طلب غزو للكويت

الكاتب : عبدالله البلوشي | المشاهدات : 1,622 | الردود : 29 | ‏30 مايو 2010
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    في جريدة الدستور المصرية

    في كاتب للأسف كويتي

    يهاجم نواب و وزراء ورئيس مجلس الوزراء

    انا هذا كله ما يهمني

    لكن يطلب ان احد يحتل الكويت

    هني اقوله صك بوزك وما يشرفنا انك تكون كويتي

    ولا تنسى ان اصلك يرجع للكويت

    واللي ينكر اصله ( ماني قايل شنو )

    عنوان المقاله

    احتلال لله يا محسنين
    وهذا جزء من مقالته

    ولأنكم جغرافيّاً أقرب إلي أوروبا منا،

    أيها المصريون، فنحن قاصدينكم في خدمة،

    نردها لكم في الأفراح إذا احتجتم شيئا من اليابان

    ، نريدكم أن تستجدوا لنا الأوروبيين ليحتلونا

    مقابل نصف عوائد نفطنا،

    هذا كلام بالله عليكم

    واحد يتمنى ديرته تحتل

    لا وبعد يوعدهم بنصف عوائد النفط

    لان النفط مسجل بأسمه

    يالله وينكم يا المدافعين عن الوشيحي

    تبون ديرتكم تحتل من الاجانب

    وينك يا مسلم البراك واحمد السعدون

    وينكم يا من تسمون انفسكم بظمائر الامه

    تقولون ما نرضى بتعديل الدستور

    و الدستور يقول في الماده الاولى

    مادة - 1


    الكويت دولة عربية مستقلة ذات سيادة تامة,

    ولا يجوز النزول عن أو التخلي عن أي جزء من أراضيها
    وشعب الكويت جزء من الأمة العربية


    لا يجوز التخلي عن اي جزء من اراضيها

    والجبان يقول نبي احد يحتلنا

    يعني يبي الدستور كله ينشال



    انا ما قلت الكلام اللي في خاطري


    لكن عندي كلمه بقولها


    اللي راح يرد على الموضوع

    و يبرر موقف الجبان الوشيحي

    راح اعتبره نفس الوشيحي خاين لدولته

    واللي يستنكر الفعل اللي قام فيه الجبان المذكور


    هذا على عيني وراسي


    ودمتم سالمين


    واشوف فيك يوم يا الوشيحي
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
    تبي المقال كامل :)



    الله يعينه على القضايا اللي بتلاحقه

    والله يعين ضمير الامه :p

     
  3. aL- raSy

    aL- raSy إدارة المنتدى

    2,714
    0
    36
    ايه.. مو انت على كيفك..!! :)

    يا جماعه اللي بيخالفني الراي و يبرر للوشيحي.. ترى من الحين اقولكم..
    و من غير ما افهم وجهة نظره.. بعتبره خاين لدولته.. عبدالله شهالحجي..!!؟؟


    ايضا.. ايه.. مو انت على كيفك..!! :)

    نستقبل انك تخالف رأي الوشيحي.. و هذا بالتأكيد حق لك.. و نحترم وجهة نظرك..
    لكن.. مسألة اطلاق الاحكام على الوشيحي.. و قريباً جدا ( انا :) ) على اساس اني بخالفك الرأي..
    هذا غير مقبول و غير معقول و غير منطقي..


    بكتفي بكتابة ( اني ابرر للوشيحي ما قاله ).. و لن ازيد عليها..
    و ذلك بسبب :-
    كونك ممن يطلقوا الاحكام المسبقه على من يخالفهم الرأي..
    دون مناقشتهم و محاولة فهم وجهة نظرهم..


    الحين بيعتبرني خاين لديرتي..!! :(

    اخيرا.. ايه.. مو انت على كيفك.. :)
     
  4. nash

    nash بـترولـي نشيط جدا

    236
    0
    0
    يكفي انه يصف اللي يخالفوه بالرأي بانهم ( يا ابناء اللذي ينبح ) مشكلة الربع فاهمين الحرية و الديموقراطية غلط ؟!! اما سالفة انه يقول لو تحتلنا اليابان فكان قصدة و الله اعلم انه الحكومات الاوروبية افضل من الحكومة الكويتية ( يعني يكون يايب معلومة يديدة ) بس خارها بالاسلوب .
     
