ومازال ظلم الانسنتف قائما؟

الكاتب : XLANS | المشاهدات : 2,691 | الردود : 21 | ‏19 يونيو 2010
  1. السلام عليكم ورحمه الله وبركاته
    اول شي مبروك لجميع من حصل على الانسنتف
    ثانيا انا من المرشحين للحصول على الانسنتف ولكن ماحالفني الحظ بس الغريب في الموضوع انه ولا واحد في شفتي من المشغلين 2 حصل عليه مع ان التقارير زينه very good + هل يحق لي اتكلم او لا يعني معقوله ولا واحد يستحق انا مامرت علي ابد هالسالفه كل سنه اقل شي واحد او اثنين في الشفت ودمتم سالمين .
     
  2. ماستر فلو

    ماستر فلو بـترولـي جـديـد

    27
    0
    0
    الله يعينك

    من كثر الظلم اللي واقع علينا نردد وانقول شيلمهن شيلمهن

    محتاجين قانون ينظم الانسنتف ولازم النقابة تتحرك وبالاول اخوي وجه كتاب للنقابة وخلونا نتحد وانطالب بقاون واضح ومحدد يفكنا من هالسوالف
     
  3. Q8GAS

    Q8GAS بـترولـي مميز

    514
    0
    16
    يفيدونك الربع ان شاء الله
     
  4. مطنوخ

    مطنوخ بـترولـي جـديـد

    16
    0
    0
    السلام عليكم ورحمة اللة وبركاتة
    اللة يعينك اخوى وهذى الشركة صلى على النبى كل شى فيها معكوس والظلم واجد وعسى ربى ياخذ بحقك ويسلط عليهم اللى
    يظلمهم
     
  5. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته


    بخصوص الأنسينتيف !!

    مافي آلية واضحة مطبقة فعلياً للأنسنتيف .. كل مجموعة لها طريقتها بمنح عاملينها !!

    في مدراء يتفقون مع التيم ليدرز بالترتيب مسبقاً منو اللي ياخذ

    وفي مدراء يتركون الأمر للتيم ليدرز اهم اللي يحددون وبالتالي كل تيم ليدر يجتمع مع الـ staff

    في مدراء مو شرط يعطي للي ماخذ آوت ستاندينق بشرط انه يكون ماخذ من قبل خل نقول بآخر 5 او 3 سنوات

    وفي من يتبع سياسة الأولية بغض النظر شنو ماخذ تقييم اوت ستانديق او 2-

    وفي مجاميع تتفق مع مجاميع اخرى يكون الموظف توه منقول لها فـ يتم التنسيق عطوا موظفنا المنقول لكم ونعطي موظفكم !!

    بالنهاية اللي ياخذ محظوظ ومبروك وعليه بالعافية واللي يحس انه يستاهل وما اخذ الله يرزقه إن شاء الله
     
  6. KOCE

    KOCE بـترولـي جـديـد

    23
    0
    0
    مبروك للجميع وانشاء الله للي ماخذه هل السنه ياخذه السنه الجايه بس شوية مجهود شخصي ( المساحل ) للمسؤولين بتوصل لكل شئ ولا يحرق اعصابه لأن البلد كلها ماشيه بالطريقه هذه :)
     
  7. ام عيالي الحلوين

    ام عيالي الحلوين بـترولـي جـديـد

    49
    0
    0
    عندنا موظفتين خذوا الانسنتف وخذوا الاوت ستاندنق وخذوا مكافاه ال75 سنه اعلى شي
    ولا الكونتراكت يشتغلون بدالهم ووحده منهم بالسنه تاخذ عشر اشهر طبيه وبالاخر اسألهم اقولهم ما شاء الله سوبر وومن كلشي لكم يقولولي ناخذها غصب على اللي مايرضى

    ما اقول اللي تاخذه مو من حقك يبقى فلوس ماراح تتهنى فيها لانها من عرق احد ثاني

    وهذي الديره ماشيه جذي كلشي غصب على كلمن صوتك عالي وتسوي مشاكل تاخذ اللي لك واللي لغيرك
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    وش هــذي المكـافـأة مـتي طلعـــت :confused::confused:
     
  9. ربما

    ربما بـترولـي جـديـد

    3
    0
    0
    السلام عليكم

    الله لايوفق من ظلم في اعطاء الانسنتف يارب العالمين والله لايوفق من حط واسطه لاخذها وهو يعلم انه مايستحقها والله لابيحهم ولا يحللهم
     
  10. امـــــــــــــــــــــــــــــــــــــــــيــــــــــــــــــــــــــــــــــــــــــــــــــــــــــــن
     
  11. KOC-Q8

    KOC-Q8 بـترولـي نشيط

    64
    0
    0
    KOC
    Kuwait - KOC
    واللي يقهرك اكثر ان لما تيي تطالب فيها يقولولك انطر انت توك يديد احنا تونا قمنا ناخذه !
    وتشوفهم ميتين بس ينزل اسمهم أنا ما اقول الااا حسبي الله ونعم الوكيل فيهم
     
