آآآآآآخ عليج يالكويت

الكاتب : mubarak989 | المشاهدات : 1,234 | الردود : 10 | ‏16 يونيو 2010
  1. mubarak989

    mubarak989 بـترولـي نشيط جدا

    222
    18
    18
    اعتقد مرة عليكم مرور الكرام اعلانات شركة الخرافى فى معظم جرايد الكويت واللى يقول تفتخر شركات الخرافى بانجاز مشروع منتجع بجنوب افريقيا يعنى تسافر هناك وتطالع المباراة بالمنتجع الخرافى
    بس بحط مقتطفات من ايميل وصلنى يمكن توصل الصورة لكم صح:
    1-GREEN POINT STADIUMملعب يستوعب 68 الف قيمتة330 دولار بالكويتى 69 مليون دينار بدا العمل فية 2007 تم تسليمة 2009؟!!!!!!
    2-NELSON MANDELA BY STADIUMيستوعب 48الف قيمتة 1.7 مليار دولار باكويتى 550دينار بدا العمل فية 2007 تم تسليمة 2009؟!!!!!!!!!!!!
    اما استاد جابر متى بلشوا فية من سنتين لا طبعا ثلاث سنين لا طبعا ادرى بتتعبون بلشوا فية سنة 2000 وليمن الحين 2010 ماخلصوا منة مو حرام بذمتكم اللى قاعد يصير مشاريع ضخمة يسوونها بجنوب افريقيا مطارات وقرى سياحة بشرم الشيخ ومرسى علم ودبى ولبنان وتجار الكويت جم مشروع سواااااااا النتيجة صفر مشروع ليش لان الكويت بنظرهم ماتستاهل ويستكثرون على مسلم وربع التجمع الشعبى ليمن يقولون عنهم بلاعة البيزات!!!!!!1
    مؤشر البورصة احمر
    مؤشر الكهرباء احمر
    طبعا اذا طفت الكهرباء كل واحد مزهب طيارته ومسافر واحنا نروح نشترى مولدات ومهفه حق الحر
    الله يالكويت والله تستاهلييين اكثر بس منو اللى يحاسب
    بس بطفى الجهاز الموشر وصل فوق الاحمر:(:mad::confused:
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    قدم لمصر مطار
    ليش مايقدم للكويت محطة كهربا

    او حتى سيراميك بقسم بمستشفى العدان وبينحط القسم بسمه
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شفت الإعلان في صفحة كاملة ملونة في الوطن و الراي على ما أظن

    بصراحة شيء يفرح أن شركة كويتية تبني و تعمر في أنحاء العالم

    و الشيء المحزن أن الكويت لا تستفيد الكثير من هذه الشركات و

    لأسباب الله أعلم عنها

    بالبيت قاعدين نجهز لمبات الطواريء نشحنها

    و صار لي مدة مو شاري إيدام وايد و السبب الحذر من إنقطاع الكهرباء

    و الله المستعان
     
  4. aL- raSy

    aL- raSy إدارة المنتدى

    2,714
    0
    36
    خوش اعلان.. و خوش مشروع..
    بس و الله هم الكويت تستاهل..


    [​IMG]
     
  5. المنجنيقي

    المنجنيقي بـترولـي خـاص

    1,966
    0
    36
    يابن الحلال مانبي من الخرافي شي نهائيا

    هو خل يكمل استاد جابر .. وبعدين عاد إذا فيه خير لديرته راح نشوفه
     
  6. WAFRAWEY_Q8

    WAFRAWEY_Q8 بـترولـي نشيط جدا

    317
    0
    0
    بالاصبخه والصحرا المشمسه
    kuwait
    يا جماعه انا مره شفت مقابله حق واحد من ابناء الخرافي اعتقد ناصر اذا ماخاب ضني مادري ابأيبرنامج
    فا سأله المذيع هالسؤال
    انتو قاعدين اتسون مشاريع كبيره بره وضخمه الكل يشهد لها ويتلكم عنها
    ليش ما اتسوون اهني بالديره بدال لا اتروحون بره
    رد عليه ناصر الخرافي
    قال
    اذا سوينا اهني قالو انت مختلص مناقصات وبايق مناقصه ومادري شنو ليش اعور راسي اهني اسوي اهناك ويعطوني امتيازات بدون عوار راس
    :)
    الريال مايبي يعور راسه فا لا اتعورون راس احد كيفه افلوسه واهو حر
    الكبير لاعب والصغير تاعب و اخونا المراقب العام يقول ما يشتري ايدام وايد علشان الكهربا
    وقطر بتسوي ملاعب مكيفه

