سؤال : ليش اغلب الموظفين شايفيين نفسهم !!

الكاتب : كعبول | المشاهدات : 1,625 | الردود : 31 | ‏1 ديسمبر 2007
  1. كعبول

    كعبول بـترولـي نشيط جدا

    496
    0
    0
    السلام عليكم ،،


    الصراحة حبيت اطرح هالموضوع واللي صج ماني لاقي له اي جواب ....


    يعني رحت لاكثر من جهة واكثر من شركة نفطية ... وافضل ماذكر اسمائهم !!


    كل الموظفين اللي يشتغلون شايفين نفسهم ليش !!!


    شي يبط الجبد الصراحة ... !!!


    واللي يقهرني اكثر انه في موظفين بنفس شركتي اللي اشتغل فيها .... اغلبهم شايفين نفسهم .... قول جنك قاعد تطر من عندهم مو تخلص شغلك .... !!!!



    يعني افهم هالشي ...


    انت منو علشان تتكبر على الناس .... اقصاك بني ادم ولمن تموت راح تندفن تحت الارض وتاكلك الديدان .... وهذا الواقع ....


    بعد ليش هالتفلسف ... والتكبر وشايف نفسك علينا ليش .... !!!



    استغفر الله العظيم .... والله العظيم ان هالموظفين اللي كل واحد شايف نفسه .... ونفسيته زفت ....

    هم احد اسباب رداءة القطاع النفطي باكمله ....



    ياخي احترم الناس وعاملهم كما قال الرسول عليه الصلاة والسلام قال .... حتى لو غلط عليك ... انت المفروض انك تعامله معاملة حسنة .... مو علشاني ولا علشان الناس .... علشان ربك ان يرضي عليك وراح يكافئك ....
     
  2. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    كعبول بموضوع هناك تتكلم عن سعر ال ........

    و هني قلبت دين

    ماعرفنالك صراحة
     
  3. WaRiO

    WaRiO بـترولـي مميز

    والله ياا اخوي كله على التربيه والبيئه اللي يااي منها او عاش فيها

    وما نقوولهم الاا الله يصلحهم ويصلحنا معااهم

    موفق
     
  4. كي او سي

    كي او سي بـترولـي خـاص أعضاء الشرف

    بصراحة موضوعك مهم جدا جدا
    اهم من الموضوع اللي فات
    بس طبعا كان لذيد
    ههههه

    بصراحة اعتقد التربية تلعب دور كبير بخصوص نفسيات العالم
    وخاصة (البيت، المدرسة، والبلد اللي انت فيه)

    طبعا نفسيات ربعنا الله يهديهم مو بس بالشركة ترى اغلب اللي بالديرة منفسين
    اقرب مثال جم واحد مات بسبب ليش يخزني وهذا خزني

    واكيد اتعرف ان علوقتنا بره الديرة ان شايفين روحنا
    شي اكيد مو كلنا بس غالبيتنا


    الله يهديهم ويسنعهم لان مثل ماقلت
    موبس اهو يصير ردي، حتى المكان اللي يشتغل فيه

    لو يفكر كل واحد باللي اقل منه والله ما يوصلون لهالمرحلة
    يعني بالعربي لا تطالع فوق

    ومشكوووور على هالمواضيع
     
  5. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    الله يعينهم على انفسهم
     
  6. كعبول

    كعبول بـترولـي نشيط جدا

    496
    0
    0

    شتقصدين من كلامج .....


    موضوع كان يتكلم عن شخص قال ان سعر النبيذ اغلى 20 مرة من سعر النفط بشكل ساخر .... وانه حسبتها فقط لاغير ....

    فيها شي لمن احسب يعني !!!

    اذا قصدج اني اشرب خمر فانه ماراح ارد عليج .... لاني الحمدالله انه اخاف من ربي ....

    واكرر يا صخرة ..... ترى اللي كتب الموضوع مو انه ..... اي والله علشان حسبت السعر صرت كافر .....


