خذيتوا كلامي بحساسيه انا ما كنت اقصد ... و ما كنت ادري انكم متوظفين ...

    تدري يالغالي وايد ناس قبل لا تتوظف تسمع براتب من احد و خلاص تصدق ... و لكن اذا هذا الوضع عندكم بالشركة شلكم فيها ... ليش ما تحاول تنتقل او تقدم اماكن ثانيه و اذا جالك نصيب توكل على الله

    عموما بالتوفيق للعموم
     
  16. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    هلا اخوي / IMeCH-E ... سامحوني اذا خذيتوا كلامي بحساسيه انا ما كنت اقصد ...
    و ما كنت ادري انكم متوظفين ,,

    مسموح يالغالي وتطمن ماخذينا كلامك لا بحساسيه ولا غيره ,,

    وشي زين منك اخوي انك تسأل وتستفسر من هالوظيفه قبل لا تقدم عليها وتنصدم بشي انت ماتبيه .

    وبالنسبه لسؤالك (( ليش ما تحاول تنتقل او تقدم اماكن ثانيه و اذا جالك نصيب توكل على الله )) ؟؟؟
    الله يعلم عن الظروف اللي مانعتني ..!! وعلى قولتك = اذا جا نصيب !! :(
    وانشااااااااالله قريب .




     
  17. يارب أرزقني

    يارب أرزقني بـترولـي نشيط

    86
    0
    0
    مرحبا اخوي حمد العجمي

    ابي اسالك انت دوومت او لا ومتى راح يخلونك تداووم

    لاني مثلك قاعد انطر سويت الفحص ووقعت العقد لحد اللحين ماادقو علي اداوم

    وانا انقبلت في الي دي سي
     
  18. 7amad al3jmi

    7amad al3jmi بـترولـي نشيط

    101
    0
    0


    والله ياخوك كلنا بالهوى سوى على قولتهم

    فحصنا ووقعنا العقد وخلصنا امورنا كامله من التأمينات ودعم العماله .. وخذوا بطايقنا المدنيه الاصليه عشان التصاريح.. لهم اسبوعين وهي عندهم

    وقالوا انتوا راح تداومون بالصابريه .. هذا الكلام يوم وقعنا العقد .. لكن مدري شصار عقب قالوا لا راح ننقلكم
    لـ ريق ثاني ... السالفه فيها لف ودوران واجد .. انا اتوقع مافي دوام الا اول رمضان ..

    ليش ..؟ لان اغلب الموضفين هناك بيكونون بأجأزه وراح يصير نقص عشان كذا بيأخرون دخلتنا شوي ولا بدا رمضان دخلونا
    هذا مجرد استنتاج مني


    والله كلنا ملينا ياخوك مو بس انت .. نبي نسافر نبي نروح ونجي ومربوطين بهالشركه .. الله كريم ان شاء الله
     
  19. يارب أرزقني

    يارب أرزقني بـترولـي نشيط

    86
    0
    0
    والله انك صادق علقونا وبس والله مانقدر اروح اونسافر كله يخاف الواحد يدقون عليه وهو مو موجود
     
  20. 7amad al3jmi

    7amad al3jmi بـترولـي نشيط

    101
    0
    0
    يآجمآعه اقدر اروح للريق بسيارتي الخاصه .. مع العلم ان الريق بالصابريه ..؟

    وهل في تزريق او تنسيق بالدوام .. والا 28 يوم سمته وحده ..

    نرجوا الافاده
     

مشاركة هذه الصفحة