قصيده اهداء خاص ل......... ؟؟

الكاتب : كلمـ ولو جبر خاطر ـه | المشاهدات : 536 | الردود : 12 | ‏3 ديسمبر 2007
  1. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    علمتهم وشلون الأهداف تنصاب
    ولما سواعدهم قوة صوبوني

    عشاني أصغرهم عمر صاروا أحزاب
    عشاني أصدقهم قصيد ظلموني

    إلي نجاح اسمي زرع فيهم أنياب
    حتى النصيحة ما بغم ينصحوني


    طالب نصيحة كني طالب رقاب
    وهي نصيحة كيف لو زوجوني


    تضاربت من دوني عقول والباب
    واجد بغوا غيري وواجد بغوني

    اقفل هدب تسهر على شعري أهداب
    كني حبست رقادهم في جفوني

    لو شفتهم واحد يشفوني أسراب
    من وين ما لقوا نظرهم لقوني

    اثري وجودي بينهم محرق أعصاب
    ومزعل بعضهم من بعض لو طروني


    يا كبري بعيني وأنا توني شاب
    واهم كتاب الشعر حاربوني


    حتى ولو يهوي على نجمي شهاب
    يكفيني إن اسمي كبير بعيوني

    قد قال أبوي إن هبتهم قول ما أهاب
    لو يقدرونك قول ما تقدروني

    ما دام قبري محتضن راس مرقاب
    على كثر ما تقدرون ادفنوني

    لو ماني بذيب أنهشت عظمي ذياب
    لو ما قدرت اثبت وجودي لغوني

    لو ما سكنت وجيههم مت بغياب
    لو ما عرفت امحي ورقهم محوني



    كل ما طرالي منظر مريب وارتاب
    كان الوحيد إلي يحرك شجوني

    قبلة صلاة وذكر وخشوع وكتاب
    وامي على سجادة النور دوني

    تدعي لي الله يفتح بوجهي أبواب
    تتوسله بأشده يكون عوني

    من كثر ما خفاقها بادعى ذاب
    صارت تحس إن زملاي كرهوني

    بشرتها يمه معي ربع وأصحاب
    ماني إلحالي واجد إلي يبوني

    من يوم ما حاز قلمي كل الأقاب
    قلبتهم في دفتري وحفظوني



    وإعجابهم فيني ما هو بايت إعجاب
    بأسلوبي بشرحي بطرحي بلوني

    لو قلت عن نفسي بشر صرت كذاب
    لو قلت دمي من ذهب صدقوني

    لو بيدهم كان زرعوا دربي أعشاب
    لو كيفهم يتشبهون يشبهوني

    من كثر ما صاروا من طبوعي قراب
    حتى بلبسه شمغهم قلدوني



    لو طالوا لهدمي مناسيب وأطناب
    كان وغلاتك من زمان هدموني

    مادام حطم فيني عيوب وأسباب
    جنبت عنهم مثل ما جنبوني

    أصلا لو إن في خوتي شي ينعاب
    ذبحت نفسي قبل ما يذبحوني

    أنا يدي لو ما كست متني ثياب
    نذر علي اقطع يدي من متوني

    مو عيب أجي ولا أشوف ترحاب
    العيب لو إني رجعن إمدعوني


    ما دمت أجي ولا يحسبولي حساب
    حرمت أروح إذا يبوني يجوني
     
  2. النزغة

    النزغة بـترولـي خـاص

    1,073
    0
    0
    كلمة شالقصيدة الحلوة مشاللة تبرد القلب و تنطبق على واااااايد اشياء موجودة بكل مكان... يعطيييك الف عافية :)
     
  3. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    هلا بالغاليه لو ما تستاهلون هالقصيد ما نقلته لكم

    وانتي الصاجه ينطبق على شغلات وايد
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    من احلى قصايد الشاعر حامد زيد

    صح لسانك وفالك المليون
     
  5. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    تستاهل يا brilliant ولو ماتستاهل مانقلت هالقصيده


    ومشكور على المرور
     
  6. حرف

    حرف بـترولـي خـاص

    1,776
    0
    0
    تسلم اناملك كلمه

    وصح لسان حامد زيد

    قصيده روعه
     
  7. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  8. Shoomy

    Shoomy بـترولـي خـاص

    تسلم ايدك ويعطيك العافيه يا كلمه

    ويقولون مالا يفعلون :D

    تحياتي :p
     
  9. alaslamy

    alaslamy بـترولـي نشيط جدا

    258
    0
    0
    صح لسانك يا الغالي ولسان قايلها
     
  10. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    صح بدنج ياشومي


    لو ماني بذيب أنهشت عظمي ذياب
    لو ما قدرت اثبت وجودي لغوني

    مو كلهم وانا اخووج
     
  11. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  12. alaslamy

    alaslamy بـترولـي نشيط جدا

    258
    0
    0
    هذى القصيد اهداء خاص لك يا الغالي

    تعبت اقول لضيقتي سهـود ومهـود *** اليا متـى هالعـذر بيكـون عـذري
    البارحة يـوم اكثـر العالـم رقـود *** عادت علي اللي تجي منيـن مـدري
    الضيقة اللـي كـل ماراحـت تعـود *** مكانهـا مابيـن قلبـي وصــدري
    ناسٍ تنام مدهنة فـي دهـن عـود *** وناسٍ تنام مدهنـة بزيـت مقـري
    لاواهني اللـي حلالـة مـن الـذود *** تسعين وضحى كل ماضـاق يسـري
    يسـج معهـا كـل ماهبـت النـود *** يتبع مسيل السيل في القـاع يجـري
    ماهوب مثلي من اقرب الناس مجحود *** الله يسامـح مـن طعنـي بظهـري
    من راح ماكنه على القـاع موجـود *** مايدري انـه اول اسبـاب كسـري
    كل ماطرالي قلت مـن قلـت الفـود *** ياليـت منهـو راح ماعـاد يطـري
    لو تستحي من فعلها ايامـي السـود *** كان استحت مبطي ولا طال صبـري
    قدمـت بالموجـود لخاطـر الجـود *** لين التفـت ولابقـى شـي حـدري
    عطيت من عمري ولا شفت مـردود *** ياللأسف للنـاس ضيعـت عمـري
    واذا افرحوا واجد على طيحة العـود *** هذا دليـل انـه فعـل شـي يغـري
    بوقف لحالي واتبع الطيـب والـزود *** اشره علي ان صغر الوقـت كبـري
    ماني على بعض المخاليـق محـدود *** امـوت مانزَلـت للنـاس قــدري
     
  13. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    ناسٍ تنام مدهنة فـي دهـن عـود *** وناسٍ تنام مدهنـة بزيـت مقـري

    ماني على بعض المخاليـق محـدود *** امـوت مانزَلـت للنـاس قــدري


    صح لسانك ياغالي وربي القصديه جزله لابعد الحدود
     
جاري تحميل الصفحة...

مشاركة هذه الصفحة