السكوت النقابي إلى متى وينك يا إتحاد البترول وينكم يالنقابات

الكاتب : Geologist Q80 | المشاهدات : 2,567 | الردود : 29 | ‏17 مايو 2010
  1. Geologist Q80

    Geologist Q80 بـترولـي جـديـد

    16
    0
    0
    السلام عليكم ورحمة الله وبركاته

    يا جماعه شنو سبب هالسكوت الرهيب من جميع النقابات والإتحادات البتروليه

    عاجبهم الوضع والا أخذوا المقسوم وبالطقاق الموظفين

    ما شفنا لا بيان ولا تعليق ولا أي شي منهم

    وين وعودهم أيام الإنتخابات بأنهم راح يوقفون مع الموظفين

    سؤال وأرجوا ألقى له جواب

    وين نقاباتنا ووين أتحاد العمال وإتحاد البترول عاجبهم اللي صار ولا شنو الموضوع بالضبط فهموووونا
     
  2. API 18

    API 18 بـترولـي مميز

    513
    0
    0
    للاسف المؤسسه والنقابات وجهان لعمله واحده. الله يخلف علينا.
     
  3. AD-01

    AD-01 بـترولـي خـاص

    1,040
    2
    38

    عسى ماشر طال عمرك ؟!!

    اذا عندك مشكله ترا الجماعة متواجدين كل اليوم في النقابة مرهم وما راح تشوف الا كل خير


    API 18
     
    آخر تعديل بواسطة المشرف: ‏20 مايو 2010
  4. almostishar

    almostishar بـترولـي مميز

    567
    5
    18
    مو فاضين يشتغلون على قدم وساق .. الله يعينهم قاعدين
    يطالبون بـ 120 دينار المنقوصه وقريبا سنه سنتين ,خمس, عشر سنين وسوف تقر.
    و يطالبون بضم خدمة فترة التجنيد كأعمال شاقه وقريبا سنه سنتين ,خمس, عشر سنين وسوف تقر.
    و يطالبون بضم فترة التدريب للخدمه ..وقريبا سنه سنتين ,خمس, عشر سنين وسوف تقر.
    يجب ان نشكرهم فأاصواتهم علت بقوانين الخصخصه حتى ان الحكومه والبرلمان ..ألجموا ..وحسبوا لهم ألف حساب
    كل الشكر للنقابه .. درجات الموظفين تصلهم بالموعد المحدد حسب سنوات الخدمه ..اخجلتونا يانقابه
    ماذا عسانا نقول لكم سوى جعلها الله فى موازين أعمالكم ..كفيتم ووفيتم فتركوا مقاعد النقابه واستريحوا ليستكمل المشوار غيركم ..
    ولاتفكروا مستقبلا بالترشيح سواءا بالنقابه او الأمة او البلدي .. كنوع من رد للجميل لكـم ..
    هناك الكثير من الانجازات اخجلتونا ماندرى وين نودي جمايلكم ؟؟؟؟
    ارجو من الأخوه أن يقوموا بنشر أسماء اعضاء نقابتنا ليعلم من لايعلم ..فهذا تاريخ ..
    ورد الجميل من شيم الرجال ..
     
  5. محمد المذن

    محمد المذن بـترولـي مميز

    694
    0
    0
    صح كلامك اخوي في وايد شغلات النقابات قاعد تحوس عشانها
    دق سيارتك سلف ورح حق نقابتك واسألهم شصار على جذي وشصار على جذي واهم يجابونك
     
  6. AD-01

    AD-01 بـترولـي خـاص

    1,040
    2
    38


    بيض الله وجهك كلام جميل ومن شخص حقاني

    نعم نعم احنا نحط ايدنا بيد نقابتنا لو شنو كان الثمن ... بعض المطالب تحتاج وقت طويل علشان تقر في المحكمة او عن طريق المفاوضات .. هذا كلام جميل يدل انك على مستوى ووعي عالي مو مثل نكك اللى كنت احسبه مخربط

    طبعا الخصخصة مشت بعد ما سوت النقابة اللى عليها .. لكن احنا (انا وانت) واشكالنا ما كنا متحمسين ولا حضرنا لا جمعية عمومية ام 30 نفر من 4500 عضو ولا حضرنا اعتصامات ومهرجانات الخطابية اللى نظمها الاتحاد وحضرها 200 نفر من 15000 نفر ولا حضرنا بساحة الاراده فكيف الحكومة تحسب حساب لنقاباتنا دامنا مو ملتفتين حولها ؟؟


