الحميضي و باقر على الوضع الصامت

الكاتب : nash | المشاهدات : 323 | الردود : 0 | ‏24 يونيو 2010
  1. nash

    nash بـترولـي نشيط جدا

    236
    0
    0
    بسم الله الرحمن الرحيم


    في كل زيادة او كادر او اسقاط للقروض ( فوائدها ) كنا نشوف اثنان لا ثالث لهما يصرخان بأعلى صوت الميزانية و مصلحة الكويت و اهدار المال العام حتى واحد فيهم طلع علينا بمطلح يديد اسمه العجز الاكتواري ؟! احمد باقر و الحميضي و ما ادراك ما باقر و الحميضي تشوفهم مع كل مقترح لزيادة رواتب المواطنين يعارضون و يرفضون و ساعات يناقزون من مناظرة الا محاضرة الى مناورة بأسم مصلحة الكويت و الخوف عليها من مقترحات النواب اللي ما يخافون الله بالكويت على حسب راي احمد باقر و لا يراعون اموالها على حسب راي الحميضي و بعد كل ذلك و ذاااك قلت بنفسي الظاهر انهم يشوفون شي احنا ما نشوفة و هالمليارات اللي تفيض من ابارنا كلها راح تتبخر اذا ما اخذ منها الشعب و لو قطراات قليلة .

    مرة يقولون بند الرواتب يلتهم الميزانية و جنه هالرواتب جلب ( اعزكم الله ) مسعوور قاعد ينهش بمزانية الكويت و مرة الحميضي يخوفنا من العجز الاكتواري اللي ودي اعرف من وين يالنا خاصة انه النفط اللي نملكة يكفي انه ينقل الشعب الكويتي كله الى سويسرا نعيش هناك ناكل و نشرب و مع هذا ما راح تخلص ملياراتنا هذا غير استثماراتنا اللي بالخارج اللي صايرة مثل اللغز اللي محد يعرف حلة الا ناس يعيشون بعد الدائري الثالث اما من يعيش تحت الدائرري الخامس مالهم من هالنفط الا غازاته و امراضة .

    البعض صدق الشيخ احمد باقر و الاقتصادي المحنك ( يعني عنده خبرة مو حنجة كبير ) وزير المالية السابق و الاسبق و المسبق بدر الحميضي خصوصا لما عوره قلبه و كان راح يصير في جلطة شخصيا ما صدقتهم خاصة بعد ما قارن الاثنان ميزانية الكويت بالصيين ؟!!! في احدى المحاضرات اللي قلبوها حسينية من كثر ما تباكوا على المال العام و ما كان ناقص الا انه الحضور يقومون و يطقون صدر !!


    فجأة و في يوم اغبر حار اصدرت الحكومة قرار بزيادة الراتب الاساسي لجميع العسكرين بالدولة بنسبة 100 الى 85 بالمئة !!! هني قمت ادور بالجرايد و القنوات السياسية و حتى سبيس تون و ما شفت الشيخ احمد باقر و الاقتصادي المحنك بدر الحميضي !! فسبحان الله و كأنه زيادة المعاشات لو يت من مطلب شعبي او من نواب تصير هدر للمال العام و اذا يت من الحكومة تصير حلال بلال و ما تضر الميزانية و لا تسبب تضخم لكرش الميزانية اللي طالما ضل باقر و الحميضي يخفونا من كبر كرشة ( بند الرواتب ) .... يا الحميضي وين اكتوارييك و يا باقر وين خوفك على الاجيال القادمة .

    ما قول الا الله يهني اخوانا العسكرين على زيادتهم اللي الله فكها من اكتواري الحميضي و تصريحات باقر و انا بدوري التمس العذر للحميضي لانه اكيد الحين يصيف بسويسرا و ما يدري عن القرار لانه لو يدري يمكن تحوشة جلطة عشان جذي اتمنى ما توصلة اي جريدة من الكويت و محد يوصل له خبر خوفا على قلبة الرهيف من الجلطة اما الشيخ احمد باقر اكيد رايح عمرة :p .
     
جاري تحميل الصفحة...

مشاركة هذه الصفحة