نعم للخصخصة :(

الكاتب : .K.O.C | المشاهدات : 1,639 | الردود : 15 | ‏12 مايو 2010
  1. .K.O.C

    .K.O.C بـترولـي نشيط جدا

    454
    0
    16
    السلام عليكم

    رأيي وأنا حر فيه .. وبإختصار نابع من الظلم اللي نشوفه

    نعم للخصخصة... نعم لبيع النفط

    موظف بسيط... حلمي أستلم الراتب آخر الشهر... وأصرف على بيتي وعيالي

    أداوم بشكل منتظم وأتجنب قسوة المسئولين وظلمهم... لا أعرف شي عن الكبرياء

    لا أحب أن أجرح إنسان... أقدم الأفضل لكن!! ما ألاقي التقدير

    سوبرفايزر وتيم ليدر ومانجير.. ثلاثي مرعب في حياة كل موظف بسيط يعمل في منشأة نفطية
    ثلاثي شرس في تطبيق القانون... ثلاثي شرس في خذلان الموظف أثناء تقييمه السنوي
    ثلاثي شرس في تأخير الترقيات ... ثلاثي شرس في إعطاء العقوبات... ثلاثي شرس في الإبتسامة بوجه الموظف وقول كلمة يعطيك العافيه!!... وفوق هذا.. الدي ام دي كم مرة دخل عليكم ياناس العضو المنتدب وقال تبون شي!! قاصركم شي!! شنو اللي مضايقكم... !! ... آن الآوان أن يشعر هؤلاء القوم بما نشعر به من ألم وحسرة وإنكسار وخوف وخذلان
    بكرا لما يجيهم كومار وطوني ويترأسونهم بيحسون بمعاناتنا ويعرفون إن كل ظالم الله يسلط عليه ظالم


    انا كوني موظف بسيط كم استلم من 1000 إلى 3000 حسب الظروف... ماتفرق عندي اذا بكرا اطردوني من الشركة
    اتوظف بأي وزارة ويقل راتبي عن الراتب السابق ب300 دينار بس

    اما الثلاثي الشرس وكبيرهم الدي ام دي هم اللي بتصير حياتهم صدمة ورى صدمة

    والزعزعة اللي صارت من الموظفين بعدم موافقتهم بخصخصة النفط سببها الرؤوس الكبيرة اللي تخاف على كراسيها

    ياجماعه ياموظفين يابسطاء خلوهم ... صدقوني هذا القرار من صالحكم راح تتعدل اموركم وراح يمشي لكم دع عمالة

    ويعطونكم تقييمكم المناسب .. انا اشتغلت في شركات خاصة يا اخوان اكثر من شركة وكانت معاملتهم بالعدل والمساواة بغض النظر عن شدة العمل لكن في المقابل تحصل على مرادك... خلو الناس اللي ماتفكر الا بكراسيها تتظاهر بالشارع
    ولا يستنكفون يطلعون لانهم ناس هاي هاي... ولا يستنكون يلبسون البلسوت ويروحون قاعه عبدالله السالم..!!؟؟!

    ياجماعه طقووووووووووووهم بالطوووووووووووفه قبل كنا حنا في حاجتهم وخذلونا الحين هم في حاجتنا

    وياليت نخذلهم مثل ما خذلونا


    اتمنى يخصخصون النفط ونفك من عنجهية هالظلمة ... اللي ياكلون الأخضر واليابس ولا يشبعون




    نعم لخصخصة النفط
    :(

    نعم لكومار وطوني



    والله المستعان
     
  2. نفطي متحمس

    نفطي متحمس بـترولـي نشيط

    132
    0
    0
    اخي الفاضل

    في طبقت الخصخصة فانها سوف تاكل الخضر و اليابس و الصغير قبل الكبير .. اول شي راح يطلعون موظفين وايد و يتنازلون عن امتيازات حصرية لان النقل لن بالامتيازات لن يكون 100% .. فهل تود ان تخسر زملاءك بالعمل ؟ هل تود ان ترى الفقير يزداد فقر و الغني غنى ؟ و في حال استمريت بالعمل، هل تود ان ترى ابناء وطنك ينهانون من اجل لقمة العيش ؟

