أبي جواب مقنع!

الكاتب : وردة حيدر | المشاهدات : 1,134 | الردود : 17 | ‏2 ديسمبر 2007
  1. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    السلام عليكم...إلى كل من عنده استعداد ليسمع صدى صوتي و يحس بالألم اللي في قلبي.. ,ودّي أعرف ليش صعبه على موظف بترول نشيط و صاحب ذمة و ضمير و عمره ما قصّر بشغله إنه ياخذ إجازة دراسية من غير عقبات تدمر حياته الاجتماعية و تعفسها فوق حدر؟؟ أو ليش صعبه إنه يطلع مرافق زوجه إذا كانت زوجته تدرس بالخارج؟ مع إن لو نشوف باجي الدول العربية المجاوره إذا حبت الزوجه إنها تكمل فشي أساسي عندهم إن الزوج يرافقها.. و أتوقع هذا شي مسموح لا وواجب بالشرع إن المرأه ما تسافر إلا مع محرم صح لو لأ؟؟ يعني ليش مافي مجال تتسهل الأمور و يطلع الريال مع مرته؟! و طبعا أكيد في مسؤوليات و التزامات و الشركة تقدر تتأكد إذا السالفه فيها لعب أو لأ!! صح؟ بس حبيت أقول اللي بقلبي و أتمنى أي أحد يفيدني و لو بمعلومه فيها أمل صغير بحل الموضوع و سبب صعوباته!

    و سلامتكم و تعيشون​
    :eek:


    على فكره كنت قاعده أقرا مقالة من المقالات لفتت انتباهي على النت و يمكن تقولون شعلاقة موضوع هالمقالة بالموضوع اللي أنا طارحته هني.. لكن اللي يقرا يقدر يفهم المعنى البعيد و يقدّر العلاقة بين الإثنين و إن واحد من المواضيع يؤدي للثاني ​

    و هذا أهو الرابط للموقع: http://www.amanjordan.org/a-news/wmview.php?ArtID=16781
     
  2. Oil Engr

    Oil Engr بـترولـي نشيط جدا

    372
    0
    0
    نقاباتنا وين وهل المطالبات وين

    يبة بدام اصحاب الطلب اقلية مثل المهندسين محد يدري عنهم لا مسؤولين ولانقابات
     
  3. تايتنك

    تايتنك بـترولـي خـاص

    1,239
    0
    0
    الواسطة اختاة

    وردة حيدر وتعانيين مشكلتج مواول ولااخر وحدة اخوي زوجتة حصلة بعثة الي اسكوتلندا اتكمل ماجستير ودكتوراة داخ وهوة يحاول يروح وياها وعندهم طفلين واذكر اخيرا راحت بروحها وضل دايخ حتي قعد شهرين موشايف اعيالة وزوجتةومن حسن حظة بعد الشهرين كانت الحملات الانتخابية بلشت فلت حق اخوي اذا الحين مارحت بعدين راح يكون عليك الروحة شبة مستحيلة وللعلم اخوي عسكري المهم افتر علي احد المرشحين الكبار وضبطة وراح حق زوجتة والحين اهوة عندة هندسة كهربا وزجتة دكتورة ياوردة حيدر عليكم بحلال المشاكل;)
     
  4. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    مشكور أخوي "تايتنـــــــــــــــك"... و عسى الله يحلها.. مالنا غيره سبحانه مسهل كل عسير و جابر خواطر المساكين :)
    و نعم نعم .. علينا بــ"حلال المشاكل".. و إن شاءالله ربنا و دعاؤنا واسطتنا و الله يبعدنا عن المذله!!
     
  5. بترولي عتيج

    بترولي عتيج بـترولـي نشيط

    73
    0
    6
    مشغل غرفة تحكم
    الكويت
    النقابة والمدراء مو فاضيين حق مثل هذى السوالف

    كل واحد فيهم يفكر شلون يشلع الثاني من مكانة

    وفعلا مثل ما قلتي يبيلنا نضيف هذة الفقرة من القانون فى الدستور الوظيفي ونصير 100%


    ثالثا: تعديل قانون الخدمة المدنية بجعل اجازة مرافقة الزوج اجازة وجوبية براتب كامل طول مدة بقاء الزوجة التي صرح لها بالسفر، وذلك تفعيلا للتوجيه الدستوري نحو رعاية الاسرة وتماشيا مع العقل والمنطق والشرع الذي يجعل الاسرة مسؤولية الزوج وليس الزوجة.

