سوأل لاعضاء نقابة عمال القطاع النفطي الخاص

الكاتب : محمدنجم | المشاهدات : 1,114 | الردود : 14 | ‏15 يونيو 2010
  1. محمدنجم

    محمدنجم بـترولـي جـديـد

    11
    0
    0
    السلام عليكم و رحمة الله و بركاته .............

    يعطيكم العافيه اجمعين ....... انا عندي سوأل حق اخواني اعضاء النقابه , شنو انجازكم حق الموظفين و العمال اللي بالقطاع النفطي الخاص و خاصة قطاع الحفر من بداية النقابه الى هذه اللحظه ؟؟؟؟؟؟؟؟؟


    مع تمنياتي لكم بالتوفيق

    و شكراااا ..............
     
  2. yousef dashte

    yousef dashte بـترولـي نشيط جدا

    203
    0
    0
    ليش شنو ما تعرف

    ليش تروح بعيد عندك حبيبك اللي بالريق معاك
    طارق الغريب الله يطول عمرة ويوفقة
    ويسدد خطاه البطل المغوار
    رجل يعرف الله ويخاف من الله
    عندك معاك بالدوام ليش ما تسأله لاتخاف
    روح له وقول شنو انجازك وشنو انت سويت للنقابة
    وشنو سويت لنا راح يجاوبك ويقول
    تدري اشلون انا ما ابي اجاوب عنه راح اخلي الجواب له
    بس احب اقول لطارق الغريب اللي يخاف الله
    مشكور كل الشكر لانك قايم بواجبك امام الله
    وبسببك احنا (متورطين) حالنا بخير
    اذا انت من الاساس مو قد النقابة عيل ليش دشيت
    واذا ما خذ موقف من النقابة ليش معلق شغلنا
    تدري والله كل ما احد يذكر اسمك
    ادعي عليك بعد كل صلاة
    يا ناس شغلنا واقف ومن احد الاسباب طارق غريب
    اللي يمثل علي الناس بأنه يخاف الله
    لو صج يخاف الله كان وقف مع الناس بس حسافة
    الله يسامحك يا طارق الغريب
    وهم العيب علي ولد نجم اللي
    مسوي نفسة يعني خايف علي مصالح الناس
    عندك طارق معاك بالدوام تري اهوا واحد من اسباب التعطيل في النقابة
     
  3. rig

    rig بـترولـي نشيط جدا

    177
    2
    0
    خلها علي الله

    اذا احنا ببرقان لي يومك نسلتم معاشاتنا شهر اي وشهر لا

    وغيره وايد اشياء وما اجوف النقابه تحركت ول سوت


    الشكوي لله
     
  4. yousef dashte

    yousef dashte بـترولـي نشيط جدا

    203
    0
    0
    صح وينك يا محمد نجم ليش ما تقول لطارق الغريب
    شنو سويت
    تدري بسبت طارق الشغل معطل
     
  5. santafe

    santafe بـترولـي مميز

    717
    3
    18
    انا اطالب بحل المجلس النقابة فورا واعادة الانتخاب
     
  6. محمدنجم

    محمدنجم بـترولـي جـديـد

    11
    0
    0
    اول شي اتمنى من يوسف دشتي ان يكون كلامه بادب و احترام
    و اذا في شي بينك و بين طارق الغريب انت اللي وصله الحجي رجاء لا دخلوني بينكم
    و منو انتى اللي تيي و تكلمني بهالاسلوب ؟؟؟ ترى عيب عليك ......
    و انا سألت و ابي جواب من واحد عاقل و فاهم و محترم .......
    و اذا هذي اسلوب النقابه لا بالله كدينه خير
    و اللي يسالني و يقول ليش ماتقول حق طارق الغريب انا اقولكم ابي الجواب من النقابه اللي عرفته انما طارق وياكم بس بالاسم .
    و مشكور يا يوسف دشتي على الادب و الاحترام الي انت فيه و هذا اندل يدل على اخلاقك........

    و اقول حق اخوي rig خله على الله
     
  7. محمدنجم

    محمدنجم بـترولـي جـديـد

    11
    0
    0
    و ردا على كلامك الاخير يا يوسف مو انت اللي تعلمني العيب
    و قبل لا تقول كلمت عيب حق احد قوله حق نفسك
    اقرا الرد اللي انت دازه لي و اتعرف منو فينا اللي يعرف العيب
     
  8. yousef dashte

    yousef dashte بـترولـي نشيط جدا

    203
    0
    0
    ماشاء الله عيني عليك بارده

    يعني تعرف ان طارق بالنقابة بالاسم
    وساكت ماشاء الله عليك
    يعني ما تدري ان شغل النقابة معلق
    وجاي تسأل الناس عن الانجاز
    انا مو عضو مجلس بالنقابة بس تحركت
    وسويت شي عشان الناس وعلي فكرة انت معاهم
    يعني موشرط لازم تكون عضو بالنقابة
    واذا صج يهمك الانجازات ومصلحة الناس لان النقابة معلقة
    قول لصاحبك اللي بالاسم ومعطل النقابة خله يكون مع الحق
    عشان شغل الناس يمشي
    وانا شفت رئيس النقابة مقصر وتكلمت جدام الناس
    بس المشكلة فيك يا محمد
    انك تدري ان طارق بس بالاسم ومعطل النقابة وساكت عنه
    اذا كنت صاج ونيتك صافية
    كلمه وقولة
    وخلة يخاف الله ويقدم استقالته مع ربعة ونعيد الانتخابات
    مو احسن من ان النقابة شغلها واقف بسبب المشاكل
    وصاحبك ممكن يحل هذي المشاكل
    وعندك نواف المطيري كلمة واهوا يفهمك سالفة طارق
     
