اللي كمل دراسته وصار مهندس يدش ؟؟؟؟

الكاتب : دسمان79 | المشاهدات : 5,022 | الردود : 53 | ‏14 يونيو 2010
  1. دسمان79

    دسمان79 بـترولـي نشيط

    82
    0
    0
    السلام عليكم كيف الحال ياشباب تخرجنا ولله الحمد بس لازم كل واحد يقول تجربته مع هالشركه ونتناصح بينا كل واحد يبي يعدل وظعه يدش انا شخصيا في الانتاج واختبرت انجليزي وما جبت المستوى المطلوب وقالوا بعد ست اشهر انا اقول واجد ست اشهر لو كل شهر اوكي ثاني شيء الاختبار مو صعب بس يبيله شوي جهد الوقت مايكفي والقواعد تدوخ اللي اقترحه يفتحون كلاسات في الشركه ابرك واللي يخلص اوكي احسن من النطره ويمكن ما تجيب المستوى المطلوب المشكله الشركه غبيه والحســـــــــــــــاد واجد لو ان الشركه تبي تعدل وظعك على طول دوره شهرين انجليزي وبعدها خله يتحدى على قولتهم ويدلك على ان الشغله حســــــــد حتى الشهاده ما يبون يدخلونها السستم عشان تنحرم من الترقيات وامور كثيره ونقابتنا بعد مستانسه وتتفرج انا ناطر يقولون بيفتحون كورسات في ال kpc انشاء الله تنفرج هالازمه وكلن يعدل وضعه والله ياربي ان كل الربع اللي تخرجوا من لندن وسلوفاكيا والهند والفلبين والصين وسيلان يعدلون وظعهم واللي ماجاب الشهـــــــــــــــاده يموت من الحـــــــــــــــــره.....
     
  2. المنصور

    المنصور بـترولـي خـاص أعضاء الشرف

    عليكم السلام ورحمة الله وبركاته

    حبيت ارد على مقتطفات من كلامك اخي الكريم

    وعندي بعض المعلومات وعسى الله ينفع فيها



    دورات اللغه الانجليزية تتبع لمركز التدريب البترولي لأنه خاص بالتدريب لجميع موظفي شركات المؤسسة التابعة ، يعني ما يصير الشركة تسوي كورسات من غير ما ترجع لمركز التدريب البترولي



    مايصير تغير في عقد الموظف وترفعه الى مهندس وتجربه اذا يرهم ولا ما يرهم وبعدين هذا شغل وامور حساسه ما تقبل ان الواحد يجرب حظه فيها ، مهنة الحلاق ما تحتاج مؤهل علمي وأي شخص ما يرضى ان الحلاق يجرب براسه

    فـ كيف تبي الشركة تجرب المهندس وعلى قولتك خله يتحدى؟



    في الوقت الحالي المؤهل الدراسي الجديد ما ينضاف بالسستم إلا بعد ما تكمل جميع الشروط ، يعني الكلام اللي تفضلت فيه مو صحيح
     
    آخر تعديل: ‏14 يونيو 2010
  3. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    مبارك عليك الهندسة

    عقبال الدكتوراة

    بس عندي إضافة:

    علشان تعدل وضعك أو تضيف شهادتك في النظام لابد أن تكون مستوفي الشروط كاملة

    بالنسبة حتى لو أخذت دورة إنجليزي المطلوب تقديم إختبار مستوى حق تعديل الوضع

    وبالتوفيق لا تجعل بعض العثرات تقف بطريقك

    أطرق باب النقابة أو جمعية المهندسين أو شغل الواسطة ما دام تشوف لك حق مثل غيرك بأن هذا القانون ضالم ولا يناسب سوق العمل


    بس الله يهداك خربتها أخر شي فقولك وخل إلي ما درس يموت قهر كل إنسان مبدع في مجاله
    نصيحة أفعل ما تحب ولا تفعل ما تعتقد أنه الأفضل


