مواصفات النجاح للمرشح في الدائرة الخامسة

الكاتب : nash | المشاهدات : 1,090 | الردود : 17 | ‏24 يونيو 2010
  1. nash

    nash بـترولـي نشيط جدا

    236
    0
    0
    بسم الله الرحمن الرحيم

    لما نشهدة من افعال من قبل بعض نواب الدائرة الخامسة الحاليين و السابقين انشر هذا المقال الساخر : ) .

    مواصفات المرشح المثالي للدائرة الخامسة :


    1- ان يجيد استخدام العقال استخدامات متعددة كالحذف لطلب الفزعة و الضرب في حالة عدم مرور معاملة مخالفة :D

    2- ان يكون طويل القامة و ضخم البنة و عريض المنكبين عشان ما يتجرأ اي مسؤول او حتى ناخب على مناقشته .


    3- اقشر و ما يغشمر الا الوزراء عشان يمشون معاملاته .

    4- عنده سكرتارية ما لهم دخل بالسياسة و افضل مميزاتهم انهم يلعبون بلوت بس عشان يرضي كل الكتل .


    5- خبير بالطعون الانتخابية .

    6- يتدخل في توظيف اي شركة نفطية حتى لو كانت على حدود السعودية :D

    7- يترك امور البلد و يتفرغ لتخليص معاملات ناخبييينة القانونية و الغير قانونية .

    8- يحضر جميع اعراس و مأتم اهل المنطقة من غير ما ينسى اعياد الميلاد .

    9- يكون جاهز لجميع الاتصالات العقلانية و الغير عقلانية من اهل منطقته .

    10- يحتوي بيته على كلاش و جم فرد لزوم فرحة الفوز .

    11- يدوس على جميع القوانين بأسم الفزعة .

    12- عصبي و اللي يوقف جدامة يكفخة .

    13- يخدم ربعة و عيال عمه اما باجي اهل المنطقة يحترقون .
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
    هذي المواصفات بكل دائرة انتخابيه موجوده يالغالي وتختلف على حسب ناخبين الدائرة والخافي اعظم

     
  3. Safety First

    Safety First بـترولـي خـاص أعضاء الشرف

    السلام عليكم

    وانت الصاج هذي بعض مواصفات نواب الأمة ككل وليست الخامسة

    شاكر لك
     
  4. المنجنيقي

    المنجنيقي بـترولـي خـاص

    1,966
    0
    36
    أنا أشوف أن هالمواصفات موجوده بكل الدوائر
     
  5. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    أصابعك مو سوى


    ولو خليت خربت


    وهاذي المواصفات موجوده عند القله أو البعض من النواب
     
  6. Mr.Ahmad

    Mr.Ahmad بـترولـي مميز

    صدقت

    بس اشوف هالمواصفات عند اغلب الاعضاء

    اضيف الى ذلك

    (( لازم يشارك بالفرعيات عشان يضمن النجاح ))

    وهم اوافقك لمه قلت الدائره الخامسه

    على فكره انا من سكان الدائره
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    نعم نعم ههههههههههههههههههههههه

    الله يستر لاتنقطع الكرهبا علينا اليوم
    وتلوموني مالتزمت بمجموعة لاجلكم بعد عارفينهم وخابرينهم
     
  8. diners

    diners بـترولـي نشيط جدا

    اضافه لو تسمح لي:

    14- هياط في الندوات
     
  9. nash

    nash بـترولـي نشيط جدا

    236
    0
    0
    اي نسيت شغلة لازم يكون مستقيل من الداخلية : ) يا زينهم الشياب تطوف له سيارة من الفحص الفني و تضمن صوته و عيالة و بناته بعد :) و احتمال صوت المرة .
     
  10. brilliant

    brilliant المـراقب الـعـام

    8,477
    0
    0
    Engineer
    Kuwait
    ههههههه :D
     
  11. nash

    nash بـترولـي نشيط جدا

    236
    0
    0
    دايرتنا هذي ( الخامسة ) محسومة و ما فيها اي منافسة و انصح اخواني الاقليات و انا منهم نحول دايرة ثانية و اقترح نروح الدائرة الثالثة لانه هناك كل صوت له اهميته مو عندنا الامور محسومة قبل الانتخابات .
     
