الفحــص الطبي لمشغلين الحقل

اول شي مبروك القبول
الفحص يشمل النظر والسمع والدم واشعه حق الظهر وفحص حق التنفس والخروج

 

الله يوفقكم ويوفقنا



بس حبيت استفسر متى الدورة............!

 

اولا مو اسمها مسجات الفحص :\
هذا مسج استكمال اجرائات التعين
منه فحص ومنه ورقه من الادلة الجنائية

 

نطرنا يوم الفحص , ولما صار يوم الفحص تبهذلنا !!! تكفوون تعالو

السلام عليكم


-
-
-
-
-
-
-


شباب بدش بالموضوع علطول

انا قبل اسبوعين كان موعد الفحص الطبي

سويت كل الطلبات والتحاليل اللي طلبوها ( معاناااااااااااااااه راييحييين وراديييييييين )

بس وقفت على شغله , الدكتور اللي بمصفاه مينا عبدالله طلب مني تحليل معين ومع هالتحليل قالي اييب تقرير طبي

المهم قلت امري لله واروح اسويه .. لما رحت عطوني موعد بعييييييد عطوني موعد بعد شهر علشان اسوي التحليل !

ورحت كذا مستشفى حتى مستشفيات خاصه , كلهم اقل شي يعطوني موعد بعد اسبوعين

وانا خايف على ما اسوي هالتحليل بطلعه الرووح , الا والطيور طايره بارزاقها

باختصار خايف اطول عليهم وتروح علي الدوره

اللي بعرفه شكثر لنا مهله عى ما نخلص الفحوصات ؟

لان من بلش الفحص الحين صارله اسبوعين , ويبيلي اسبوعين على ما اسوي اخر تحليل

اخاف ما يمديني ؟! وسألت اللي بعياده المصفاه يقولون احنا ماندري جم مهلتكم احنا علينا نطلع نتيجه فحوصاتكم

خوفكم بعد هالتعب والنطره يوهقونا ويقولون تأخرت !

رايكم ياجماعه الخير والله ماصدقت على الله نادوني مو وقته يقولون لي خلاص تأخرت مانبيك

 

الله يبارك فيك

الفحص اللي سووه لي :

نظر
سماع
فحص دم
ضغط
اشعه ظهر ورئه وقفص صدري
وخروج ( عزكم الله )
وتنفس


والحين انا حايس حوسه وخايف تروح علي الدوره بسبه هالفحوصات :
http://www.q8ow.com/vb/showthread.php?t=29554

والله حايس حوسه مالها اول ولا تالي

 

مدة الفحص الين آخر سته
بس اخوي انا خابر الفحص بمينا الاحمدي مو عبدالله :\
وشنو الفحص والتحليل الي طلبه منك الدكتور ممكن اساعد عندي معارف بمستشفى مبارك

 

يا حلاتها لو واحد من جماعتك دكتور ما تعطل

مالك الا المستشفيات الخاصه تشرح لدكتور وضعك و انك قاعد تمشي باجراءات الوظيفه

في دكاترة فيهم الخير و بيساعدونك​

 

اخوووي اكييييييييييد لي اخر 6 ؟؟؟؟؟؟؟؟؟؟؟؟ علشان اطمن بس ؟؟؟؟؟؟؟

بالنسبه للفحص بمينا عبدالله احنا عاد مادري يمكن انتو مكانكم غير يخوي

التحليل الله يسلمك طلب تحليل دم واشعه مقطعيه , تحليل الدم خلصته بنفس اليوم بس الاشعه المقطعيه اهي المعاناه

الله كرييم يخوي وبشووف حد هالمستشفيات


بس انا اللي بعرفه متى اخر موعد نخلص فيه الفحوصات ؟؟؟؟؟؟

 

اي اكيد

بس غريب انا ماطلبو مني هالاشعة :\

 

اخوي الاشعة المقطعية للي ممشتبهين ان فيهم اورام خبيثة عافانه وعافاك واعاذنه الله منها تاكد الي اعرفه بس اشعه للصدر والضهر والكلى

 

اي ادري اخوي ما طلبوها من الكل

بس لبوها مني ومن 6 معاي بلفحص

بل اعوذ بالله ,, لاتخرعنا يمعود

اهما طلبوها تقريبا مني ومن 6 معاي بالفحص

سألته ليش قالي لان الكبد عندكم حجمها اكبر من الطبيعي , وسويت فحوصات كل الدكاتره قالو طبيعي هذا من الدهون والوجبات السريعه

فاا الحين ناقصنا هالاشعه بس علشان يكتبون تقرير للتحليل هذا ونخلص

وفي اشعات وايد مقعطيه مو كلهم على قولتك اورام خبيثه اعوذ بالله

لان في اشعات مقطعيه للعظام وغيرها

عالعمووم الله كريم انشالله

 

السلام عليكم , اخوي انا دخلت بالغلط وموضوعك شدني بس ان شاء الله اني افيدك , انا قبل تقريبا سنة سويت اشعة مقطعية للجيوب الانفية وخلصت بيوم واحد في مستشفى السلام في بنيد القار , يمكن يكون ماعليه ضغط لانك تقول كلهم يقولون اقل شي اسبوعين , جرب روح للسلام يمكن يخلصك بسرعة , واتمنى لك التوفيق والصحة العافية انتا وربعك ال6 اللي معاك .

 

الله يعطييك العافيه يالغالي انشالله بروح وربك يفرجها

ماقصرت حبيبي والله

 

الله يوفقك انشاءالله ورب العالمين موجود

 

الله يوفقنا وياكم يارب

مشكوور اخوووي وماقصرت

 

شباب قالولي النتيجه يوم الاحد تطلع

تهقون يمدييني ؟!

غيري خالصين من اسبوعين وانا ليلحين اراكض

شباب يمديني ولا راحت علي ؟



خانقتني العبره ياجماعه ماصدقت نادوني والحين سحبو فيني تسحب

والله بديت افقد الامل لان غيري خلصو وانا ليلحين بالهفحوصات مستشفياتنا ابرد منهم مافي

الخاص خلصت شغلي بس باقي التقرير يوم الاحد يطلع من مستفشى العدان منطريني اسبوع على هالتقرير

لاحول ولا قوه الا بالله

والله شكلها بتروح علي

 

خلك متفائل وانشاءلله كل امورك تمااام
دامهم مانادو احد بعد الفحص انشاءالله لاامور طيبه
وانت روح لهم الاحد والله يكتب الي فيه الخير






وبلمره جنك ما تدري اسالهم متي الدوره:d

 

اخوي انا توني خالص من كل الفحوصات بس نشبو لي في الوزن <<<<طلع دب Xd

ونزلت 4 كيلو في اسبوع وخلصت منهم بس
مثل ماقال الرجال روح السلام وشوف
وخل املك بالله كبير اذا ما حصلت يمكن تكون خيره لك

 

موعد الدورة شهر 7 دورة انجليزي