انعقاد الجمعية العمومية الغير عادية

السلام عليكم ورحمة الله

اخوى القناعة كنز

ابصراحة وليست مجاملة كلام كبير من رجل حكيم وماخليت لى شى اقولة
كفيت ووفيت ونشكرك على حرصك على الترابط وانصاف الحق

وفكرة الجمعية العمومية على قولتك مرفوضة انا معك فراى

 

السلام عليكم


اخي القناعه كنز


انا لا أؤيد كلامك اتعرف لماذا .؟؟؟؟؟


لان اتكلم عن القائمة الفلانيه ولا القائمه الفلانيه كلهم مخطأين لانه قوائمهم مبنيه على الفرعيه وانهم لايعرفون معنى عضوالنقابه .(( الاخوان فاهمينها لبس بشوت وترزز بالاداره وتفليته من الدوام وزين مانحب كتفه طبعا الكلام هذا عن الاغلبيه حتى في اغلب النقابات الثانيه))

وانا ااؤيد الجمعيه العموميه الغير عاديه حتى يعلمون النقابه الحاليه والنقابه اللي ستاتي بعدها انهم اذا ماشتغلو ولا طالبو بشي نعمل جمعيه عموميه ونطيرهم اما انهم يترززون واحنا بس نتحلطم هذا غير صحيح

حتى يعلمون اللي يبي يشتغل يتقدم للانتخابات غيره نرفض هالشي

والطعن ليس طعن في ذممهم او مراجلهم لا حشى ولكن طعن في ادائهم عملهم



وانا لن اتطرق للانتخابات ول80 اسم وللاتحاد .. لانها لعبه واضحه وان تكلمت سيفهم كلامي اني متحيز


واذا بتعذر لهم انهم ماستلمو الختم الا قبل شهرين عذر اقبح من ذنب ...

يعني كم يبيلهم عشان يستغلون سنتين .؟؟ وصلنا للانتخابات وماستفدنا شي

نحن صوتنا لقائمه ونجحناها اتعرف لماذا .؟؟؟ اظن مطالبهم لاتخفى عنك وانهم بيشتغلون ليل نهار حتى يستردون حقوقنا ويعدلوون وضعنا ولكن لحد الان لم نسمع شي وبالذات بهالشهرين مرتهم الخصخصه ولم نراهم مع اخوانهم النقابات عند التجمع .. مرنا التقييم .. لم ندخل الاتحاد وانت لايخفى عليك الاتحاد .؟؟ اتعرف لو دخلنا الاتحاد لن نحتاجلهم خلهم ينامون نحن نطالب بحقوقنا عن طريق الاتحاد ولكن لاحياة لمن تنادي

الدفعه الثالثه لم تترقا مع الرابعه .... زيادة الدفعات الاخيره ... الشاطئيه والامن الصناعي عمك اصمخ ..

كلام كثير .. بهالشهرين لم نسمع شي وانا متاكد لن نسمع شي


.. ومو معناةكلامي اذا ان عادة الانتخابات نصوت لقائمة التطوير هذي شي راجعلكم كلن وقناعته ..
ولكن لوفرضنا انها ان عادة الانتخابات ونجحت التطوير.(( يجب ان نهمس باذانهم اذا ماشتغلتو ترا نعمل جمعيه عموميه غيرعاديه ونعيد الانتخابات والكلام هذا لاي قائمه جايه حتى يعرفون اننا احرار ولا نرضى الذل من اراد ان يشتغل حياه واللي يترزز على ظهورنا نقول له الخلااااااااااااااا شرف الدنه وعود لدوامك ماتصلحلنا


وشكرا لكم

 

السلام عليكم


لكن قلت بعدها انعيد الانتخابات وحتى لوتطلع قائمة التطوير هاذا تنبية لهم فتعجبت انا للأمانه
وانا واثق تماما انك لن تعقد جمعية عمومية غير عادية مرة اخر


..

مشكلة اذا تعد الحق ويظلمونك .. عندما قلت قائمة التطوير لاني اعلم اذا ان عادة الانتخابات لايوجد غير الجميع والتطوير وطبعا مو من المقنع نطعن بقائمة الجميع ونصوتلها تنجح مره ثانيه بهذي الحاله نلعب صح ؟



وانا ودي انه في قائمة بدون فرعيه مستقله بس . اذا مافي شالحل ؟؟ نترك الانتخابات غير صحيح


ردي للتوضيح وشكرا

 