    ثانيا .. لا تخاف ما راح تقدر تهين الكبار .. ببساطة ما وصل للدي ام دي شخص و هو غير مسنود و لا ظل بهالمركز شخص الا و قد استغنى الا القلة .. فهم اللي بالواقع مو هامتهم الخصخصة لان ان استمرو فنفوذهم موجود و بحكم خبرتهم الحصرية لن ينزاحون و سوف تتم مراضاتهم و يمكن تترفع امتيازاتهم لان نظرائهم بالقطاع الخاص يستلمون مزايا افضل و هالكلام صحيح 100% .. و اذا طلعو فبياخذون معاهم ثروة طيبة .. باختصار هم ليسو بمتضررين يا اخي الفاضل

    ثالثا .. اذا كان القطاع الخاص مربح حيل، هل تود ان تذهب ارباح النفط للتجار ؟ ام لي و لك و لابنائنا و للجيل القادم ؟ هل تود ان ابنائك باذن الله يكبرون و يمسكون مناصب بالنفط ؟او تبيهم يشتغلون عند معازيب لا ترحم ؟

    من الاحق بخيرات البلد ؟ من الاحق بالامان الوظيفي ؟ من الاحق بتامين مستقبله ؟ انا و انت و الا التجار ؟

    هذا وقت الشدة .. هذا وقت تكالبت عللى ثروات و خيرات البلد المتكالبون .. حان الوقت اللي كلنا نتلاحم لصد هذي الهجمة الشرسة ؟ حان الوقت اللي الكل ينبذ عنه الخلافات الجانبية و الالتفات لما هو اشد و اعظم

    انا ربعي مهندسين وايد بالقطاع الخاص و بالشركات الكبيرة زين و التمويل و الوطنية و المخازن العمومية .. كلهم اقرو على مدى السنوات الماضية بان الواسطة سيدة الموقف .. بل ان حصل لي موقف عند التخرج شخصيا باحدى الشركات الخاصة المتوسطة الحجم لما قابلت واحد من شؤون الموظفين و قال لي بالحرف الواحد عن الادارة العليا عندهم .. هذا حلالهم يا اخوي و لكل انسان مستوى يوصله و اذا حبتك عيني ما ضامك الدهر و اذا لا فهم راعين الحلال

    جحيم المسئولين الحاليين و لا قعر جهم التجار


     
  3. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    انا قلت علي الراشد وربعه داشين اهني من شفت هالعنوان @@ :)

    صج ابتلشنا
    كويتي
     
  4. محمد المذن

    محمد المذن بـترولـي مميز

    694
    0
    0
    رأيي وأنا حر فيه
    اكيد رايك وانت حر فيه تكلم طويل العمر قول الي فبالك
    سوبرفايزر وتيم ليدر ومانجير.. ثلاثي مرعب في حياة كل موظف بسيط يعمل في منشأة نفطية
    غلطان ومنو هذيلي مجرد بشر اشتغلو بالشركه قبلك بجم سنه فقط لاغير لااهو اذكى منك ولاهو احسن منك بشي
    ثلاثي شرس في تطبيق القانون... ثلاثي شرس في خذلان الموظف أثناء تقييمه السنوي
    ثلاثي شرس في تأخير الترقيات ... ثلاثي شرس في إعطاء العقوبات... ثلاثي شرس في الإبتسامة بوجه الموظف وقول كلمة يعطيك العافيه!!... وفوق هذا.. الدي ام دي كم مرة دخل عليكم ياناس العضو المنتدب وقال تبون شي!! قاصركم شي!! شنو اللي مضايقكم... !! ... آن الآوان أن يشعر هؤلاء القوم بما نشعر به من ألم وحسرة وإنكسار وخوف وخذلان

    وليش ماتتكلم ليش ماتقول للعضو المنتدب الي بقلب خل التيم ليدر يحوشه شد بويه من كثر مايغمز لك عشان تسكت تكلم وقول
    قوله انا ظلمني السوبرفايزر وتوهق فيني ودزني للتيم ليدر الي وضيفته يوديني حق كبيرهم اللذي عملهم السحر واشر على المنجر
    وقول وعدني اني السنه اليايه اول المترقين والمشكله هالكلام من اربع سنين وقوله شرايك بالهكلام وشوف شنو رده
    انا كوني موظف بسيط كم استلم من 1000 إلى 3000 حسب الظروف... ماتفرق عندي اذا بكرا اطردوني من الشركة
    اتوظف بأي وزارة ويقل راتبي عن الراتب السابق ب300 دينار بس

