نظام الحضور والانصراف ؟

الكاتب : KNPC_HO | المشاهدات : 1,098 | الردود : 5 | ‏18 مايو 2010
  1. KNPC_HO

    KNPC_HO بـترولـي جـديـد

    21
    0
    0


    في احد اتحصله مشكله مع نظام الحضور والانصراف ؟

    نظام الحضور والانصراف ياجماعه امسببلي لي وزملائي بالقسم مشاكل مع مسئولينا في نهاية كل شهر مرات انبصم او انطق الكرت في وقت معين ولمن انجيك بالبورتال يحطلي not sign in or not sign out ومرات بصمتي ماتطلع بالبورتال الا بعد اسبوع ومرات ادذ سكرتيرة القسم طلب الى help desk لتحويله الى قسم IT يشوفون ليش تواقيتنا ماتطلع بالبورتال مثل التوقيت الي انبصم فيه ويتم تعديلهم ثم تطلع التواقيت بالبورتال بعد مده من المحاتاة

    اذا النظام مايطلع التواقيت أول بأول ليش الشركة مسوين هالنظام او مرات يخورها النظام ويتأخر باظهار التواقيت بالبورتال فيريت النقابه تدخل ويتم الغاء هالنظام او يحطون نظام افضل منه لنا فئه كبيره من الموظفين مرات تنظلم من هالنظام وانا منهم ابصم في وقت معين وماتطلع بالبورتال ومتأكد مرات احط الكرت بالبوابه ويطلع صوت اني بصمت بطريقه صحيحه بس مرات ماتطلع على البورتال او تتأخر بالظهور على البورتال

    فاتمنى من النقابه اتشوفلنا حل مع هالنظام او يتم الغاءه من قبل ادارة الشركة والعوده الى الطريقة التقليديه في اثبات الحضور والانصراف حيث ان بعض الشركات النفطيه الزميله ماعندهم نظام للحضور والانصراف مثل شركتنا فما انشوفهم يعانون اتوقع هذا الحل الافضل
     
  2. سفاري الكويت

    سفاري الكويت بـترولـي نشيط جدا

    كلامك صحيح 100%
    انا من كثر ما تعقدت من هالسالفة قمت ابصم بكل الاجهزة الموجودة عند البوابة والمبنى
     
  3. شعيباوي

    شعيباوي بـترولـي نشيط جدا

    362
    12
    18
    بربس

    هذا السيستم حاطينه حق الفقارة و المساكين. عندنا ناس تداوم على كيفها ولا أحد أخذ فيهم أكشن. و في ناس تتحاسب بالميلي. بصم و خلها على الله إمبغا تطلع بالسيستم بعد سنة. عند مسؤولك تطلع بلحظتها.
     
  4. frfosha

    frfosha بـترولـي مميز

    753
    0
    0
    كلامك صحيح يا خوي في وايد خرابيط بالسيستم بس احنا مسؤولنا يقدر ويقول كتبو ورقة استأذان عشان ما ينخصم علينا ، بس الله يعين اللي مسؤولينهم ما يقدرون
     
  5. زهرة التوليب

    زهرة التوليب بـترولـي خـاص

    فعلا كلام صحيح
    والمشكله تصير في الجهاز مال البصمه نفسه
    لأن بعض الموظفين الله يهداهم وخاصه الأجانب تلقاهم 5 في سياره وحده ويطقون كروتهم مع بعض فيعلق جهاز البصمه وما يقبل باجي البصمات

    وانا صارت فيني وبلغت القسم المختص ان يرسلون ايمل في الويب ماستر علشان الكل يعرف انه لازم ينتظر فتره قبل لا يطق كرته
    لكن هالشي ما صار وع اني مبلغه بهالشي اكثر من 5 شهور !!!

    والسالفه صارت طواله ادق على الهيلب دسك وهم يدقون على CA ويشوفون الخلل من وين وتالي يدقون على الموظف يستفسرون منه

    غير ان مارت الداتا تطول ما توصل للبورتل بسرعه !!
     
  6. .KNPC

    .KNPC بـترولـي نشيط

    57
    0
    0
    فعلا كلام صحيح 1000% والله يسامح الي حط هالنظام الي ظلم بعض الموظفين

    نتمنى احد يشوفلنا حل مع هالنظام لنا مو معقوله الواحد يقعد يحاتي بصمته تطلع بالبورتال ولا لا فما ادري العله وين من الاجهزه ولا من السستم نفسه فيه أخطاء واذا دقينا عليهم قالولنا ماتبصمون عدل مو معقوله كل هالموظفين جذابين واهما صح
     
جاري تحميل الصفحة...
مواضيع مشابهة
  1. اللجنة الثقافية
    الردود:
    0
    المشاهدات:
    1,152
  2. المحرر النفطي
    الردود:
    0
    المشاهدات:
    6,252
  3. Almehanna.84
    الردود:
    6
    المشاهدات:
    21,968
  4. المحرر النفطي
    الردود:
    0
    المشاهدات:
    649
  5. المحرر النفطي
    الردود:
    0
    المشاهدات:
    2,777

مشاركة هذه الصفحة