(اوسكو) ادارة+نقابه=100 فلس

الكاتب : عبدالله البلوشي | المشاهدات : 2,211 | الردود : 29 | ‏25 مايو 2010
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم


    ادري العنوان غريب لكن حبيته يشد الواحد


    قصدي من العنوان ان ادارة اوسكو و النقابه وجهان لعمله واحده


    وراح تعرفون ليش


    ياريت احد من ادارة اوسكو يقدر يرد علينا

    بالنسبه لموضوع النقل اللي راح يتم بعد اشهر قليله مثل ما سمعنا

    وراح تكون البدايه لموظيفن الامن التابعين ل knpc

    انا واحد من اللي اسمعو ان ادارة اوسكو اوعدتهم بالترقيات

    وانهم يبون ضباط عدد كبير وموجهين وووو

    وكل القريدات والترقيات راح تكون من نصيب الموظفين المنقولين من الشركات الاخرى

    طيب احنا موظفين اوسكو شنو موقعنا

    مكانك راوح

    اشوف ترقياتنا محد ياب طاريها ولا في شي يخص موظفين اوسكو

    بالموضوع كله


    يا جماعه انا تعييني شهر 11 - 2006

    المفروض حسب اللوائح والقوانين بعد 3 سنين اوصل رجل امن اول

    وانا الدفعه الرابعه

    وبعد ما طاف على موعد ترقيتي 7 شهور للحين رجل امن ما تغير شي

    والشي اللي الادارة مطنشته او ناسيته والله اعلم

    ان الدفعه الثالثه للحين ماترقت ؟


    هذا بالنسبة لادارة اوسكو


    الحين بعرف شنو دور النقابه ؟


    نزلتو اعلان وقلتو القطاع النفطي لازم ما يتخصص و و و


    ودفعتو فلوس على الاعلان بالجريده بطول الصفحه ؟


    وانتو لا لكم ناقه ولا جمل بالموضوع ؟

    انا اتكلم ان شركة اوسكو فيها ادارة + امن + اطفاء

    والثلاثه هذول ما يحتاج انهم يتخصصون

    اما اذا الموضوع اهوا دفاع عن الكويت وعدم سرقة المال العام ومن الكلام هذا

    اقولكم يعطيكم العافيه

    بس كان بالاولى انكم تشوفون موظفينكم من شنو يعانون

    شوفو الترقيات ليش تأخرت

    شوفو التعسف من قبل بعض المسؤلين ضد افراد الامن

    شوفو مشاكل الموظفين وشنو محتاجين


    انا اوجه كلامي لرئيس النقابه

    اذا يعرف شنو الخصومات اللي بتقرير الراتب اللي عليه

    او اذا ينزل له زايد او ناقص ؟

    يا رئيس النقابه ؟

    شنو اهوا مصير موظفين اوسكو اذا تم نقل موظفين الامن من الشركات الثانية ؟

    شنو تعرف على موضوع الريست دي ؟

    وشنو اهيا الطريقه اللي تم من خلالها الحسبه ؟

    ولا خلاص كل واحد نزل على راتبه جم دينار وقال اوكي ؟


    يارئيس النقابه يوم الانتخابات طلعنا من دواماتنا و انتخبناكم ؟


    ما تعنينا لكم لسواد عيونكم ؟


    تعنينا لان نحاول نوصل مطالبنا بشكل حضاري ومحترم عن طريق ناس تمثلنا ؟


    واذا انتو مو قادرين تحلون المشاكل اللي تواجه الموظفين ليش بالاساس نزلتو نفسكم ؟


    لاتحطون اعذار ان ما في احد من الموظفين اشتكى !