  12. محمد المذن

    محمد المذن بـترولـي مميز

    694
    0
    0
    صحيح بالخامسه الفرعيه تحدد مسيقا النتايج ومثل ما قلت الاقليه يكونون مظلومين
    اغلب نواب مجلس الامه ادائهم البرلماني صفر او تحت الصفر ان صح التعبير خربو ماعدلو
    الي يساوم وقت الاستجوابات لاجل مصلحته الخاصه
    الي يقعد حاله حال الكرسي الي قاعد عليه ويشمي معاملات الناس (هاذا النوع المحبوب)
    الي بس يصرح يعني كلام من غير فعل
    والي وضيفتهم اذا كحت الحكومة قالو حلو حلو
    انا اشوف العيب بالناخبين
    يبون النوع المحبوب الي ذكرته مسبقا مايحاسبونه على اداءه على تصريحاته الكل يركض ورا مصلحته الخاص وبعدين لاقعد بالدوانيه اشتكى من الحكومة بس لمجرد يبين للي قاعدين انه فاهم وعارف باوضاع البلد واهو عارف انه اهو السبب
    مايدرون انه وراهم حساب على هالافعال (القذره) الي يسونها
     
  13. بلبل عنقريزي

    بلبل عنقريزي بـترولـي خـاص

    2,187
    0
    0
    انا اشوفها قرصه لربعنا بالدائره الخامسه وبعدين يعني وصل فلان الفلاني من قبيلتي يعني هذا انجاز ؟
    والله اشوفه تخلف لابعد الحدود لان اللي اشوفه ماباعنا الا اهم
    ان شاءالله بالمستقبل اتعدل الامور ونخرج ناس تنجز وتفيدنا ياجماعه الصوت امانه
    انا بدوي وقبلي على شان لحد يزايد ويقول هجوم كلمة الحق ماتزعل نبي مهندسين نبي دكاتره نبي متعلمين مو كرهبا وغيره

    لالحين عندي امل اتعدل الاحوال عندنا
     
  14. aL- raSy

    aL- raSy إدارة المنتدى

    2,714
    0
    36
    انا مابي لا دكتور ولا مهندس.. و ان كان التحصيل العلمي للمرشح له اهميته..
    لكن.. الكلمه.. الضمير الحي.. الذمه اللي ما تنشرى..
    هم المواصفات الحقيقيه و على اساسها يكون الاختيار..

    كم دكتور و كم مهندس وصلوا للمجلس و كانوا مجرد دمى..!!!

    تبيني اعطيك امثله..؟؟

    في واحد انت مصوتله و دكتور لكن طلع ماش.. :).. عرفته يا بلبل..؟؟ :)


    بعطيك مثال على شخص لاهو مهندس و لا دكتور مثلنا خير تمثيل.. وليد الجري..
     
  15. بلبل عنقريزي

    بلبل عنقريزي بـترولـي خـاص

    2,187
    0
    0
    وراسك الغالي ياراسي ماشم الصوت مني قسم بالله
    تدري ليش لاني عارفه وعارف شراح يصير ماخذتني الحميه ابي ناس تدافع عن حقوقنا ماتبيعنا
    وبعدين وليد الجري على ماقال ابوي بالمشمش يتعوض
    انا لما ذكرت اهل الشهادات يعني ماكان قصدي ان الشهاده شي اساسي ندور اللي فيه الخير ومتعلم
    دامك حددت من انا صوت له بقولها لك كاش والله ماشم صوتي الا الطاحوس والصواغ والمري والصيفي والحمدلله وهذا من فضل ربي ماندمت على واحد فيهم
    الراسي لازلت متفائل
     
  16. aL- raSy

    aL- raSy إدارة المنتدى

    2,714
    0
    36
    لو كل شخص ينتمي لفئه قليله و فكر بنفس تفكيرك.. تعتقد ماذا سيحصل..؟؟

    اخوي nash..
    نصيحه من اخ.. اعطي الصوت من تعتقد انه الاصلح.. و لا تشغل بالك في اقليات و انتخابات محسومه..

    و النائب بالاخير ممثل للأمه..
    النواب الاحرار في باقي الدوائر الاخرى او في دائرتنا حتى لو لم نعطيه الصوت يمثلني و يمثلك..
    اما لو الكل فكّر مثل تفكيرك و نقل صوته.. ستزيد من وطئة النواب البصامه في الدائره و بالتالي علينا كلنا..

    بفضل تفكيرك و مساعدتك له.. و ستساهم بشكل غير مباشر بوصول هذا البصام مجلس الامه..

    يرضيك تسوي فينا جذيه يا nash..؟ :(
     
  17. بن عامر

    بن عامر بـترولـي خـاص

    1,159
    0
    0
    k.o.c
    kuwait

    كلامك ينطبق على كل الدوائر و لكن لله الحمد الدائرة الخامسة فيها تقريبا 3 أعضاء ما باعوا ذمتهم مو مثل دوائر ثانية ما تلقى فيهم واحد شريف إلا من رحم ربي .
     
  18. nash

    nash بـترولـي نشيط جدا

    236
    0
    0
    و الله اخوي الانتخابات الفرعية ما اتركت لنا اي خيار للاختيار خصوصا انه اللي ينجح فيها اغلب الظن انه راح يطوف سواء كان زين و لا شين يعني ما راح يزيد او يقلل من النواب البصامة اما بدائرة اخرى الصوت له وزن و يمكن يسقط نائب او ينجحة .
     

مشاركة هذه الصفحة