    قل مايصيبنا الى ماكتب الله لنا
    مايقص الراس الى الي ركبه
    الي مايطولونه بيدهم خل يوصلونه بريلهم
    وحديث اشرف الخلق صلى الله عليه وسلم يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك إن اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف
    اما الثلاثي الشرس وكبيرهم الدي ام دي هم اللي بتصير حياتهم صدمة ورى صدمة

    والزعزعة اللي صارت من الموظفين بعدم موافقتهم بخصخصة النفط سببها الرؤوس الكبيرة اللي تخاف على كراسيها

    ياجماعه ياموظفين يابسطاء خلوهم ... صدقوني هذا القرار من صالحكم راح تتعدل اموركم وراح يمشي لكم دع عمالة

    ويعطونكم تقييمكم المناسب .. انا اشتغلت في شركات خاصة يا اخوان اكثر من شركة وكانت معاملتهم بالعدل والمساواة بغض النظر عن شدة العمل لكن في المقابل تحصل على مرادك... خلو الناس اللي ماتفكر الا بكراسيها تتظاهر بالشارع
    ولا يستنكفون يطلعون لانهم ناس هاي هاي... ولا يستنكون يلبسون البلسوت ويروحون قاعه عبدالله السالم..!!؟؟!

    ياجماعه طقووووووووووووهم بالطوووووووووووفه قبل كنا حنا في حاجتهم وخذلونا الحين هم في حاجتنا

    وياليت نخذلهم مثل ما خذلونا


    اتمنى يخصخصون النفط ونفك من عنجهية هالظلمة ... اللي ياكلون الأخضر واليابس ولا يشبعون




    نعم لخصخصة النفط


    نعم لكومار وطوني



    والله المستعان

    الحين الشركات موجودة بالهبل بالقطاع النفطي وعليها مخالفات لي الراس لو يدققون يطلعون بلاوي
    والحسنه الوحيده للخصخصه انه ماله داعي كل عايله غنيه تحط لها مندوب بمجلس الامه لان وقتها اهم راح يشترون مجلس الوزراء
    وتخيل اهو بعقود لاعب فيك لعب هالمره يملك الشركه شنو بيسوي
    اقسم بالله راح تصير بلاوي
    وبالنهايه لا رايي ولا رايك راح يحدد شنو راح يصير
    لاكن نقول حسبي الله عليهم والله يلعنهم دنيا واخره
    وشكراا
     
  5. محمد المذن

    محمد المذن بـترولـي مميز

    694
    0
    0
    انا اشتغلت في شركات خاصة يا اخوان اكثر من شركة وكانت معاملتهم بالعدل والمساواة
    ممكن تعطيني اسامي هالشركات
    لاني ودي اقدم استقالتي واروح قطاع خاص يقدر الي قاعد اقدمه
    وشكرا
     
  6. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    الله المستعان



    الله يقدم اللي فيه خير لناا



    وعلى قولة المثل اللي يجي من الله حياه الله




    تقبل مروري
     
  7. كندرى متعصب

    كندرى متعصب بـترولـي جـديـد

    5
    0
    0
    نعم للخصخصه
    ولا والف لا للى يداوم ويحضرونه شهر
    وهو فلى بيتهم او مسافر
    بسنا اكل حرام بسنا لعب
    بسنا ظهور على الهبنى
    نعم للرغبه الاميريه
    انا اشوف القانون بيمر اليوم
    وهاردلك لنا
     
