المصباح السحري و العزوبي ( تأليفي )

الكاتب : nash | المشاهدات : 399 | الردود : 0 | ‏2 يونيو 2010
  1. nash

    nash بـترولـي نشيط جدا

    236
    0
    0
    بسم الله الرحمن الرحيم

    المسباح السحري و العزوبي


    في يوم يمعة قرر مجموعة من الشباب الطيبين انهم يطلعون رحلة حق جزيرة كبر و الشلة كانت عبارة عن حمود بو كرش و علوي بو مصاصة و خلود بو خشم و لؤي الكشخة :D

    تيمعوا الربع بسيارة وائل و شروا الاغراض على حساب و ائل و راح يطلعون لكبر على طراد وائل طبعا :D

    راحوا مكدونالدز عشان يتريقون من ماكدونالد و هناك حمود بو كرش قام يتناجر مع الستاف و حالف الا يطلب هبورغر الساعة 9 الصبح و اللي على الكاشير يحاول يفمهمة انهم الحين بس يقدمون ريوق مو غدا :D

    طبعا كالعادة علوي يتكلم بنقال و يدز مسجات من البيبي و عنده خط انتظار و يسمع خلود يقولة انت مو ناقص الا ترقمني يا عليوي هني وائل يتدخل و يسحب علي من نقالة و حمود بوكرش من الاكل و خالد السرحان :)

    تيمعوا كلهم بالاسكاليد مال وائل و راحوا سوق شرق و من هناك طلع طرادهم لي كبر و طول الوقت خالد سرحان ... قاله وائل خلود وخر خشمك ترى قاعد يشوش على الاحداثيات :D و خلود سرحان بعالم ثاني .

    تيمعوا هناك و كل واحد دهن نفسه بتان كاروت ما عدا خالد لانه التان منه و فيه و حمود قاعد يدهن كرشة اما علي فكثر من التان لانه بشرته افتح من بشرة نانسي عجرم :D

    الكل لاهي بحالة و خالد سرحان بعالم ثاني و لأول مرة علي يهد الاي فون و البلاك بيري و لابتوب و البنت اللي قاعد يخزها و يسال خالد

    علي : خلود ذبحبتنا من اليوم كله سرحان ما صارت شنو قاعد تفكر فيه ؟

    خالد : قاعد افكر اني اكمل نص ديني ؟

    حمود منسدح على ظهره و يدهن كرشة : خبري فيك ما عندك دين من ويلك النص الاولاني

    وائل يتكلم بذرابة : لا انا عبالي انك طول هالمدة انك مستثمر بالبورصة و قاعد تفكر شلون تطلع منها بعد ما طاحت

    العموم يخزون وائل ودهم يحذفونه بمطارة البيبسي :D

    يمر الوقت بسرعة و قبل ما تضلم الدنيا الكل لاهي وائل قاعد ايمع الاغراض و حمود يسولف مع سندويجة و علي يكلم اربع بنات بوقت واحد ثلاثة على الماسنجر و وحده بالبيبي و الرابعة نقال و خالد يفتر على الجزيرة و اهوا يمشي حصل على اليال شاف له اسراي من بعيد و راح واخذ هالسراي و قام يوخر عنه التراب شوي و لا يطلع منه مارد بس مو نفس اللي نسمع عنهم بالحكايات لأ هذا قصير و جسمه عادي و صووته حيل ناعم .

    خالد : منو انت

    المارد : انا خادم هالسراي امرني شنو تبي لك ثلاث امنيااات

    خالد : اللي اعرفة انه المارد حسب ما نسمع عنه بالخرافات انه كبير و يخرع و ساكن بمصباح ؟!!

    المارد : وليييين ياحبكم انتوا العرب حق الاشاعات و التضخيم يبى انا كنت بالفانوس على ايام علاء الدين و كل جم سنة اغير السكن :p

    خالد : شوف ابي فلوس وايد و ابي صحة و زوجة

    المارد : الفلوس مقدور عليها راح اخليهم يحولون بيتكم اللي بالسالمية من سكني الى استثماري لكن الصحة هذي مو بايدي بس قولي شنو مواصفات الزوجة اللي تبيها .

    خالد : ابيها مثل خالتي اللي عقب ما توفى ريلها ربت عيالها و كبرتهم و كانت تشتغل و بنفس الوقت تطبخ و تهتم بالبيت و تدرس عيالها و تصرف عليهم و تحل واجباتهم و كانت لهم اهيا الام و الابو !!!

    المارد : تزوجني خالتك ؟

    خالد : نعم

    المارد : يا شقول لو انا لاقي مرة مثل خالتك ما ضليت عزوبي من ايام علاء الدين

    خالد : يعني شنو الحل .

    المارد : شوف جيلكم هذا ما في وحده بهالمواصفات اللي تقولها كلهم توفوا و اخر وحده خالتك ... نصيحتي اذا تبي وحده جذي خلك عزوبي و اذا انت معزم تتزوج قدم على خدامة و طباخة و قرض من الحين ؟!!

    خالد : الخدامة و عرفنا انه بنات هاليومين ما يسوون شي و الطباخة لانهم ما يعرفون يطبخون لكن ليش القرض .

    المارد : عشان تلبي طلباتها .

    يرش وائل ماي على خالد و يدخل الماي كله بخشمة ( من كبر الفتحات ) و يصحى و يشوف جدامة كرش حمود و عليوي ماسك تلفونه .

    مسكين كان حلمان و الحين خالد رايح لبنان يسوي عملية بخشمة و لي يومكم اهوا عزوبي :D
     
جاري تحميل الصفحة...
مواضيع مشابهة
  1. العابر
    الردود:
    9
    المشاهدات:
    407

مشاركة هذه الصفحة