راحت فيها الجمعيات التعاونية

الكاتب : خميس الخامس عشر | المشاهدات : 794 | الردود : 4 | ‏19 يونيو 2010
  1. خميس الخامس عشر

    خميس الخامس عشر بـترولـي خـاص أعضاء الشرف

    ياجماعة اللي عنده عضو بجمعية مضبطه بفرع صغير حتى وان كان الباجيلا والنخي والا كاونتير والا انشالله رف في السوق المركزي سلموا عليهم لأن اعضاء جمعياتنا بخصخصونهم مع البضاعه ويطبوقن عليهم اول ناس .. وانسوا سالفة عمرة الجمعية وجوائز المدارس واي نوع خدمات اجتماعية والا معنوية كانت تقدمة الجمعيات للمنطقة يعني راح تتحول مناطقنا بمشيئة الرحمن الى مناطق رأسمالية ولاعزاء لنا لأننا رأس ومالين من الجمعيات بعد.


    اول خطوات الخصخصة تمت في آخر الاسبوع الماضي في مجلس التخطيط الأعلى ..

    وهي خصخصة الجمعيات التعاونية على ان يتم تعيين ثلث مجلس ادارتها من قبل وزارة الشؤون ولمدة سنتين وثلثين من المستثمر و المضحك في القانون ان تكون نسبة الكويتيين او الخليجيين ( بما فيهم الشيطان الأكبر ) 50 % من العاملين وعدم توظيف غير محددي الجنسية وتدفع رواتبهم الجمعية والحكومه تتكفل في . انتهى الخبر

    وان صياغة القانون رفعت لمجلس الوزراء لعرضه على مجلس الأمه واقرار بما ان الحكومه تمتلك في المجلس الوثني مالم تمتلكه ايام الخوالي فانها ستقر اكثر من قانون ويعتبر قانون الجمعيات التعاونية بالون اختبار للحكومة فان مشى فانها ستتقدم بعدد 14 قانون خصخصة اهمها مايختص في القطاع النفطي وينقسم الى عدة اقسام هي الناقلات والمصافي الثلاث ومصانع الأسمدة

    بالنسبة للجمعيات فهي سلاح ذو حدين..

    اولها هو القضاء على الفساد الطائفي والقلبي المستشري في مجالس ادارة الجمعيات المنتخبة والبوق اللي ماله نهاية ولكن هل تتوقعون ان تكون النسبة كما ذكر في القانون؟ آمنا بالله يمكن ، انزين ليش قطع ارزاق البدون مثل مافينا الشريف فيهم الشريف ومثل ماعندنا سئ عندهم كذلك .. ماعلينا نقول الثغرة اللي في تعيين الخليجين بدون تحديد دول مجلس التعاون يعني العراقي والايراني من استخباراتهم والحرس الثوري بكون مسؤولين عن التموين والسوق المركزي والتعيين في مجالس الإدارات عندما تكون محسوباً على نائب وثني بصام يضبطك بدون مؤهل ولا هم يحزنون وتصير سمو عضو مجلس ادارة جمعية ال... حتى لانعمم ..

    ثاني نقطه بنظري ان سيتم استيلاء مركز سلطان و سوق الميرة ومن يمتلك راس مال قوي على غالبية الجمعيات لوجود وفرة مالية لدي هذة الأطراف والسبب الآخر هو الرضاء الحكومي عن نواب الطائفة الشيعية ومن ثم تجارها ولاعزاء لأخواننا الشيعة البسطاء فهم معانا في الهوى سوى وعلى قولة الهندي سيم سيم..


    وانا اقول هيك شعب يستحق هيك مجلس والذي بطبيعة الحالي سيسحق الطبقة الفقيرة عشان تتعلمون شلون تنتخبون مو الفرعية ونبصم عليهم في يوم الإنتخاب بدون ادنى وعي او عشان والله من طائفتي اعطيه عمياني لازم يكون هناك حسن انتخابات في المجلس القادم يا اخوان خل تتغير القوانين لصالح الشعب مو ضد الشعب..
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    عندي استدارك بسيط
    المصافي خارج قانون الخصخصة
    أخوي خميس الموضوع كبير جدا ومتشعب لا تكفيه عده أسطر لشرحه


    كل الشكر للزميل خميس
     
  3. nash

    nash بـترولـي نشيط جدا

    236
    0
    0
    صاحب فكرة الجمعيات التعاونية عبقري بس العيب بالتطبيق و تحوليها للقطاع الخاص معناها انه انسلم التجار اهم قطاع في تجارة التجزئة و مع هاالقطاع راح نسلمهم رقبة المواطن .... هذا مركز سلطان و كارفور و جيان اسعارهم اغلى من اي جمعية فيها فساد اداري فشنو سوت لنا ادارة القطاع الخاص غير رفع الاسعار الغير مبرر ؟!
     
  4. محمد المذن

    محمد المذن بـترولـي مميز

    694
    0
    0
    بعد مايبون بيتنا نعطيه التجار وندفع لهم اجار؟؟؟؟
     
  5. بترولي حر

    بترولي حر بـترولـي مميز

    775
    22
    18
    قانون الجمعيات ما فيه اي عيب بس لو الجكومة تطبق القانون على الحرامية بوزارة الشؤون لن نجد مشاكل ...كم مجلس ادارة

    حفظت تحوليه للنيابة وزارة الشؤون ؟
     
جاري تحميل الصفحة...

مشاركة هذه الصفحة