إلى متى تأجيل أقرار زيادة موظفي القطاع النفطي

عسى الله يقرها على خيـــــر

[align=center]هلا بك يا الآدمن
الله يقرها بخير وانشاء الله النقابات وعلى راسهم اتحاد البترول برئاسة (عبدالله بن طالب) فيهم خير وبركه وعلى حد علمى ان التاجيل الاخير اللى تم كان بخصوص تشكيل مجالس الادارات التابعه للشركات والعهده على الراوى وهم اعضاءنا باتحاد البترول والثلاثاء القادم هو الاجتماع اللى يتنظره جمييييع عمال القطاع النفطى بدون استثناء واتمنى من الاخوان فى النقابات والاتحاد البترول انه لو لا قدر الله تم التاجيل ايضا وهذا شى متوقع نتمنى من النقابات والاتحاد ان تكون لهم وقفه من نا حية البيان واتخاذ موقف حازم يبين مدى التفاعل مع هذى القضيه اللى اشبه ما تكون قضية عمال بالدرجه الاولى وهى القضيه الانسانيه ونتمنى ان يكون هناك بيييييياان واضح من النقابات ومن اتحاد البترول تجاه هذا التاجيل وما هى اسبابه وبلا شك ان هنااااك عدة حلول كثيره لاتخفى على النقابات المتضرره وعمالها بالشركات النفطيه التابعه للمؤسسه من ناحية التلويح بالاعتصام او التلويح باالاضراب او مقابلة الوزير او من له شان فى اقرار الزياده واتمنى من النقابات والاتحاد ان يوضحون اسباب كثرة التاجيلات لاجتماع اقرار الزياده حتى يكون الجمييييع على بينه
ااسف على الاطاله ولكم منى كل الشكر
اخــــــوكم
ابوحسن الشامرى [/align]

 

صباح الخير يالآدمن ابشر بالخير انشالله , انا سمعت اخبار طيبه انشالله عن الزياده وان الشويب يقول اعتبروها عيديه والله كريم.

 

الوزارات يزيدون رواتبهم بدون مماطله

الا شركات البترول على انهم ماكلين هوااا

والظاهر ان عقب ذا المماطله الزياده طفسه

ياخوان اللي يشتغل في الشركه محسوووووووووووود يحسبون ذا العالم ان راتبه مليون

وان ذا الاوفر تايم ياتي بالراحه

 

الزياده قادمه ان شالله بس اهي مساله وقت لاغير

 

[align=center]انشالله قبل نهاية شهر 10 بتكون الزياده نازله

بس الي مو متأكدين منه الاثر الرجعي

لان في شهر 4 كان اقتراح

ومحد يقدر يحج الحكومه على اقتراح انطرح

وانشالله خير .[/align]

 

لا أعتقد أن موضوع الزيادة تم تأجيله لأسباب فنيه ... لأنه أشبع نقاشا على

مستوى المؤسسة و بحضور جميع ممثلي العمال ... و تم إحاطة وزير النفط

بجميع التطورات و الإتفاقات التي تمت و تم أخذ موافقته عليها ...

و لكن الأمر يبقى سياسيا ... فهو أمام المجلس الأعلى للبترول الذي يرأسه

رئيس مجلس الوزراء بنفسه أو من ينوب عنه ...

و نتمنى أن نرى إقرار الزيادات في الجلسة القادمة قبل نهاية الشهر ... أو فلتكون

هناك تحركات إيجابية من قبل ممثلي العمال بدلا من الصمت و الإنتظار إلى مالا نهايه ...

