هل الخصخصة شملت أوسكو

الكاتب : alojaiman | المشاهدات : 1,881 | الردود : 17 | ‏14 مايو 2010
  1. alojaiman

    alojaiman بـترولـي جـديـد

    14
    0
    0
    شباب هل اوسكو راح تتخصص
    ارجو الاجابة من اهل الخبرة مانبي اشاعات
     
  2. ماني على خبرك

    ماني على خبرك بـترولـي جـديـد

    19
    0
    0
    لا مراح تتخصص ولا تسمع اشاعات
     
  3. alojaiman

    alojaiman بـترولـي جـديـد

    14
    0
    0
    ارجو من الي يجاوب يعطينا دليل على كلامه مو بس يشير وبس
    وشكرا
     
  4. منطقي_واقعي

    منطقي_واقعي بـترولـي جـديـد

    29
    0
    0
    يا حبيبي مؤسسة البترول كلها تم تخصيصها

    ما عدا جم ادارة في البترول الوطنية ونفط الكويت بس

    والادارات كما ذكرت في الجرائد اليومية الغاز الطبيعي والانتاج ومصافي التكرير

    وابيك تحط خط تحت مصافي التكرير لأن اهيا الوحيده التي تبي تفسير

    اما الغاز والانتاج ما يحتاج تفسير

    فقسم الانتاج والغاز في شركة نفط الكويت لم يتم تخصيصها

    وانا اتوقع ان المقصود في مصافي التكرير هي العمليات في البترول الوطنية فقط


    اتمنى اني قدرت افيدك
     
  5. alojaiman

    alojaiman بـترولـي جـديـد

    14
    0
    0
    مشكور اخوي وما قصرت
    يعني رحنا فيها ياشباب كل واحد يدورله وظيفة ثانية قبل لا يتبهذل مع اوسكو
    إحنا قبل تبع الحكومة وما سلمنا اللحين صرنا قطاع خاص الله يستر بس
    ويحفظ لنا هالديرة الي كل يوم طالع لنا فيها قانون ضد المواطن
     
  6. ممــــيز

    ممــــيز بـترولـي نشيط جدا

    420
    0
    0

    رحنا فيهاا ليش !!!!؟
    وانا مستغرب كل واحد يدور وظيفه !!!؟
    قبل لا يتبهذل !!!؟
    اخوووي احب اطمنك واقولك ما رحنا فيهااا ولا راح ندور وظيفه ولا راح نتبهذل ابدا باذن الله سبحانه وتعالي
    اول شي اذا خصصوااا شركة الخدمات النفطية لك عدت خيارات :
    1- اللي علي وشك التقاعد يشترون باقي خدمته عشان يطلع اذا حب وهذا شي جميل .
    2- تبي شركة بكل سهوله تقعد فيها بس تكون قطاع خاص طبعاااا .
    3- وهو الاهم بالنسبة لي ولبعض الاخوان وما يخليك تتبهذل ولا دور وظيفه علي كلامك ومهم جدااا
    اولا يخيرونك تبي تقعد بالوظيفه اللي انت اللحين فيها ولا نوفرلك وظيفه ثانية تناسبك
    ولاحظ نوفرلك وظيفه والاهم اخترت وظيفه تروح الوظيفه هذي وبنفس راتبك ومميزاتك اللي كنت تاخذهااا
    وهذا شي جميل
    وشكرا
     
  7. alojaiman

    alojaiman بـترولـي جـديـد

    14
    0
    0
    والله اخوي كلامك حلو اتمنى يكون صحيح ويعطيك العافية على المشاركة في الموضوع
    الله يكتب الي فيه الخير انشاالله
     
  8. اطفائي محترف

    اطفائي محترف بـترولـي جـديـد

    22
    0
    0
    تذكر عزيزي انه راح تفقد مزايا عديده منها

    الاضافي ولاتنسى رمضان والاعياد
    التذاكر
    مشاركة النجاح
    مستشفى الشركه
    علاوتك السنويه مو نفس الشركه
    ووووووو الخ
     