  5. جابر

    جابر قــلــم بــتــرولــي أعضاء الشرف

    الجبان معروف ...والخونه معروفين ..
    أما الوشيحى فهو كاتب كويتى وطنى غصبا عن أكبر رأس
    والناس اللى تهاجم الوشيحى (بحسن نيه)...نقول لهم المقاله ساخره ...وهدفها واضح جدا ....
    وضعوف العقل هم من يعتقدون إن فيها دعوه فعليه للغزو ..

    هناك من عنده عقده ..وينفس عنها لما يهاجم الوشيحى ..
    ولكن حتى مايكشف نفسه ويعرضها للهجوم ..
    يسوق فيها أعذاره بأن سبب هجومه على الوشيحى ....غيرته الوطنيه ..
    نسى إن مافى داخله (تطلّعه) كلماته ..وتبرزه حتى للأعمى
     
  6. nash

    nash بـترولـي نشيط جدا

    236
    0
    0
    الكلام بالاحمر يبين اسلوبك الرائع بالاقناع ...
     
  7. جابر

    جابر قــلــم بــتــرولــي أعضاء الشرف

    نعم ..تبينى أقنعك إن الوشيحى ...كويتى ...ليش يبه ..خلك على راحتك :rolleyes:
    الأقناع ...لازم تتوفر النيه السليمه من المتلقى ..وهذى صعبه ..وعليه الهدف ماكان إقناع ..لكن تسجيل رأى ..وهذا سبب إختلاف الأسلوب ..هذا طبعا لو أضفنا الصيغه اللى كتب فيها الموضوع
     
  8. aL- raSy

    aL- raSy إدارة المنتدى

    2,714
    0
    36
    هذي وجهة نظر منطقيه تحترم..
    و لكن.. هل تعلم اخي" nash " بأنك و بهذا الكلام الجميل المنطقي..
    قد تم الحكم عليك بالخيانه العظمي على ذمة الاخ عبدالله..؟؟!!


    و لكن استغرب اخوي " nash "..
    بأنك تعيب على الوشيحي.. طريقة اسلوبه و اختيار كلماته..
    و اتجهت إلى الاخ " جابر " منتقدا اسلوبه و طريقة اقناعه..
    و بنفس الوقت.. لم تتفوه بكلمه واحده رداً على من يخوّن الكويتيين بمجرد اختلافهم معه..
    و دون ان يسمع وجهة نظرهم..!!
     
  9. بلبل عنقريزي

    بلبل عنقريزي بـترولـي خـاص

    2,187
    0
    0
    اول شي المقال واضح انه يسخر وكوميدي ولحد يزايد على وطنية الطرف الثاني

    اكتفي بمداخلة nash والاخوه اللي سبقوه يمكن ماكان موفق ببعض الكلمات وحط خطين تحت بعض الكلمات

    والوشيحي معروف بوطنيته
     
  10. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    بالنسبة للأخوان اللي ردو على الموضوع ابي ارد على واحد واحد

