بليز بليز ابي مساعده ضروري وبأسرع وقت

الكاتب : ALq8ya | المشاهدات : 594 | الردود : 4 | ‏21 يونيو 2010
  1. ALq8ya

    ALq8ya بـترولـي جـديـد

    2
    0
    0
    السلام عليكم و رحمة الله وبركاته

    يعطيكم العافيه حابه اسأل وايد اسئله :) وابي الجواب اذا تكرمتوا

    انا قدمت على kpc العقود وقدمت الاختبارات و المقابله الشخصيه ,,,بالمقابله الشخصيه قالوا انهم بحطوني في مبنا knpc قسم الكمبيوتر

    قبل لا اسئل اسئلتي الوايد ابي اقولكم ان عندي دبلوم حاسب الى وانا حاليا موظفه بالتربيه

    نبلش :):confused:

    اولا : بما اني بكون في knpc هل انا راح اكون تبع شنو بالضبط (knpc or kpc)

    ثانيا : اللي قالولي اياه وانصدمت منه ان الراتب الاساسي 400 وشي + دعم العماله ما ادري جم بالضبط

    السؤال ابي احد يفيدني اكثر في الراتب وهل في بدلات او في علاوات او بونص او حوافز مع العلم سألوني اذا اقبل اروح مواقع

    ثالثا : سؤال للمستقبل :D بالنسبه لنا يعني عندنا بالوزارات دلع اجازه وضع وامومه وجذي ما عليكم امر ابي احد يفيدني

    رابعا : شنو المميزات اللي لنا يعني علاج تذاكر سفر من هالسوالف وهل لنا بدل سكن ترى ما ادري سمعت حجي وايد من هالسوالف

    خامسا وهذا الاهم حاليا : انا سويت المقابله وقالوا بدقون علي المشكله بسافر بعد اسبوع واخاف يدقون علي وانا مسافره جم الفتره اللي بيعطوني اياها مع العلم اني بسافر شهر وهل في اجراء اقدر اسويه او عادي احد من اهلي يسويلي اياه وشي ثاني اذا الله سهل وتوظفت انا زواجي شهر 10 هل ممكن اخد اجازه او اي شي طبيه يعني تدرون:eek:


    اخيرا وليس اخرا انصحوني اروح kpc او اظل بالتربيه :) وتسلمون على طولت بالكم معاي

    وسلامي مسك ختامي,,,,
     
  2. diners

    diners بـترولـي نشيط جدا

    اختي,

    لما تروحين توقعين العقد مع (المقاول) راح تشوفين مكتوب : الراتب الشامل 400 (وشي) مشمول العلاوات والبدلات.

    البونص والزيادات تحدده شركة البترول الوطنية على حسب ادائج وكفائتج.

    اجازات وضع امومة وعمره وزواج وغيره يعطون عليه, كل العقود مع شركة البترول الوطنية محكومة بقانون العمل الاهلي اليديد. 30 يوم اجازة سنوية, 15 يوم مدفوع الاجر مرضية غير اجازات الامومة وساعتين رضاعة باليوم الخ...

    المميزات بونص سنوي مع زيادة سنوية, تذكرة سفر, معاشين هدية, اما العلاج بالخارج او علاج بالداخل هذا ماادري عنه يقولون ان بيخلون كرت تامين لكل واحد.. وعلى حسب الشركة تتفق مع مستشفى خاص شوفي عاد اي واحد.

    لاتسافرين اختي نصيحة مني, انا بعد المقابلة كنت بسافر يومين وارد... باجر طيارتي الصبح داقين اليوم يقولون تعال كمل اوراقك ووقع العقد وباشر عمل كله مرة وحده... وللحين ماسافرت مشغول بالدوام :) هههههه

    ونصيحة مني روحي لل knpc لان كل مالها تصير احلى واحلى مع المميزات اللي ذكرتها.

    واتمنى لج كل التوفيق ومبروك مقدما الزواج.
     
  3. Bo 3Li

    Bo 3Li بـترولـي نشيط

    111
    0
    0
    {..Kuwait Oil Company..
    KUWAIT
    داام عقـوود اناا من رايي تقعديـن بالتربيـه وآآيد احسـن =)

    والله يوفقج ..
     
  4. التيم ليدر

    التيم ليدر بـترولـي نشيط

    69
    0
    0
    شركه نفط الكويت
    الكويت
    انتي مقدمه على عقوود المقااولين

    دام في العقد راتبج 400
    دعم العماله يكون 390
    يعني بيكون 790 د.ك
     
  5. ALq8ya

    ALq8ya بـترولـي جـديـد

    2
    0
    0
    اخواني diners و Bo 3Li و التيم ليدر
    يعطيكم الف الف الف عافيه تسلموووووووون ماقصرتواااا

    وسلامي مسك ختامي
     
جاري تحميل الصفحة...

مشاركة هذه الصفحة