لمن عنده ابن او ابنه تعدت 14 عام (هام جدا)

الكاتب : nash | المشاهدات : 951 | الردود : 8 | ‏18 يونيو 2010
  1. nash

    nash بـترولـي نشيط جدا

    236
    0
    0
    بسم الله الرحمن الرحيم


    حاب انبه الكل لموضوع مهم جدا و خطر على مستقبل عيالنا ... قبل مدة ليست بطويلة تم تغيير قوانين الدخول لبعض الكليات العلمية و البعثات الخارجية بحيث انه من لا يتجاوز امتحان القدرات الانجليزي يحرم من البعثات و ايضا من كلية مثل الهندسة و الطب ؟

    يمكن يقول البعض هالقرار صحيح و ارد عليهم و اقول صحيح لو انه مدراس الحكومة قادرة على تخريج طلبة متقنين للغة الانجليزية و هالشي مو موجود مو لانه في عيب بشبابنا و عيالنا و لكن بسبب المستوى الهابط للتعليم و الدليل انه الكثيير من الشباب يصل لنسبة 90 و لا يتقن اللغة الانجليزية ؟!!

    الكثير من المتفوقين بالمدارس الحكومية ( بالسابق ) لم يتجاوزوا امتحان القدرات الانجليزي و حاليا هم مهندسين و دكاترة و يحملون شهادات عليا و لو انه هالقرار تطبق عليهم كنا راح نحرمهم من مستقبل اهم يستحقونه و نعطي الفرصة فقط لمن تخرج من مدارس خاصة و كأنه قاعدين نعاقب اللي ما عنده مقدرة على ادخال عيالة مدارس خاصة او حتى اعطائهم دورات بالانجليزي ... ما ادري شنو راح يصير لو انه الضعيف بالانجليزي نعطي كورس لغة على حساب الحكومة و كأنه الكويت ميزانيتها راح تخلص لو عطيناهم كورس لغة ؟!!


    الخلاصة : نصيحة للي عنده ولد او بنت بسن قريب من التخرج ان يحرص على ادخالة في كورسات انجليزي عشان يكون قادر على تجاوز امتحان القدرات او يكون مصيرة بكلية مالها اي دخل بالتخصص اللي حاب يدرسة ...


    الظاهر و الله اعلم انه علية القوم يبون تكون البعثات و جامعة الكويت حكر على عيالهم و اللي على المعاش عياله مالهم حق يطلعون مهندسين او دكاترة او يستفدون من خير ديرتهم و يبنون مستقبلهم ...
     
  2. ACCOUNTANT.GIRL

    ACCOUNTANT.GIRL بـترولـي نشيط

    90
    0
    0
    looking for a JOB !<---MISSION DONE
    الكويت
    اذا الدراسة كلها بالانجليزي
    فأكيد ضروري انهم يجتازون القدرات
    واللي ما يجتاز القدرات ومعدله يدخله الجامعه قاعدين يعطونه تمهيدي انجليزي
    فمادري شالمشكله ؟
     
  3. _Eng_

    _Eng_ بـترولـي جـديـد

    37
    0
    0
    الظاهر و الله اعلم انه علية القوم يبون تكون البعثات و جامعة الكويت حكر على عيالهم و اللي على المعاش عياله مالهم حق يطلعون مهندسين او دكاترة او يستفدون من خير ديرتهم و يبنون مستقبلهم ..



    مو الظاهر الا أكيد و200% ... للأسف الديره صايره تمشي بالقري
     
  4. nash

    nash بـترولـي نشيط جدا

    236
    0
    0
    اي عدل ضروري يجتازون الانجليزي هذا اذا كانت مدارسنا تعلم انجليزي لكن للاسف شباب و بنات نسبتهم فوق 90 و بالانجليزي فوق 90 و لما ياخذون امتحان قدرات ما يقدروون يطوفون امتحان الانجليزي ليش ؟! فاشلين مثلا طبعا لا لانه التعليم الحكومي فااااااااااااااااااااااااشل ...