    ومبارك مرة ثانية

     
  4. المتألق

    المتألق بـترولـي نشيط

    108
    0
    0
    الشكر الجزيل للأخوة جميعا مسألة كورسات الإنجليزي هذه فيها تعمد واضح من قبل الشركة بعدم عقد دورات تدريبية للعمال و الموظفين و السبب كثرة المتقدمين لتعديل الوضع مو بس المهندسين.
    المفروض كل المتضررين يجتمعون ويعقدون اجتماع تنسيقي يتم من خلاله كمرحلة أولى عقد دورات انجليزي .
    المرحلة الثانية اضافة المؤهل في السستم دايركت بعد اختبار التخصص و الإنجليزي
    المرحلة الثالثة تعديل وضع كل موضع صاحب مؤهل في دائرته بالدرجة الأولى أو بالنقل الداخلي كخيار ثاني
    كل هذه المراحل و لابد من وقفة النقابة فيها وقفة جادة بالضغط عليها من قبل المتضررين و بالتالي هي التي تضغط على الشركة.
    الأمر جدا بسيط بس يد وحدة ما تصفق... و الكثرة تغلب التطنيش.
     

  5. :)


    أسلوب غريب
     
  6. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait


    تكفه بنحسدك على شنو؟؟ على العبقرية اللي حصلتها من دراسة الهندسة!!! انت حتى امتحان انجليزي مو قادر اطوفه..

    حبيبي.. احنا طحسنه بالجامعة 5 سنوات على ما حصلنه الشهادة... وانت وغيرك ابكل سهولة جايبينها.. احنا لمن نكلم ابهالطريقة... مو معناته قاعدين نحسدكم... ولكن في شي اسمه عدل.... في شي اسمه ضميييير... في شي اسمه ذووووق... وفي شي اسمه "هل يستوي الذين يعلمون والذين لا يعلمون"...... "أفلا تعقلون"؟؟؟!!

    ولا حول ولا قوة إلا بالله
     
  7. المتألق

    المتألق بـترولـي نشيط

    108
    0
    0
    ===============================================
    لا تمدح نفسك حيل
    تعال خلنا نسوي بينا و بينك امتحان تخصص لمواد الهندسة العامه و نشوف انت صج نفعتك الطحسه و الا لا
    هذا مو موضوعنا ... موضوعنا الأخوة المتضررين من الوضع هذا أما انت فقل خيرا أو أصمت
    و بسكم حسد و كان الأولى تقول ربي ارزقني وارزق غيري علشان الله يوفقك
    و العلم شي نسبي و العمل الأصل ما أضنك فهمتها...
     
  8. مشاري1979

    مشاري1979 بـترولـي جـديـد

    9
    0
    0
    هندسه وماتقدر تطفو اختبار انجليزي طيب نطوفها!!!!! الهندسه اللي ماخذها بأي لغة !!!!نطوفها طيب تقول انك فاهم راح يتخبرونك تخصص ( بالانجليزي) شراح تسوي ؟؟ طيب اتقول الناس حاسدينك على شنو لا والله اتشوف واحد
    اخذ شهادة بطريقة غير مشروعه وتدري انه قفل شلون صار منهدس !!!!!
    ماتسرحه بغنم (اي تخاف على الغنم منه) صار مهندس وراح يستلم منشآت نفطية الله يعين راح يجيب مترجم عشان يطبق اللي درسه وتلقاه بكرة ماعنده شغلة الا الموطفين يحط حرة فيهم منو مداوم ومنو مو مداوم
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    كـــــــــــــــــــــــــاك

    هندســها يا هندســـــــــة :D:D:D:D:D
     
  10. دسمان79

    دسمان79 بـترولـي نشيط

    82
    0
    0
    السلام عليكم يا شباب شكرا على المرور الطيب واللي متخرج من جامعة الكويت او جامعة (صلاصل) او ام (درمان) كلنا مهندسين والعبقري سواء مهندس او فني يعني الشهاده ما تهم كثر ما تهم الخبره ...
    ثاني شيء اسال اي واحد توظف بالشركه تلقى الاستفاده من الشهاده جدا قليله لان العمل ماله شغل بالشهاده في اغلب الاحوال
    ( عسى الله يزيل الحسد من قلوبكم قولوا امين )
    شكرا اخي( المتألق) على كلامك الطيب وصدقت لا بد من وقفه جماعيه لأخذ حقوقنا ..
     