    بديت احبك واحب انطباعك الجميل .. لا ضروري اغير فكرتي عنك .. شكلي انا غلطان .. خلاص تعال نتسامح وخل نكك على وضعه .. انا الحين اقتنعت انه تمويه وانك فاهم

    واقتراحك لازم يؤخذ بعين الاعتبار .. لازم الكل يعرف اسماء اعضاء النقابة اللى يشتغلون ونرد لهم الجميل .. فالعمال محتاجين لمثل هذا النوع من النقابيين الشرفاء


    والا اشرايك بكلامي يا مستيشار ؟؟ انا مؤيدك 100 %


    :D


    شكرا شكرا
     
  7. Geologist Q80

    Geologist Q80 بـترولـي جـديـد

    16
    0
    0
    API 18
    هلا بالحبيب صاج وكلامك مزبوووط

    ================

    AD-01
    يا مرحبا نورتنا بمرورك
    أدري مكان النقابه وين ولكن ليش إذا شي فيه فايده للموظفين نروح نلحق وراهم
    وإذا شي خلص ولو حتى مو منهم تلقاهم يغثونا من كثر اللوحات والشكر بالجرايد

    وتسلم


    ===============

    almostishar
    إي والله يالحبيب كلامك مضبوط
    بس الظاهر أخونا AD-01 ما فهم كلامك
    يحسبك تمدحهم

    شاكر لك هالمرور
     
  8. AD-01

    AD-01 بـترولـي خـاص

    1,040
    2
    38


    هلا بالحبيب

    اول شي النقابة حسب علمي تسعى في كل الامور .. حتى لو ما كلموها الموظفين

    لكن ..

    شنو المانع انك تكلمهم على موضوع يخص الناس ؟؟!! ليش تعتقد انهم (المفروض) يدرون ؟!! ترا ما راح يطقون احد اذا دش عليهم النقابة واحد يشتكي او دز شكوته بالايميل ...


    وسالفة الشكر شي ضروري .. اشلون الناس تدري ان النقابة تشتغل ؟؟ اشلون (يجعمون) بعض الاصوات اللى ما يعجبها شي نفس الحلوين اللى حوالينا :D

    هذا شي طبيعي ان المرشح يبين شغله ..






    لاااا المستيشار تغير عندي ورجع للطريق القويم وصار يفهم .. علشان جذي انا مدحت كلامه اللى كله درر وحكم


    نرجع للكلام السنع ... :

    نقابتنا مختاره من اغلب اعضاء الجمعية العمومية وشغلهم مشهود له ... بقى ان في بعض الناس ما يبونهم لان ربعهم ما انجحوا فهذا شي طبيعي .. ورح ينتقد على اي شي وبدون سبب ..

    وما راح يترس عينهم شي الا اذا مسكوا ربعه .. وحتى لو في انجاز يفسره بشي ثاني بس المهم ما يكون الفضل للناس اللى انجحت و اشتغلت دام انهم مو من ربعه :)
     
  9. Golden1973

    Golden1973 بـترولـي جـديـد

    33
    0
    0
    Ad1 من صجك ما فهمت إن كلام المستشار طنازه على النقابه الموقر ه؟؟؟؟؟؟
    من صججججججججججججك !!!!!!!!!!
    عفيه قول انك فاهم بس تسوي نفسك مو فاهم
    عفيه إصرار على الدفاع عن نقابه موجوده بس للخصومات وكرت بو دينار
    أحييييييييك على ولائك
     
  10. AD-01

    AD-01 بـترولـي خـاص

    1,040
    2
    38

    وردي الاول على المستيشار كان صج ؟!! لا تقفل انت بعد !!


    تكفا اقرا عدل وقولي اذا مو مسخره وطنازة من الاول ليه الاخير :)


    المهم ..

    نقابتي جابت التأمين الصحي .. وجابت ال750 دينار .. وجابت درجات واب قريد للكل .. وراح تجيب الخير كله ... حتى كروت بودينار اللى مو تارسه عينك جابتها

    عطني شي ما سعت فيه نقابة نفط الكويت ...


