للمشتركين بالمستشفيات الخاصه فقط!!!

الكاتب : cool_engineer | المشاهدات : 3,608 | الردود : 5 | ‏27 يونيو 2010
  1. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    السالم عليكم

    يا ليت نشارك جميعا في هذا الموضوع

    الي عنده خبره بالمستشفيات الخاصه

    *شنو احسن مستشفى تعاملت معاه ودكاترته على كفائه عاليه؟
    *احسن طبيب عيون انف اذن حنجره قلب مخ واعصاب اسنان جلديه .... الخ؟
    *شنو رايكم بمستشفى السيف الجديد ؟حد جربه

    ودمتم في حفظ الله
     
  2. Mr.Ahmad

    Mr.Ahmad بـترولـي مميز

    عليكم السلام

    دار الشفا

    جربت عندهم عملية الليزك سنة 2008 عند دكتور/ محمد وجيه

    والحمدلله النظر تمام

    وما زلت اراجع الدكتور بين فتره وفتره عشان يتأكد من سلامة العين

    -------------

    جربت عندهم بعد العصب وما ادراك ما العصب :/

    دكتوره هنديه ماعرف اسمها بس صراحه شاطره وايدها خفيفه

    والشغل اخذ تقريبا 50 دقيقه ما بين اشعه + علاج للعصب وانا قاعد بمكاني على كرسي واحد

    مو الحكومه جربت عندهم علاج العصب خلال اسبوعين !!!!!!! والاشعه بمكان وتنطر دوووور غير الدووور اللي عند الدكتور

    ملاحظين الفرق بين 50 دقيقه واسبوعين؟؟؟ عشان مشكله وحده ما تفرق لا هني ولا هناك

    ---------

    فقط هذي تجاربي مع دار الشفا
     
  3. cool_engineer

    cool_engineer بـترولـي نشيط جدا

    191
    1
    0
    مهندس
    الكويت



    تجربه رائعه واستفدنا منها جميعا شكرا جزيلا
     
  4. Chem.Eng

    Chem.Eng بـترولـي نشيط جدا

    182
    0
    0
    عياده الميدان للاسنان
    سويت جراحه بسيطه
    العياده روعه والدكاتره ممتااازين
    والجميل ان اهيا عياده الاسنان التخصصيه بمستشفى السيف
    ولها فروع في حولي مجمع بيروت وصباح السالم جنه جدام طيبه كلينك
     
  5. ali_85

    ali_85 بـترولـي نشيط جدا

    419
    0
    0
    دار الشفى
    جربت جلدية عند الدكتورة نور جيهان هندية شاطرة حيل عالجت عندها 6 اشهر وكان فيني مرض نادر بالغدد الدهنية
    وجربت دكنور اسنان اسمه غريب جنه جنسيته تركية شاطر ونفسه حلوه

    انترناشونال كلينك السالمية جربت دكتور لبناني اسمه ريتشارد طب عام تعامل معاه روعه

    هاذي تجاربي
    وبشكل عام دار الشفى من افضل المستشفيات الخاصه
     
  6. kuwaiti_965

    kuwaiti_965 بـترولـي جـديـد

    38
    0
    0

    مستشفى طيبة احذركم منه

    راجعتهم على مسمار لحم قالت لي مالك الا عملية ولازم ترتاح ما تتحرك عقب العملية 3 ايام

    وطبعا ابتزاز عقبها راجعت عيادة خاصة وعطاني دواء بدينار ونص عبارة عن مادة كاوية كل يوم امسح على المسمار مرتين وخلال اسبوعين راح ةلا عملية ولا غيره وطبعا الاستقبال مال الجلدية كذبوا علي قالو ماكو الا الدكتورة هذي ولما حطيت موعد العملية غيرت قلت ما قدر عندي دوام جان يقولون خلاص نحولك على الدكتور الثاني !!!! قلت سبحان الله ذاك اليوم تقولون لي ماكو الا دكتورة والحين في غيره
     
جاري تحميل الصفحة...

مشاركة هذه الصفحة