إضراب نفطي* ‬منتظر* ‬يكلف الدولة* ‬210* ‬ملايين* ‬يومياً !!!

الكاتب : فهد شموه | المشاهدات : 2,906 | الردود : 26 | ‏20 مايو 2010
  1. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    قيادات عمالية حشدت* ‬60* ‬ألفاً* ‬للمشاركة في* ‬الاعتصام*

    إضراب نفطي* ‬منتظر* ‬يكلف الدولة* ‬210* ‬ملايين* ‬يومياً

    Thursday, 20 May 2010

    أكدت مصادر لـ* »‬الشاهد*« ‬ان القيادات العمالية حشدت أكثر من* ‬60* ‬ألف عامل ابدوا استعدادهم للمشاركة في* ‬اضراب عام* ‬يشل القطاع النفطي* ‬والقطاعات الاخرى الحيوية بالبلاد،* ‬وان من شأن هذا الاضراب ان* ‬يوقف انتاج النفط وشحنه للخارج،* ‬ما* ‬يكبد الكويت أكثر من* ‬210* ‬ملايين دولار* ‬يومياً* ‬ويخل بتعاقداتها مع الشركات العالمية،* ‬بالإضافة إلى توقف محطات توليد الكهرباء وتحلية المياه التي* ‬تعتمد في* ‬تشغيلها على المشتقات البترولية*. ‬
    وتصدر الكويت* ‬3* ‬ملايين برميل نفط* ‬يومياً،* ‬بالإضافة إلى المشتقات المستخدمة محلياً،* ‬كما تعتمد الكثير من المصانع على منتجات النفط في* ‬عملياتها الانتاجية*. ‬
    ولفتت المصادر إلى ان* ‬90* ‬جمعية نفع عام اعلنت تضامنها مع الاتحادات العمالية واعلنت استعدادها لاي* ‬تصعيد تراه القيادات العمالية مناسباً*. ‬


    الشاهد
    http://alshahed.net/index.php?option=com_content&task=view&id=50279
     
  2. mech.eng.koc

    mech.eng.koc بـترولـي نشيط

    74
    0
    0
    بخصوص شنو الكادر الي ماشمل المهندسين ولا مشاركة النجاح الي مانزلت ولا من الخصخصة لبعض الشركات النفطية

    احنا هالسنة نحس علينا مادري ليش
     
  3. الصايغ

    الصايغ بـترولـي خـاص

    ............

    يعني الاضراب بحل شي من الي قاعد يصير في القطاع النفطي من خصخصه وتوابعها ......................................؟
     
  4. الظلم شين

    الظلم شين بـترولـي نشيط جدا

    197
    0
    0
    أنا مع الأضراب قلبا وقالب لأن بصراحة اللي قاعد يصير بالقطاع النفطي قمت المهزلة وصدقوني لو شافون على قلب واحد راح يعاملونا يا دهينا لا تنكتين
     
  5. API 18

    API 18 بـترولـي مميز

    513
    0
    0
    ما اعتقد في اضراب..الموضوع اكبر من مستوى نقاباتنا..المؤسسه والاتحاد وجهان لعمله واحده.
     
  6. Dashtawi

    Dashtawi موقوف

    153
    0
    0
    حق شنو اضراب بعد !!!

    الخصخصة واستثنوكم منها

    مشاركة النجاح على الاتفاقية بين المؤسسة والاتحاد طلعت 0%
     
  7. Safety First

    Safety First بـترولـي خـاص أعضاء الشرف

    السلام عليكم

    جريدة الشاهد لا اثق بمصادرها ابدا
     
  8. API 18

    API 18 بـترولـي مميز

    513
    0
    0
    الظاهر لاحقه اختها جريدة اوان فقامت تألف اي شي
     
  9. اطفائي محترف

    اطفائي محترف بـترولـي جـديـد

    22
    0
    0
    استثنوا نفط الكويت ونفط الخليج فقط


    حتى البترول الوطنيه دخلت بالتخصيص


    يعني كافكو والبتروكيماويات والخدمات النفطيه والناقلات والتنميه النفطيه و ..... و ..... كلها دخلت قانون الخصخصه ....

    ولا اذا الشركه اللي انت فيها طلعت من القانون الباقين بالطقاااااق ؟؟؟؟
     
  10. Dashtawi

    Dashtawi موقوف

    153
    0
    0
    الصراحه انا مو عارف شنو الي تخصخص وشنو الي طلع برى الحسبة المنتدى في عشرين موضوع بس عن الخصخصة وكلها تنقض بعضها !!!!!!!