 

تفائلوا بالخير تجدوه

إنشاء الله إذا إجتمع المجلس الأعلى للبترول غدا رايح يقر الزيادة بس المشكلة إذا تم تأجيل الإجتماع كالعادة والله كريم

 

الزيادة قادمة أنشاء الله ولكن الصبر. لأن القرار ليس بهذه السهولة ولكن المهم هو أن نكون على ثقه بالنقابة
وكل الشكر للعاملين على المنتدى الجديد

 

آثار تأجيل الزياده على الموظفين

السلام عليكم ورحمة وبركاته ...
غدا موعدنا مع أقرار الزياده والكل يتمنى أقرارها وعدم الـتأجيل لأن كثرة التأجيل قد أصابت الموظفين بالأحباط .. فأتمنى أقرار هذي الزياده المستحقه لموظفين هذا القطاع الحيوي نظرا للمجهود الذي يبذلونه في جميع الظروف سواء بالشتاء البارد أو الصيف الحار وكذلك عملهم بنظام الورديات اللي يحرمهم الأختلاط مع الناس لا برمضان ولا الأعياد ولا جميع المناسبات .. فأعتقد انهم فعلا يستحقون هذه الزياده لرفع معنوياتهم .
وأتمنى أن تكون هناك وقفه حازمه وردة فعل من النقابات في حال تم تأجيلها .

 

وجاري الانتظار ولا يزال الانتظار قائم
والله المستعان

 

السلام عليكم ورحمة الله وبركاته
احب ابدي تعليقي بالموضوع وانشالله يقرون الزياده بأثر رجعي لنا والله يسمع مني بالشهر الفضيل يارب

 

[align=center].. السلام عليكم ..

.. انا سمعت ان باجر في اجتماع واحتمال يتكلمون عنها ..
.. واذا ما اقروها ماكو الا نسوي اضراب جزئي او اعتصام ..
.. عشان ما يماطلون بالزياده اكثر من جذي ..
. مع العلم الكل يدري بأن القطاع النفطي يستاهل هذي الزياده ..
.. ولا شرايكم ..
.. ..[/align]

 

وعليكم السلام Ahmed Madouh
كل يوم نسمع في اجتماع لاكن ان شاء الله خير
وبخصوص القطاع النفطي يستاهل طبعا يستاهل ويستاهل اكثر من الي هو عليه
لو تقارنها مع قطاعات النفط الخليجيه واخص ارامكو صراحه اتشوف الفرق بين السماء والارض

 

السلام وعليكم
بالنسبه للزياده كل يوم نسمع كلام ومانشوف شي
ليييين متى الله العالم

 

السلام عليكم
ياجماعه لي متى الزياده والزياده
وين النقابات ماعندهم موقف حازم ليما اليوم
هل الشركه قاعده تماطل وتلعب علينا
إذا فيه زياده ......
واحد من المسؤولين يطلع ويصرح يا من الوزاره او الشركه او النقابه
ولاواحد منهم صرح غير الوزير العليم وبعدها مافي أخبار
وناطرين الزياده اللي نسمع فيها ولا شفناها بأنتضار الأفراح

 

يناقش زيادة الرواتب والمصفاة الرابعة
مجلس البترول الأعلى يعقد اجتماعه اليوم
كتب محمد الهاجري:
يعقد المجلس الاعلى للبترول اليوم اجتماعا لمناقشة قضايا مدرجة على جدول اعماله مقررة منذ اغسطس الماضي، غير انه تأجل اكثر من مرة بسبب ارتباط وزير الكهرباء والماء وزير النفط بالوكالة محمد العليم باجتماعات منظمة الدول المصدرة للنفط «اوبك».
ويناقش الاجتماع زيادة رواتب الموظفين في القطاع النفطي، وكذلك انشاء المصفاة الرابعة والاجراءات اللازمة وكيفية تنفيذ المشروع والسبل الكفيلة باخراجه الى حيز الوجود بالصورة الافضل.
ويبحث المجلس كذلك قضايا ادارية وتنفيذية في القطاع النفطي وسبل تطويرها.

 

الله كريم ومانوى بالتهاليك

 

نتمنى من الله التوفيق للجميع وابشروا بالخير اليوم تسمعون اللي يسركم