    لان المشكله اللي يعاني منها اي موظف صدقني كل الموظفين يعانون منها ؟


    صدقوني يا اخوان انا ما اهاجم النقابه

    لكن مثل ما يقولون النقابه اهيا اللي في وجه المدفع واهيا اللي طقت الصدر وقالت حاظرين ؟


    للعلم ::

    اذا ما تحرك موضوع الترقيات والقريدات قبل ما يتم النقل بين الشركات ؟

    سلملي على ترقيات و قريدات موظفين اوسكو ؟

    لان راح يصير اكتفاء وفرص الترقيه قليله على عكس ما اهيا الحين اذا النقابه تحركت ؟


    الحين عرفتو ليش لمى قلت لكم وجهان لعمله واحده

    بكل بساطه ادارة اوسكو تتخذ القرارات و نقابة اوسكو تتفرج وتبتسم



    اسف على الاطاله


    ودمتم سالمين
     
  2. سـيـاف

    سـيـاف بـترولـي جـديـد

    46
    0
    0
    هههههههههههههههههههههههههههههههههههه


    والله حدك متفائل تبي رئيس النقابه يشرحلك شنو الخصومات ألي بالراتب

    يامعود مانبي الرئيس هذا خلااااص صار على قوله ضيف الله بورميه (( مايصلح رئيس قسم ))


    للأسف أنتهت الصلاحيه قبل لا تبدأ

    نبي على الأقل أحد من أعضاء النقابه يملك الجرأه ويرد على المواضيع ألي بالمنتدى ألي الحين مافي ولا عضو رد على ولا

    من المواضيع المطرووحه

    الظاااهر يتبعووون سياسه ((( سكووووت حنصور )))

    بس بصراحه في نقطه مهمه قلتها على شنو يخصصون شركتنا اي والله سؤال مهم ؟؟؟ ياريت أحد يحس يارب

    وتحياتي البلوشي
     
  3. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    مايضيع حق وراة مطالب يااخوان واللة يعينكم على شركتكم المؤقتة وانا كلى امل فى دور النقابة

    وانا فى نظرى كبير ومؤثر ولا يمنع من تقديم شكوى جماعية احسن واقوى فى المطالبة واللة يوفقك يالبلوشى

    واتنال اللى فى بالك انت وباقى اخوانك .....

    اتمنا لكم الراحة من دوخة هالشركة وتاخذون حقوقكم انشاللة وشكرا
     
  4. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    اشكر الاخوان اللي شاركو بالموضوع

    وانشالله نلقى حل

    وإلا راح تكون لنا وقفه في حال صمت النقابه

    وترى فتره العضويه بالنقابه 24 شهر

    وراح يمرون مرور الكرام


    وبعدين راح تكون لنا كلمة ثانية


    وشكرا
     
  5. اطفائي محترف

    اطفائي محترف بـترولـي جـديـد

    22
    0
    0



    ومن قالك راح ننطر الا 24 شهر تخلص ؟؟؟

    راح نطلب جمعيه عموميه غير عاديه ونصوت على اعادات الانتخابات ؟؟؟؟

    انته على بالك نجحوا وخلااااص ... مايطيحون الا بعد 24 شهر .... لا حبيبي .....
    بس هااااه ..... مو اذا انعقدت الجمعيه الغير عاديه ماتحضرون ... ويصير بس حجي منتديات ؟؟؟؟ اذا صج نقابتكم مو كفو نبي نشوف همتكم .... على فكره انا مصوت حق النقابه الحاليه .... لكنهم مو كفو

    واللحين في مجموعه من الاخوان خلال هالايام راح يطلبون من النقابه جمعيه عموميه غير عاديه ....
    وابشروا بالخير ... واللي ناوي ينزل انتخابات يجهز قائمته واموووره ؟؟؟؟
     
  6. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    الله يجزاك خير اخوي اطفائي محترف

