سعود الورع يفقد أعصابه محاولاً الرد على الضغوط التي يمارسها مسلم البراك لفصله من مكتب وزير النفط

الكاتب : زلاطيمو | المشاهدات : 11,032 | الردود : 63 | ‏7 يونيو 2010
حالة الموضوع:
مغلق
  1. زلاطيمو

    زلاطيمو بـترولـي نشيط

    66
    0
    0



    سعود الورع الموظف الخفي في مؤسسة البترول الكويتية من أيام الشيخ أحمد الفهد ويشغل الدرجة 17 حاليا
    يرد ويقول على الرغم من حضوره للعمل يومياً في مؤسسة البترول الكويتية من الساعة 6:30 ص حتى الساعة 3:30 عصراً
    إلا أن ضمير الأمة يمارس ضغوط جبارة لمنعه من الظهور على سكوب

    ويؤكد على أن مجلس إدارة سكوب يجتمع ويقرر تأخير موعد بداية برنامج (مع الناس) الذي يقدمه سعود الورع
    من الساعة 3 إلى الساعة 3:30
    والحين الساعة 4

    حتى ما بعد انتهاء الدوام الرسمي في مؤسسة البترول الكويتية
    لمنع القيل والقال




    تعليق:

    اذا انت ملتزم بداومك 9 ساعات في اليوم يا الورع من أيام أحمد الفهد مثل ما تدعي، عيل ليش يفصلونك ؟

    واذا انت تطلع من دوامك الساعة 3:30 يا صادق يا صدوق يا بو العفة والطهارة يا الورع
    عيل شلون برنامجك صار له سنة يبدي الساعة 3:00
    ما سمعنا إن المؤسسة حطت لك ستديو بالمجمع النفطي !


    وإذا انت ملتزم بدوامك، ليش كل هل الهليللة ! مجلس إدارة سكوب يجتمع عشان يؤخر بداية البرنامج إلى ما بعد نهاية دوام الكي بي سي الرسمي

    يا خوي يا ورع بعد عيب درجتك 17 و معاشك صاك ال 2،500 اذا مو أكثر
    و ما تبي تداوم

    كل هذا الصراخ وقالب سكوب فوق حدر ليش اجبروك تداوم
    قرت عيون موظفين المؤسسة بشوفتك يا خوي يا الورع

    لكن رجاء، وخر عن الجويهل وابتعد عن الهجوم على أبناء القبايل
    النسيج الاجتماعي الكويتي خط أحمر
    وانت موظف بمكتب وزير يمثل الحكومة
    لا تشربك نفسك ولا تشربك وزيرنا

    على فكرة، انا اتحدى أكبر شنب اذا انت تداوم بالمؤسسة من أيام أحمد الفهد
    واذا معاشك حلال ولا حرام، فهذا بينك وبين ربي
    لا راح تفيدك سكوب ولا غيرها !
     
    آخر تعديل بواسطة المشرف: ‏16 فبراير 2015
  2. باش دبلوم

    باش دبلوم بـترولـي نشيط جدا

    194
    0
    16
    قالها مشارى العدوانى فى مقاله الشهير الورع والجويهل !!!!!
     
  3. بو جاسم

    بو جاسم بـترولـي نشيط

    113
    0
    16
    ذكرني بايام الجامعه كنت احب حماسه
    بس توني عرفت انه مشاءالله يشتغل بالمؤسسة وجريده 17 شنو يبي بعد يبا خل عنك سكوب وجابل شغلك
    من الائتلافية للمستقلة للصفحة الفنية بالانباء لمذيع واخر شي طلعت سينير بالمؤسسة مشاءالله عليك يابو عبدالعزيز طلعت بتاع كولو
    واحنا اهني بالمصافي طاحسين وللحين نتعلق بامل المشاركة بالارباح
     
  4. المهندس

    المهندس بـترولـي خـاص

    1,305
    8
    0
    ماله حق يداوم دوامين ... صححووولي اذا انا غلطان :) ... المفروض انه يفصلونه
     
