سؤال عن البعثات في الخفجي

الكاتب : عذبي | المشاهدات : 2,735 | الردود : 21 | ‏20 يونيو 2010
  1. عذبي

    عذبي بـترولـي نشيط

    121
    0
    0
    السلام عليكم اخواني الكرام

    عندي سؤال عن طريقة البعثات في الخفجي اتمنى الاقي الرد الكامل عليه

    شلون الطريقه وين التقديم و متى .. الطلبات شنو او الشروط ..

    واللي يروح بعثه شلون على راتبه ؟

    كل اشكثر ينزل اعلان بعثات و كم واحد يبون ؟

    الخ

    اللي عنده معلومات لا يبخل على اخوانه جزاكم الله خير و بارك الله فيكم
     
  2. عذبي

    عذبي بـترولـي نشيط

    121
    0
    0
    ماكو احد يقدر يفيد اخوانه في هالموضوع :(

    ماكو احد راح يعثه ؟ ماكو احد يبي يدرس ؟
     
  3. Consultant

    Consultant بـترولـي جـديـد

    34
    0
    0
    السلام ....

    كل سنه ينزلون اعلان للبعثات اعتقد بداية السنه .... ومن السنه الجايه انشاء الله راح يكون في بعثه واحده ماجستير واثنين باكالريوس حسب ماسمعت ... الاعلان يدزونه بالايميل.

    موفق خير ان شاء الله ..
     
  4. عذبي

    عذبي بـترولـي نشيط

    121
    0
    0
    يعطيك العافيه

    و شنو هي شروط البعثات ؟ اكون شاكر لك حبيبي ...

    يعني لو مشاركه فيها تفصيل شوي عن هالموضوع .
     
  5. Consultant

    Consultant بـترولـي جـديـد

    34
    0
    0
    الشروط حسب ماكانت السنه الماضيه :
    توفل 500
    3 سنوات خدمه وتقييم جيد جدا
    موافقه دائرة الموظف
    لم يسبقله الحصول على بعثه
    تكون الدراسه في التخصصات المطروحه فقط

    هذا اللي اتذكره ... ولو تدور بالمنتدى راح تلقى الشروط كامله لبعثات المؤسسه وهي نفسها المتبعه بالخفجي ...


    ان شاء الله اكون فدتك باللي اعرفه

    موفق خير ان شاء الله
     
  6. عذبي

    عذبي بـترولـي نشيط

    121
    0
    0
    اخواني ياريت احد يفيدنا متى ينزل الاعلان للبعثات و سمعت ان الشركه اقبلت 3 موظفين للابتعاث واحد ماجستير و اثنين بكلريوس ..

    متى انقبلوا متى صار هالكلام .. ؟؟ منو الشباب اللي راحوا ؟؟

    ما عرفت الا من يومين .. و لا شفت اعلان اصلا .؟؟؟
    شنو اللي صاير ؟
     
  7. Consultant

    Consultant بـترولـي جـديـد

    34
    0
    0
    الاعلان كان نازل قبل سنه .. شهر 9 2009 تقريبا وكان نازل عن طريق نفط الخليج وبعدين تحول الى الخفجي ...
    وراح يكون كل سنه في اعلان ... يمكن خلال الاشهر الجاية ينزل شي وعادة يدزون تعميم بالايميل ..
     
  8. عذبي

    عذبي بـترولـي نشيط

    121
    0
    0
    يمكن وصل الايميل وما انتبهت له

    بس اللي هم اعرفه حسب كلام الشباب ان يبعثون تعميم في الناس اللي انقبلوا بعد !

    احنا لا سمعنا ولا شفنا التعميم بالمرشحين للبعثات ؟

    هل السالفه واسطات يعني ؟
     
  9. أبو حلا

    أبو حلا بـترولـي جـديـد

    11
    0
    0
    ياعمي البعثات لها ناسها وكلها وااااسطاااات

    مااقول الا الله ياخذ اللي في بالي
     
  10. sky-fly-man

    sky-fly-man بـترولـي نشيط

    108
    1
    18
    فعلا ثلاثه

    فعلا ثلاثه و كلهم يشتغلون في مكان واحد و زملائي
    ما ادري عن الواسطات بس انا اضمن انه واحد منهم على الاقل ما كان عنده واسطه اثنين منهم شباب مثل الورد بصراحه , نصحناهم وايد بهالخطوه و خذوها اعتقد اثنين منهم في امريكا اما الثالث فيدابج للحين بس الثالث سعودي مو من الجانب الكويتي
    الله يوفقهم
     