    الصراحه كنت اجهل النقطه هذي

    وانشالله محد يلومنا على راح يعملونه الموظفين تجاه النقابه

    لان الصمت اللي اهم فيه محير ؟

    وحتى محد فيهم يتنزل ويرد على المواضيع

    اللي تحتاج توضيح من النقابه

    وحبيت اعرض لكم اسماء اعضاء النقابه الحالية ومناصبهم

    وابيكم تشوفون جم واحد من مهامه


    المفاوضات والشكاوي والاقتراحات ؟

    جراح مبارك المطيري
    رئيس مجلس الادارة

    عادل حمود العازمي
    نائب رئيس مجلس الادارة

    خالد سلطان بورقبة
    امين السر

    عبدالله موسى سعدون
    امين السر المساعد

    خالد جاسم العنزي
    امين الصندوق

    خالد علي الزعبي
    لجنة المفاوضات , لجنة الشكاوي و المقترحات

    سالم احمد الكندري
    لجنة الشكاوي والمقترحات

    عبدالعزيز علي الكندري
    لجنة المفاوضات , لجنة الثقافية الاجتماعية

    عبدالله زايد الشمري
    لجنة المفاوضات , لجنة الثقافية الاجتماعية

    عبدالله زكريا السالم
    لجنة المفاوضات , لجنة ثقافية الاجتماعية

    عبدالله فراج الحربي
    لجنة المفاوضات , لجنة الشكاوي و المقترحات

    عياده سالم العازمي
    لجنة المفاوضات , لجنة الثقافية الاجتماعية

    محمد ابراهيم الفيلكاوي
    لجنة المفاوضات , لجنة علاقات العامة و الاعلام

    محمد هابس العتيبي
    لجنة الشكاوي المقترحات, لجنة علاقات العامة و الاعلام

    منصور مثال المطيري
    عضو مجلس ادارة

    طيب اذا كل الاعضاء مهتمين

    بالمفاوضات والشكاوي والاقتراحات

    ليش محد يرد علينا

    بشنو تفاوضتو ؟

    بشنو اقترحتو ؟

    طيب شنو اهيا الشكاوي اللي اوصلت لكم؟

    وهل تم العمل فيها .؟

    ولا مثل ما يقولون عمك اصمخ


    انا ما اقول غير الله يسامحكم اذا كان همكم الشهره والمنصب ؟

    و الله لا يسامحكم انكم معيشينا بقهر بتجاهلكم للموظفين ؟

    اللي اهم بالاساس من اوصلوكم الي هذا المكان ؟

    و للحديث بقيه لعل وعسى احد من النقابه يرد ؟
     
  7. القلم الحر..

    القلم الحر.. بـترولـي جـديـد

    9
    0
    0
    يعطيك العافية اخ عبدالله على طرحك للموضوع

    وانت كلامك كلة عدل حنى راح انعاتب اخوان اعضاء النقابة من باب الاخوة وزمالة وليس من باب الكراهية


    يااعضاء النقابة نريد منكم وقفة جادة لحل هاذى المشكلة

    وتسلم اخى عبدالله البلوشى لطرحك للموضوع

    وتقبل منى كل احترام وتقدير




    وبنسة يااخ اطفائى محترف اضن عيب الحركات هاذى شنو جمعية عمومية غير عادية شنو هل خرابيط

    احنا ناس مانطعن بحد انشالله وزملائنا فيهم خير وبركة انشاللة

    وبعدين منو قالك احنى راح انوافق على هشى

    ولوترجع للمواضيع الى انا كاتبها اقسمت انى ماتكلم الى فلحق

    اذا قائمة بدايتهاا هسوالف يبة مانبيها من الحين شنو طعن وجمعية

    عيب على العقلاء ان يتبعو هاذى السياسة القذرة

    صدق احد الاخوان لما قال نقابة نحن والاطفال
     
  8. Mr.Ahmad

    Mr.Ahmad بـترولـي مميز

    تسجيل متابعه :)

    انا لغيت اشتراكي بالنقابه (( المزور طبعا ))

    ولا جان دشيت وياكم بالموضوع
     
  9. فكر ساطع

    فكر ساطع بـترولـي نشيط

    91
    0
    0
    اشكرك أخوي على هالموضوووع اللي أغلب الأعضاء مهتمين فيه
    والصراحه انا ما همني لا نقابه ولا غيرهاا ودي يعطونا حقوقنا
    ويفركشون النقابه بكبرهااا محد عارف لا سلم وظيفي ولا غيرها
    ومتى الترقيات وعلى اي اساس كذلك .....

