هموم العاملين بشركة نفط الكويت

الكاتب : محمد المذن | المشاهدات : 1,850 | الردود : 11 | ‏12 مايو 2010
  1. محمد المذن

    محمد المذن بـترولـي مميز

    694
    0
    0
    حال موظف شركة نفط الكويت : مهموم - مظلوم - مضطهد
    لنا مشاكل كثير لاكن الشركه مو قاعد تحلها
    السؤال ليش ياجماعة؟
    انزين انا بخصص هالموضوع حق الهموم وان شاء الله راح اوصل الكلام للنقابة وايب لكم الرد منهم
    لاكن خل نطلع الي بقلبنا
    بعض مشاكل الموظف :
    1- 120 دينار المنقوصه
    2- هدية الزواج تفشل انا اساسيي 230 ودبل الاساسي 460 دينار سؤال بتزوج هنديه؟؟
    3- هدية الاثاث مفروض انها تنزاد وتصير كل 5 سنين
    4- بونص سنوي ثابت ماله شغل بسعر النفط الي يسمونه معاش 13 اول مره اسمع فيه من الربع هني
    5- تكاليف التعليم الخاص
    6-عروض نفس العالم والناس ولتفهم كلامي اكثر انظر عرض بيروت
    7- المفروض الي توصل خدمته 30 سنه اوتوماتيك يطلع تقاعد انزين الله عطاه صحه وعافيه يقعد على جبدي ليش خلاص خذا فرصته لازم تعطي الشباب فرصه (الشباب يعني الي اعمارهم 40 وفوق )
    8- بدل التميز لربع الانتاج والله يستاهلون
    9- نبي ميزات الشركات النفطيه الي حوالينا (السعودية -قطر ابوظبي)
    10- بتكلم عن طريج برقان لاني مادشيت حقل غيره ليش ماتحطون اناره ؟؟؟ ظلمه خرمس حطو ليتات خل الناس تمشي على راحتها
    11-
    12-
    13-
    واعتقد في لي المليون
    طلعو الي بقلبكم
     
  2. PPA

    PPA بـترولـي نشيط

    91
    0
    0
    السلام عليكم ورحمة الله وبركاته

    والله يامحمد ان أردت ان تطاع فاطلب المستطاع

    ترى عيب علينا نطلب ونطلب ترى مانستحى ولازم نحمد ربنا ولا لو مشغلين هنود واجانب أرخص لا وبعد مستعدين يخدمونك فى بيتك مو هالكويتيين ما أدرى على شنو يطالبون
    هذا تقريبا ما يدور فى عقلية بعض القيادة العليا ( ياالله من فضلك ) شدعوه البنتاغون ولا وكالة ناسا تبى أغثك بعد روح مبنى دائرة المجتمع اللى فيه الكويتية وشوف الاجانب وحاول تفتح مع واحد منهم واسمع يالحبيب وين رايح
    أمريكا لندن المانيا وعد وخربط من على حسابه على حساب الشركة وليش كورس واذا سألت القيادة الوسطى شوارتسكوف وربعه .
    يرد عليك لازم وضرورى يروح مافى كويتيين يقولك يتدلع الكويتى
    عيل من شغل السناتر اثناء الغزو وبعد الغزو ومن ادار الشركة يرد عليك والله هذى سياسة الشركة
    طيب فى مثال جدا صغير اسأل اى فلبينى من الممرضيين فى مستشفى الشركة كم صار لك فى الشركة يعطيك بالساعة بالضبط تستغرب من رده يقولك ابى بس سنتين تخلص وعلى طول ادز اوراقى امريكا ا كندا اقبض ولا موعاجبهم والشاعر فهد بورسلى يقول قبل 60 سنة

    (الدار) ... جارت ... ما عليها شافة

    والحر ... فيها شايف ٍ ... ما عافه

    بالك تكاثر صدّها ... وان صدت

    عادتها ... عقب القبول ... انكافه

    دار ٍ ... لغير عيالها ... مشكورة

    والّا ابنها ... تلعن أبو أسلافه

    دار ٍ ... يعيش بها الغريب ... منعم

    وتعيش فيها ... (ام أحمد العكّافة)