  12. نشيط

    نشيط بـترولـي نشيط

    100
    0
    0
    حسبي الله ونعم الوكيل باللي ماينصف ولا يخاف ربه
    يعني شنو نفس الاسماء كل سنه تااخذ لا ولا سنه وترك وناااس ماتشم ريحتها كلنا نداوم من 7 لي 3 وكلنا نشتغل يعني مو معقووله نااس ماتحووشهم 8 سنيين و5 سنييين وتشوف ناس عينك عينك كل سنه يااخذوونها ليش بالله وتكفه شنو اللي يسوونه والله حالهم من حالنا واحنا الطبقه الكادحه اهما يااخذون الشغل زااهب مزهب واحنا نكرف ونطلعلهم هالشغل

    واي نقاابه النقاابه تتوسط لهم مااتفيدك حبيبي
    رااحت على شي اسمه نقاابه واضح اتجتتاهم انته من العاايله الفلانيه ونته تصيرلنا ومن ربعنا خلاص كل امورك تمشي
     
  13. KOC-Q8

    KOC-Q8 بـترولـي نشيط

    64
    0
    0
    KOC
    Kuwait - KOC
    المشكله يا ولد عمي ان ساعات هم يكون ناس منك فيك .. بس هم على قولتك امورك ماتمشي ... خلها مستوره عمي صدقني كل واحد فينا بالشركه شايف تجاوزات تشيب الراس .. بس كل واحد خايف على لقمة عيشه
    بس صدقني تشوف فيهم يوم
    حسبي الله ونعم الوكيل فيهم واحد واحد
     
  14. ام عيالي الحلوين

    ام عيالي الحلوين بـترولـي جـديـد

    49
    0
    0
    جونم هذي مكافأه اللجان اللي اشتركت باحتفاليه 75 سنه
     
  15. المهندس

    المهندس بـترولـي خـاص

    1,305
    8
    0
    من بعد خمس سنوات عطوني انسينتيف السنه هاذي ... وخلال السنوات الخمس او ستاندنج وفيري جود بلس وما عطوني :) ..... وازيدكم من الشعر بيت السنه هاذي الاس او بي بس فري جود ...... ماني عارف شنو المقاييس .. هل هي بالدور مثلا او شنو :) الحمدللهعلا كل حال و زين طلع منهم شي .
     
  16. koc-76

    koc-76 بـترولـي مميز

    591
    0
    0
    انه سجلولي انسنتف وحطيت كل انجازاتي وبالنهايه شالوا اسمي وما حصلت شي
     
  17. نشيط

    نشيط بـترولـي نشيط

    100
    0
    0

    ^^^^^^^
    حسب مزااجهم بهذااك اليوم
    وبعديين ليش يعطوونك لاازم يشبعوون ربعهم سنويا لين واحد من ربعهم يموت او يتقاعد
    بعدين يقولون يالله فضى اسم ماايكفيهم سنه او سنه وترك لااازم سنويا
     
  18. القناص

    القناص بـترولـي جـديـد

    14
    0
    0
    السلام عليكم

    الانسنتف يوزع لربع التيم ليدر
     
  19. مستر خبره

    مستر خبره بـترولـي نشيط

    125
    0
    0
    صدقت يا القناص هذا فعلا الشي اللي حاصل

    انا عندي انجازات وكتب شكر وتقييمي السنوي ( آوتستاندق ) ورفع فيني مسئولي المباشر ( انسنتف ) واسمي كان من ضمن الاسماء اللي باللسته . لكن للاسف لأن عندي خلاف شخصي مع التيم ليدر ومايحبني فشال اسمي بس علشان ينفس عن حقد بقلبه !!! مايدري ان فيه رب فوقه بيحاسبه !!! عموما الحمد لله على كل حال وحسبي الله على من ظلمنا .

    شركة نفط الكويت = شركة التيم ليدر
     
  20. حداق

    حداق بـترولـي جـديـد

    6
    0
    0
    ياعمي
    انسنتف وانسنتف واس او بي واس او بي
    كنه دافع من جيب ابوه
    ان اظلموك بالانسنتف وسنعو التقرير يمشي الحال
    ان اظلموك بالتقرير وسنعوك بالانسنتف هم يمشي الحال
    ولكن ان اظلموا بالاثنين (الظليمه شينه)
    خل مال الدنيا له والتفلسف على حساب الشركه له كنه دافع من جيب ابوه

    واللي خذو عليهم بالف عافيه
    واللي ماخذوها اليوم بياخذونها باجر
    وان ماخذوها باجر بياخذونها من عين الظالم يوم لا ينفع لا مال ولا بنون الا من اتى الله بقلب سليم

    وماطار طير وارتفع الا وكما طار وقع وقع وقع وقع
     
جاري تحميل الصفحة...

مشاركة هذه الصفحة