    أتمنى من النقابه التحرك الواضح وخلو عنكم موضوع الخصخصه
    اللي لو بحلف ماتفقهون فيه شي وعذرا على الأطاله
     
  10. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت



    بسم الله الرحمن الرحيم

    اشكر الاخوان اللي شاركو بالموضوع


    و الصراحه صمت النقابه فيه شك

    ولي متى الصمت هذا

    مستحيل ان الخبر ما وصل لهم

    سواء لموضوعي او اي موضوع ثاني !

    لكن اذا كان الموضوع تجاهل الموظفين وعدم الرد عليهم

    كنوع من الاسلوب المتبع لديهم وعدم اعطاء الموظفين اي اعتبار

    احب اقولهم ترى عادي احنا بعد ما راح نعتبركم شي

    و جد راح تكون لنا وقفه مقابل هذا الصمت اللي ماله معنى

    ولا تزعلون اذا قلت لكم اقامتكم ما راح اطول علينا

    والوقت اللي نشوف ما فيه رد من قبلكم وتعمد التجاهل !




    راح نكسل الاقامه
     
  11. الصنفره

    الصنفره بـترولـي نشيط جدا

    198
    0
    0
    كلامك سليم ياعبدالله البلوشي



    وموضوع القريدات من اهم المواضيع ومبدّا على كل موضوع عند الموظفين




    والمصيبه ان الدفعه الثالثه ماسمع لهم حركه عن قريداتهم وللاسف هذا حال الجميع



    وبخصوص النقابه أقولها لك ياما كلمت احد من النقابه السابقه بخصوص القريدات ولأ اجد اجابه وافيه أو تحرك لحل المشكله
    واما النقابه الجديده فـ نقول يالله ياكريم انك تهديهم الى النجاح وتعجيل القريدات



    واذا مانفعت النقابه



    لازم يكون لنا وقفه كـ موظفين ووقفه صاااادقه وراح تلقون كثير يؤيدونك وانا اولهم باذن الله




    وفمـان الله
     
  12. همام

    همام بـترولـي جـديـد

    10
    0
    0
    الله يعطيك العافيه اخوي عالموضوع ,, انا كلمت عضو بالنقابه وقالي ان الدفعه الثالثه اكيد ومليووون بالميه راح ياخذون قريد شهر 7 ,,


    وارجع واقول ياليت احد من النقابه يعطينا من وقته 10 دقايق ويرد على اسئلتنا
     
  13. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    يعطيك العافيه اخوي همام على توصيل المعلومه من عضو النقابه

    لكن الحين والله ما قام يهمني القريد

    اللي نطر 7 اشهر ينطر سنه واكثر مو مشكله

    لكن ليش هذا الصمت من النقابه

    وللعلم : نهاية الاسبوع اللي طاف اوصلت قريدات 8 من اوسكو وتوزعت على بعض الموظفين من الدفعات الاخيره