    دار ٍ ... أوصّفها: عجوز ٍ شمطا

    همّازة ٍ ... منّاعة ٍ ... حلاّفة

    تغذي عيال الناس ... وتداويهم

    وعيالها ... لعيونهم ... خطافة

    آسف على الطيّب ... تردى حاله

    والّا الردي ... ما من عليه احسافة

    مثل الحمامة ... فرخها في البيضة

    وعند اطْيَرانه ... تنكره ... وتعافه

    ما دامنا شتى ... بفلك ٍواحد

    ذاب الشراع ... وضاعت الغرّافة

    هذا جزانا ... زين سوت فينا

    خل الغرق ... ما يوهل النزّافة

    نصبر غصب أو طيب ... هذي القسمة

    لو نلحس التمرة ... ورا الخصّافة

    أنا أعرفها زين ... ما استنكرها

    اللي يوصّفها ... تضيع أوصافه

    هذي (عذاري) ... الجار ما ينكرها

    تسقي البعيد ... ولا ترش الحافة

    حنا تقاطعنا ... وشلنا نفوسنا

    والزود... خلانا على مهيافه

    والحسد ... والبغضا ... وقلّ الرحمة

    ما واحد فينا ... سعى بانصافه

    يالله دخيلك ... عقب ذيك النخوة

    ما من ... من الواجب ... ولا طرّافه

    نجني الثمر ... من كل علم ٍ وافي

    ولا نجني الثمرة ... من الصفصافة

    من داخل الداخل ... وبار بجنسه

    كلٍّ على اكتافه ... يشيل احتافه
    :mad::mad::mad:
    وزيد الحرب يقول

    يا ناس قلبي بين الأضلاع محروق
    عيني على ما فات زايد بجاها
    كل ما نخيط الشق نلقاه مفتوق
    الشق في جيدي محد رفاها
    عدو عينك حاجته عند مخلوق
    لو هي بجفه زاهبه ما عطاها
    وغوج الدهر جانا من الجو ملحوق
    ومتربن دار ادور ذارها
    الغوج طفح وراكب الغوج مطفوق
    اما عثر بشواي الا وطاها
    ولا دربت اني على الدرب مسبوق
    ويوخد دخيل زابن في حماها
    الكويت أمي عني الباب مغلوق
    يا من يقول الأم تطرد ضناها
    بلادي تسد الدرب دوني بطابوق
    وزود على الطابوق تردم حصاها
    قزر شبابي بحربها دوم ما سوق
    وسخرت نفسي دايم في هواها
    وبين الرجا واليأس ظليت مشبوق
    وكم واقعة منها شربنا غشاها
    ويوم استوت كالورد في حق مطبوق
    وأقبل ثمرها أقبلت في جفاها
    انقلط غريب الدار الغش مفهوق
    تحضنت لجناب وحنا وراها
    وياما نختنا وهلهلت صافي الموق
    يوم العدو بجنود جيشه نصاها
    تنخى العتوب مرويه كل مطروق
    أولاد سالم لا وصلت منتهاها
    تقول جاني الضد بخيل مسيوق
    سقنا العمار الغالية في فداها
    واليوم ذبتنا على كل ما يعوق
    تعذرت من دونها فى اعضاها
    أعضا لهم أموال تبتاع بالسوق
    تدله وتلهى ابيعها ومشتراها
    تدور الأرباح مثنى ومطبوق
    وتركض ورا الأطماع ما طول خطاها
    ولا حصل خير فتح باب مطروق
    ايعارضه من لا يثمن خطاه
    ينقد على السراق ويقول بيبوق
    وراه عيوبه ما عيونه تراها
    يسرق ولا يسمع الاصاح مسروق
    يقول ما من نفس تنصح سواها
    لوهم على المشروع يمشون بحقوق
    ما كان توخد من يمين عصاها
    الا اشعلوا للشر سراي معلوق
    امر الشريعة الكل منهم عصاها
    يبنون للمثرين قصر بطابوق
    ورا دويرة هن محد بناها
    هذاك له سلم لفت بصندوق
    هذاك رجله قاصرات خطاها
    بين الردى والجود الفرق مفروق
    مثل الثريا وفرقها عن ثراها
    الجواد مثل الغرس ياتون بعنوق
    ومثل الوسم للروض لمطر سماها
    الا الردي مثله بلمثال مطروق
    لمبة نهار ما يفديك ضواها
    يا غيمة جتنا بها رعود وبروق
    تمطر لا شفنا على الأرض ماها
    تسقي بعيد الغرس تسيح بعروق
    تذكر عذارى ما سقت من حذاها
    تقطعت صملان قلبي وأنا أسوق
    ولا جربة منها ربطنا وجاها
    الا لوت بالساق جلين وسبوق
    ثم اقلعتنا في قلايع مداها
    جانا جراد ياكل الزرع ما يفق
    ليم ثمرها بالمخاوف
    حداها
    حنا نصيد الصيد في كيس مشقوق
    أو قفة ماخوذ عنها غطاها
    مثل الذي يقفز وبالكف غرنوق
    يرمى بجريده بندقه في خباها
    هذا جواب اللغز باعلان مطقوق
    يفهم حرف الدريعى من قراها
    صلاة ربي عد ما ترتع النوق
    على النبي المسمى أحمد وطه
    والله العظيم قهر ولا بيطلع لك الحين واحدمن هالفقارا من ربعنا اللى مايعرف كوعه من بوعه ويقولك عنده شهاده وين عيالنا من الجهرا الى ام الهيمان ماعندهم شهادات وتبى الصج الردى منا ومع حبى وتقديرى للنقابة منها لازم تدخل وتعرف ليش اللى يصير

    __________________
     
  3. محمد المذن

    محمد المذن بـترولـي مميز

    694
    0
    0
    اي في مهندس هندي شوف للامانه الريال يشتغل بس مقضبينه شغل المحطه اليديه وكل شوي دازينه دوره
    انزين عط الكويتين فرصه شوفهم شيسون
    عندنا مهندسين مو عارفين شيسون فيهم يوم يحطونهم شفتات وصاير جنه سكرتير يعدل ملفات اذا التأمين بيون يجيك على المحطه غيره ماكو
    حرام عطه دورات طور من مستواه عشان باجر اهم الي بيمسكون تيم ليدر وغيره وغيره
     
  4. Barbarian

    Barbarian بـترولـي نشيط

    120
    0
    0
    بدل تميز لربع الانتاج !!!