    معناته هالموضوع لازم ينلغي من المواضيع المميزة لما يحمله من معلومات خاطئة

    http://www.q8ow.com/vb/showthread.php?t=29076
     
  11. Chem.Eng

    Chem.Eng بـترولـي نشيط جدا

    182
    0
    0
    بصراحه انا مع الاضراب
    لكن ضد تشويه سمعه الغاليه الكويت والاضرار فيها من خلال ايقاف التصدير
    يعني دورو حل وسط
    الديره اكبر مني ومنكم
     
  12. Golden1973

    Golden1973 بـترولـي جـديـد

    33
    0
    0
    إضراب ؟؟؟؟!!!!!!!!!!!!!!!!!
    آنا مهندس
    يعني متأثر من موضوع الكادر
    والمشاركه بالنجاح
    ومايذكروني بالانسينتيف لأن الإنسينتيف له ناسه
    وطبعا عمري ما شميت ريحة السبوت بونس
    لله الحمد أداوم من السبع للثلاث
    وهدفي أرضي ربي قبل لا أرضي مسؤولي
    وأعلن إني ماني مشارك
    والله يهدي الجميع
    يخسرون الدوله 210 مليون دولار يوميا علشان المعاش يزيد جم دينار ؟؟؟؟؟؟؟
    كأن طرق الحوار انتهت
    وإذا تمعنا بالموضوع بنشوف إن مافي مطالبات جاده
    والكل معتمد على النقابه اللي تستخدم أساليب استفزازيه
    ومعروف إن النقابات تحاول تبين إن قلبها على الموظفين
    بس بالصج قلب النقابه على أعضاءها وبس
    الله يحفظج يا كويت
    قولوا آاميين
     
  13. تايتنك

    تايتنك بـترولـي خـاص

    1,239
    0
    0
    كفاية لعب بمصالح البلاد واتركوا عنكم الاضراب المجلس انتوا انتخبتوة فلاتلمون الا انفسكم العقل نعمة واللة ترا
     
  14. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    اخي الكريم لو كانت السالفه جم دينار على قولتك كان كلنا معاك في قرارك
    بس يا اخي الكريم السالفه بيع مليارات مو دنانير وبكرى الكويتيين يصيرون أقليه في الشركات النفطيه والرواتب تخفض والتوظيف يصير للأجانب لانهم ارخص . وتصير تشتغل عند تاجر متى مابغى يقضبك الباب قضبك الباب
    يعني الكويت ماراح يكون له اي كرامه والزم ماعلى الشخص كرامته .
    ولا تقولي فيه قانون يحمي .. لانه بوجود هذي الحكومه ماكو حامي غير الله سبحانه وتعالى ولا حكومتك عليها السلام
     
  15. nawaf52

    nawaf52 بـترولـي نشيط

    127
    0
    0
    قص على نفسك ما ستثنوا أحد إقرأ القانون عدل يقولك إنتاج النفط والغاز الطبيعي ، القانون ما قال شركات الإنتاج والغاز ، القانون حتى النقطه تغير معنى الجمله بالكامل فما بالك هذا القانون .
     
  16. Golden1973

    Golden1973 بـترولـي جـديـد

    33
    0
    0
    ليش تخافون من الخصخصه ؟؟؟؟؟؟؟
    British Petroleum حكوميه ؟؟؟؟؟؟
    شنو مشكلة إن حتى النفط يتم تخصيصه ؟؟؟؟
    شركات النفط بكل العالم تم تخصيصها بنفس الطريقه
    على الأقل لما تتخصخص ماراح نسمع هالأرقام المهوله من ميزايات لمشاريع أبسط ما يمكن أن يقال عن ٧٥٪ منها إنها "عديمة الجدوى"
    يعني فلوس البلد ماراح تنقط مثل ماقاعد يصير الحين
    والمسؤوول في من يحاسبه .. ليش هالمشروع وشنو فايدته وعلى أي أساس تم وضع ميزانيته
    مافي شي بيتكروت
    إخواني
    لا تخافون من الخصخصه
    قانون الخصخصه فيه بنود تحمي الموظف الكويتي بحيث لا يتم الاستغناء عنه إذا كان "منتج"
    يعني نشتغل علشان يكون وجودنا بفايده للشركات حتى لو تخصخصت يحتاجونا
    ولكل مجتهد نصيب
    والرزق على رب العباد ومقسم الأرزاق
    ورب العالمين يحب العبد العامل
    ما حدد إذا حق تاجر ولا حكومه
    وياريت نبطل نستخدم كلمة "تجار"
    ترا مو عيب ان الواحد يكون تاجر وعنده خير وخيره موجود من جد جد جده ونقرا عنه بكتب تاريخ الكويت من تأسست الديره
    العيب إن الواحد فجأه يملين وماتدري من وين ياب فلوسه
    العيب إن الواحد يفشلنا وينقال عن الكويتيين بسبته تجار حرب نفس اللي صار مع البعض بالعراق وملينوا من ورا هالتجاره
    العيب ان الواحد يستخدم اصوات الناس علشان يوصل المجلس ومنها يأسس شركات مقاولات ويضمن المناقصات بصراخه
    والعيب الأكبر ان الواحد يدخل المجلس ويتم يهدد ويصرخ ويصرخ وفجأه يخمر سنيييييين وما تسمعله حس
    بس تشوف واحد من أهله صار شيييييييي بالنفط
    وهالشييييييي له نصيب من مناقصات الشركه
    آنا واحد ماني ولد تجار
    ولا أحد من أهلي اشتغل بشركة أحد منهم
    بس هالشخصيات على راسي
    لما تروح الدول وتشوف مشاريعهم اللي في منها تجاريه وفي خيريه وتبرعات وينكتب يمها إسم الكويت صججج على راسي
    وإذا أحد يقولي هالمشاريع ربحها لهم أقول عليهم بالعافيه
    هالأرباح اتيي نتيجة خدمات تم تقديمها ومباني انبنت ووايد مصاريف من قبل الشركات اللي يملكونها
    من متى كان حلال علينا نطالع لقمة غيرنا ؟؟؟؟؟؟
    مخلص القول .. تجارنا أهم أهم من سنييييييييييين وديرتنا كانت جنه
    فكروا معاي شنو اللي استجد غير تجار الغفله وتجار الحرب ونعيق المجلس ؟؟؟
    الله يحفظ هالبلد
    قولوا آااميييين
     