    يعني باب الترقيات مفتوح طيب ليش متأخره على الدفع القديمه

    وبعدين العضو النقابي كلمته وقالك ان الترقيات شهر 7

    هل اهوا كلام يتناقله بعض الموظفين

    او انه كان في اجمتاع مع الاداره و تم طرح هذا الموضوع ؟

    طيب لمى الاداره قالت على شهر 7

    شنو كان رد النقابه ؟

    هل اسألت عن اسباب التأخير

    ولا كان جواب النقابه سمعا وطاعه

    وانتهى الاجتماع

    احب اذكر اعضاء النقابه انتو مو طلبه تسمعون الكللام من الناظر وتسكتون

    انتو اعضاء نقابه تمثلون كل العاملين سواء اللي انتخبكم او لأ


    يعني لازم يكون حوار ونقاش على كل المواضيع ؟


    ياريت احد من اعضاء النقابه يرد على مواضيعنا

    واذا كان ولا عضو بالنقابه يملك جهاز كمبيوتر

    فا الله لا يهينه من قبل جم يوم نازل المعاش

    يروح اي كافيه انترنت ويدفع

    1 دينار كويتي لا غير

    و يرد علينا


    ويستمر المسلسل التركي المكون من مليون حلقه

    وهو بعنوان

    صمت نقابه اوسكو


    اسف على الاطالة
     
  14. اطفائي محترف

    اطفائي محترف بـترولـي جـديـد

    22
    0
    0


    عفوا عزيزي ,,,,,

    العيب انك تصوت حق ناس وتثق فيهم واخر شي يقطونك على صخر ؟؟؟؟

    ثانيا ماشفنا منهم اي تصريحات او اي زياره للموظفين

    ثالثا اذا كنت اطفائي ابيك تسأل عن الوصف الوظيفي حق الاطفاء اللي نزل قبل 3 شهووور ووقعوا عليه اعضاء النقابه اللي تخصصهم اطفاء وهم على مااعتقد 3 اعضاء .... الوصف الوظيفي وماادراك مالوصف الوظيفي ؟؟؟؟

    رابعا من حق الموظفين طلب جمعيه غير عموميه واذا ثبت ان النقابه متقاعسه عن اداء مهامها يتم التصويت على اعادة الانتخابات .....
    يعني انت تشوف انهم مقصرين وتسكت عنهم ..... اذا انت راضي عن هالشي معناها انت عضو من اعضاء النقابه وساكت ومتخفي ماتبي احد يدري انك من الاعضاء .......

    قال ايش .... قال عيب نسوي عموميه غير عاديه ؟؟؟؟؟

    والله شكلك انت ويااااهم انبطاحيين من الدرجه الاولى عند الاداره .... تذكروني بأعضاء مجلس الامي اللي منبطحين بطحه مو طبيعيه عند الحكومه .......
     
  15. القلم الحر..

    القلم الحر.. بـترولـي جـديـد

    9
    0
    0
    وجهة نظر نحترمها يااطفائى محترف

    اولا انا ماقلت النقابة كاملة متكاملة عليها اخطاء

    ثانيا انا سبق ونتقدت النقابة انا لااجامل على حساب نفسى

    بس لاخوان حطو ارقامهم ومن لدية ملاحظ او مشكل يتصل هاذى نقطة ايجابية بعد

    اما بنسبة لحل المشاكل فلنكن صادقين مع بعض شوى

    النقابة اتلحق على شنو ولاشنو هاذى قاعد اتكافح حبة حبة

    وبعدين ياسيد النقابة توها هشة يعنى ضعيفة مافيها قوة تستند عليها

    مثل النقابات الاخرى اعتماد النقابة على المفاوظات فقط ماعندهم شى

    الاضراب ممنوع على الامن والاطفاء مافية الا عتصاء ولاهو امودينا مكان


    حنا نبى تنحل المشاكل كلها بين يوم اوليلة مايسير بعد

    النقابة فيها تقصير نعم لاكن وجب علينا ان نوجهم ولنا باب العتاب




    الاخ اطفائى اقول انا واحد من اعضاء النقابة ومتخفى

    ليش امسوين حراام هم عشان يتخفون منك ولا من غيرك

    هاذى كانت وجهت نظرى انا وعلى فكرة انا ماصوت حق الجميع بس
    ولااتحيز لحد على حساب نفسى
    عطيت اشخاص من التطوير وعطيت من الجميع


    بس انت يااخ اطفائى اثبت انك من الشباب الى اسقطو بلأنتخابات
    ولاتبى عنتر مالك احل المشاكل هاذى بين يوم اوليلة

    الطعن محنى راضين علية والجمعية على قولتك بطيحهم من عينا

    لانها ليست حركة رجال بل حيلت الضعفاء

    ونحن راضين بما اخرجنا

    ونعطيهم فرصة ونشوف واذا ماحلو شى من المشاكل انا احرقهم وياك بعد يااطفائى
    وان لم افعل فلاخير فينى

     
  16. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    يعطيكم العافيه اخواني على الردود

