السلام عليكم - ترا بلشو السوبرفايسرس بترشيح الأسامي للبونص

الكاتب : control valve | المشاهدات : 1,601 | الردود : 12 | ‏11 مايو 2010
  1. control valve

    control valve بـترولـي نشيط

    56
    0
    0
    البونص ومـــــــا أدراك ماالبونص يجماعه اليبي بونص خلا يدورله واسطه بس الواسطه تكون دسمه على مستوى المصفاة ترا الجماعه الي يوزعون البونص مايهمهم الموظف اشتغل ولا لا ما اشتغل المهم عندهم انا ماعندة غياب والي مسكين طول السنه يشتغل وطايح حظه على مدى 11 شهر ومسكين آخر شهر صارله حادث و لا دش المستشفى وسوى عمليه يعني هذا قدر الله قالو له انت عندك طبيه ياخرطططططططي الشركه عجب العجاب
     
  2. بنشرجي

    بنشرجي بـترولـي جـديـد

    49
    0
    0
    المرضيات غير محسوبة بالبونص وهذا القانون من عند ربعنا فقط لاغير اما قانون الشركة غير موجود وانا اتحدى اي مسئول يقول غير هذا الكلام
    اما بخصوص المرضية في حادث ودخلت المستشفى غير محسوب عليك وايضا للدرجات نفس الشيء
    اما البونص حق ربعهم يالطيب والله لو ما عندك مرضيات او تشتغل بيدك ورجلك ماكو فايدة
     
  3. almostishar

    almostishar بـترولـي مميز

    567
    5
    18
    انا مكلم الادارة بالتسويق المحلى بخصوص البونص
    يقولون لى بالدور
    قلت له بالدور ولا على كفائة الشخص
    قالوا لا بس اللى خذا العام ماياخذ هالسنه ..
    قلت لهم يعنى اللى ياخذ العام يحسب حسابه انه مايجتهد بالسنه اللى بعدها ؟؟؟
    .. سكت ..وقال لى هاذى والله تعليمات المدير ..؟؟؟
    بصراحه ظلم وتخبط
     
  4. control valve

    control valve بـترولـي نشيط

    56
    0
    0
    لا ازيدكم من الشعر بيت يقلون ادارة شعيبه حاطه حد للغياب يعني الي عنده12 يوم طبيه يمكن ياخذ بونص هذا الكلا العام ولكن هناك ناس ظرابة بوليش عندهم شهر و شهرين خذا بونص والمساكين الشباب منشقين شق بالشغل وصارلهم 17 سنه يقولون شنو يعني بونص ماعمرهم خذو
     
  5. بنشرجي

    بنشرجي بـترولـي جـديـد

    49
    0
    0
    يا اخوي اللى حاط هذا القانون 12 يوم مرضية ما ياخذ بونص هو مدير المصفاة محمد غازي المطيري
    وايام ماكان مدير العمليات في ميناء الاحمدي بس علشان يقلل من البونص ومنها المدراء يمشون على هذا القانون
    اما قانون الشركة لايوجد فيه مرضيات او غيرها وبامكانك تطلب من السكشن هيد عنه نسخة من الادارة العليا للشركة
     
  6. زهرة التوليب

    زهرة التوليب بـترولـي خـاص

    يبه البونص على مزاج المدير والمسؤول

    في مسؤول كل سنه يقسمها على قروب
    وفي مسؤول له قروبه الخاص يدلعهم بالبونص والباجي مغضوب عليهم

    وفي مديييييير قطاع ارزاق !!
    اذا مسؤولك كتبلك بونص يرده ومن غير سبب
    بس لأنه مو من ربعه وحبايبه حتى لو تكرف !!
     