    الله يرحم ابحالنا
     
  7. Mr.Ahmad

    Mr.Ahmad بـترولـي مميز

    اعتقد

    من وجهة نظري

    مليون دينار = 1000 متر

    برا

    مليون دينار = منطقه :D

    غير باجي العده اللي تفرق بالسعر

    الكويتيين نفسهم ينحاشون من الديره بسبت الحر والجو

    تهقون الدول الثانيه راح تصيف عندنا؟

    اكيد يبون الطبيعه والبراد غيره والاهم يبون (الحريه اللامحدوده) لول ;)

    واكو اسباب ثانيه بس مانقدر نذكرها :cool: والشاطر يفهم

    وبعدين الريال حُر , يشتغل بمشاريعه وين ما يبي

    كل واحد يفكر بمصلحته يا جماعه

    كافي مجاملات يا ناس لان الاغلبيه لو كانوا بمكان الخرافي راح يسوون مثله واكثر

    الحين ينط واحد ويقولي يعني الكويت ما تستاهل؟

    والله تستاهل كل خير

    بس العين بصيره والايد قصيره :)
     
  8. تايتنك

    تايتنك بـترولـي خـاص

    1,239
    0
    0
    انتوا ماسكين بالخرافي هذا مستثمر يبي امان واستقرار وكلام الخرافي رئيس المجلس لو متابعينة جان عرفتوا الرد ليش المستثمر ينحاش من الكويت
     
  9. كي او سي

    كي او سي بـترولـي خـاص أعضاء الشرف

    ليش المستثمر ينحاش ، نبي نعرف ليش؟

    ممكن تفيدونا


    على العموم مناقصات عديده للخرافي في الكويت وتقريبا اكثر من 70 %

    ولكن

    التملك اللي مو قادر يحصله في الكويت

    وراح تشوفون باذن الله عند تطبيق نظام ال b.o.t

    100% اشلون تحتكر وتلهم مجموعة الخرافي باقي المناقصات

    وللعلم اكثر الدول اللي فيها امان واستقرار مالي هي الكويت

    والحكومة ايضا ما تحب الخسائر للبنوك وتدافع عن التجار ولو على حساب خسارتها كما هو الحاصل الان
     
  10. وطنى وبس

    وطنى وبس بـترولـي نشيط

    95
    1
    0
    والله قهر ؟؟؟

    قمة الاستغراب والعجب



    قبل لا ادش بموضوع اليوم ...
    عندي اعلانين مهمين :
    - الاول : حبيت اوضح ان مجمع 360 للمرزوق وليس للغانم.. يعني حتى مشروع واحد ما عندهم .. عادي نفس الخرافي ما سوا ولا شي للديرة..
    - الثاني : لما باعت الخرافي "زين افريقيا" وزعت 160 فلس وليس 170 فلس ... وبالمناسبة لما نزلت الارباح للناس .. تلاعبت بالسوق ونزلت بيع السوق .. يعني حتى 170 فلس ما تهنت فيها الناس ...
    ............ ......... ......... ......... ......... ......... ......... ........