    وانا ابي اسأل العضو القلم الحر

    في جملة من مجمل حديثك وايد استغربت منها ؟

    النقابه تلحق على شنو او شنو ؟

    ليش النقابه قبل ما يرشحون نفسهم على بالهم اللي يفوز بالمنصب

    راح ياخذونه رحلة للمدينه الترفيهية ولا يعطونه عشره من عشره

    احنا ما رحنا وانتخبنا إلا ندري ان في مشاكل وايده ومالها حل

    لكن انتخبنا ناس على شان توصل صوتنا

    وبعدين تقولي قاعده تكافح حبه حبه

    انشالله ما يكون شعار نقابتنا

    حبه حبه على قلبي حبه حبه

    اخوي القلم الحر

    انت تقول كافي انهم وصلو ارقامهم للمنتدى

    وصدقني حطو الاسامي والارقام مو لسواد عيونا

    حطوه على شان كل واحد فيهم مرتز ويمه شنو مسماه الوظيفي بالنقابه

    يعني موضوع بهرجه لا اكثر ولا اقل

    و احب اقولك ان اللي حط اساميهم بالمنتدى و ارقامهم

    اهو الاخ مدير المنتدى فيصل العجمي

    وتم ذكر بالرساله ان وصل لنا ايميل بأساميهم وارقامهم

    يعني مافي عضو من النقابه اللي تكفل ونزل موضوع

    اوكي بتقولي ماكو فرق المهم الارقام اوصلو

    على عيني وراسي

    دام ان الارقام اوصلو للمنتدى يعني

    اعضاء النقابه يدرون ان في منتدى للقطاع النفطي

    و في قسم لشركة خدمات القطاع النفطي

    طيب ليش محد فيهم يرد علينا او يجاوب

    شنو الصمت اللي اهما فيه

    والله لو بدال الاعلان اللي نزلوه بالجريده عن الخصخصه

    كانو مأجرين صاله او خيمه ومسوين ملتقى ويشرحون شنو اللي قدموه

    و اللي اطرحوه كان ماصار هذا كله

    وبعد كنا راح نعرف التقصير من قبل نقابتنا او الاداره

    وشكرا

    اسف على الاطاله
     
  17. القلم الحر..

    القلم الحر.. بـترولـي جـديـد

    9
    0
    0
    انا اقصد يااخ عبدالله

    النقابة عليها قصور

    ومسئلة اتلحق على شنو ولاشنو

    اقصد قاعدين احلون شى بعدة شى توهم قالو بسملة

    بعدة نبدا انحاسبهم ونظربهم بعرض الحائط اذا لزم الامر


    حبة حبة ابصراحة ظريف جدا جدا


    والسلام
    ختام
     
  18. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    والله الظريف بالموضوع اهيا المعلومات اللي عندك

    انا بعرف انت من وين توصل لك المعلومات اللي عن النقابه

    شدراك شنو حلو و شنو شالو وشنو اعملو

    ولا اهوا كلام لمجرد الدفاع عن الاصدقاء

    او ان النقابه بس تقول حق الاشخاص اللي تعرفهم

    شنو الانجازات اللي حققوها

    ياريت اخوي اذا في انجاز واحد من اول ما استلمو

    تذكره لنا مع دليل

    واذا حبه حبه زعلتك انا اسحبها

    واتمنى ماتكون نفس اللي نعرفهم

    ويكون كلامك كله

    صرح مصدر مسئول

    وبالاخر كله كلام فقط

    ودمتم سالمين
     
  19. اطفائي محترف

    اطفائي محترف بـترولـي جـديـد

    22
    0
    0

    اقسم لك بالله اني مو من النقابه اللي سقطت .... واقسم لك بالله اني مصوت حق النقابه الحاليه


    لكن وجودهم مثل عدمهم .....

    سؤال بسيط ؟؟؟؟ شفت رقعة وجيهم في اي موقع من مواقع العمل ؟؟؟

    يعني بعد مانجحوا مروا عليكم وقالوا شنو مطالبكم ؟؟؟؟ وشنو مشاكلكم ؟؟؟


    ولاتقولي انهم مو لازم انهم يمرون على كل مركز فيه موظفين اوسكو .. لأنهم مايشتغلووون عندي ؟؟؟


    انا اقوووولك لااااا والف لا .... يشتغلوووون عندي ...
    لأنهم صعدوا بصوتي ..... وشقتهم اللي حاطينها مكتب والبنقالي اللي يصب القهووه وعزبتهم وبانزين سيارتهم ياخذونه مني ..... 3 دنانير بالشهر ......