    انا اعلمج شنو المشكلة حاليا اللي يبي يروح بعثة لو معدلة مثلا فوق التسعين و يستحق البعثة لكن يسقط بالانجليزي يقولون له مع السلامة و نفس الشي اللي ما يطوف امتحان القدرات الانجليزي ينزلوون معدلة يعني لو واحد نسبته 95 و ما قدم امتحان انجليزي عدل ايضا يقولون له مع السلامة ماكو هندسة و طب و السبب انه امتحان الانجليزي نزل نسبته و تخسر الكويت و احنا شباب متميزين ما لهم اي ذنب الا انه ابهاتهم ما عندهم فلوس يدخلون مدرسة خاصة .

    شخصيا اعرف مهندس تخرج من الهندسة بمعدل فوق 3 نقاط و حاصل على الماستر و دكتور و شباب تخرج من الاوائل على كلية الحقوق و حاليا يكمل دراسته بفرنسا على حساب الدولة و غيرهم وايد كلهم سقطوا بامتحان القدرات الانجليزي لو انه هالقرار كان موجود على ايامهم كان مستقبلهم ضاع و السبب فقط انه ابهاتهم مو قادرين يدخلونهم مدارس خاصة ؟!!
     
  5. nash

    nash بـترولـي نشيط جدا

    236
    0
    0

    على فكرة عندنا شباب يتخرجون من جامعة الكويت بأسم عوايلهم و ارصدة ابهاتهم مو بمجهودهم و دراستهم : )
     
  6. nash

    nash بـترولـي نشيط جدا

    236
    0
    0
    اخواني هالكلام اقوله كتنبيه اللي عنده عيال قريب يتخرجون يدخلهم دورات انجليزي لانه تعليمنا الحكومي ما يعلم انجليزي و الدليل شباب و بنات معدلاتهم فوق 90 يسقطون بامتحانات القدرات ....
     
  7. ACCOUNTANT.GIRL

    ACCOUNTANT.GIRL بـترولـي نشيط

    90
    0
    0
    looking for a JOB !<---MISSION DONE
    الكويت

    انت قاعد تتحجى عن الكسالة
    ولا شلون جامعة الكويت متروسة !!
    ترا الامتحان سهل واللي مو فلتة انجليزي ينجح فيه
    واللي ما ينجح بهالامتحان شلون بيمشي بالجامعه ؟!
    وبعدين اللي قاعد يقول ان علية القوم يبون الجامعه حقهم اصلا الحين من فتحو الجامعات الخاصة وعلية القوم على قولتك متكودين هناك
    مو مستواهم جامعة الكويت
     
  8. nash

    nash بـترولـي نشيط جدا

    236
    0
    0

    : )



    اخواني اقولها و القصد النصيحة اللي عنده عيال مو قادر يدخلهم مدارس خاصة يحاول انه يدخلهم كورسات انجليزي من اول ثانوي لي التخرج عشان يتقنون اللغة الانجليزية و يكونون جاهزين لاي متحان لأنه حتى اللي يقبلونه بعثة داخلية يشترطون عليه انه ينجح بالانجليزي و اذا سقط يعطونه كورس بالكلية اللي انقبل فيها بس على شرط في حالة صار له اي ضرف و ما كمل يدفع فلوس كورسات الانجليزي اللي اساسا اهيا مبالغ فيها يعني مثال الكلية الاسترالية تاخذ تقريبا 4000 على السيمستر و البعض يطلبون منهم ياخذون كورسين يعني 8000 يخلونها مسلطة على رقبة الطالب و و الدينه في حالة انه صار له اي ظرف و ما كمل دراسته ....

    اكتب هالكلام لاني شفت شخص معدلة 93 بالامية لم يقبل بكلية الهندسة ( الكلية اللي يحلم فيها ) و السبب ضعف التعليم الحكومي بالأضافة الى عدم دخول بعثة داخلية خوفا من انه والدة يتحمل نفقات كورس التمهيدي الانجليزي
    : )
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    فعلا يا ناش

    تعقدنا من سالفة إمتحان القدرات ما أدري كان الموضوع مجرد مدخول إضافي ( عن كل مادة 5 دنانير )
    أحس إن الفكرة الأساسية حلوة بتهيئة الطلاب للجامعة و معرفة مستواهم قبل قبولهم
    لكن التطبيق عليه ملاحظات
     
جاري تحميل الصفحة...

مشاركة هذه الصفحة