    بالنسبه للأخ aL- raSy

    والله عجبك كلامي او لأ انت حر

    لكن شنو تفسر بواحد يطالب بإحتلال الكويت

    وبعدين ياريت تتكلم بمنطق وعقلانية شوي

    انا ما خالفت الوشيحي بمهاجمة لأشخاص

    انا تكلمت وخالفته لمى تكلم عن الكويت

    وطالب بحتلالها من قبل الاجانب

    وبعدين اذا تقول انك تبرر للوشيحي ما قاله

    هذا شي راجع لك لكن انا اظل عند رأيي واقول ان الوشيحي

    بمطالبته للأجانب بإحتلال الكويت اهوا خاين واللي يسانده بالرأي هذا

    خاين خاين خاين لدولته

    ولا تبي واحد يطالب الاجانب بإحتلال الكويت شنو اسوي له

    شرايك اسوي له استقبال رسمي اذا رجع

    او نقدم اقتراح للحكومه بإعطائه قلادة مبارك الكبير


    وبعدين انت تقول لا تصادر حق الرد عليك

    طيب انت ما ذكرت ولا شي عن الموضوع وفقط اكتفيت بالتعليق على رأيي

    يعني الحين الموضوع كله ماهمك فيه شي غير انك ترد على رأيي واعتقادي انا

    الصراحه شي يحير

    تطلب مني اني اتقبل الرأي اللي يخالفني وهو دفاعي عن الكويت

    و انت بروحك نسيت الموضوع وهاجمتني انا ؟

    لي هني اكتفي بالرد عليك


    و بالنسبه للأخ جابر

    اسمك يذكرني بشخص عزيز على قلوبنا

    توفى وانت حاط صورته

    الله يتغمد روحه الجنه امين

    احب اذكرك ان الشخص هذا عيونه دمعت على الكويت

    لمى تكلم بالامم المتحده وبجى العالم كله معاه

    لان ديرته راحت منه

    و الحين اللي انت تشيد فيه قاعد

    يطلب من الاجانب احتلال الكويت

    هل هذا كلام واحد عاقل

    و بالنسبة للأخ بلبل عنقريزي

    هل من يطالب بإحتلال الكويت من الاجانب

    انسان وطني ويخاف على ديرته ؟

    هل هذا كلام بالله عليك

    وين الوطنية من غير وطن ؟

    اذا الوطن احتلوه الاجانب ما راح يكون في وطن

    وانت تقول محد يشكك بوطنيته ؟

    مادري شنو الوطنية اللي تتكلمون عنها

    سؤال وياريت الاخوان يجاوبون عليه

    وما يطرقون لجوانب اخرى

    اللي يساند الوشيحي ويؤيد رأيه في طلب

    من الاجانب بإحتلال الكويت شنو تعتبرونه ؟


    انسان وطني ولا خاين لدولته ؟
     
  11. aL- raSy

    aL- raSy إدارة المنتدى

    2,714
    0
    36
    هلا و غلا بـ البلوشي..

    عبدالله انت تذكر شكتبت بالضبط و لا نسيت..؟؟

    انت بموضوعك كتبت الآتي :


    انت تدري كلامك هذا معناه شنو..؟؟

    تقولي نسيت موضوعك و هاجمتك و تطالبني بالرد..
    و انت اساسا مو مستعد تسمع ردي.. و لا ردود اي شخص..
    و مختصرها حضرتك.. تقول.. اللي يبي يبرر للوشيحي بتعتبره خاين.. هذا من قبل لا تسمع رده بعد..!!
    هذا منطقك و عقلانيتك..!!


    ايييييه مو انت على كيفك.. :)

    اكرر ( ابرر للوشيحي ما قاله ) و بدون ذكر اسباب..
    لأن منطق اطلاق التهم المسبقه ( اللي متبعه حضرتك ) لا يتخذه شخص يحترم آراء الآخرين..


    راح ارد عليك.. اذا تنازلت عن هذا المنطق ( الدايخ ) بإتهامك للأشخاص بالخيانه.. بمجرد تبريرهم للوشيحي ما قاله..و بدون ان تستمع لهم و تفهم وجهة نظرهم..

    انت تدري.. كم عندنا خاين استنادا على منطقك حتى الآن..؟؟
    للأسف جميع من شارك في موضوعك يعتبر خاين بالنسبه لك..
    و تتكلم عن منطق و عقلانيه بعد..!! :)

    اييييه.. مو انت على كيفك.. :)
     
  12. ضارى

    ضارى بـترولـي نشيط

    كلام جميل وحس وطنى بزمن قلت به الأحاسيس الوطنية

    ولكن الكل مدرك بأن الكاتب يلمح ساخرا بهذا الأمر من كثرت المشاكل التى يراها حسب وجهه نظره

    ولكن هناك من يدعوا جهارا نهارا معتصما بالعاصمة البريطانية طالبا إياها قيام البحرين الكبرى تارة وأنضمام الكويت الى العراق تارة أخرى

    هذا الحثالة المدعو ياسر حبيب هو السوسة التى يجب أن تخرس

    وهذا الخائن الهارب الخسيس هو الذى يجب ملاحقته قانونيا كونه كويتى الجنسية ومعاقبته ثم إسقاط جنسيته ورميها بأقرب حاوية قمامة ولا خسارة
     
  13. تايتنك

    تايتنك بـترولـي خـاص

    1,239
    0
    0
    هل عندكم رابط المقالة حتي نحكم علي الرجل
     
  14. aL- raSy

    aL- raSy إدارة المنتدى

    2,714
    0
    36
    المقاله موجوده كما نقلها الاخ العجمي في اول رد على هذا الموضوع..