    تدرين ليش انا استعملت هالاسلوب ...... لأنهم ماقدروا الناس اللي راحوت للنقابه يوم الاتخابات وعطوهم الصوت




    حبيبي .. اذا مو مصدق اني مو من النقابه اللي سقطت ومتخفي عشان احارب النقابه الحاليه راسلني عالخاص واعطيك رقمي عشان تصدق



    سلاااام
     
  20. سلومكو

    سلومكو بـترولـي مميز

    563
    0
    0
    السلام عليكم أخ عبدالله

    يعلم الله ويشهد أني تبسمت وارتحت من قريت طريقة الصيغه وكلامك

    فعلا عقليه راقيه ونظيفه , وعسى الله يثبتك

    لكن بما انه موضوع منتدى لازم أرد ولي تعليقي ورأيي الشخصي واتمنى انك تقبله بكل صدر رحب

    وأبدأ معاك بنقطه نقطه

    أخوي عسى الله يوفجك انشالله انت وغيرك وتأكد أني مثلك ويمكن أنزل منك قريد بعد

    ولكن خل نكون واقعيين وصريحيين

    هل من المعقوله مساواة من هم سنوات خدمه مع من تعيين بالأمس القريب ؟؟ واقصد فيه قبل 4 سنوات مثلا ؟

    الحين واحد شقى عمره كله بالبترول تبي يكون حالنا معاه نفس الشي ؟؟

    اخوي انا شخصيا ماأرضاه ولا اقبله لانه مايصير نحط حالنا بحالهم مهما كان هذيلا اكبر منا عمر وخدمه بعد

    وتقول انه راح يتوقف ترقياتكم ونسلم عليه ؟ وشاللي يخليك واثق ؟؟

    لأنه اصلا أهمه كلهم كبار بالسن والعمر .!! يعني الواحد فيهم يادوبك 4 سنوات فقط ويطلع تقاعد يمكن



    وبالنسبه للنقابه ..!

    ياأخوي انا كل ماأشوف احد يتكلم ويحط موضوع عن النقابه يشهد الله اني حدي افرك ضحك .!!

    شنو شفيكم ’, معقوله لحد الحين كل واحد شاد حيله ؟؟

    انته حدك واثق وراهي والله اخوي ههههههههه

    وتقول حاطين اعلانات ولوحات وجريده بفلوس

    تعال اخوي , منو قالك انهم حاطينه ؟؟؟

    هذا اللي تشوفه كله كله من فلوسك ترا وانت ماتدري .!

    هالخصميات ترا اللي على معاشك 3 دنانير وانت ماتدري

    يخصمونه عليك وعلى غيرك , كل هذا يسوون فيه اللي تشوفه انت من اعلانات وغيره

    وثاني شي هذا اسمه بووق , سرقه فلوسك وتزوير في اوراق رسميه ترا والناس مايدرون


    اذا كنت انا موظف مثالي الحمدالله واتمتع بعلاقات طيبه باحترام متبادل مع الكل , والحمدالله كل ماصار خطأ او شي بسيط رحت للشركه وتم حلها بكل احترام مع اعتذار لي من قبلهم ( هذا اذا كان صادفتني مشكله اصلا )

    دام كله هذا بالعقل يعني شبي بالنقابه وشبي فيهم وبشنو ينفعوني ؟؟

    انا حدي مستغرب من بعض الناس حدهم شاديين حييلهم ومصدقين نقابه ونقابه

    ولازلت اكرر بكل ردودي , يعني شنو نقابه ؟ أول مره اسمع في شي اسمه نقابه ؟

    وشنو يعني نقابه وشسووون شنو يبيعون ؟

    ماعرفها ولا اعرف عنها شي عشان اعترف فيها او اصوت لها اصلا .!


    هذا اللي ناقص بعد نقابه ومادري شنو

    اخوي اسف على صراحتي لك لكن هذا رأيي

    واسف على الاطاله

    شكرا مع السلامه
     

مشاركة هذه الصفحة