  17. Workers

    Workers إدارة المنتدى

    7,767
    30
    48
    ذكر
    الكويت
    يقولون مضمون 5 سنين بس ومافيه ضمانات ابدية هذا كلام المطالبين بالخصخصة ..
    شنو اللي لايتم الاستغناء عنه اذا كان منتج .. اذا بغو يستغنون عنك قالو اقضب الباب بتقول انا عامل منتج
    طيب طيب عامل منتج حتى الاسيوي منتج وياخذ اقل منك مانبيك ( يجحدونك ويطلعونك مو منتج ) اذا يبون هالشي
    تقدر تقول لا ؟! اخوي بعد الخمس سنوات مالك عندهم شي ..

    حالياً وانت موظف بالشركة وهي تابعة للحكومة يقدر احد يقضبك الباب ؟ مايقدرون لأن النظام يحميك .. وسلامتك
     
  18. Golden1973

    Golden1973 بـترولـي جـديـد

    33
    0
    0
    أخوي من قالك إن الغير كويتي ولا حتى الآسيوي ياخذ آقل منك ؟؟؟؟؟
    ترا معاشات النفط عندنا مو بعينهم
    ووايدين راحوا قطر والإمارات وشكركات نفس شلمبرجير وهاليبرتون
    أخوي الغير كويتيين قاموا يطالعون الشغل عندنا على إنه عديم الجدوى
    لأن المعيشه غاليه عندنا
    واللي تتكلم عنهم إنهم عماله أرخص منك هذول ال"عمال"
    أو الlow skilled labor
    ومثلك عارف بأن مستحيل إنك تشغل شركة نفط سواء كانت إنتاج أو تصدير أو مصافي بهالنوعية من العمالة
    وأرد أقولك في قوانين تحميك
    لو بأسوأ الأحوال كنت إنسان منتج بعملك ومنتظم وتبلوا عليك وطلعوك
    في محاكم بالديره ترا
    في غير كويتيين لما تم انهاء خدمتهم رفعوا قضايا على اماكن عملهم وكسبوها
    علماً إن هالغير كويتيين إنتاجيتهم تكاد تكون صفر بس لأنهم تعودوا على الرباده ومافي مستمسكات ضدهم
    وبالنهايه
    أحب يا أخوي أذكرك إن البنوك خاصه
    وشركات الاتصالات خاصه
    وشركات الانترنت خاصه
    ووايد شركات خاصه
    الردي يطلعونه
    والزين يتمسكون فيه ويرقونه ويحطونه فوق راسهم
    بدليل إن معظم مدرا هالشركات كويتيين يفرحون القلب بعبقريتهم وإنتاجيتهم وقبل كل شي التزامهم
     
  19. almostishar

    almostishar بـترولـي مميز

    567
    5
    18
    هذى التصريحات من شأنها تعكير صفو شهور او سنوات العسل بين النقابه وادارة المؤسسه ..

    :

    النـقابه وأدارة المؤسسه ..سمن على عسل ..


    وعين الحسود فيها عود ..

    .
     
  20. no fear

    no fear بـترولـي جـديـد

    14
    0
    0
    ليش يحرمونا من مشاركة النجاح نبى حقوقنا
     
جاري تحميل الصفحة...

مشاركة هذه الصفحة