  5. feed gas

    feed gas بـترولـي خـاص

    عدل كلامك.. ثانيا علا شنو قريده 17 ؟؟؟ ممكن نعرف....؟؟؟؟؟
     
  6. زلاطيمو

    زلاطيمو بـترولـي نشيط

    66
    0
    0
    منو اللي قص عليك وقالك الريال كان يداوم بالمؤسسة ؟

    يقبض معاش نعم يقبض

    بس يداوم

    لا والله حشا
    اللهم جم شهر بعد ما طشروا المنتدبين المجهولين اللي كانوا مسجلين بالاسم في مكتب أحمد الفهد

    والحين ردوه خلوه يداوم مرة ثانية بالقوة بعد ما مسلم البراك الله يحفظه
    اغصبه يتسنع ويداوم بدال مجابل الكاميرات
     
  7. blackberry

    blackberry بـترولـي نشيط جدا

    302
    0
    0
    مو قلنا البترول غير .. بس وين اللي يقتنع .
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    الصراحه ماكنت اشوفه من قبل

    بس هالايام اشوفه

    مافكر بو حمود يفصله الا فيه سبب واضح لفصله

    امشي عدل يحتار عدوك فيك
     
  9. API 18

    API 18 بـترولـي مميز

    513
    0
    0
    ترى ياجماعه اهو غير اسمه لي سعود ابراج. و بعدين سعود اذا ودك تبث الحريه عادي محد ماسكك عقب الدوام ليش معصب بس تتحاسب عللي غبته. نعم نحن نشهد زمن الرويبضه.
     
  10. بوجاسم

    بوجاسم بـترولـي جـديـد

    16
    0
    0
    الفال حق راعي البيت :D
     
  11. sha100man

    sha100man بـترولـي نشيط جدا

    263
    0
    16
    SUPVR
    KUWAIT
    الظلم حرام

    يا جماعه اللي ما يعرف بالموضوع شي او مو متأكد من هالكلام اللي ينجال عن الريال لا يفتي من عنده ويظلم المؤسسه ويظلم الموظف بالأخير كلنا نعمل لخدمة الكويت وهو كويتي وله حق بالوظيفه لكن عنده موهبة الاعلام شنو المشكله

    يا حبكم حق الحجي
     
  12. زلاطيمو

    زلاطيمو بـترولـي نشيط

    66
    0
    0
    المشكلة يالغالي انه ماخذ وظيفة ومكان غيره
    ولا هو اللي قاعد يشتغل بالمؤسسة ويحلل معاشه
    حرام ياخذ كل الامتيازات والدرجات حاله حال الموظف الملتزم بالدوام هذا الفرق وموهبته خل يطلعها بعد ما يحلل معاشه

    خله يحلل معاشه بالأول
     
  13. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت





    هلا اخوي اكيد هو موظف بالمؤسسه توه الايام هذي قام يداوم


    بعدين اي موهبه اعلام موهبه فتنه وضرب دفوف الحسنه الوحيده


    مرضى ال ام اس بس غيره ماكو شي بس فتنه وتطبيل لجويهل



    ومن على شاكلته واذا تشوف عنده موهبه احسن يسوي دويتو



    مع اخوه الفنان الكبير حمود ناصر ويغنون اغنية فاطمه


    ويبطل ضرب بالوحده الوطنيه
     
  14. خميس الخامس عشر

    خميس الخامس عشر بـترولـي خـاص أعضاء الشرف

    بالعربي الفصيح...



    مايداوم ..



    واهو موظف بمكتب الوزير منذ ايام احمد الفهد واعادة للعمل محمد العليم وعمل له انتداب للامن الوطني وانتهى ورجع ايام الوزير الحالي من الامن الوطني احمد العبدالله و لازال موظف بالمؤسسة ولكن..


    بصريح العبارة مايداوم...واحطها في ذمتي انه مايداوم حتى ايام العليم كان ياتي الساعه 11 الصبح ويطلع 12 ونعرف عدل الصدق بس لاتسوي مسرحية على سكوب وتقص على نفسك ياخي مو ملزوم تكتذب قول انا منتدب للعمل عند جهه اخرى عطنا سبب نصدقك مو تكذب تقول 6 ونص تداوم تعقب مليون مره ماتتجي للدوام وجذاب من عينك
     
  15. nash

    nash بـترولـي نشيط جدا

    236
    0
    0
    هذا مثل الطبل فارغ من داخل لكن صوته عالي : ) من افشل المذيعين اللي شفتهم و القناة اللي يشتغل فيها ماكو اسوأ منها ...