    ولمن قلت انه سعر البطل عندنا غالي قلتها على اساس غشمرة لا اكثر ....


    يعني مع الاسف اشوف انه عضوة تهينني بهالطريقة هذي ....

    على العموم الله يسامحج ....
     
  7. brilliant

    brilliant المـراقب الـعـام

    8,477
    0
    0
    Engineer
    Kuwait

    لا تصير شخص مبالغ فيه :rolleyes:
     
  8. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت

    لا تقولني شي انا مو قايلته لو سمحت وانا ما اهنت احد
    بس والله انا شدراني لما قلت سعر البطل عندنا جذي شدراني انك كنت تتغشمر!
    وبعدين تشرب ماتشرب انا مالي شغل فيك ولا بغيرك..بس لما المراقبين يحاسبوني لما اسولف و ادردش برة الموضوع مع الاعضاء و يدزولي انذارات! اعتقد من الاولى انهم يدزون انذار او ينبهون الي يتكلم عن ....
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    اكيد المشرفين دزو انذار لالرئيس الفنزويلي هوجو شافيز
     
  10. كي او سي

    كي او سي بـترولـي خـاص أعضاء الشرف

    لووووووووووووووووووووووووووووووووووووووووووول

    حلوة منك مشرفنا

    اذكروا الله
     
  11. كعبول

    كعبول بـترولـي نشيط جدا

    496
    0
    0

    اسف بس الصراحة من القهر اللي فيني الصراحة .... يعني احنا قطاع نفطي المفروض نكون قدوة للكل ... الاغلبية شايفيين نفسهم على شنو مادري ....


    وهالشي يخليك تفكر ان ودك تطلع من الشركة والسبه اهم ....



    وهذا هو اللي خله سمعة الكويت بكبرها بالحضيض عند العالم والسبب هؤلاء اللي اعتبرهم مو كويتيين الصراحة ...


    لان الكويتي معروف انه كريم ، متسامح ، سمح الاخلاق مع اهله ومع جيرانه ومع الغرب ايضا ، قلوبهم صافيه نقية بيضاء كنور الشمس اللطيف ...



    ادري ماكو احد كامل لكن هذا الكويتي في القديم كان والان تغيرت الاحوال .... دخل الحقد والحسد والبغض .. والكره والانانيه عندهم وتغيرت نفوسهم .... وبداو ينظرون للعالم كما ينظر اليهود للعالم ....


    ولحد يقولي انه الفلوس هي السبب .... لازم تعرفون ان الفلوس مجرد ورق وحديد لا يتحرك ولا يفكر .... بل انت الذي تفكر وانت الذي تجعل الشيطان يدخل ويغير نفسك ام لا .....
     
  12. Eng.Vampire

    Eng.Vampire بـترولـي خـاص

    اخوي كعبول موضوعك مهم بصراحه وصحيح 100% .. انا بعد ملاحظ شريحة كبيرة من موظفي القطاع النفطي (لا وبنفس الشركة الي شغالين فيها) ... البعض شايف روحه مادري على شنو وماخذ بنفسه مقلب على قولة المصريين وللاسف مو عارف حجمه ... وبعضهم يالله سترك نفس شينة وحامضة هم مادري على شنو حتى لو ماخذ جائزة نوبل في الفيزياء هم ما يسوي جذي ....

    من تواضع لله رفعه
     
  13. المهندس

    المهندس بـترولـي خـاص

    1,305
    8
    0
    صراحه وايد عندنا ماخذين مقلب في انفسهم :)

    عادي كعبول - اللي ما يحترمك شخطه او اشتك حق مسئوووله - ترا حيل يخافون من الشكاوي
     
  14. زهرة التوليب

    زهرة التوليب بـترولـي خـاص

    اللي يشوف نفسه يشوف نفسه على روحه
    اهو مو نازل من السما !!

