هيه يا اللي عندك الراي وزمام الأمـور

الكاتب : وفراوي الوفره | المشاهدات : 6,309 | الردود : 94 | ‏17 مايو 2010
  1. وفراوي الوفره

    وفراوي الوفره بـترولـي نشيط

    141
    0
    0
    السلام عليكم

    قصيده سريعه عن واقع الحال
    >> طالعه من قلب :(

    الله انك ترحم الحال من ضيق الصدور .. من عقب ما ضيقو في مشاركه النجاح
    والله ان الوضع كله عــــــــلى هذا دبور .. كان ما حطو علـى الجرح ضـماد الصلاح
    كل ما قلنا تعدل وشعشع صبـــــح نور .. جاتك اخبار الهزيمه تكـــــــــسر بالجناح
    صارت احلام الموظف مثل جسر العبور .. بين اهداف النقــــــــــابه وبين الانفتاح
    وصارت ارزاق الاوادم تطيربها الطيــــور .. اشهدنها غطرسه واشهدن السـد باح
    هيه يا اللي عندك الراي وزمام الأمـور .. ليه تقطـــــــــع رزق الايتام وتهد الكفاح
    ما دريت ان اليتاما لهم ضعــــف الأجور .. ودعوه المظلوم منهم تسبب لك كساح
    انتبه خل الحقيقه لها شـــــرطي مرور .. كم واحد ارتفع فوق بالقــــــــــمه وطاح
    ما يهدم بيتك اللــــــي بنيت الا الغرور .. ولا عقب اسلاح الامجاد بالتقــوى اسلاح
    وموتري اللي يوم بشريه قالو صف دور :( .. الديون مغبطه والمقدم باااااااح باااااااح
    والله انه شاب راسي وانا بعمر الزهور .. كل ما قلت الفرج حان ناح الــــــورق ناح




    مع تحيات موظف يتيم :(
     
  2. LPG STORAGE

    LPG STORAGE بـترولـي نشيط

    148
    0
    0
    اخوي قصيدتك هذي ما تنفع حتى رسالة ... ياخوك جرّة غنم
    حاول مره ثانية لانها ما تشكي واقع حال حقيقي اتقول مألفها شعبان عبدالرحيم بس كويتي
    تقبل مروري وشكرا
     
  3. زيزوم11

    زيزوم11 بـترولـي نشيط

    110
    0
    0
    مكسره و ملعون والديها ذالقصيده
    الظاهر انك مغصوب عليها
     
  4. بن عامر

    بن عامر بـترولـي خـاص

    1,159
    0
    0
    k.o.c
    kuwait
    مجاز و تنتقل معنا لمرحلة ما قبل 48 :) .
     
  5. وفراوي الوفره

    وفراوي الوفره بـترولـي نشيط

    141
    0
    0
    LPG STORAGE

    جره غنم ؟

    الله يسامحك طال عمرك :)


    شكرا على اسلوبك الراقي

    وتبون مشاركه نجاح بعد ههههه
     
  6. وفراوي الوفره

    وفراوي الوفره بـترولـي نشيط

    141
    0
    0
    زيزوم11

    ممكن تعلمني وين الكسر يا الدكتور غسان ؟

    :)

    واذا فيها كسر
    شرط اني لعطيك مشاركه نجاح قدام الرجال
     
  7. وفراوي الوفره

    وفراوي الوفره بـترولـي نشيط

    141
    0
    0
    بن عامر
    ههههههه

    حياك الله
    وشاكر مرورك
     
  8. زيزوم11

    زيزوم11 بـترولـي نشيط

    110
    0
    0
    المصيبه انها مافيها بيت صاحى حتى تبنى عليه باقى ابيات القصيده
    وتبى تعرف انها مكسره --- مافيها بحر معين مطروق
    وبعدين ياخوى اذا كانت قصيدتك مكسره -- الشى هذا ما يعذربك -- ليش زعلان
    اما بخصوص مشاركة النجاح اللى بتعطينى ---------- مقبوله و موفره
     
  9. PPA

    PPA بـترولـي نشيط

    91
    0
    0
    السلام عليكم ورحمة الله وبركاته
    حسبى الله ونعم الوكيل على من حر اليتيم
     
  10. وفراوي الوفره

    وفراوي الوفره بـترولـي نشيط

    141
    0
    0


    طويل العمر
    انت ما عطيتني سبب واضح ان القصيده مكسره
    اقنعني ياخي علمني نورني مافيها شي

    ما تعرف قول ما اعرف للشعر
    اما انك تقول مكسوره ياليت اخوي تقول لي وين الكسر بالضبط واشرحه لي

    :)

    وترى قاعد للصبح ما عندي مشكله
    وشرط ان القصيده على بحر وماني قايل شنو البحر ابيك انت تقوله لي
    وشرط قدام الرجال يا زيزوم اذا طلع فيها شطر مكسور
    اني لتعذر لك قدامهم
     
  11. وفراوي الوفره

    وفراوي الوفره بـترولـي نشيط

    141
    0
    0
    Ppa

    ربك كريم
    والفرج من عند الله سبحانه
     
  12. زيزوم11

    زيزوم11 بـترولـي نشيط

    110
    0
    0
    اخوى وفراوى
    الظاهر ما وصلتك المعلومه --- ما فيها اى بيت مبنى على بحر معين
    والدليل ان كل شطر فى الصدر يكون اطول او اقصر من العجز
    ارجو انها وصلت
    و تقبل تحياتى
     
  13. وفراوي الوفره

    وفراوي الوفره بـترولـي نشيط

    141
    0
    0
    زيزوم
    هههههه

    والله العظيم يهمني انتقادك
    بس ياليته صحيح كنت اتمنى
    على شان احاورك والناس تستفيد

