ولدي راح اسويله عملية أفتاق

الكاتب : **fahad** | المشاهدات : 1,930 | الردود : 6 | ‏1 يونيو 2010
  1. **fahad**

    **fahad** بـترولـي جـديـد

    27
    0
    0
    بس متردد وين اسوي عملية عندي موعد في الأحمدي وعندي موعد في ابن سينا والله احترت ياليت من اخوان الخبرة ينصحوني وين افضل وشاكرلكم ؟؟؟
     
  2. العندليب

    العندليب بـترولـي نشيط جدا

    164
    0
    0
    السلام عليكم ورحمة الله وبركاته ...اول شي عسى الله يعافي ولدك ويشافيه وتكفه الله يرحم والديك لاتسويها بالأحمدي الله يوفقك ..روح ابن سينا وانت مرتاح بإذن الله تعالى أنا سويت حق ولدي الكبير وولدي الصغير في ابن سينا والحمدلله رب العالمين وبعدين ابن سينا تخصص جراحات اطفال والأحمدي للأسف ماكو تخصص مثل ابن سينا ..والمصيبه اخي الكريم انا لما وديت ولدي الصغير حق الدكتور مال الجراحه اللي بالأحمدي من غير ذكر اسم الدكتور الله يسامحه قالي ولدك فيه فتاق من الصوبين مع اني انا شايف انه بس صوب واحد ومبين وواضح بس مادري شعليه متفلسف لما قالي انا بعرف اكثر منك بصراحه حسيت انه مو متأكد...خذيته حق ابن سينا وشافوه 3 دكاتره ولا واحد قالي فيه الصوب الثاني فتاق مع اني قلت لهم في دكتور جراح قالي فيه الصوبين وكلهم فحصوا فحص والله للأمانه دقيق جدا وتحس عن خبره كلهم قالوا لي لا يالطيب بس صوب واحد وعلى فكره كل دكتور بروحه محد يدري عن الثاني وراح تشوف انت على جم دكتور يمر ولدك قبل العمليه والحمدلله ارتحت لكلامهم وتوني مسويها له صار له اسبوعين وادعوا له الله انه يتمم عليه الشفاء وعسى الله يشافي الجميع
     
  3. mtm

    mtm بـترولـي نشيط جدا

    419
    0
    0
    الله يشافي ابناءكم وابناء المسلمين ... معافين باذن الله
     
  4. ziena

    ziena طبيبة أعضاء الشرف

    746
    0
    0
    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه

    اسال الله العظيم رب العرش العظيم ان يشفيه
     
  5. YOU^AND^ME

    YOU^AND^ME بـترولـي نشيط جدا

    444
    0
    0
    اسال الله العظيم رب العرش العظيم ان يشفيه
     
  6. kuwaitbutterfly

    kuwaitbutterfly بـترولـي جـديـد

    14
    0
    0
    انا سويت حق ولدي العمليه في ابن سينا

    بس قبلها استشرت الدكتور عادل معرفي في المواساة ويداوم الصبح في ابن سينا

    واعتقد يسوي العمليه في المواساة نصيحه روح استشيره وايد فادني

    والله يشفيلك ولدك

    انا ولدي وايد تأذى كان علطول مريض نشله وكحه ويشرق لما يشرب حليب وكسلان ماله خلق يسوي شي وطول الوقت يبجي سويتله العمليه وعمره 6 شهور

    ماشاءالله ورى العمليه تغير 180 درجه كل هالشغلات اللي ذكرتها راحت منه
     
  7. Snuppy

    Snuppy بـترولـي نشيط

    68
    0
    0
    اخوانى الاعزاء أكيد ابن سينا احسن إذا الولد صغير لأن ما عندنا جراح أطفال وحالات الأطفال اللى محتاجه جراحه تتحول حق ابن سينا وما يشوف شر الولد :)
     
جاري تحميل الصفحة...

مشاركة هذه الصفحة