  11. Consultant

    Consultant بـترولـي جـديـد

    34
    0
    0

    لا ياخوي لاتحط بذمتك ... كان فيه شروط واللي وافين الشروط كانوا 3 بس ...وطريقة التقييم كانت واضحه للكل.
    وكل سنه اللي يطلعون من غير واسطه ولا شي .. واسأل عن اللي راحوا بعثات من قبل واتعرف

    قدم على الاعلام الجاي وان شاءالله تصير من نصيبك هالمرة ..

    موفق خير
     
  12. Consultant

    Consultant بـترولـي جـديـد

    34
    0
    0
    المرشحين اندزت اسمائهم حق دوائرهم .. وبامكانك تسأل بدائرة التدريب والتطوير وهم يفيدونك من رايح بعثه ومتى ممكن يكون فيه اعلان ثاني ..

    موفق​
     
  13. عذبي

    عذبي بـترولـي نشيط

    121
    0
    0
  14. لاتغرك ضحكتي

    لاتغرك ضحكتي بـترولـي جـديـد

    12
    0
    0
    اللي راحو بعثه حق جامعه نبي نعرف هالشباب عشاان نسئل
    ماقصرت
     
  15. عذبي

    عذبي بـترولـي نشيط

    121
    0
    0
    والله ياخوي بعد ما راجعت قسم التدريب و كلامي مع الاخ فريد الشلاحي عرفت ان الموضوع جد و مافيه واسطات و اللي يروح يروح بذراعه و كفاءته و انه ماكو مجال للواسطات في الموضوع لان المرشحين تعرف اساميهم على مدققين من KPC الام و يلازم تكون المستندات المطلوبه كلها موجوده ... يعني شروطهم لازم تنطبق على المرشح ولا ما يشمها ..

    و الثلاثه اللي راحوا اثنين منهم في امريكا راحوا لهندسة بترول شباب مستواهم في الانجليزي متقدم جدا و علاماتهم في التوفل كانت اكثر من المطلوب بكثير مادري اذا اقدر اكتب اسم احد منهم ولا لا ... واللي في الكويت لمن سـألته قالي لا واسطه ولا شى وهو مرشج لتكميل الماجستير .

    الاخ فريد الشلاحي شرحلي شلون يتم تقييم المرشح من خلال شهادة الثانويه و سنين الخبره و معدل الثاويه و الحاله الاجتماعيه و غيرها من الامور يجمعون العلامات كلها حسب ترتيبهم اهوا و بالاخير يشوفون ال overall حق كل المشرحين .. يعني السالفه مو قوترا هههه مخي افتر وانا احسب على جم شى يقيمون ..

    الله يرزقنا مثل ما رزقهم يستاهلون عيال الكويت ;)
     
  16. لاتغرك ضحكتي

    لاتغرك ضحكتي بـترولـي جـديـد

    12
    0
    0
    قوة اخوي عذبي ..
    لوتقدر تعطينا اساميهم على الخاص ..ومشكور وماقصرت
    وعقبالنا :)
     
  17. عذبي

    عذبي بـترولـي نشيط

    121
    0
    0
    علي عبدالرحيم عبدالرسول

    نواف ماجد المطيري
     
  18. OND

    OND بـترولـي جـديـد

    46
    0
    0
    اذا ماني غلطان علي عبدالرحيم عبدالرسول ولد اخو مدير دائرة HRD (التدريب)

    في علامة استفهام عليه
     
  19. لاتغرك ضحكتي

    لاتغرك ضحكتي بـترولـي جـديـد

    12
    0
    0

    وعلى فكره علي بوشهري وزميله الثاني كلهم بنفس الدائره جنه في شي غلط يمكن توسط حق زميله لوول مايندرى كل شي جايز وفي ناس تقول مافي واسطات بالشغلات مادري نصدق منو
     
  20. عمليات الخفجي

    عمليات الخفجي بـترولـي نشيط جدا

    349
    13
    18
    علي عبدالرحيم ...

    ولد عبدالرحيم عبدالرسول وليس ولد اخوه :)
    منجر التدريب سابقا
    ومنجر البيئة حاليـــا
     
جاري تحميل الصفحة...

مشاركة هذه الصفحة