أشكرك أخوي على هالموضوع الطيب والأكثر من رائع
وأنا اشوف ان عقد جمعيه عموميه غير عاديه من حق الموظفين
ان لم تكن النقابه جاهزه لتحقيق أهدافهاا والملاحظ الأن
ان النقابه فقط استمتعت بتوزيع المناصب وخلت الأهداف
ولم تبين حتى الأجتهاد لكي يكون لهم عذر وانا مع الجمعيه
العموميه الغير عاديه ( أن كانت النقابه غير كفو للقيام بواجبها تجاه العمال )
وحنا يالموظفين بالاول وبالاخير همنا حقوقنا اللي سلبت من الأداره على مرئى النقابه
والنقابه واقفه مكتوفة الأيدي ...
وانا مع كل جمعيه عموميه غير عاديه في حال تخاذل النقابه اتجاه العمال ...
واعذرني على الأطاله وبالاخر الله يكتب اللي فيه خير لنا كموظفين ​

 

بسم الله الرحن الرحيم

والصلاة على محمد بن عبدالله من ولاه الي يوم الدين

تحيه طيبه بصراحه انت وينك ووين الفكر الساطع انت مال فكر مظلم يا اخي تدري شقاعد تقول انت

بصراحه انا ما ادري شنو الحل معاك ومستغرب بنفس الوقت من الكلام اللى يدور عن النقابه بالمنتدي اللى المفروض

يرتقي فيه الحديث ل ابعد من مستواه لان هالمنتدي يدشونه موظفين وغيره ومن كل عرق ودين يدشه فالمفروض انه

طاري الجمعيه العموميه ماينكتب بمواضيع بمنتدي بنكات مستعاره اللى يبي جمعيه عموميه غير عاديه يفرع عن

راسه ويقولها بالفم المليان مو ورا النكات والمواضيع اللى مالها داعي عشان يعرفون اللى قاعد يدفنلهم ومنو اللى

يحاربهم ويقابلهم والله اذا تبون اسم جديد للي اشوفه اشوف انه ناس ماتقبل الهزيمه وبنفس الوقت مو هامهم الا الترزز

 

السلام عليكم

يا خوك انت تقولة المنتدى يشوفونه الموضفين وناس واجد

تقولها وانت مو مقتنع فيها لو مقتنع فيها ماتغلط عليه
وتقولة فكرك مظلم

ثاني شي ترا يا جماعة اعضاء النقابة شخصيات عامة وبارزة

واللي مرشح نفسة وما يستقبل النقد خلة يستريح عند اهله

هو من رشح نفسة المفروض يدري ان في ناس راح تسب وفي ناس راح تمدح

شي طبيعي

ثاني شي شكو ايتكلم باسمة وحتى لو تكلم باسمة و ووجة انتقاده للنقابة بيفصلة عضو النقابة ولا بيصكة كوشن
ولا بيتهاوش وياه
هو سواء انتقد بنك مستعار او باسمة نفس الشي

وترا بيني وبينكم هذا مو عذر النقابة ما صارلها شهرين

يعني اذا نبي مطالبنا اللي ماتخلص مو شرط نقابتانا في جميع نقابات الكويت مطالبهم ماتخلص

ماراح ينجز شي

في مطالب تنجز بسهوله وواجب تنفيذها يكون سريع وفي مطالب لا اطول
شنو المطالب اللي اطول
مثلاُ زيادة في المعاش
ليش لانها تمر ع الموسسة وبعد الموسسة المجلس الاعلى للبترول وبعدها ديوان الخدمه وبعدها مجلس الوزرا وبعد مجلس الوزراء مجلس الامة بعدها ترد مجلس الوزراء وبعدها يدزونها لديوان الخدمة ديوان الخدمة يدزها للموسسة الموسسة تنطر ميزانية وبعد الميزانية تدزها الموسسة لشركاتها .

سواء زيادة في المعاش او مميزات مثل التذاكر

وهذي المطالب اكون صريح معكم النقابه اضعف من انها تطلبها

حنا مطالبنا سخيفه جداً

قريد لدفعة الرابعة ونقابات ثانية ما طول الاشياء هذي معهم اذا حطوهالا بروسهم شهرين وتصير

مثلاً تسلسل وضيفي وهذا اصلاً لو ايطالبون فيها ويقدمونها لصحف صدقني ويسوون مسرحية شوي يسوونة الشركة
وانا ردي هذا مو انتقاد لنقابة لاني مع هذا كله احاول اعذرها لابعد الحدود

الناس اتكلم يا اخواني يا اعضاء النقابة

تبي ناس اتكلم بالجرايد تبي تشوف شي ملموس
مو حنا طالبنا وراح يصير وترا ما صارلنا شهرين

بداية الالف ميل بخطوة وانتو عندكم ميزانية طيبة

اعلان في الجريدة

تجمع وتحطون خيمة عرس ويجونكم الاعلام مايكلف شي

واهم شي سبب ردي اللي هو اعضاء النقابة شخصيات عامة ولازم لازم تستقبل النقد سواء هادف او غير هادف