  11. دسمان79

    دسمان79 بـترولـي نشيط

    82
    0
    0
    مشاري 79 ابشرك سرحنا بالغنم والابل وقطعنا( الفرجـــــــــــه ) اللي ما تقطعها وان كانك مو مصدق سير على عند الابل على طريق الوفره واحلبلك خـــــــــــــوش حليب ( سكر ) لا واذا تبي ( وزر ) عندي ...
    وجيب (جونم جقرم ) معاك عشان يترجملك بعض الكلمات ...
    مرحبا الف.....
     
  12. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait
    هلا فيك يالمتألق.. هذي ردودي على كلامك:

    حبيبي.. أنا ما مدحت نفسي حتى اشوي.. وانت اتقولي حيل.. تكفه انا اشقلت؟؟!! كل اللي قلته اني طحست!! (يعني تعبت وااايد)

    أنا مستعد.. طرشلي رقمك على الخاص.. وخلنا انروح كلية الهندسة بالخالدية ونمتحن اهناك.. وعلى شرط انك اتحط النتيجة بالمنتدى.. أنا بإنتظارك.. واذا ما وافقك... راح أعتبر كلامك اللي فوق امهايط..
    تدري ليش متضررين؟؟
    الجواب عندي وأنا بوهندي:
    متضررين لأنهم خالفوا الشرع
    متضررين لأنهم خالفوا القانون
    متضررين لأنهم خالفوا الأعراف الأخلاقية
    متضررين لأنهم خالفوا الضمير الانساني
    متضررين لأنهم.............إلخ

    في خير أفضل من التصدي لمخالفي شرع رب العالمين ولكاسري القانون.

    حبيبي.. أي حسد أي بطيح... روح ادرس 5 سنوات وجيب الشهادة ابطرق شرعية.. وصدقني أنا أول واحد راح أبارك لك وادعيلك بالتوفيق.. ولكن تبيني أدعيلك بالتوفيق وانت تاكل فلوس حرام.. فاسمحلي..
    علم بدون عمل = ماكو شغل
    عمل بدون علم = شغل أي شي
    علم + عمل = شغل عدل
    __________________________________

    والسلام..
     
  13. دسمان79

    دسمان79 بـترولـي نشيط

    82
    0
    0
    اخي الحبيب(petrolum) ابي اعرف شنو المخالفات الشرعيه لو سمحت ؟ وهل المخالفات الشرعيه اللي تقصدها هي الغش ؟ انا درست 3 سنوات والحمدلله رب العالمين ما اذكر انه فيه هالكلام اللي قلته بالعكس طحسنا مثل ما طحست وصرفنا فلوس اكثر من اللي دفعته بس لاتفكر ان حنا دفعنا رشاوي لا والله , ترى الناس فيها خير وانا اخوك محد يبي ياكل حرام ..
    واذا كنت تبي الغش والتزوير هذا والله اعلم ما احط بذمتي شيء بس يقولون ( الهند والفلبين )
     
  14. مشاري1979

    مشاري1979 بـترولـي جـديـد

    9
    0
    0
    اخي دسمان 79 اذا انا على قولتك قطعت الفرجه طيب ليش ذال من الاختبار واتقول دارس 3 سنين اقول استر على نفس احسن ضبط عمر بدون تكتب في المنتدى وبالنسبه لحليب الابل عندنا وعندك خير واما الوزر يقولون يمنع تساقط الشعر عليك به زين
     
  15. Safety First

    Safety First بـترولـي خـاص أعضاء الشرف

    السلام عليكم

    أخواني الكرام الرجاء مناقشة الموضوع بصدر رحب وعدم افتعال الحزازيات والابتعاد عنها

    اما بالنسبة للشهادة سواء من اي مكان كان داخل او خارج الكويت اذا ماعندك واسطة وتدرس وانت على راس عملك فالله يعينك .