    ادري بيطلعلي المستيشار وربعه ويقولون .. كل الانجازات هذي طلعت ( فقع ) ولقوها بالشارع جدامهم وخذوها .. وهذا كلام متوقع من ناس ماعندها هم الا الطعن ... شغل نقابتنا واضح

    انا شخصيا شفت الشي بعيني وشغلهم واضح ... وحتى نقابات الشركات الثانية ما قاعده تسوي نفس اللى يسوونه نفط الكويت ;)

    اذا عندك غير هالكلام قوله ... وابشر بالرد .. واتمنى يكون بأدله علشان الكل يستفيد يا الحبيب


     
  11. Golden1973

    Golden1973 بـترولـي جـديـد

    33
    0
    0
    Ad1
    ذكرتني بأيام الجامعة
    كنا بالقائمة أيام الانتخابات أي لفه أو تقاطع أو دوار سووه الأشغال بالخالدية نقول إن هذا إنجاز من جمعية الهندسة والبترول اللي كانت قائمتنا ماسكته
    يا أخي لعبة انجازات النقابات حافظينها عن ظهر قلب
    وسالفة التأمين الصحي بالذات هذي شي ماله شغل بالنقابه
    لأن هذي كانت فكره من داخل القطاع النفطي
    بدليل إنه طلع لم تعرقل بناء مستشفى الشركه
    وسالفة الأب غريد نفس الشي
    هذي موضوع إداري بحت
    وكانت الشركة حاطه مستشارين من زمااان ومستشار يروح إيي مكانه واحد ثاني وطبعا كلو بحسابو
    يعني هالأشياء تمت بدون أي التفات لمطالبات النقابه
    بس يااا حظ النقابه جنت ثمارها
    وباختصار يات على حظهم
    يعني لو قائمة ثانيه ماسكه جان سمعنا نفس الكلام
    وجان سمعناك تقول نفس كلامي
    لأنك حزتها بتكون مو من المؤيدين
    أما شنو ال750 ؟؟؟؟؟؟
    هذي مادري عنها
    وكروت بو دينار الله يغنيني عنها
    تبيني أقولك شي مضحك مبكي وياريتك تفهمه عدل
    في أحد المديريات اللي تعتبر تقدم خدمات للشركة مو بالكور بزنس
    يه مره طلب يضحك من النقابه طالبين شي لو طالبه أي تيم ثاني "مهما كان مهم" جان ردوا عليه بنفس الوقت بأن طلبه غير متوفر ولا توجد إمكانيه لتوفيره
    هالطلب لتوفير خدمه "من نوع ما" لمكاتبهم اليديده .. وهالخدمه نطلبها حق بيوتنا بفلوسنا
    وباختصار ما تعتبر احتياج ملح أو ضروري يحتم على الشركة توفيره أو حتى تخصيص مبلغ مالي من ميزانية التيم لتوفيره
    بس ما أنسـى التيم ليدر والسينيور لما قالوا
    "هذيل النقابه لازم نسويها لهم"
    لأنهم باختصار يبون يشترون رضا النقابه
    وركز على كلمة "يشترووووون"
    وربي يحفظ هالبلد
     
  12. AD-01

    AD-01 بـترولـي خـاص

    1,040
    2
    38




    كل يوم يطلعلي واحد ظريف ودمه خفيف في المنتدى .. اليوم تشرفنا فيك يا بو دم خفيف


    اول شي الخالدية هذي جامعتكم انا جامعتي بالفلبين والحين بلندن وقريب نصير ربع طال عمرك ... مادري عن سوالف الخالدية

    لعبة التأمين الصحي بالذات انا سامعها من الرئيس يقولها "ان مقترح النقابة طيب ولازم نحط شي يمشي بالتوازي مع بناء المستشفى " .. وللعلم في محضر اجتماع موجود في النقابة يقول فيه الرئيس للنقابة ان (مطلبكم) للتأمين الصحي توافق عليه وراح نسوي استبيان (شكلي) علشان نعرف الاعداد اللى ترغب في التأمين الصحي ...

    والا المستشفى كان يعاني من الزحام والمواعيد الدايخه والناس اللى تتذمر ومحد حرك ساكن لين جات هالنقابة :)

    اذا انت واصل لهالدرجه وشايف ان هالمراسلات كلام فاضي .. هذا كلام ثاني

    خلصنا من التأمين ...


