قصيده بمناسبة تحسن الجو

الكاتب : كلمـ ولو جبر خاطر ـه | المشاهدات : 511 | الردود : 7 | ‏2 ديسمبر 2007
  1. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    هل الشعر وامطر الماطر والقاف يا زين ملعوبـه



    اللعب لعبي وانـا نـادر غنابه الطيـر مسحوبـه



    ياما حلا سجة الخاطـر في البر والضو مشبوبه



    مع دلـة كيفهـا فاخـر من الهند وايران جاووبه



    في روضة جوها ساحـر نبته تهاويل واعجوبـه



    خوة نشامى وانا خابر هم منوة القلب مطلوبـه



    ما فيهم القـن والعاثـر نقوة رجـال ومحسوبـه



    يا خوي يا مسندي ناصر الجيب يا زين مركوبـه



    شاص ومن سابقه خاسر كن العفاريـت طاروبـه



    صناعه المجـرم الكافـر كامل ولا تذكـر عيوبـه



    لـه رزة والله الساتـر هيبة سلاطيـن حلوبـه



    يالله بليل على حامـر نو حقوق نشـا صوبـه



    يسري على برقه الساهر اللي يبي شوف محبوبه



    قدله سنين وهو صابـر لو لا الحيا فرمن ثوبـه
     
  2. alaslamy

    alaslamy بـترولـي نشيط جدا

    258
    0
    0
    ياماحـــلا والنار يضـــوي لهبها *** في فيضــة فيها الحيا مابعد شــيف

    في خــــــيمة منصوبة في خببها*** ودلال صـــفر ماشريته من الســيف

    في مجلس فيه النشامى وأدبها*** قصـــــــــيد ينقونه ولاهوب تصفــيف

    وســـوالف رجال معادن ذهبها*** مع قهوة تطرب هل الراس والكــيف

    والجيب والعدة وباقي زهبهـــا*** وســـمان ماطـبت شــــبوك وتعــــليف

    2007 والسست ماسـحبها*** شــــد البـــلد نقـــد ولاهوب تســـــليف

    منـــوة هل البران غاية طلبها***مطــوع العسرات نقــــرة مع الســيف

    له شــــهرة ياما عقول سلبها*** ( فكس آر) مايحتاج مـــــــدح وتعريف

    وذود شعاع الشمس عنا حجبها*** جانــــا حـــــليبه دون خــلط وتغـليف

    وشحنة سمر وإرطا من أرضه حطبها*** النار عنوانه كروكي وتوصيف

    وذبيــــــحة للضــيف لاجـــا ســـــحبها***ماحسب حسابه ولابه تحاسيف

    وطــــباخ له خــبرة قديــــم كســــــبها*** ماحاقه الهندي ولاسالم الشيف

    هــذي منـــاتي لابطــايف ولا أبهـــــــا*** وأيضا ولالندن وباريس وجنيف

    هذا عـــــلاج النفس ســــاعة عطـبها ***مابي المدينة بين عادم وتكييف

    وصـــلاة ربي عــد ســــيل بشـــــعبها ***وعداد مانبت الحيا وأزهر الريف

    على النبي الهاشـــمي من عـــــربها ***اللي صدع من دون كذب وتزييف
     
  3. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    يا بعد حيي وميتي والله يالاسلمي

    قم يالاسلمي ياله يضيق من المدينه والقعاد *** اركب جديد الطرز ابو وجهن عريض وشغله
    اللي ليا دقيت سلفه كنك تشب الزناد *** نار اتقادح في حشا الماطور يوم اتدبله
    انا غرامي فجة صدور الصحاصيح البعاد *** ولا اكره اللي المشوار ابو قم وصله
     
  4. alaslamy

    alaslamy بـترولـي نشيط جدا

    258
    0
    0
    مشكور يا بعد حيي على الابيات الجميله

    انا اجيزلك هالقصيده

    وفالك المليون
     
  5. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  6. Shoomy

    Shoomy بـترولـي خـاص

    صح لسانكم انتوا الاثنين ويعطيكم الف عافيه

    تحياتي
     
  7. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  8. alaslamy

    alaslamy بـترولـي نشيط جدا

    258
    0
    0
    صح بدنج يا شومي وعطيج ألف عافيه
     
جاري تحميل الصفحة...

مشاركة هذه الصفحة