    و ايضا المقاله موجوده في الموضوع الذي نقله الاخ قبس على هذا الرابط

    http://www.q8ow.com/vb/showthread.php?t=29446

    و هذا رابط المقال في جريدة الآن الاكترونيه

    http://www.alaan.cc/pagedetails.asp?nid=53258&cid=30


    طب و تخيّر يا تايتنك.. :)
     
  15. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    اشكر الاخ الراسي على مشاركته

    بس ما شفت تغير من مشاركتك اللي قبلها

    و انت تحاول انك تطلعني انا بصورة الغلطان

    اخوي انا قلت اللي يخالفني الرأي راح اعتبره خائن

    راح اوضحها لك وابسطها على شان تستوعبها انشالله

    1-انا رأيي اهوا دفاع عن الكويت

    2- رأي الوشيحي اهوا ضد الكويت

    و انا مع رقم واحد


    واللي يخالفني الرأي راح ينضم الي رقم 2


    اتمنى انك فهمت

    انا ما صادرت حق الاخرين وهذي قضيه ما تحتاج اسوي عليها

    استفتاء واقول اللي يبي الكويت تضل حره وغير محتله يرسل مسج برقم 1

    واللي يبي الكويت تحتل من قبل الاجانب يرسل الرقم 2

    اذا المنطق هذا يمشي معاك مو مشكله نقدم اقتراح للشركات الثلاثه

    على شان يطلع التقرير منهم وانشالله تقتنع

    و ياريت تجاوب على سؤالي

    شنو رايك بمن يطالب بإحتلال الكويت

    1 - وطني ويجب ان يكرم

    2- خاين ويجب ان يحاكم

    وبعدبن اشوفك مستانس على جملة

    اييييه.. مو انت على كيفك..

    شنو فيها الجمله اللي تكررها

    لي هالدرجه عا جبتك

    احب اقولك

    اذا كيفي كان اهوا حب الكويت والدفاع عنها

    فا انا اريحك واكتبها مليون مره

    اي نعم على كيفي

    اي نعم على كيفي


    والله يحفظ لنا الكويت

    واشكر اخوي ضاري على المشاركه واحب اقوله

    اي واحد يطري الكويت بأي سوء لازم كلنا نتصدى له

    سواء كان الحبيب او الوشيحي او او او

    وما نحاول نبرر له ونقول لا تفهمونه غلط ترى المعنى في بطن الشاعر

    وان هذا اسلوب ساخر لو فعلا حاب يطلع مواهبه عنده مليون موضوع يقدر يتكلم فيه

    لكن هناك فرق بين السخريه و قلة الادب

    و الله يعطيكم العافيه


     
  16. aL- raSy

    aL- raSy إدارة المنتدى

    2,714
    0
    36
    هلا و غلا.. بأخونا عبدالله..

    توضيح.. انا لا اهاجمك شخصيا.. فلشخصك الكريم كل تقدير و احترام..
    انا ما اهاجمه بالضبط.. هذا المنطق الذي تتبعه..


    و من الواضح انه فيه مراجعه و تفكير لما كتبت.. و شوي شوي قاعد اشوف تحسن..

    اوكى اوكى.. انت ما قلت اللي يخالفك الراي تعتبره خاين..
    لكن قلت.. اللي يبرر للوشيحي بعتبره خاين.. صح..؟؟..
    و اذا بتقول لا ترى كلامك موجود.. :)


    و الله جد.. مو لاقي اكتب بعد طريقتك بالتفكير إلا..
    ايييه مو انت على كيفك.. :)

    طبعا اكيد عندك خبر ان كل المشاركات بررت للوشيحي ما قاله..
    و بالتالي.. كلهم خونه بالنسبه لطريقة تفكيرك.. منطق ( دايخ )..
    عندك خبر ولا لا..؟؟


    اكرر الدعوه.. تخلى عن طريقتك في التفكير.. و بعدها يصير خير..