واغلب اللي يردون او يكتبون نقدهم هادف الا من رحما الله يعني قلة قليلة

والباقين ينقدون يبون النقابة ماتريح حتى لو تنجز نبي تنجز اكثر

اقرت قريدات الدفعة الثاله تبدا باللي بعدها خلصت التسلسل الوضيفي
خلصت يبدون يقوون الشركة بين الشركات النفطية ويحطون لها اعتبار

ترا يا جماعة صدقوني احنا كاسرين خاطر ضباطنا و موظفين الشركات الباقية

احنا اقل قريدات في القطاع النفطي

البترول الوطنية ايتوظف مشغل حاله حالك ثانوية عامة

ست شهور ماخذ 8 سنة سنة ونص بالكثير ماخذ تسعه ليش

لان نقابتهم اقوى نقابة بالقطاع النفطي

و الناقلات و باقي الشركات صدقوني ماتلقون فيها 8 اقل شي عشرة عندهم

واهم شي

لا احد يدش ايدافع عن النقابة

ولا ترد ع احد ينتقد النقابة خلهم ينتقدون

ما عليك اذا حاس انه ينتقد لمصالح انتخابية احقرة و الحقران يقطع المصران و الانجاز يقهره زيادة ويصير افضل رد ع موضوعه
اما رتد تقولها النقابة ما صارلها شهرين لاء مو رد هذا

انا اذا وصاني اخوي اروح الجميعة وانا مالي خلق
وقعد شوي راح يقولي يالله قوم بقولة طيب ترا انت توك قايلي اصبر اشغل السيارة خل تحتر
بيقولي بسرعة
بقولة صبر بشغل المكيف
بيقول يخلي خلصني بقولة شنو بطير الدنيا ترا توك قايلي اروح
بمر البنك اسحب

كذا شراح يصير باخوي بيعصب علي و بيقولي انت مو كفو احد يوصيك
واذا طولت ع هل حال وياه يكرهني ويمكن ما يكلمني مره ثانية

ولو قالي صح انا توني قايلك تروح
راح اطول اكثر
و امشي ع ثلج لين اجيب حاجته وكل مايقولي يالله بقولة توك موصيني واذا رد علي قالي صح انا اسف راح اطول اكثر


فا يا جماعة اللي بينتقد ينتقد و المنتدى هدفة الاساسي الانتقاد للارتقاء

فا اللي بينتقد ينتقد سواء هادف او غير هادف او لمصلحة انتخابية صدقوني راح يكون اكبر حافز لنقابة وبدونة ماتشتغل النقابة كلش
الهادف راح ينفع و الغير هادف او لمصلة انتخابية راح يكون احسن رد علية هو الانجاز



وللعلم ترا اول مرة ارد في مواضيع تخص النقابة لاني ما ادري اذا انا مصوت ولا لا ناسي

و تقبلو وجهة نظري

سلام عليكم

 

الله يجزاك خير على هالكلام الطيب وهذا ان دل دل على اسلوبك
الراقي في الطرح والظاهر أنك تبيني أجامل
وأمدح النقابه وامجدهاا مثلك علشان يكون ردي عاجبك ...
ولكن أنا اعرف ليش رديت علي بهالرد علشان ردي على موضوعك
اللي أنت كاتبه مو عاجبك وماقدرت ترد عليه صحيح ؟؟؟
واتمنى منك انك ترد على الردود خصوصا انك انت اللي
كاتب الموضووع وياليت تستفيد من أخوي القناعة كنز وتعلم منه
كيف يرد على اللي رادين عليه بالموضووع ....
وبالاخير انا مو ملزوم ان فكري يعجبك

 

شاكرلك على أسلوبك الراقي والأكثر من رائع
لانك تتقبل وجهة النظر بكل صدر رحب وياليت
الكل مثلك ....
والمنتدى بيقى للمواضيع الهادفه وللنقد البناء
وعلى قول المثل الخليجي ( السب مشاعيب الرجال )

 

شاكرلك على أسلوبك الراقي والأكثر من رائع
لانك تتقبل وجهة النظر بكل صدر رحب وياليت
الكل مثلك ....
والمنتدى بيقى للمواضيع الهادفه وللنقد البناء
وعلى قول المثل الخليجي ( السب مشاعيب الرجال )

 

السلام عليكم ورحمة الله وبركاتة

كيف حالك اخوى القناعة كنز

موضوع اكثر من رائع وكلامك هو عين العقل لوفكرنا فيها من ناحية الذمة

بعيد عن المصالح وغيرها وانا اتفق معك

وتقبل تحياتى يالغالى

 

ما هي الا آثار هزيمة وآثار الخسارة

وهذا دليل انهم غير مؤمنين بالديمقراطيه

فلو كانوا مؤمنين بالديمقراطية لباركوا لاخوانهم بقائمة الجميع على الاقل

لم يبارك منهم الا فهد العسكر عندما حضر الى مقر قائمة الجميع

فجميعنا كان يعلم ان قائمة الجميع افضل بكثير من قائمة التطوير من حيث التأسيس والترتيب