    بس ويييييييييييييييين هذا المنطق
     
  6. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    ابشرج انا زوجتي قاعده تدرس ما جستير وقاعد اخ اجازه من رصيدي
    ماني ناطر منت احد
    وانا بعد قاعد اكمل الجامعه
    والحمد لله باقي لي سه ونص
     
  7. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    good Luck to you and your wife>>> let others take the lesson too
     
  8. مانشستراوي

    مانشستراوي بـترولـي جـديـد

    8
    0
    0
    و الله يا وردة حيدر يبتيها على الجرح
    المشكله ان المسؤولين كانهم بيدفعون من جيبهم
    لو انا منهم كان لزمت الزوج انه لما يرافق زوجته يكمل دراسته اهو بعد
    و بهل حاله تكون الشركه مستفيده بحيث انه لما يرجع الزوج يكون مطور نفسه
    و ماخذ شهاده . و يكون الكل مستفيد
    اعتقد انه خوش حل

    تحياتي
     
  9. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    Thanks so much brother for the comment.. hope they take the solution into consideration although time has passed and people have already lost the chance... Allah Kareeem
     
  10. ali_85

    ali_85 بـترولـي نشيط جدا

    419
    0
    0
    ياجماعة موضوع وايد مهم انا عندي دبلوم تكنلوجيا ومسماي بره مساعد مهندس اما هني حالي حال شهادة الثانويه
    ومن اول يوم توظفت افكر شلون اكمل دراستي (سنتين ونص او ثلاث واصير مهندس) بس لقيتها مستحيله والشركه مصكره الباب
    علينا تصدقون واحد من دفعتي امس قدم استقالته وراح يكمل بمصر مادري من وين راح يصرف وحتى لو دبر نفسه
    مو كل الناس ظروفهم نفس الشي يعني مو كلنا نقدر نستقيل ونكمل على حسابنا
    احنا مانبي شي بس لو الشركه ماتبي تودينا على حسابهم على الاقل نص معاش وحتى لوتلزمنا بعقد انا مانترك الشركه بعد التخرج
    ياجماعه هاذي فرصه علشان نتاقش بهالموضوع ياريت نشوف امل
     
  11. HUMMER

    HUMMER بـترولـي خـاص

    والله في قانون للبعثات وطبعا القانون حده تعجيزي ولا زم واسطه

    والله يكون بالعون
     
  12. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    [​IMG]

    أشكر كل من مر على موضوعي.. و أتمنى بالفعل إن المسؤولين ياخذون هالمسأله بعين الاعتبار ترى "كسر الخواطر شيــــــــــــــن" يا جماعة و التفريق بين الزوج و زوجته بسبب قوانين ما منها فايده والله حراااااااااااااام.. و مثل ما قالوا الإخوان.. ممكن الشركة تلزم الزوج يدرس و يرد يخدمها بعقد معين و بهالطريقة يستفيد و أكيد بيفيد الشركة.. أتمنى الكل يفكر بموضوعية وبمنطق أكثر فاعلية.. و بلا خسارة كلينكس من كثر البجي و المحاتاة.. الواحد ما تسوى عليه يكمل دراسته و بالأخير يخلص و أحلى سنين عمره راحت.. الواحد ودّه يظل مع أهله و عياله و الله يسهل أمـــــــور الجميع..
     
  13. سنتافي

    سنتافي بـترولـي جـديـد

    16
    0
    0
    S.N Drilling
    kuwait
    الى الاخت وردة حيدر شكرا على السؤال الى طرحتي واشكر جميع المشاركين في هذا الحوار والله بصراحة في معاناة موبس انتي الكثير ولكن عندي حل بسيط القطاع النفطي برمته لااستثناء وجميع الوزارات يحتاج الى واسطة لان ديرتنا تبي جذي وهذا من زمان في الكويت لان اهم يبون جذي واسطة في واسطة لاحد يتعب حالة ولكن البعض وليس كل شيئ يبيله واسطة والسلام ختام والله يعطيج على كثر نيتج انشالله

    الله يحفظ الكويت من كل مكرووووووووووووووووووووووووووه
     
  14. سنتافي

    سنتافي بـترولـي جـديـد

    16
    0
    0
    S.N Drilling
    kuwait
    ونسيت اقول الله يلعن الشيطان نساني حتى اقولج ادعي وصلي صلاة الليل وانذري ترى تنفع واقري دعاء جوشن ترى مفيد للغاية
     
  15. خالف تعرف

    خالف تعرف بـترولـي جـديـد

    6
    0
    0
    من قال إن الشركة ما تساعد

    أخوي علي 85 تقدر تستفسر عند قسم التطوير الوظيفي اللي موجود بدائرة الموارد البشرية بالنسبة حق تكملة دراستك لأن عندهم برنامج البعثات اللي يبعثون من خلالة الموظفين سواء استكمال بكالاريوس او ماجستير . واللة يوفقك انشاء :D
     
  16. djlion

    djlion بـترولـي جـديـد

    23
    0
    0
    ماكو إلا تستقيل, حاولنا نشوف الموضوع من كل الجهات بس كله الباب مسكر, يا واسطة يا تستقيل و تكمل, و هذا إللي راح يصير
     
  17. القائد

    القائد بـترولـي خـاص

    2,089
    0
    0
    الواااااااااااااااااااااااااااااااااااااااااااااااااااسطة هي الفررررررررررررررررررررررق​
     
  18. Q8iT-DIVE

    Q8iT-DIVE بـترولـي جـديـد

    45
    0
    0
    faild-operator
    KUWAIT
    والله يا وردة حيدر موضوع جداً مهم لكن للاسف منو اللي يسمع هالكلام ويعرفه ؟ ولو واحد من المسؤولين تصير فيه مثل كلامج تلاقينه يروح ومحد يوقف بويهه اما اي واحد غيره محد يرد على كلامه .. لنا الله يا وردة حيدر لنا الله :)

    والتوفيق للجميع
     
جاري تحميل الصفحة...

مشاركة هذه الصفحة