    ومن تواضع لله رفعه
    والله يكافينا شر الغرور وشوفة النفس
     
  15. Shoomy

    Shoomy بـترولـي خـاص

    عدل كلام المهندس وزهرة التوليب

    في ناس من يدشون القطاع النفطي .. على طول يدقون دقمة النفسيه ويرفعون خشومهم
    ولا تحاجوني انا بالقطاع النفطي من قدي

    يامعودييييييييييييين طيروا زين

    والله ماقول الا كااااااااااااااااااك على هالاشكال ... الله يبعدنا عنهم


    اخوي كعبول والله ماتعرفلهم .. ان شفت واحد جذي صكه بوكس على خشمه عدله له ولا طراق على عينه خل يشوف عدل

    ولا اقولك عطه نظره من فوق لي تحت


    تحياتي
     
  16. الصايغ

    الصايغ بـترولـي خـاص

    عاااااااااااااااااااااااااااااااااادي قطااااااااااااااااااااااع نفطي
    يااخوي
     
  17. Green Tea

    Green Tea بـترولـي مميز

    514
    0
    0
    صح صح صح صاج والله انا لاحظت بعد ..اول ماتوظفت لاحظت هالشي وترا تختلف درجه الغرور حسب الشركه:p

    مادري الظاهر هالقطاع يجذب المغرورين :confused::p

    او يمكن لان في وايد كويتييين والكويتيين معروفين انهم شايفين نفسهم هذا مو شي يديد:D
     
  18. LaRambla

    LaRambla بـترولـي خـاص أعضاء الشرف

    2,041
    3
    38
    هالكلام موجود في كل مكان للاسف الواحد من يلبس غتره وعقال حسباله صار شيخ ويتكبر على خلق الله ومو بس جذي عندك بعض الموضفات اللي من تحاجيها على بالها بتتحرش فيها لا وتعاني من مرض الجكر


    ان اكرمكم عند الله اتقاكم ومن تواضع لله رفعه


    لكن يتم في شباب شقرديه ما يقصرون
     
  19. حكومة

    حكومة بـترولـي نشيط

    56
    0
    0
    عادي عادي انا ادش الاسانصير اسلم محد يرد السلالالالالالالام والله
    مره دشيت بس انا ووحده قلت السلام عليكم ؟ ماردت قتلها اعوذ بالله من الشيطان الرجيم بصوت عالي طاف
    شوف اخوي كعبول الى بشوف نفسه على عمره بس الذكي والى متربي عدل يعرف شلون يخلي الى شايف نفسه حشره مايسوه باسلوبه الراقي والمحترم بعدين ينقد على عمره انا صارتلي وايد بس اعرف شلون احرج الشخص بأسلوب محترم .
    والشي الثاني الشخصية الايجابيه تأثر اكثر من السلبيه مثال :-
    انا الحمدالله زينه مع زملائي والمدرا ورئساء الاقسام بالشغل باسلوبي وكلامي سوتلي خدمه قتلها فديتج ما قصرتي جزاج الله خير وكل ماشفت احد لازم الابتسامه المعهوده واقوم بشغل واساعد الى يبي مساعده ولأمور هذي قمت اشوف بعض من زميلاتي تتكلم نفس اسلوبي يعني اهيا شافت انا اسلوبي عامل عمايل فا اتقلد الشخص الزين عشان تصير نفسه الكل يحبه انا حتى البنغاليه اذا سوي شي غلط ابتسمت وعلمت الصح عشان بعدين يسويهم عدل اذا صارخت عليه ماراح يفتهم فا كل شي باابتسامه حلوووووووو
     
  20. hasanqasem

    hasanqasem موقوف

    159
    0
    0
    Lab Tech
    Kuwait
    احم ,, مو جني مشارك ؟؟ الظاهر المشاركه لغوها لول .. الله يهديكم تقولون شاركوا ولما نتكلم بصراحة تزعلون؟ ما أٌقول الا فول وفلافل وحلوم
    يعني سبة :)
     
جاري تحميل الصفحة...

مشاركة هذه الصفحة