    نجي حق سالفة القريدات والمستشارين ربعك وسالفة ال4 مراكب اللى وصلت الميناء ( والسر عندكم بالامان) وفيها مكاين تطبع نوط بو 1000 .. :D


    حبيبي النقابة السابقة كان لها السبق في فتح الباب للاب قريد لاقسام الانتاج والغاز والماي والتصدير والمختبر فقط ... وجات النقابة الحالية وطلبت تقييم كل الفرق في الشركة .. وكان في كتاب رفض من الشركة على هالمطلب وعقبها (ارتخت) الادارة ولبت الطلب .. والكتب موجودة في النقابة يا بو مستشارين


    اهم شي ان ادارة الشركة تصير (كريمة) وتسوي من كيفها (اب قريد) للعمال بدون اي مطالبة من النقابة ... يا بخت العمال بهالادارة ههههههههههه


    انا ذكرت في مشاركتي السابقة ان في ناس راح تقول ان هالانجازات (فقع) ولقتها النقابة في الشارع .. وانت ما شاء الله طلعت واحد من ربع (الفقع) ... لكن ابي انزل لمستواك واقولك .. حتى لو كان فقع .. ترا وجه النقابة (خير) علينا اللى جات هالانجازات بوقتها :)

    ال750 دينار .. هذى رفع سقف الراتب التقاعدي لصندوق المؤسسة من 500 دينار تلقاه في برنامجهم الانتخابي وفي مطالبات بال(هبل) مع ادارة المؤسسة والاتحاد والنقابة حول هذا المطلب .. للعلم ترا اتحاد البترول كان يرأسه عضو بنقابة نفط الكويت ;)


    وكروت بو دينار ترى طلبها اكثر من 1100 موظف ... هذي اللى مو تارسه عينك :)


    بالنسبه للطلب اللى تشرفت فيه وما قلته لنا ... حتى لو كان الطلب (تي بوي) او اقلام حق النقابة ;) ترا من حق النقابة تطلب كمالياتها من الادارة هذي سياسة الجعاصة الجديده ... ترا ادارتنا طيبه ونقابتنا تستاهل والا ليش محتر من طلبات نقابتنا يا الحبيب ؟ :D



    خلنا من النقابة والادارة وسوالفك الخاثره المفيدة .. وخلنا نستمتع بالاجازة لو تكرمت


    ترا اتعب لما اسولف مع احد من ربع النقابة واستفسر منه عن اي شغله قبل ما ارد عليك انت وربعك



    هاف فن
     
  13. almostishar

    almostishar بـترولـي مميز

    567
    5
    18
    اسمح لى ..اولا ..قلصت كلامك الكثير العديم الفائده ..حتى لاتكثر صفحات الموضوع على الفاضى ..

    بالتلخيص ..تابعت كتاباتك ووجتك أما انت نقابى .. (فاضى كعادة نقابتنا) واحد اللى يصرح بس ياالرئيس او نائبه والباقى مع احترامي لهم غير معروفين ..حتى انتهاء فترتهم .

    الخيار الثاني .. خادمينك النقابه حتى اصبحت عبد لهم ..تسير وتساق وفق توجههم



    دمت بخير دوما ..​
     
  14. almostishar

    almostishar بـترولـي مميز

    567
    5
    18
    تستهزأ بردود من فى المنتدي ..وهم أبدوا وجهات نظرهم ..
    شكل الاداره معطينك ضوء أخضر .. أما نحن فاليوم او غدا محظورين
    ألم أقل لك بان هذا زمانكم ..دربك خضر ..

    ===================

    لاتحاتي انت بس ركز في الموضوع ..!
     
  15. almostishar

    almostishar بـترولـي مميز

    567
    5
    18

    النقابه جابت ماكانت أدارة النفط تريد ان تقره .. انا شايف ان خبزتك محروقه حيل عسى ماشر ..
    أن كان كلامي غير صحيح خلهم يشمرون عن ايديهم ويجيبون حقوق العمال ..
    تدريب سنتين ..غير محسوبه أعمال شاقه ..فترة التجنيد غير محسوبه ..درجات مجمده ومتى ماتحن ادارة الشركه تنزلهم بالقطاره .. زياده الغلاء تم خصمها من الموظفين ؟؟؟؟ تحت نظر النقابه
    زيادات الخمسين 50 بعد 50 لم تشمل عمال النفط ..ولا حركه ولاصوت للنقابه ..
    خصخصه النفط .. لاحس لهم لهذا اليوم ..
    انت كلمه والثانيه ماعنك غير كلمه ليه ماتحضرون الجمعيه .. العمال انتخبوهم علشان يحضرون
    العمال انتخبوهم علشان يحققون تطلعاتهم ويحمون مصالحهم ...
     