    عبدالله بساسرك بهالجمله..
    ( لا تزايد على اخوانك بحب الكويت )
     
  17. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    اخوي الراسي انا ما انكر اللي قلته

    انا فعلا قلت اللي يبرر للوشيحي

    اهو خاين

    طيب الوشيحي شنو قال ؟

    هل ذكر شي في خير للكويت او يبيلها الشر

    اخوي الراسي اللي يبي يبرر للوشيحي

    انه معاه حق ان الاجانب يحتلونه ؟

    شنو تعتبره

    المقبور صدام يوم دخل على الكويت

    برر فعلته ان الكويت تسرق منه النفط و و و

    هل الكويتيين خذو بكلامه و قالو لحظة خلى نبرر فعلته


    وبعدين انا ما زايدت على احد بحب الكويت

    ولا قلت اني الوحيد اللي ادافع عن الكويت

    وحامل لواء الدفاع عن الكويت

    لكن اللي يخططون ويتمنون ويسعون ويطلبون

    من الاجانب احتلال الكويت و في ناس تبرر لهم

    هذا الطلب و تساندهم هذيل اللي فعلا ضد الكويت


    ياريت اخوي يوقف النقاش بيني وبينك لان الصراحه انت مو قاعد

    تضيف شي للموضوع يفيد اللي يقراه

    و تعطي فرصه للاعضاء اللي ودهم يطرحون ارأهم في الوشيحي

    ونرجع لصلب الموضوع

    ودمتم سالمين

    والله يحفظ لنا الكويت
     
  18. aL- raSy

    aL- raSy إدارة المنتدى

    2,714
    0
    36
    اخوي عبدالله..

    انت شلون تطلب مني او تطلب رأي اي شخص..
    و انت مطلق عليه حكم مسبق بالخيانه..!!؟؟
    بمجرد انه يبرر للوشيحي او له وجهة نظر اخرى.. تختلف عن وجهة نظرك..


    طيب.. جميع المشاركات بررت للوشيحي و فيه من اشاد بوطنيته..
    هل هؤلاء خونه بالنسبه لك..؟؟


    العجمي، nash، جابر، بلبل عنقريزي، ضاري..
    هل يحق لك بأنك تتهمهم بالخيانه بمجرد انهم برروا للوشيحي..؟؟!!
    اعتقد انك ماراح تجاوب على هالسؤال..
    و ان جاوبت.. ستعرف الخطأ الذي وقعت فيه..
    و سيصلك بالضبط ما اعنيه..


    ترى كلامي واضح.. انا ماني عارف ليش الفكره مو واصله لحد الحين..!!!

    المهم..
    طريقة تفكيرك هذي لا تشجع على مجاراتك..
    او الرد على موضوعك..او تبادل وجهاة النظر معك..


    و مع جل احترامي و تقديري لك.. لا يحق لك او لي..
    ايقاف مشاركة احد في النقاش.. طالما ان الاحترام مظلتنا..

    حلوه الاحترام مظلتنا.. صح.. :)
    و ماراح اقول.. اييييه مو انت على كيفك.. اوكى..:)

    راجع تفكيرك اخي الكريم..
     
  19. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
  20. العجمـي

    العجمـي بـترولـي خـاص

    1,857
    0
    0
    سـر
    kuwait


    الراسي فديت خشمك
    لازم يعني تتعب وانت تحاول تفهمه . ترى مو لازم لان الاخ قال يا تقول عن الكاتب خاين وتصير وطني او اذا حاولت بس محاوله انك تفهم الاخوان شنو يقصد الكاتب من المقال اللي كاتبها يعني تبرر موقفه على قولت الاخ عبدالله ترى انت خاين

    زين دام الوطنية ذابحته ومستذبح على مقال الوشيحي عندنا ناس كل يوم وهي مطلعه مصايبنا على الفضائيات وتنابح منابح كلاب ليش ما حطيت موضوع عنهم وانت ما ذبحتك الا مقال وحده !!



     
جاري تحميل الصفحة...

مشاركة هذه الصفحة