    كفايه تميزهم ان مهندس بالشمال معاشه افضل من كبير مهندسين بالاحمدي

    ومعاش كبير مهندسين بالاحمدي افضل من معاش رئيس قسم و مدير ايضاً بالاحمدي

    ما يميزهم بدل الطريق

    ادري ان هذا حقهم كل يوم يطقون طريق ساعه تقريباً للشمال بس لو تحسبها صح راح تقعد نص ساعه قبل وترد نص ساعه بعد الدوام مقارنة بدوام الاحمدي

    مثال:

    1 - اللي يداوم بالاحمدي يقعد من النوم 6 الصبح ويوصل البيت 3 ونص الظهر
    2 - اللي يداوم بالشمال يقعد من النوم 5 ونص الصبح ويوصل البيت 4 الظهر

    ساعه زياده = 1000 دينار للمهندس بدل الطريق

    الطلبات لازم تكون معقوله عشان تطبق وايضاً تكون شامله جميع الموظفين عشان تلاقي الدعم
     
  5. Barbarian

    Barbarian بـترولـي نشيط

    120
    0
    0
    من الهموم اللي ملاحظها وانا ما اتكلم شخصياً لكن بشكل عام

    ليش اذا تبي تنتقل من قسم الى آخر لازم موافقة رئيس قسمك ومدير مجموعتك بالاضافه الى موافقة رئيس القسم اللي رايحله ومديرهم ايضاً !!!

    ليش ما تعطون الحريه للموظف في اتخاذ قراره وبالتالي يعطي أكثر ويرتاح نفسياً

    بمعنى اللي يبي يداوم بالحقول خلوه يروح الحقول اهوا شايف نفسه هناك وهو رجل عملي يحب هالشغل وتكون لديه التزامات ماليه ويبي يعدل وضعه فمحتاج كم بيزه واللي يبي يداوم بالمكاتب بالاحمدي ويطلع يزرق ويرد على كيفه

    اعرف ناس كثيره بالحقول ودها تداوم بالاحمدي والعكس صحيح

    ما يصير تجبر الشخص على ان يكون في قسمك عشان لا تفقد البوست والحركات الخايسه هذه
     
  6. محمد المذن

    محمد المذن بـترولـي مميز

    694
    0
    0
    اخوي انا اداوم بالغاز لاكن اشوف الانتاج شنو شغلهم شفت السناتر شكبرها
    شفت الفورمن شلون يفتر الحقل فراره لا شمس لامطر
    وفوق كل هاذا هاذا اهم قسم بالشركه والعمال الي فيه مو راضين على وضعهم
    والمفروض يكون هاذا اكثر قسم مرغوب فيه
    اذا تبي انتاج صح لازم تريح العمال لازم تعطيهم حقوقهم
    اخذها من منظور اذا انت كنت وياهم
     
  7. محمد المذن

    محمد المذن بـترولـي مميز

    694
    0
    0
    شوف الشركه توظف الناس على حسب احتياجاتها اذا الكل اختار يمكن تلاقي بعض الاقسام خاليه
    وكل واحد يشتغل على حسب شهادته
    واذا فتحتها بحري راح تلاقي الوضع مو طيب
    وكل واحد له رايه :)
     
  8. mjaljaser

    mjaljaser بـترولـي جـديـد

    18
    0
    0
    أقول احمد ربك انهم وظفوك بالشركة و قول الحمد لله ألف مرة لما ينزل راتبك، راتبك أحسن من راتب أقدع موظف في الحكومة، أنا ابوي كان يقولي لما كنت صغير:

    ((( اللي دايما يتشكى ما يترس عينه شي، و اللي يحمد ربه على النعمة الله يزيده )))

    ركز في شغلك، تعلم process تعلم maintenance كون صداقات، اكتب تقارير، قدم اقتراحات، لا تنام بالدوام، دايما البس الخوذة و لا تستهين فيها، اقعد مع شباب الـ Instrument تعلم منهم، خل الشكاوي حق اليهال، عيش وظيفتك، لا تعيش أحلامك، باي باي.
     
  9. API 18

    API 18 بـترولـي مميز

    513
    0
    0
    واهم شي انه الواحد يرد على المواضيع بوقتها مو بعد اربع شهور
     
  10. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    بالنسبه لتميز الانتاج خلاص راح انسوه

     
  11. العامري

    العامري بـترولـي نشيط جدا

    هههههههههههههه والله لي اللحين عندكم أمل قلتها من زمان التميز باااح :D
     
  12. AD-01

    AD-01 بـترولـي خـاص

    1,040
    2
    38
    كل شي بالصبر .. يصير


    عندي ثقة بالشباب في النقابة
     
جاري تحميل الصفحة...

مشاركة هذه الصفحة