  9. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الاخ محمد نجم انجازات النقابة كثيرة واذا بتعرفها تعال اشترك فى النقابة وانت راح تعرفها واما الاخ rigاذا عندك مشاكل فى شركة

    برقان ارجو منك التوجة الى مقر النقابة فى جمعية المهندسين وهناك تقدم شكوى والاخوان اعضاء النقابة راح يساعدونك وشكرا
     
  10. سهيل_POSU

    سهيل_POSU بـترولـي جـديـد

    19
    0
    0
    سكرتير
    السلام عليكم اخوي محمد نجم انا سكرتير النقابة و انا اقوللك والله في وايد انجازات بالنقابة و النقابة مو واقفة وتطالع الناس بالقطاع الخاص لا والله وايد حلنا مشاكل عمال بالقطاع الخاص و اقدر اثبتلك كلامي لو تبي و اقدر اثبتلك انجازات النقابة بعد

    و بالنسبة لأخوي rig ما يسير تقول ما شفنا النقابة تحركت ولا سويت شي لأن انت ما يتلنا مقر النقابة و قدمت شكوى و انا اقولك حياك النقابة بجمعية المهندسين و ان شاء الله مشكلتك تنحل

    هذا رقمي لاي شي تحتاجونه

    سهيل/99199189
     
  11. محمدنجم

    محمدنجم بـترولـي جـديـد

    11
    0
    0
    اخواني سهيل و سالم .........
    يعطيكم العافيه على الرد الحلو و يمكن ماينفع اني اتفاهم معاكم بهالطريقه اقصد بالمسجات او بالمنتدى انشالله الله يكتب و تجمعنا الايام و في احتمال كبير اني اييكم النقابه بعد ما اخلص دوامي , لانه عن نفسي صارلي بالوظيفه 5 سنوات و ماشفت اي تقدم او تطور يفيد مصلحتنا و مستقبلنا بالعكس كل ماله و الوضع يصير لي الاسوأ .


    و يا يوسف دشتي مره ثانيه اقولك اذا في شي سواه طارق هذي مو مشكلتي , سواء طارق زين ولا شين هذا مو شغلي انا اتكلم عن النقابه والي مطلوب من النقابه انه اتسوي , و رجاء انا لما اسأل او اتكلم قاعد اتكلم عن نفسي مو عن اي احد ثاني مثل ما انت فاهم ,واذا في شخص يعرقل واجب النقابه سواء طارق او غير طارق على ما أضن في طرق وايد تقدرون تلجؤون لها لحل هالمشكله
    لانه هذا نقابه قانونيه بأذن وزارة الشؤون فأكيد في حل عند الشؤون صح كلامي ولا انا غلطان ؟؟؟؟؟؟
    بس مسألت اني احط عذري بشخص و اقول ان هذا الشخص معرقل اهداف النقابه و مانقدر ننجز شي هذا غلط و مو عذر تقبله الناس .

    و يا يوسف اذا انت سويت شي يفيد العمال بهالقطاع فمشكور و ماتقصر و كله بميزان حسناتك انشالله , بس ترى إلي يسوي الخير ما يقول انا سويت .

    و اذا على طارق يا جماعه ليش ما تكلمونه ولا تتصلون
     
  12. محمدنجم

    محمدنجم بـترولـي جـديـد

    11
    0
    0
    الاخ / سالم العجمي

    اول شي بسلم عليك و بسألك عن احوالك لان صايرلك فتره قاطع و ماندري عنك

    و ثاني شي انت تقولي سجل بالنقابه , و النعم فيكم و بالاعضاء كلهم معني ماادري منو الزين و منو الشين و هالشي مايهمني لانه الزين حق نفسه و الشين هم حق نفسه , بس اذا انا اشوف و إلي عرفته منكم و من المنتدى و من الناس بره المنتدى ان النقابه كله مشاكل و بلاوي فأنا ليش ادخل نفسي بالمشاكل .

    و عسى الله يصلح حال النقابه و اعضاء النقابه

    وسامحوني لو طولت عليكم............
     
  13. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الاخ العزيز محمد اولا حياك الله النقابة للجميع وطبيعى النقابة فيها مشاكل وانشالله فى طريقها الى الحل فى القريب العاجل واتمنى منك الحضور انت واى شخص يعمل فى القطاع النفطى الخاص وان ينتسب الى النقابة ويصلح وينصح فهدف النقابة مساعدة العاملين فى القطاع وهذا هدفنا نحن وهو تطبيق القوانين التى تحافظ على حقوق العاملين الكويتين فى القطاع النفطى الخاص
    على العموم اتمنى انك ماتفهم الاخ يوسف دشتى غلط ويوسف شهادتى فية مجروحة ابو محمد من الناس اللى تحب النقابة وتبى تطبيق القوانين النفطية بس هو زعلان من اللى قاعد يصير فى النقابة وهذا من حقة

    اخوى محمد اتمنى من الله ان يقبل دعوتك وان تنصلح النقابة فى القريب العاجل وشكرا
     
  14. محمدنجم

    محمدنجم بـترولـي جـديـد

    11
    0
    0
    سالم كلامك على عيني و راسي بس ترى كلنا نزعل بس ما نغلط على الناس .

    وانشالله راح امر عليكم النقابه و منه اكحل عيني بشوفتك و انسولف وياك ...
     
  15. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الساعة المباركة وراح يكون اخوى يوسف دشتى موجود وتتعرفون على بعض وماكو الى الخير واحنا فى انتظارك يابو جاسم انت واى شخص يبى يشترك فى النقابة وشكرا
     
جاري تحميل الصفحة...

مشاركة هذه الصفحة