  9. free kuwait

    free kuwait بـترولـي نشيط

    116
    0
    0

    شلون اخوي راح نفقد التذاكر والمميزات هذي ومن وين مصدرك ..؟
     
  10. alojaiman

    alojaiman بـترولـي جـديـد

    14
    0
    0
    انا اقول كل واحد ينطر احسن والوقت راح يبين لنا مصيرنا شنو
    الله يستر بس من الخصخصة وما ادراك ما الخصخصة
    ممكن تكون افضل وممكن تكون اسوء للحين مو مبين اي شئ انشاءالله خير :)
     
  11. free kuwait

    free kuwait بـترولـي نشيط

    116
    0
    0
    السؤال :

    هل راح تمشيلنا دعم عماله ..؟
     
  12. k.n.1984

    k.n.1984 بـترولـي نشيط

    64
    0
    0
    ايكيد فيها دعم عماله
     
  13. ممــــيز

    ممــــيز بـترولـي نشيط جدا

    420
    0
    0

    اخووي كلامك صحيح ولكن العوض ولا القطيعه
    وانا شرحت ما يمكن انقاذه ولكن اللي بعدنا الله يستر عليهم
     
  14. ممــــيز

    ممــــيز بـترولـي نشيط جدا

    420
    0
    0
    يا اخوان انتوا اذا بتقعدوون بلا شك تمشيلك دعم العماله
     
  15. abonasser

    abonasser بـترولـي نشيط

    82
    0
    0
    من يقول ان الخصخصه تشكل أوسكو هو غلطان
     
  16. سـيـاف

    سـيـاف بـترولـي جـديـد

    46
    0
    0
    أتنمى هالسؤال يوجه لأهل الأختصاص (( النقابه )) نبي نشوف فتوتهم حنا مع الخصخصه ولالا

    بس بيني وبينكم شكله هم مايدروون بعد

    الله المستعان

    زين توقعون النقابات تخصص ؟؟؟؟؟؟؟؟؟

    أتوقع هالسؤال عند اعضاء النقابه أكيد بعرفوون ؟؟


    تحياتي
     
  17. سري للغايه

    سري للغايه بـترولـي نشيط

    89
    0
    0
    تخصخصة والدليل

    الدليل هو أنه أي جه خاصة مثال البنوك لاتسمح بالعلاج بالخارج والتفرغ الرياضي وأنه شركتنا يقولون أنه بعض الشباب منعوا من الذهاب مرافق مريض أو الذهاب لعلاجهم وهذا بند من بنود الخصخصة ليس لك راتب ويخصم من الأجازه السنوية على طول ويتم الغياب مستمر لكذا شهر سوف تنهي خدماتك وأنا لأعلم اذا هذا موجود منع التفرغ الرياضي والعلاج بالخارج في الشركة يعني هذي بوادر الخصخصه لأنه هذا مطبق بالشركات الخاصة والبنوك ولكم الاستفسار من الأداراة أذا كان هناك منع من العلاج بالخارج والتفرغ الرياضي تكون شملتها الخصخصة وهذي بوادر التعاسة .
     
  18. Workers

    Workers إدارة المنتدى

    7,767
    30
    48
    ذكر
    الكويت
    الاخوان اللي قالو ماتخصصت كلامهم صحيح .. وشوف هالصورة شركتكم مو موجودة مع الشركات اللي راح تشملها
    الخصخصة

    [​IMG]

    هذا سلمك الله برنامج عمل الحكومة وقدمته مؤسسة البترول من ضمن الخطة وشركة الخدمات مو مفكرين يخصخصونها
    في الخطة الحالية لعمل الحكومة بعد اقرار القانون .. ممكن في الخطة القادمة الله اعلم

    للمزيد :
    خصخصة بعض أنشطة مؤسسة البترول الكويتية ( برنامج عمل الحكومة )
     
جاري تحميل الصفحة...

مشاركة هذه الصفحة