التأمينات الاجتماعية اصبحت عذر لدى الشركات للنهب

الكاتب : diners | المشاهدات : 2,789 | الردود : 3 | ‏31 مايو 2010
  1. diners

    diners بـترولـي نشيط جدا

    السلام عليكم

    بالنسبة لعنوان الموضوع, يمكن البعض لاحظ ان الشركات الخاصة تتعذر ب "التأمينات الاجتماعية" لنهب الموظف من معاشه بحجة ملف الشركة و الخ

    مثال بسيط: اذا كان معاشك من الشركة 300 دينار فقط, التأمينات تاخذ 31 دينار كقيمة اشتراكك, جذي الشركة ماباقت منك شي وماشية صح.

    لكن نفس المثال بالضبط: وتشوف معاشك كل شهر ناقص 50 دينار على نفس المعاش ماتغير, هني يرن جرس الانذار ان في بوقة محترمة وانت يالمسكين تروح تستفسر ويعطونك نفس العذر "ملف الشركة" او غيره من اعذار ولانك جاهل بهالامور ماودك تجادلهم لانك ماتدري اذا كان فعلا لازم ينقص منك جذي او لا.

    المطلوب للفائدة: شنو اللي علي واللي مو علي كموظف في شركة خاصة متعاقدة مع المؤسسة ؟ جم نسبة الاشتراك الشهري للتأمينات؟ اذا اخذوا زيادة عالنسبة ابي ارد فلوسي اللي تعبت عليهم لكن شنو الطريقة؟ بالنسبة للموظفين في الباب الثالث جم نسبة اشتراكهم ؟ والباب الخامس ؟ افيدونا ؟

    واذا تبين ان الشركة تاخذ من معاشك زيادة من غير وجه حق, وين تروح وحق منو. شنو الاجرائات وشنو نتوقع ؟

    نبي توضيح للمسألة هذي لآن الشركات لقتها عذر وايد حلو ان الموظف جاهل بهالامور وقاعدين يلحسونه لحس من غير ذمة او ضمير

    والحمدلله على كل حال, وجزاكم الله خير
     
  2. yousef dashte

    yousef dashte بـترولـي نشيط جدا

    203
    0
    0
    عشان جذي قاعدين نقول نبيها نفطي نبيها نفطي
     
  3. سالم بن طفلة

    سالم بن طفلة بـترولـي نشيط

    سؤال حلو




    سؤال جميل جداً



    انشالله تكون اجابتي مفيدة



    الطريقة المعمول فيها بشركتي كالتالي



    (%7) X ( الراتب الأساسي + دعم العمالة الوطنية + العلاوات الاجتماعية " الزوجية والأولاد " )



    عشان أوضحها أكثر ، اقتبسها لك من موضوع سابق







    لاحظ أخوي داينرز ان الزيادات ( 50 + 50 + 120 ) لاتدخل ضمن حسبة التأمينات



    مع العلم إنه اذا كانت قيمة استقطاعك أكثر من 87.500 دينار ، الزيادة فوق هالمبلغ تدخل ضمن الصندوق التكميلي




    وأي استفسارات أكثر انصحك تتوجه لمبنى التأمينات الرئيسي في شارع السور ، لأني اعتقد المعلومات الموجودة في موقعهم غلط




    وسلام عليكم



     
  4. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    يعطيك ألف عافيه اخوي / سالم بن طفلة - على التوضيح ...

    بس احنى صج مبيوقين :(

    وبالنسبه حقي انا راضي بالمعاش وألف الحمدلله والشكر لك يارب
    وانشااالله يلقاها (( بعافيته )) اللي بايق ..








     
جاري تحميل الصفحة...

مشاركة هذه الصفحة