Cdu ---> ياليتني باكستاني

الكاتب : H-001 | المشاهدات : 1,398 | الردود : 11 | ‏11 يونيو 2010
  1. H-001

    H-001 بـترولـي جـديـد

    1
    0
    0
    بسم الله الرحمن الرحيم

    موظفي العمليات في مصفاة الاحمدي وفي المنطقة الاولى بالتحديد صاروا يتمنون انهم يكونون اجانب
    لان الاجنبي صار مفضل على الكويتي وكل شي مسهل له وهو اللي مبدينه على الكويتي بكل شي

    فمثلاً الاوفر تايم الاجنبي أولى والاجازات الاجنبي أولى والبونص الاجنبي أولى

    وقبل فتره فيه شتداون في وحدة CDU-3 وفيه شباب شكثرهم مستلمين هالوحده ومغطينها ويتمنون ينزلون قروب الشتداون منها يستفيدون خبره ومنها يستفيدون فلوس الاوفر تايم .. لكن اللي حصل ان المسؤولين الله لا يجزاهم خير طلبوا شخص باكستاني من وحدة البتشمن ومنزلينه شتداون 12 ساعه وكأنه الشغل يحتاج خبير اجنبي والكويتي مايقدر يسوي شي . وللعلم هناك الكثير من الكفائات اللي ممكن انهم يقومون في هذا العمل على اكمل وجه
    والشرهه هني على رئيس القسم والسوبر فايزريه اللي مبدين الاجنبي على الكويتي .

    ونفس الحركه ايضا في وحدة البتمشن عندهم شتداون وماخذين بنغالي من وحدة CCR ومنزلينه 12 ساعه على البتشمن وكأن شباب البتشمن مايفهون مع العلم ان هذا البنغالي مايدري وين الله قاطه ومعروف عنه انه على قده في الشغل .

    طبعاً القصد من هذا الموضوع ان حنا نبين حجم تفكير المسؤولين في هذه المنطقة .
    وماني عارف الى متى هذا التخبط .. متى تبون تطورون من الطاقم اللي عندكم من الشباب الكويتي اللي قاعدين يشتغلون وخصوصا الجدد منهم ... ولا السالفه كلها توفير فلوس الاوفر تايم لان معاش الاجنبي أقل ؟؟؟

    والله عيب عليكم وماتستحون اذا هذا تفكيركم .

    انا اعتب على رئيس المنطقة ومدير الدائرة ويجب محاسبة رؤساء الأقسام اللي مهمشين الشباب الكويتي .
    مع العلم والله ان هناك كفاءات اقوى من الاجانب لكن يبون واحد مايقول الا ( يس سير ) و كلو تمام يافندم.
     
  2. ربينا سوا

    ربينا سوا بـترولـي خـاص

    الشرهه على الإمبراطور اللي قاعد على كرسية ولا يدري عن شيء..

    تاركين شباب البلد ومستميتين على الأجانب.. حال البلد ما يطمن الله يعين.
     
  3. mtm

    mtm بـترولـي نشيط جدا

    419
    0
    0
    هذا بسبب ضعف المسؤولين وضياعهم في العمل

    واعتقادهم ان الاجنبي هو المنقذ والخبير واللى ما يخطئ ابد

    حرام عليكم تظلمون ربعكم ...

    طبعا حتى الكويتيين المفروض يفرضون انفسهم بطيب او بغصب بجميع الطرق

    في مرة كويتي اشتكى بوحدة Ard وحطوه بالشاتداون غصب مع الاجنبي

    والله يعينكم
     
  4. KWO

    KWO بـترولـي نشيط

    السلام عليكم

    هذا كله بسبب عقول بعض المسؤولين وليس الجميع و تفكيرهم السيئ بالموظف الكويتي ...
    المفروض يساندون الموظف الكويتي و يساعدونه علشان يبذل جده و تزيد كفائاته اما بالنسبة للموظف الاجنبي فهو يعتبر الكويت مجرد مصدر رزق له و ليس وطنه وشكرا
     
  5. feed gas

    feed gas بـترولـي خـاص

    يقولون بالدعايه هده خله يتحدى

    الكويتى انفع
    اعتقد كلام الدعايات ماياب نتيجه
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الكويتي يخوفهم
    الأجنبي عندهم أسكت ! و أرخص
    و لا تنسون
    تمهيد لنقل الملكية إلى القطاع الخاص
     
  7. ابوراشد

    ابوراشد بـترولـي نشيط جدا

    303
    2
    18
    ههههههههه
    انا اقول ياليتني مصري وموظف بالبترول الوطنيه واطلع علاج بالخارج لمصر وارجع وقت الاوفر تايم اخذ اوفر تايم وعقب ارد اكمل علاجي بمصر

    وهيك شركه بدها هيك مسؤولين
     
  8. Eng_Forever

    Eng_Forever بـترولـي جـديـد

    15
    0
    0
    الي يبي صج ينقهر يشوف الدائرة التجارية
    الهنود ياخذون بونصات 5 ضعف الراتب و الكويتي اذا عطوه 1
     
  9. control valve

    control valve بـترولـي نشيط

    56
    0
    0
    والله ونت صاج وكلامك صح نف الاي عندنا باكستني موظف من سنة 1981 لا ومعا اخوان زوجة اخوة لا واساميهم شوصف فيك شخلي منك واحد اسمه عزير والثاني زبير وزج اختهم كلكم تعرفونه كل المدرا من احمد المطير الي فارق الزنكي ماينادونه الا عممممي !!!!!! عرفتوه ولا ماعرفتوه !!!!!شجاع خاااااااان لا وصارله اكثر من 4 او 5 سنين بكندا بس لي الحين يوصي لجماعته لا واذا صارت اي مشكله يتصلون عليه عمي شنسوي المصفاة انقطعت الكهربا عليها شنسوي !!!!!!!!!!!!!!!!!!!!!!!!!!
     
  10. ابوراشد

    ابوراشد بـترولـي نشيط جدا

    303
    2
    18
    اخوي كنترول فالف هذا ماشالله عليه جايب العائله الكريمه كلها
    اخاف باجر يحيب جيرانه بعد
     
  11. KWO

    KWO بـترولـي نشيط

    عندي زميل بال Cdu كل ما اقوله تغير الوضع عندكم يقولي الوضع نفسه ماتغير شي و سمعنا انه الكثيرين يقولون انه هالوحدة جيدة و سهله لكن بعض الناس الي فيها البعض وليس الجميع يستغلونها بالواسطات حتى الهنود ...
    عندك واسطة تمشي اما اذا ما عندك واسطة لا تفكر حتى بالقريد...
     
  12. بحر_4

    بحر_4 بـترولـي جـديـد

    4
    0
    0
    :):) عدل كلامك عجبتني يس سير وكلو تمام يافندم

    يعطيك العافيه والله كريم
     

مشاركة هذه الصفحة