    شلون شطر اطول من شطر ؟
    انت تتكلم عن الطول او الوزن ؟

    خياط انت ؟

    اخوي انت تقول مكسره
    وين الكسر نورنا يا خوي
     
  14. وفراوي الوفره

    وفراوي الوفره بـترولـي نشيط

    141
    0
    0



    اخواني ما قصر زيزوم
    وفتح باب للناس اللي ما تعرف اوزان الشعر الشعبي
    بعطيكم فكره عن الاوزان
    وانا حاضر لاي استفسار

    وياليت اخوي زيزوم ما ينتقد في شي ماله اي علم فيه

    اوزان الشعر الشعبي كثيره
    وهذي منها

    أكثر البحور الشعبية إستخداماً ، وسأعمد هنا الى ذكر القصائد المغناة لكي تكون العملية أكثر وضوح ،،
    من أغاني محمد عبده


    1 -(المسحوب )

    ياليل خبرني عن امر المعانـاة
    هي من صميم الذات والا اجنبية

    2 –(الرمل )

    ماهقيـت ان البراقـع يفتننـي
    لين شفت اضبا النفود مبرقعاتي

    3 -(الصخري )

    ليالي نجد مامثلك ليالـي
    غلاك أول وزاد الحب تالي

    4-( الممتد )

    ياحبيبي حكمت وخل حكمك عدال
    سوّ بي ماتشا وافعل على ماتريد

    5 –(الهزج) :

    الا واشيب عيني يوم قالوا لي فمان الله
    تحققت انهم من عقبي لاماهم مقفينـي




    6 –(الهجيني) الطويل :

    من بادي الوقت وهذا طبع الايامي
    عذبات الايـام ماتمـدي لياليهـا

    7 -(الهجيني)

    تستاهل الحب نجديه
    رفيعة الشان عجّابه

    8-( المنكوس) قول الأمير عبدالله الفيصل

    تخيّرت جده منزل(ن) لي من الاوطان
    على شانكم ياريف قلبي ومرباعـه

    9-( المتدارك) قول محسن الهزاني

    سرّح القلب في عشب روض الندم
    وامزج الدمع من جفن عينك بدم

    10-( الهلالي) - قول الأمير عريعر بن دجين

    يقول الغريري الذي بات ماله
    هوى غير طلب الطايلات هواه

    11-( الرمل الرباعي) قول ناصر السبيعي

    كنت في عمري يقين وصرت لاحساسي قناعه
    من شرب صيفك وضمّ اشتاك يستاهل يبيعـك

    12 –(المتقارب الرباعي) قول عبدالله الفرج

    تريد الهوى لك على ماتريد
    وثوب بلى لك تريده جديـد

    13 - (المديد) قول خلف بن هذال

    ياوطنّا ياوطنّا عمت عين الحسود
    ماتهزك لازوابع ولاغدر اعْمـلا

    14-(الرجز) قول طلال الرشيد

    هذي الحقيقه مايجي في الكون أطهر من يديك
    وانا الذي انقض وضوء الغيم والما والهبوب




    15 -(الحدا الحداوي) قول الامير خالد الفيصل

    بنت الكحيلة مهرتـي
    وخيّالتي من كل اصيل


    .........................................

    والوزن اللي انا كتبت عليه
    هو وزن ( المديد )

    ياوطنّا ياوطنّا عمت عين الحسود
    ماتهزك لازوابع ولاغدر اعْمـلا

    ويقول زيزوم ان سبب الخلل اللي عندي قصر الشطر عن الشطر الثاني
    اذا كان خلف بن هذال ما يعرف بالشعر عند زيزوم هذي مشكله

    لحن الوزن ( المديد ) على قصيدتي يا الخبير وتطلع صحيحه ميه بالميه
    واللي عنده اي مشكله او سوء فهم يقول وانا ارد عليه

    .
    .

    :)
     
  15. زيزوم11

    زيزوم11 بـترولـي نشيط

    110
    0
    0
    مادامك تقول طول و قصر الشطر شغل خياط ما الومك اذا تعتبر هذى قصيده
     
  16. وفراوي الوفره

    وفراوي الوفره بـترولـي نشيط

    141
    0
    0
    يا زيزوم
    يا بعد راسي انت

    انا قلت لك عطني مشكله الكسر تقول الطول
    هههههههه

    ياخي وين صارت هذي ؟
    علمني

    يا جماعه الخير مافيكم شاااااعر يحل الاشكاليه هههه ؟
     
  17. وفراوي الوفره

    وفراوي الوفره بـترولـي نشيط

    141
    0
    0
    اركان القصيده 3

    الوزن - المعنى - القافيه


    شكو الطول بالموضوع انا ابي افهم والناس تفهم يا زيزوم

    :)
     
  18. وفراوي الوفره

    وفراوي الوفره بـترولـي نشيط

    141
    0
    0
    شوف يا زيزوم
    مافيها شي والله

    ما عليه مافيه احد يطلع على هالدنيا عالم
    مافيها شي انا لو غلطت اعتذر والله العظيم عندي الاستعداد اعتذر اذا فعلا انا غلطت

    لكن ابيك لو طلع معي الحق تعتذر لي قدام الناس

    اذا ممكن

    :)
     
  19. وفراوي الوفره

    وفراوي الوفره بـترولـي نشيط

    141
    0
    0
  20. وفراوي الوفره

    وفراوي الوفره بـترولـي نشيط

    141
    0
    0

    اول الكلام تقول مافيها بحر معين وطلعنا لك البحر
    والحين تقول الطول ههههه

    يا بعد راسي انت والله :)
    والله شرحت صدري الله يشرح صدرك
    ههههه
     
جاري تحميل الصفحة...

مشاركة هذه الصفحة