  8. Q8VICTOR

    Q8VICTOR بـترولـي نشيط

    134
    0
    0
    الخصخصة وايد زينة ياالكندري والله
    والدليل تخصيص المحطات اللي قاموا يبيعون البنزين المدعوم حق العراق
    ولا مصنع الزيت اللي حتى الحمار الحين كرمكم الله ما يحط حق سيارته زيت سوبر برقان
    ولا شركة الخرافي اللي حتى بواليع الكويت كرمكم الله ماخذ مناقصتها بالسلطة وباجيها حق الغانم وبودي (عيال عمته)
    ولا ال500 موظف اللي انهوا خدماتهم شركة السور هذا غير الاولى اللي حق محمود حيدر اللي كويتي مايعرف يتكلم واللي ماعرفناه الا من شركة الوطنية للاتصالات واللي باع نصيبة ب124 مليون والحين عنده شركات الدنيا ومسيطر على الاعلام ومنهم سكوب والراي والعدالة وحاط رئيس مجلس الوزراء تحت ابطه ورئيس مجلس الوزراء اللي كان سفير الكويت بايران لمدة 11 سنة !!!!!
    وانت شغل مخك بكلامي شوي... والموضوع مو موضوع فلوس يابشر..الموضوع اكبر من جذيه وايد
    واذا ماتدري اعلمك:: عدد اليهود في امريكا خمس ملايين لكنهم حكموا امريكا لما سيطروا على الاعلام والنفط
    وايران سيطرت على الاعلام وباجي لها النفط والله المستعان وانت اربط الجمل
    وتذكر احمد الدوغجي لما قال بلدي ايران قبل الغزو وهو الحين اشهر مخرج اغاني الكليب الفاصخة بفضل الاعلام
    ولا برامج رمضان اللي تفطر العالم,,,مافكرت ليش
    ولا جمعية الدعية اللي تقول داش بقالة بطهران من كثر الايرانيين والبضاعة الايرانية
    وشغل مخك بكلامي واذا تحب دينك قبل وطنك ماراح توافق عالخصخصة
    وبالنسبة لي لو يصير معاشي ست الاف بالخصخصة ماابيها :)
    واحترامي للجميع وانا مااقصد لا طائفة ولا قبيلة بكلامي
     
  9. بدوي عامل

    بدوي عامل بـترولـي نشيط

    59
    0
    0
    طز في القانون .. ويبكيها القصيبي وابن جبر .. على قولتك بيت حكومة ومعاش في نزول من الاقساط .
     
  10. Eng.Vampire

    Eng.Vampire بـترولـي خـاص

    نعم ونعم للخصخصة ...

    وجهة نظري طبعا
     
  11. .K.O.C

    .K.O.C بـترولـي نشيط جدا

    454
    0
    16
    كل إحترامي وتقديري للعضو نفطي متحمس... تعقيبك على موضوعي... أصاب كبد الحقيقة

    لما كتبت هالموضوع... ما أخذت بالاعتبار السلبيات المستقبلية... عبرت عن مافي خاطري من ألم وحسرة

    لكن بعد ما اتضحت لي الصورة بحيث أن هالأشخاص أصحاب الكراسي مستفيدين بكلتا الحالتين... فبتكون الضربة للمواطن البسيط بس!

    حسبي الله ونعم الوكيل... الفقير يزيد فقر والغني يزيد غنى... أمر صعب والله المستعان



    العضو محمد المذن... شكرا على تعقيبك لموضوعي... كلامك سليم وعين العقل... وأما بخصوص الشركات اللي أنا اشتغلت فيها
    شلمبرجير وهاليبورتن... رواتبهم مثل رواتب القطاع النفطي وزياده عليه دعم العمالة... ومعاملتهم إحترام وتقدير طالما أنت تؤدي عملك بالشكل المطلوب... آلية التقييم والترقيات تختلف طبعاً عن ماهو موجود في القطاع النفطي من ظلم ومحسوبية وعناد
     
  12. اطفائي محترف

    اطفائي محترف بـترولـي جـديـد

    22
    0
    0
    الاخوان اللي يبون الخصخصه

    ان رضيتم تصبحون صبيان عند المعازيب فهذا من حقكم ... اللهم لااعتراض ( ولاتزعلون من كلمة صبيان عند المعازيب,,, لأنها فعلا كما قلت .... باجر اذا بغيت توظف ولدك اللي متخرج من هندسة البترول لازم تروح حق ديوان الخرافي ولا الصقر ولا ... ولا ... عشان تقدم الولاء وبعدها تصير ابو الصبي اللي يشتغل عندهم ... وتحل البركه .... وتوزعون الحلوى بمناسبة قبول ابنكم ( صبي ) عند المعازيب.... وطبعا المهندس اقصد الصبي يبي يتزوج وبيروح يخطب له بنت حلال .... وبيسألونكم ...ولدكم وين يشتغل ؟؟؟؟

    ياترى بتقول صبي برتبة مهندس عند المعازيب ولا بتتمنى انه البترول ماخصخصوه ويكون ردك ( مهندس في وزارة النفط )؟؟؟؟؟