    [​IMG]








    الكل اكيد شاف اعلان مجموعة الخرافي على الصفحة الاخيرة لاغلب الجرايد ...
    تفتخر فيه بانها قامت ببناء ملعبين من ملاعب جنوب افريقيا لاستضافة كاس العالم ...
    ما ادري شنو شعوركم كان ... بس انا شعرت بالاشمئزاز الكبير ...
    وانا اشوف الاعلان ... تحسرت على الديرة اكثر ...
    ومثل ما كتبت بالموقع ... ان الديرة ما تستاهل من الخرافي انها مشروع واحد من هالمشاريع فيها ؟؟!!...
    ............ ......... ......... ......... ......... ......... ......... ........
    خلوني اخذكم بجولة بسيطة عن الملاعب الى تتفاخر مجموعة الخرافي انها شيدتها ...




    [​IMG]






    ملعب Green Point Stadium ... الصراحة معمار رائع ... ومع حق جنوب افريقيا انها تفتخر فيه ...
    الملعب يستوعب 68 الف مشاهد ... بس جم تكلفته ؟؟
    تكلفتة كانت فقط 330 مليون دولار ... يعني 97 مليون دينار كويتي...؟؟!!
    بس متي بلشوا فيه ؟؟!!
    العقد بدأ في سنة 2007 وتم تسليم الملعب وافتتاحه العام 2009..؟؟!!




    [​IMG]






    اما ملعب Nelson Mandela Bay Stadium, Port Elizabeth ...
    يستوعب تقريبا 48 الف ... الحقيقة ان المواقع الرسمية لجنوب افريقيا ما حددت الرقم الحقيقي ... بس موقع اكد ان التكلفة 1.7 مليار دولار ... تقريبا 500 مليون دينار كويتي ...
    وطبعا الملعب هذا بلشوا فيه سنة 2007 وتم التسليم سنة 2009...
    باختصار خلونا نقول .. ان ملعبين تم تسليمهم باقل من سنتين ...


    اما استاذ جابر الاحمد الدولي ... تتوقعون متي بلشوا مجموعة الخرافي فيه ...
    تخيلوا ... سنتين ؟؟ّ!! طبعا لا
    ثلاث سنوات ؟؟!! طبعا لا
    خمس سنوات ..؟؟!! طبعا ...
    تعبتوا ولا بعد ؟؟!!
    المشروع بلشوا فيه سنة 2000 ... واحنا الحين بسنة 2010 ...
    عشر سنوات ... وللحين ما تم افتتاح مشروع استاذ جابر الاحمد الدولي ...
    بالله عليكم مو حرام هالوضع ...؟؟!!

    بس ترا الى المفروض ينلام ؟؟!!..
    انا وانت اللى سكتنا ...
    ورضينا ان مجموعة من التجار .. يتلاعبون فيني وفيك ...
    انا قلت لا ... انت تقدر تقول لا ؟؟!!
    فكر فيها ... ترا الكويت تستاهل على الاقل ان تقول لهم .. لا بس كفاية ..!!!
    ............ ......... ......... ......... ......... ......... ......... ......... ...
    وطبعا بالاعلان حاطين ايضا ... منتجع بجنوب افريقيا ... ويدللون عليه بعد ...
    قبل يومين قلت ان مجموعة الخرافي .. سوت مشاريع بشرم الشيخ ودبي وجنوب لبنان ... والحين بجنوب افريقيا ... وغيرها من الدول ...
    بس بالكويت جم مشروع سوا للناس ؟؟!!
    خلونا نعد مع بعض ؟؟!!
    الاجابة .... صفر مشاريع ...
    بالعكس بلعوا كل المناقصات الى بالديرة ...
    وفي وزارة ولا حكومة فيها خير ... ما ترسي اي مشروع على الخرافي ...
    مجموعة الخرافي صار فيها اغنى ثاني رجل بالعرب ... من منو تتوقعون ؟؟!!
    الاجابة ... مني ومنك ...
    وانا وياك نمثل الكويت ...
    ............ ......... ......... ......... ......... ......... ..

     
  11. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    أي والله أنكم صادقين

    لكن حنا مانبي منهم شيء يمعود خوفك يسون لنا شيء وما يضبطونه وبعدين نتحسر عليه


    ههههههههههههههههههههههههههه


    والله أشياء غريبه
     

مشاركة هذه الصفحة