مشاركة النجاح و الإنخفاض المزعوووم

الكاتب : Geologist Q80 | المشاهدات : 1,363 | الردود : 11 | ‏13 مايو 2010
  1. Geologist Q80

    Geologist Q80 بـترولـي جـديـد

    16
    0
    0
    السلام عليكم ورحمة الله وبركاته

    في البداية ما نقول إلا الحمدلله على كل حال

    وهالشي كان متوقع من إدارة ما تعرف تدير شركات نفطيه مهمه

    والبلاوي على قولتهم ما تشيلها الجمال

    ولو فرضنا جدلا هالخسارة مثل ما يصورها لنا أخوانا في الإدارة

    ليش ما إستقالوا من منصبهم

    مو الخسائر على قولتهم كبيره وأكثر من أي سنه مضت

    أرجوا من إخواني بالمحاسبه توضيح بعض النقاط لنا يمكن تكون خافيه علينا

    شنو معنى الإنخفاض في النتائج الفعليه عن المعدل حوالي 23 % وكم كان معدلنا السابق

    والفائض بالديره منين مو من بيع النفط والا عندنا سياحه وتجارة عالميه ننافس فيها الصين واليابان وحنا ما ندري

    ولو فرضنا جدلا في خسائر ليش يتم صرف البونص السنوي لجميع الرووووس الكبيره مع انهم هم سبب الإخفاق

    مو الموظف المسكين اللي منحك وجهه ليل ونهار وهم قاعدين من مؤتمر لمنتدى وهلم جر

    اللي عرفته وأرجوا تأكيد هالمعلومه لي

    التشيرمانز ما خذين 30000 دينار بونص (كم واحد عندنا وعليكم الحساب)
    الدي أم ديز ماخذين 20000 دينار بونص (كم واحد عندنا وعليكم الحساب)
    والمانيجرز ماخذين 10000 دينار بونص (كم واحد عندنا وعليكم الحساب)

    تكفون أحسبوا لنا كم طلع المبلغ وشمعنا هم بس اللي ياخذون بونص والموظف المتمرمر ياخذ ..........


    أنا ما أقول إلا الله يعينا على هيك إدارة


    والسلام ختام
     
  2. زلاطيمو

    زلاطيمو بـترولـي نشيط

    66
    0
    0
    لا يالغالي حسبتك غلط في غلط المبالغ صغيره جدا
    الرئييس التنفيذي بس دينار 128,000 وباق الأعضاء أقل شي 64000 ألف والنواب أقل شي 42000
     
  3. نفطاوي مملوح

    نفطاوي مملوح بـترولـي نشيط

    87
    1
    8
    نعم نريد ردا ...ارجوا من اخواننا بالمحاسبه لا يبخلوا علينا .....وازيدك من الشعر بيت اخوي صاحب الموضوع هذي من غير مشاركه النجاح اللي كانوا ياخذونها ...واذكر تكلموا عنها بالجرايد واعتقد في مدرا توصل مكافئاتهم فوق ال130 الف وعليك الحساب.....!!!!!!!!
     
  4. ^7abeeba^

    ^7abeeba^ بـترولـي نشيط

    Geologist Q80

    زلاطيمو

    كفيتوا و وفيتوا ..........
    امنا بالله خسائر و ماااااااااااكو مشاركة نجاح بس الحين نبي احد يجاوب على الاسئلة اللي تم طرحها
     
  5. نفطاوي مملوح

    نفطاوي مملوح بـترولـي نشيط

    87
    1
    8
    كل الخلل من الروس الكبار نعم وبكل ثقه ما ضيعوها الا الكبار والنقابات اصبحت ضعيفه امامهم لانهم بعد احترامي لهم ليسوا اصحاب قرار ومتخوفين وهذي غلطتنا يوم وصلناهم...مع احترامي لكل النقابيين لكن انظرونا كيف هي الحال وانتم صامتووووووووون
     
  6. مظفر قوم

    مظفر قوم بـترولـي نشيط

    62
    0
    0
    لو باليابان او الصين او كوريا
    تلقاه منتحر بمكتبه
    لكن عندنا عينه قويه ينزل كتب ترى ما في مشاركة نجاح
    الله يزيدكم غطرسه وتنفعونا بماكو شى ان شاء الله
     
  7. Eng.Vampire

    Eng.Vampire بـترولـي خـاص

    هذه نتيجة هيمنة التيارات السياسية على القطاع النفطي ...

    طبعا أقصد "حدس" .....
     
  8. workerq8

    workerq8 بـترولـي مميز

    613
    6
    18
    انا اول مرة اشوف شركة خسرانة تكافيء مسؤولينها بالبونص؟

    الكويت بلد العجائب
     
  9. بو جاسم

    بو جاسم بـترولـي نشيط

    113
    0
    16
  10. PETRO DOLLAR

    PETRO DOLLAR موقوف

    456
    0
    0
    سعد الشويب وهناء الصميعي وغيرههم كثير اللي ماقدر يجعل الشركة تصل لأرباح لايستحق

    ان يجلس بمكانه

    حتى الوزير مشارك بهذا الأمر اذا وافق على خسارة الشركة بطريقه هاذي

    فهذا إجرام بحق بلد وشعب بأكمله ولابد ان يقف مجلس الأمه لهذه الفئة الغير مخلصه بالذات

    ومعرووفين بالأسماء - كل الشركات النفطية بالعالم والنقص الهائل بالمنتجات جعلهم بخانة

    الربح الوفير
    إلا نحن فهذا يدل على أمرين يا اهدار أموال عامة وهي قضية نيابة عامه

    او الاشخاص الذين يديرون العمل لايفقهون بالعمل النفطي ولا شي ولذلك الفصل والمحاسبة حق مشروع سيادي للدولة وثروتها

    الطبيعية تهدر وهي قضية أمن دولة
     
  11. Online

    Online بـترولـي نشيط جدا

    374
    0
    16
    اذا النفط خسران خل يحاسبون المسؤولين عن هالخسارة
     
  12. Geologist Q80

    Geologist Q80 بـترولـي جـديـد

    16
    0
    0
    مشكورين على المشاركه ويا ليت أحد ينورنا شنو اللي قاعد يصير بالشركات النفطية





    تسلم على التوضيح أخوي

    لا وحاسدين الموظفين على معاش ونص


    لا خلا ولا عدم وناطرين رد من أحد الأداريين وإلا مو فاضين لنا
     
جاري تحميل الصفحة...

مشاركة هذه الصفحة