هل يحق له ؟؟

الكاتب : 93eedi | المشاهدات : 1,294 | الردود : 10 | ‏19 مايو 2010
  1. 93eedi

    93eedi بـترولـي جـديـد

    34
    0
    0
    السلام عليكم .. استفسار وأتمنى أحد يفيدني !

    انا موظف بالـ كي او سي .. ماعندي سيارة من قبل الشركة .. لكن اذا طلع احد اجازة ممكن يحوشني الدور وآخذ سيارته!

    استلمت سيارة احد الموظفين الآسيويين خلال اجازته ورجعتها له بعد اسبوعين .. وكان مركب باختياره (سبيد مونيتور) وما بلغني بهالشي لما استلمت السيارة منه ... عموما تم ابلاغي لاحقا اني متجاوز السرعه خلال وجود السيارة بإسمي من خلال قراءة السبيد مونيتور .. وبناء على هالشي قرر المدير يلغي الانسنتيف اللي كان مقرر لي .. وايضا يلغي طلب السيارة اللي بإسمي من ضمن العقد الجديد ؟؟

    السؤال :

    هل يحق لمديري اصدار هالقرار مع العلم اني ما كنت اعلم بوجود السبيد مونيتور بالسيارة .. وغير هذا تركيب الجهاز يعتبر اختياري في الشركة وليس اجباري !!

    وشكرا
     
  2. mech.eng.koc

    mech.eng.koc بـترولـي نشيط

    74
    0
    0
    لا مو من حقه ومو من حقه يخالفك على الفي دي او في كامرات بالشارع اذا اسرعت تصورك وماكو قانون بالكي او سي يجازي الي يتعدى حدود السرعة عن طريق السبيد مونيتور الا اذا كان سايق من شركات المقاولات عالعموم انت روح حلها ودي ويا مديرك وانشالله ماتختلفون
     
  3. محمد المذن

    محمد المذن بـترولـي مميز

    694
    0
    0
    اعتقد يحق له لانه سمعت بس ما اعرف صحة الكلام الي تكون عليه مخالفات ينحرم من الانسنف
    بس سأله قوله هل اهو قانون ام عقاب مزاجي ؟؟
     
  4. API 18

    API 18 بـترولـي مميز

    513
    0
    0
    اول شي ..انا اللي اعرفه انه السياره اللي فيها ال في دي او ما تشتغل اللا اذ دخلت المفتاح الخاص فيه. مادري انا السياره مافيها في دي او مو عذر. ثانيا نصيحتي لك انك تنسى الانستف بالوقت الحالي وتركز على حطت اسمك بالعقد الجديد..حاول تكلمه وتقنعه انا يغير رايه وانشء الله مكنت مسرع وايد.
     
  5. dehen_3ood

    dehen_3ood بـترولـي خـاص أعضاء الشرف

    السلام عليكم ورحمة الله وبركاته

    ليس من حقه حرمانك من الإنسنتيف ولا أن يلغي طلب السيارة اللي بإسمك من العقد الجديد

    لأن وبكل بساطة في قرار صادر من نائب العضو التنفيذي هاشم الهاشم بإعطاء العامل المخالف فايل نوت في حال مخالفته للسرعة المحددة .. وباللإنسنتيف يخصم من خانة الـ HSE بس .. وفي تكرار المخالفات لا يمنح للعامل درجة في خانة الـ HSE

    اما مديركم .. فلسان حاله يقول بكيفي اسوي اللي ابيه !! من يكلمه؟ مدير !!!!!!!

    الله المستعان ..
     
  6. API 18

    API 18 بـترولـي مميز

    513
    0
    0
    والله شكلج بطقتين الريال على صخر..فايل نوت مره وحده..يعني تبينه يدش على المنجر و يقوله صكني بفايل نوت بس عطني انسنتف. لا تفاولين على الريال ترى السالفه ما تسوى.
     
  7. 93eedi

    93eedi بـترولـي جـديـد

    34
    0
    0
    مشكورين على ردودكم وتعاطفكم ..

    بس حبيت اوضح ان ما تسجلت علي اي مخالفة سرعه او كاميرا او ما شابه .. مجرد قراءة جهاز ال سبيد مونيتور اللي ما كنت ادري انه راكب بالسيارة اصلا .. وهو اصلا جهاز اختياري لصاحب السيارة الأصلي وغير معمم على سيارات الشركة !
     
  8. ماستر فلو

    ماستر فلو بـترولـي جـديـد

    27
    0
    0
    صعيدي تبي تني موضوعك بكل بساطه

    يوم الاحد مر النقابة وراح تلقى عندهم جواب لسؤالك

    وعند جهينة الخبر اليقين
     
  9. dehen_3ood

    dehen_3ood بـترولـي خـاص أعضاء الشرف


    عفواً انا ما اقط احد على صخر ولا افاول على أحد !! رسالة نائب العضو المنتدب واضحه والمفروض اللي عندهم سيارات بالفيلد يعرفون إن اللي يخالف ينكتب فيه فايل نوت ما قلت كوشن !!
     
  10. AD-01

    AD-01 بـترولـي خـاص

    1,040
    2
    38

    وين موجوده رسالة نائب العضو المنتدب ؟؟ ممكن تنشرينها اذا عندج منها نسخه ؟
     

    الملفات المرفقة:

    • CMD MEMO.zip
      CMD MEMO.zip
      حجم الملف:
      325.6 ك. ب
      المشاهدات:
      31
    آخر تعديل بواسطة المشرف: ‏30 مايو 2010
  11. dehen_3ood

    dehen_3ood بـترولـي خـاص أعضاء الشرف

    يالله طلعت بعد رسالة صادرة من رئيس شركة نفط الكويت ومعممة على جميع النواب !!

    توضح إذا خالف العامل أول مره ينكتب فايل نوت من قبل رئيس فريق عمل
    والمره الثانية .. من قبل مدير المجموعة
    والمره الثااثة يحال على العلاقات الصناعية

    طبعاً إذا خالف خلال ستة أشهر !!!!

    تفضلوا !!
     

    الملفات المرفقة:

    • CMD MEMO.zip
      CMD MEMO.zip
      حجم الملف:
      325.6 ك. ب
      المشاهدات:
      34
    آخر تعديل: ‏30 مايو 2010
جاري تحميل الصفحة...

مشاركة هذه الصفحة