    لكننا كأحرار ولدنا أحرار وسنموت أحرار باذن الله
     
  13. shogalq8

    shogalq8 بـترولـي جـديـد

    8
    0
    0
    الله يحفظ ديرتنا من أعضاء مجلس الأمة إلي كل همهم بس يبوقون ويمشون تجارتهم على حسابنا وحساب عيالنا والله إن كل خوفي على عيالنا وعلى الأجيال القادمة حسافة على ديرتنا ديرة الخير والله ما تستاهل إلي قعد يصير لها
     
  14. نفطي متحمس

    نفطي متحمس بـترولـي نشيط

    132
    0
    0

    للاسف يا اخوي K.o.c معظم المؤيدين للخصخصة ما ينظرون لسلبياتها المستقبلية عليهم هم نفسهم و على عيالهم بعد .. يعني لو انا نجيت منها، بس الله عطاني ولد ما يحب الدراسة و تعثر فيها، يعني ولدي بيشتغل صبي شاي و قهوة و احنا بدولة خيراتها تعم الشرق و الغرب ؟؟ هل فعلا لا يوجد بدائل للخصخصة لحل المشاكل العالقة ؟؟!!! الله المستعان


     
  15. free kuwait

    free kuwait بـترولـي نشيط

    116
    0
    0
    نعم للخصخصه

    اذا بفكونا من الواسطه
    اذا بخلون كل المواطنين يداومون مثل العالم
    اذا حطوا قوانين تحمي العاملين

    واعتقد هذي الشروط موافقه للخصخصه وأأكد عليها العم احمد السعدون
     
  16. نفطي متحمس

    نفطي متحمس بـترولـي نشيط

    132
    0
    0
    اسمح لي اخوي الفاضل .. و لا شي ذكرته من اللي فوق متحقق بالقطاع الخاص .. فماذا سيختلف مع خصخصة القطاع الحكومي ؟؟
    الواسطة ابشرك اقوى بالقطاع الخاص و يقول لم اشكره شركتنا و كيفنا و بيح له مدير اقليمي هندي ارخص من الكويتي و بيقول له استريح .. روح شركة زين و شوف منو رئيسها و شعلاقته بالملاك .. و لا تنسى تلاحظ الاسامي اللي ماسكه و عوايلهم .. و نفس الشي بيت التمويل الكويتي .. الامثلة كثيرة.
    الناس ما تداوم حط بصمة او نظام الكرت اللي يبين وجودك بالشركة على مدار الساعة .. هالتقنية موجودة و مطبقة بشركات كويتية كثيرة لدرجة انهم ما يخلون تطلع من قسم لي قسم قبل لا تشخط كرتك و تبين لهم تحركاتك .. يعني نستخدم تكنولوجيا بسيطة و نخلي استثمارات الحكومة لها و ارباح الاستثمارات لعيالنا مو للتجار. مع العلم ان كثير من الموظفين قاعد يداومون و يبصمون و الناس تتحاسب بالدقيقة و الخصومات شغالة.

    للاسف الطامة الكبرى ان القانون ما يحمي العامل نهائيا .. لك يبا 5 سنوات محد يجيس عقدك .. بعدها على طول الشركات بتخفض العمالة و بتطرد الناس وايد لان همهم الربح .. و هالشي شفناه بمحطات الوقود و مصنع الزيت .. لا تقول نحط تشريعات جديدة .. لان هالنقطة طرحت على اعضاء اللجنة المالية بالمجلس و طرحت بجلسات اقرار القانون و كان ردهم ببساطة ان حماية الموظف بهالشكل يعني تفريغ لقانون الخصخصة من محتواه و طبعا ارفضوا يعدلون هالفقرة من القانون .. يعني ماكو حماية لاكثر من 5 سنوات و مع سبق الاصرار و الترصد بعد

    الحكومة الكويتية اضعف من انها تحط قانون يحمي المواطن فما بالك بانها تطبق هالقانون ؟ اترك الاجابة لك بعد تتمعن بعمق بالقانون و تبعياته المستقبلية و خسارة الدولة و انا و انت و الاجيال القادمة لاستثمارات حكومية مربحة .. نحن نشتري مصافي و مصانع نفطية بالخارج و نبيع اللي بالداخل !! الله المستعان
     
جاري تحميل الصفحة...

مشاركة هذه الصفحة