    انا استغرب لما واحد يقول سكوب قناة الفتنة اصلا هالقناة مو بالعين عشان تسوي فتنه و لا حتى تأثر بالناس .
     
  16. free kuwait

    free kuwait بـترولـي نشيط

    116
    0
    0
    يوجد بجميع البوابات ال3 بالمؤسسه مكان لدق الكرت وعند دق الكرت تظهر كامره بتصوير من هو داخل السياره وتصور رقم السياره ..

    عند جهاز الامن مجرد ما تريد البحث عن الموظف متى ساعه دخوله ومتى خروجه وجميع المعلومات مخزنه لدى أمن المؤسسه بمجرد ما تضرب على الرقم الوظيفي لدى الموظف او رقم السياره تظهر جميع المعلومات للموظف متى دخل المؤسسه ومتى خرج من المؤسسه وهناك كامرات منتشره بالمبنى كله وجميعها تخزن ..

    ودمتم سالمين
     
  17. كويتي بسيط

    كويتي بسيط بـترولـي نشيط

    112
    0
    0
    الصراحه اول مره ادري انه موظف في المبني عندنا ....شفته ذاك اليوم بالمطعم و كان شكله مستغرب من المكان ..." ما ينلام اول مره يدش المبني "

    و الله عيب ...موظف درجه 17 وما داوم يوم واحد ...يعني راتب فوق 2500 دينار ...سياره يوكن اخر موديل ...كورسات و سفر ...و الله عيب عليك ...شلون تبي يكون عندك مصداقيه !!1

    الاخ ما يعرف ان دوام المؤسسه 8 ساعات من 7-7:30 الي 3 : 3:30 مو 9 ساعات ...ما ينلام مايدري ...توا موظف يديد...

    الشرهه مو عليه والله ...الشر هه علي اشله الفسده في مكتب الوزير ..الي حاطه هل الاشكال و قاعد تحاول تخليها تهاجم الشرفاء بالكويت متي ما تبي ...
     
  18. ممــــيز

    ممــــيز بـترولـي نشيط جدا

    420
    0
    0
    صح دوام المؤسسه مو من الساعه 6 الي 3 خخخخخخخخخخخ مايلام موظف جديد
    بعدين شنو قريد 17 ليش وبعمره هذا قريد 17 ياجماعه كلنا نداوم بشركة النفط
    مهندسين وشطار مشاء الله عليهم يالله يالله يوصلون قريد 17 او 18
    وبعدين هو صارله مده يطعن ويجرح بضمير الامه من غير ضمير
    واول مره اشووف واحد يحب المشاكل مثله يا اخي الانسان يتقي الله ولا يسبب فتنه
    والواحد يخاف يقول في احد كلمه يحاسبه عليهاا الله سبحانه وتعالي
     
  19. برميل نفطي

    برميل نفطي بـترولـي نشيط

    55
    0
    0
    بلاك بيري ذبحتنا يا خوي البترول غير البترول غير ، يا خوي إذا لك أحد يداوم في البترول سئله عن الدوام شلون صاير ......... ترا ياخوي إحنا نرد بيوتنا طافيين ، الواحد فينا ليمن يرد يطيح بالسرير مثل الجثه من التعب ، مو حسبالك نفس نظامكم سيبان ، ولا تاخذ من الورع مثل ، ترا ياخوي أحنا نطحس بالشموس ونداوم أقل شي 8 ساعات وممكن لو تتأخر يومين أو ثلاثه يعطونك فيها أنذار بعد ، الله يهديك علينا يا خوي .
     
  20. المنجنيقي

    المنجنيقي بـترولـي خـاص

    1,966
    0
    36
    شفيه كعبول ...؟

    للحين تسولفون عنه ..!!

    وخميس الخامس عشر .. قالها لكم ..

    الرجال مايداوم
     
جاري تحميل الصفحة...
حالة الموضوع:
مغلق

مشاركة هذه الصفحة