  16. Geologist Q80

    Geologist Q80 بـترولـي جـديـد

    16
    0
    0
    almostishar

    بيض الله وجهك كفيك كفيت ووفيت

    لا خلا ولا عدم
     
  17. AD-01

    AD-01 بـترولـي خـاص

    1,040
    2
    38

    مادري شنو علاقة ردودي بشخصيتي .. لكن علشان ترتاح ... انا مع النقابة لين النخاع وكل شغلهم 100% والدليل ان الجمعية العمومية جددت الثقة فيهم في الانتخابات وهذا الشي افتخر فيه بربعي ونقابتي :)


    كلامي عديم الفايده ؟!! كنت اتمنى ترد على شي منه بدال ما تلف وتدور على شخصيتي !!





    محد استهزأ فيك .. لكن تحمل الاسلوب اللى يجيك دامك قاعد تنتقد الناس بدون هدف الا للانتقاد والتحقير ...


    عندك كلام فيه خير قوله


    وادارة المنتدى ما تشددت مع عضو كثر تشددها معاي ... والبريد الخاص والمناجر يشهد


    لكن في الاخير نظل ربع واخوان .. والهواش والدفاع عن رأي لا يفسد في الود قضية :)


    انا لو بيدي .. كان شطبت عضوية كل مروج للأشاعات والاخبار الكاذبة ;)




    لا تحاتي وتتباكى على حقوق العمال يا الحبيب

    كل مطالبهم مرفوعة وتحت المفاوضات والدراسة اما بمجلس الامة او بالمؤسسة او بديوان الخدمة او بادارة الشركة

    وانا طلبت منك تذكرلي شي ما سعت فيه النقابة ... للعلم كلامك اللى فوق سبق ورديت عليه مادري ليش تكرره :)


    في شي بلوائح النقابة اسمه (جمعية عمومية غير عادية) لها اهداف من عقدها ... فلما تبي تقدم على خطوة تصعيدية فيها اضراب .. المفروض ان كل اعضاء الجمعية العمومية اللى عددهم فوق 4000 راح يضربون مو 15 نفر في مجلس النقابة !!

    اذا الجمعية العمومية الغير عادية والمحدده لمناقشة الاضراب في حال الخصخصة ما حضرها الا 50 نفر منهم 15 اعضاء النقابة و5 صحفيين و10 من موظفي النقابات ما بقى الا 20 نفر هذا مجموع الحضور من 4000 عضو !!


    لا تصير فاهم وبو العريف .. هالحضور معناته ان ال4000 راضين بالوضع وماله داعي الاضراب


    اذا عندك كلام مفيد قوله والا اكرمنا بسكوتك ...




    Geologist Q80

    اخر سطر موجهه لك انت بعد
     
  18. Geologist Q80

    Geologist Q80 بـترولـي جـديـد

    16
    0
    0
    AD-01
    يا هلا بالحبيب

    ولا تزعل

    كماستيكاا ما بووودي

    أكيد راح تعرف معناها صح :)

    وبعدين شخبار الزياده اللي بتوقيعك ليش ما جابوها الأشاوس بالنقابه


    المهم عاد لا تطول السوالف إذا لك خلق إفتح موضوع ثاني وأطربنا بأسلوبك الفريد والمميز

    محد له خلق مساجلات ونقاشات مالها معنى

    وحيا الله من زار و خفف

     
  19. API 18

    API 18 بـترولـي مميز

    513
    0
    0
    يمكن يعرف كماستيكا بس مالحق يتعلم مابودي ..التعليم العالي ما خلوه يكمل..بس مالك شغل راح انشالله اتكلمه اشلوناك يابا
     
  20. KOCkwt

    KOCkwt بـترولـي نشيط

    106
    0
    0
    لو يبيتكلمون كان تكلموا عن مشالركة النجاه اللى محد طالب فيها وهى معمول فيها فى شركات النفط العالمية

    لو يبيتكلمون كان تكلموا عن مشاركة النجاح اللى محد طالب فيها وهى معمول فيها فى كل الشركات النفطية العالمية
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,752
  2. المحرر النفطي
    الردود:
    0
    المشاهدات:
    3,471
  3. المحرر النفطي
    الردود:
    0
    المشاهدات:
    14,944
  4. المحرر النفطي
    الردود:
    0
    المشاهدات:
    15,939
  5. دكتور نفطي
    الردود:
    0
    المشاهدات:
    23,937

مشاركة هذه الصفحة