الكويتيووون في الطياره

الكاتب : ehs | المشاهدات : 912 | الردود : 10 | ‏22 مايو 2010
  1. ehs

    ehs بـترولـي نشيط جدا

    186
    0
    0
    الكويتيووون في الطياره


    لازم ياكل بالمطار .. عاد حزة وجبه .. مو حزة وجبه .. لازم ياكل .. يحليله الكويتي مداري روحه


    ضروري يشتري شي من المطار حتى لو كاكاوه .. يحليله الكويتي ما يبخل على روحه


    آخر ناس يدشون البوابه .. الكل يدش قبله .. يحليله الكويتي ما يحب الزحمه


    يستعبطون على ضباط الأمن .. يعني يطوف تحت الجهاز بساعته و حزامه و تلفونه على أبو إنه ما يدري .. آملا في إنهم يطوفونه وما يفصخونه اللي لابسه .. فقير الكويتي ما يعرف


    اذا كانوا عايله .. فاللويه حدث ولا حرج .. اليهال يتناجرون .. الأم تزف الخدامه .. الأبو يركض سابقهم بعشر أمتار جنهم مو معاه .. يحليلهم والله .. من جوهم العام تدري انهم كويتيين


    الكويتي اللي يعتبر خوش كويتي .. يدش الطياره ربع ساعه قبل الإقلاع .. يحليله الكويتي المهم انه دش الطياره


    ساعه على ما يتذكر بأي مخبه حاط البوردينق .. و على ما يجر جنطته بالطياره .. و يدش يقعد يبيله قرن .. و يكون بمحض الصدفه صار وراه لاين أوادم ينطرون حظرته يقعد .. يحليله الكويتي منظم


    نادرا ما يعترفون بالحزام .. بو دشداشه يخاف تتعفس .. اللي معاها ولدها مالها خلق يستعسر عليها فتفضل انها تمارس كل الحيل لخداع المضيفين اللي دايما دايما يصيدونهم .. يحليله الكويتي يموووت على النظام


    بس يقول الكابتن بنبدى الهبوط التدريجي الكل شغل موبايلاته .. تدريجي يا يبا تدريجي .. مسكين الكويتي .. وااايد مهم .. اي دقيقه ثانيه يكون فيها جهازه مسكر ممكن تنهار حياته


    بس يسمع صوت توايرالطياره حاشت الأرض قام وقف وصف دور يعني بينزل .. يحليله الكويتي .. كل شي ولا يتأخر


    اي اي نسيت .. يموووتووون اذا حطو جناطهم و جياسهم فوووق .. ما يعرفون لازم تحت رجولهم .. لووول يحليله الكويتي والله .. عجيب


    هذا بالرحلات القصيره
     
  2. كويتيه ماركه

    كويتيه ماركه بـترولـي خـاص أعضاء الشرف

    كيفه كويتي :d
    يعطيك العافيه :)
     
  3. Safety First

    Safety First بـترولـي خـاص أعضاء الشرف

    وياكل بالطيارة بعد :)

    وضغاط بالعالم مايخلي أحد بحالة :)

    شكرا على الموضوع
     
  4. البرشلوني

    البرشلوني بـترولـي نشيط جدا

    206
    0
    0
    نسيت المضيف الكويتي اذا شاف مسافره حلوه

    كل شوي راز وجهه اي خدمه طال عمرج يعني خدوم الحبيب .
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    ههههههه كلامك صحيح هالثقافه مستحيل تشوفها في الشعوب الثانيه
     
  6. تايتنك

    تايتنك بـترولـي خـاص

    1,239
    0
    0
    كويتي احسن ومضمون
     
  7. العجمـي

    العجمـي بـترولـي خـاص

    1,857
    0
    0
    سـر
    kuwait



    واثناء الرحله يحب يتمشى من درجه الى درجه ماله خلق يطول بالقعده



     
  8. Winchester

    Winchester المـراقب الـعـام

    ههههههههههه اي والله صدقت كأننا شعب امي ويايين من كوكب ثاني
     
  9. المنجنيقي

    المنجنيقي بـترولـي خـاص

    1,966
    0
    36
    وحتى لو عنده 20 ترانزيت تلقاه كل مطار يطب فيه لازم يشتري منه اي شي .. المهم أنه شرى علشان ما يأنبه ضميره :)
     
  10. العجمـي

    العجمـي بـترولـي خـاص

    1,857
    0
    0
    سـر
    kuwait
    المنجنيقي هههههههه مو منه من اللي معه تخم كل شي



     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
جاري تحميل الصفحة...

مشاركة هذه الصفحة