    لان حتى لوعديت الاختبارات موشرط تعدل وضعك وفي ناس صار لهم أكثر من سنة مخلصين مكانك راوح

    طول مادام انها معترف فيها من التعليم العالي فلاغبار عليها مهما كان مصدرها

    واللي يبي يدرس ماعلية من الجامعة لان المجتهد مجتهد سواء جامعة الكويت او ام درمان على قولة الاخ الفاضل :)

    وسلامتكم
     
  16. MAD ABOUT YOU

    MAD ABOUT YOU بـترولـي جـديـد

    37
    0
    0
    زمن الفهلوة

    تحياتي للجميع واتمنى التوفيق للجميع ,باس في شي حبيت أتكلم عنه وهو ان فيه ناس فاهمين دراسة الهندسة غلط ويقولون العمل ماله شغل بالدراسة او ان ماطبقنا شي في دراستنا على شغلنا وهذا الكلام خطير جدا لأن الهندسة تعلمك مهارات وعلوم وطرق تحليل هندسي فلازم يكون عندك الأساسيات عشان تستخدمها العملية مو شغل فهلوة وتضبيط ومشي لان هذا الي بيضيع البلد لما يكون المهندسين بأس على الورق ويقعد في اجتماع مايدري وين الله حاطه وياخذ فرصة غيره الي تعب ودرس وتعلم تعليم حقيقي مو بالمراسلة لأن التخصصات العلمية مافيها مجال للخطأ لان فيها خساير أرواح وممتلكات بالمليارات واحنا شايفين ان حتى الشهادات صارت بالمال وتلقى الواحد نسبته بالثانوية خمسين وأدبي ويدرس هندسة اشلون ما أدري ما أقول الا الله يستر على الكويت من هالبلاوي.
     
  17. محمد المذن

    محمد المذن بـترولـي مميز

    694
    0
    0
    في بعض الناس يحسبون كل من خذا الدبلوم وكمل بعدين مايفهم وخذا شهادته بالزور
    لاكن في ناس اي والله لو بيدي الموضوع ارده متوسطه والله
    اعرف شخص كان يدرس بالفلبين دق علي من هناك يقولي تصدق الجامعه شاده علينا اقوله شلون يقولي سجلت جان يعطوني كتب!!!
    بهالحاله افضل طريقه انك تفرق بين فلان وعلان الاختبار بس هم ديرتك ديرت واسطات يعني ماكو فايده

    وبالنسبة للاخ PetroleumENG مو معناتها انك درست 5 سنين ودرست عند دكتور معقد يخليك تسوي تقرير تشتغل عليه طول السنه عشان الاخ يكمل فيه رسالاته انك الافضل ترا كلنا ندري شنو جامعة الكويت وشنو قاعد يصير فيها وشلون الطلبه قاعد يتعبون بس على غير سنع يعني لاتشد حيلك
     
  18. المتألق

    المتألق بـترولـي نشيط

    108
    0
    0
    تدري ليش متضررين؟؟
    الجواب عندي وأنا بوهندي:
    متضررين لأنهم خالفوا الشرع: أنا و بعلمي البسيط أظن أن الدراسه في الأكاديمية البحرية و الحصول على مهندس بحري ما فيها مخالفة شرعية إذا عندك مخالفة وحده اذكرها يا بو ... هندي.
    متضررين لأنهم خالفوا القانون : من ناحيتي اتبعت القانون سجلت في التعليم العالي و فتحت ملف و حصلت على قبول و أخذت اجازة دراسية من الكي أو سي و بعد أخذت اجازة بدون مرتب و رصيد أجازاتي و بالطرق الرسمية القانونية ..إذا عندك مخالفة وحده اذكرها يا بو ... هندي.

    متضررين لأنهم خالفوا الأعراف الأخلاقية : هاذي النقطة ما فهمتها يعني بس اللي يدرس في كلية الهندسة في جامعة الكويت عنده أخلاق ... مع العلم اني قد درست في كلية الهندسة جامعة الكويت هندسة كيميائية و لم يحالفني الحظ في التخرج لتقصير مني .
    متضررين لأنهم خالفوا الضمير الانساني : أما هالجانب صحيح اقر أنني قد خالفت ضميرك انت الإنساني المبني على الفوقية و الحسد.