وانا اقولها لكم بكل صراحة ان سعيهم الحالي لعقد جمعية غير عادية سوف يفشل ثم سوف يفشل وسوف يحفرون قبورهم بنفسهم

وكان من الاولى ان يعيدوا ترتيب اوراقهم وتجميع صفوفهم للانتخابات القادمه ولكن السعي نحو عقد جمعية عمومية غير عادية سوف يكون من مصلحة قائمة الجميع

والايام القادمه سوف تثبت كلامي


تقبلوا تحياتي

منطقي وواقعي

 

يخي الحين في جميع شركات النفط اقل توظيف على اقل شهادة يكون ثانوية

واللي هم حنا و المشغلين
مشغل حقل متوظف وياي

يوم دشيت اوسكو هو الحين يقولي جم شهر وياخذ عشرة

وانا متأكد ان الامن اللي باقي الشركات تلقاهم فوق قريد عشرة
ماعادا الاجانب الا اذا حنا يا الكويتيين بيساوونا بالاجانب شي ثاني
حنا اصلاً يسولفون علي الربع كاسرين خاطر المصريين السيكيورتي اللي بالناقلات

والله يا جماعة ولا استنقصكم بس ترا احنا اقل طبقى ما احد ينظرلنا لا اتحاد نقابات ولا غيرة ولا عادين لنا اهمية بشكل ماتصورونه

يعني اذا النقابة ماتسويلنا قدر ولا صدقني بنوصل كلنا قريد تسعة الا الدفعات الاخيرة والله ان يقعدون اكثر من عشر سنين بقريد 8

اذا ما جات نقابة قوية وماتخاف

والشئ دايمن يبدا ضعيف وبعدين يقوىى

وحنا حاليا مقدرين وضع النقابة

ولا ورب الكعبة لو الشي اللي صارل لشاطئية صار باي شركة ثانية يقومون الدنيا ويقعدونها

وانا اقترح ع النقابة ادش بالاتحاد

وتقوي مطالبها بمساندة الاتحاد

ياااااااااااااااااااا النقابة الموظفين يبون اشياء فوق ماتصوروون
وانجاز شي كبير يغطي ع اشياء صغيرة واااجد
واهم شي تقوونا
وتقوون ادارتنا الضعيفة اللي هي اضعف ادارة في القطاع النفطي لدرجة التهميش
تيم ليدر بالكي او سي اقوى من منجر بالاوسكو

وانتو يا النقابة تقدرون مو تقدرون انتو اقوى من رئيس مجلس ادارة صدقوني
بس اعرفو اشلون الديرونها
وحط بالك يا رئيس النقابة ان منصبك اقوى من منصب رئيس مجلس الادارة لان الموظفين وياك ع الصح و الخطاء وهو ماويها الا فريق ادارة مكتبة صدقني

 

السلام عليكم

اولا الله يعطيك العفيه اخوي كنز على هالموضوع

وثانيا الجمعيه العموميه غير العاديه حق مشروع ومايختلف عليه اثنين

ولكن تعال للاسباب الي ورا هالشي

الاسباب الظاهره امام الموظفين ان النقابه متخاذله وما سوت شي لين الحين وما طالبت للموظفين بشي والامور الي ذكروها اخواني قبلي

يا اخوان النقابه ماصار لها وقت عشان تسوي شي وتطالب

والاسباب المخفيه الي انا سامعها من ثلاث اشخاص بقائمة التطوير ومستعد اذكر اساميهم اذا اقتضى الامر ذلك

(( نبي نرد اعتبارنا ))

هاذي انا سامعها من الاشخاص نفسهم

وتعالو وياي وارجعو قبل كم شهر يوم النقابه نجحت

من ثاني يوم راحو (( بعض )) الاخوان بقائمة التطوير وارفعو قضيه بالشؤون

الشؤون اعترفت بالنقابه واشهروها

من الاسبوع الي وراه طلع كلام الجمعيه العموميه الغير عاديه

يعني قائمة التطوير ناويه تسقط النقابه الحاليه باي ثمن

يا اخوان انا ما امدح باي شخص على حساب الاخر

وابشركم شغلي ماشي بدون نقابه ومطالبات

ولاكن كلمة الحق لازم تنقال

وارجو ان الاخوان ما يخذونها بعصبيه ويفكرون ان السالفه معركه يا نكسر يا ننكسر

هاذي منافسه شريفه ومشروعه لاي شخص وبالنهايه لازم نبارك للناجح بثقة ربعه

ونقول للي ما حالفه الحظ هالمره الخيره فيما اختاره الله

واسف جدا على الاطاله

وشكرا لكم