    متضررين لأنهم.............إلخ : من يتكلم باسم المهندسين مثلك و أمثالك الذين لا يعرفون الجوانب الأخرى للدراسة الهندسية و هي هندسة التعامل مع الآخر .
    للعلم انني حاصل على دبلوم هندسة كيميائية بتقدير 3.88 و الأول على الدفعة . و حصلت على بعثة لبريطانيا و لكن فضلت التوظيف في الكي أو سي على ان يكون التفكير في اكمال الدراسة بعد ذلك.
    و حصلت على الهندسة البحرية بتقدير 3.77 . و لا أحتاج للغير فيأن يباركلي في الحصول على الهندسة .
    وآخر الكلام و عن تجربة في كلية الهندسة الكويت اكتفي بكلام الأخ : محمد المذن
    وبالنسبة للاخ PetroleumENG مو معناتها انك درست 5 سنين ودرست عند دكتور معقد يخليك تسوي تقرير تشتغل عليه طول السنه عشان الاخ يكمل فيه رسالاته انك الافضل ترا كلنا ندري شنو جامعة الكويت وشنو قاعد يصير فيها وشلون الطلبه قاعد يتعبون بس على غير سنع يعني لاتشد حيلك


    أنا مستعد.. طرشلي رقمك على الخاص.. وخلنا انروح كلية الهندسة بالخالدية ونمتحن اهناك.. وعلى شرط انك اتحط النتيجة بالمنتدى.. أنا بإنتظارك.. واذا ما وافقك... راح أعتبر كلامك اللي فوق امهايط..
    (( وين تمتحن يالطيب في كلية الهندسة .... زين ما يقولون لك نبي فرقاك ))
     
  19. usamissle2004

    usamissle2004 بـترولـي جـديـد

    27
    0
    0
    كفو واللة يا المتالق كلامك جميل

    انا من الشباب اللي كملت دراستي بعد الدبلوم في بريطانيا
    واتبعت شروط التعليم العالي واعتمدوا شهادتي (بكالوريوس في الهندسة):cool:
    وعدلت وضعي في الشركة حسب شروطهم اختبار اللغة واختبار التخصص وعديتها بامتياز
    والحين انا مهندس وأدي مهماتي علي اكمل وجة
    نستلم مشاريع ونخلصها بوقتها
    وناخذ شهادات تقدير من الشيرمان مع بونص دسم:D
    الخبرة العمل مع الشهادة لها دور كبير
    احنا مشكلتنا من الناس اللي قلبها مليان من الحسد
    عندهم خوف وفوبيا منا ماني عارف ليش
    لكن ابشرهم انة فية اعداد كبيرة من الشباب راح يتخرجون من بريطانيا ومصر وراح ينافسون ابو خمس سنين وربعة

    زبدة الكلام لبو خمس سنين وربعة
    احنا مهندسين وهذا الميدان يا حميدان واللي مو عاجبه يشرب من ماي البحر:cool:
     
  20. Free_Kuwait

    Free_Kuwait بـترولـي نشيط

    115
    1
    18
    اسمحلي يابو طحسه
    دام التعليم العالي معترف فيها يعني مهندسين غصبن على عين اللي موراضي
    وترا طحستنا احسن من طحستك ... قول ليش؟
    احنا طحسنا سنتين برا الكويت وخلينا كل شي ورانا (عيالنا واهلنا وسياراتنا وبيوتنا وبورصتنا وتلفوناتنا ... الخ )في سبيل العلم:)
    وانت طحست بالكويت في ظل والديك و اهلك ... ولا كنت تاخذ من الجامعه اعانه شهريه 100 دينار:rolleyes:

    انا اقول احمد ربك انك مهندس حالك من حالنا .... روح تابع كاس العالم احسن لك واترك هالموضوع ترا مايخصك ..
     
جاري تحميل الصفحة...

مشاركة هذه الصفحة