  7. DICOVERY

    DICOVERY بـترولـي جـديـد

    29
    0
    0
    السلام عليكم ورحمة الله
    ميناء الأحمدي وما أدراك ما ميناء الأحمدي ........
    المثل يقول من صادها عشى عياله ، كل ما تستلم أدارة جديده أول شيئ تسويه يرزون ربعهم على حساب الناس الثانيه ، عندنا ناس بس تستفيد من كل شيئ الأجازات ، البونص ، الدورات ألخ وفي ناس مخلينهم للكرف والشغل ساعات حتى الأنستركشن يكتب حق شفت معين ينفذه !! ولما نستفسر يبلش الترفيع والمدح ، وقت البونص يقولون أسمك نسيناه .
    كنا نحجهم بنظام البورتل اللي يكشف الموظفين اللي ماخذين بونص وعندهم طبيات وعندهم أجازة مرافق مريض الحين لغوا النظام هذا بالتالي ما نقدر نطلع على الأسماء لأن الكذب ينكشف بسرعه ، وعلشان اللعب يصير على أصوله .
    الموظفين اللي مو محسوبين على اي جهه والكل فاهم ، تلقاهم ماكلين هوى حيث وصل الموضوع الي حد ما ينسكت عليه .
    قبل كنا نكتب أوراق البونص ونرسلها الآن صارت تنكتب ولا ندري عنها حتى محد يأخذ راينا بالموظفين اللي راح يكتب لهم البونص .
    أنا أقول البونص للي يستحق حسب المعايير الموضوعه للبونص لو تم تطبيقها الأغلبيه راح ترضى ويتم التنافس بالعمل وبالتالي نوعية وكمية العمل تزيد وهذا ينعكس على أداء الموظف والشركه معا .

    {{ من أعان ظالما على ظلمه سلطه الله عليه }}
     
  8. يوسف الخالدي

    يوسف الخالدي بـترولـي نشيط

    50
    0
    0
    السلام عليكم ورحمة الله وبركاته
    اخواني شنو هذا البونص اللي تتكلمون عنه انا صارلي 17 سنه بالشركه اول مره اسمع عنه هل تقصدون العلاوه السنويه .
    انا شخصيا هذا اللي اعرفه اذا في شي غير فهمونا الله يجزاكم خير .
    دمتــــم،،،،،،
     
  9. بنشرجي

    بنشرجي بـترولـي جـديـد

    49
    0
    0
    والله فيه قانون للبونص وتقدر تحج اكبر مسئول عندك بالادارة بس خللك قوي وبين له انك مظلوم واذا اعطى حق واحد ما يستاهل والتقرير له ضعيف
    اخواني روحوا اشتكوا عند العلاقات الصناعية ولا تخافون شوفوا المسئول شنو يصير فيه
     
  10. الصايغ

    الصايغ بـترولـي خـاص

    .........

    متي بكون صرف البونص علشان انعرف اذا لنا نصيب ولا لا
     
  11. الهداد

    الهداد بـترولـي جـديـد

    33
    0
    0
    يوسف الخالدي : لو مو كاتب الرد احسن لك والله ،،، صارلك 17 سنه بالشركه ماتعرف بونص هذا إن دل يدل على احدى الامرين : اولهم إنك ماداوم نهائيا مقزرها تضبيط او مرضيات . والثاني إنك اداوم وتنام . أو انك اداوم بروحك بمصفاة رابعه لا اعلم أين تقع.

    أما بالنسبه للبونص يا اخوان : هو بالنهايه أرزاق الله يوزع الرزق على من يشاء ، لا تحسدو ولا تغبطو ربعكم اللي ياخذون.

    "عليك بتقوى الله إن كنت غافلا يأتيك بالارزاق من حيث لا تدري ، فكيف تخاف الفقر والله رازقا فقد رزق الطير والحوت في البحر. ومن ظن ان الرزق يأتي بقوة ما اكل العصفور شيئا مع النسر".

    بدال لا تكلمون هذا الكلام قولوا : الله يرزق من أخذ ومن سيأخذ ويكتبلنا مافيه الصالح والخير ويرزقنا معاهم. وعسى الله ان يعوض إلي ما أخذ.


    والسلام عليكم.
     
  12. يوسف الخالدي

    يوسف الخالدي بـترولـي نشيط

    50
    0
    0
    تصدق اخوي هداد واقسم بالله اني اداوم شفت ليل من الساعه 10 لغاية الساعه 6 الصبح وملتزم بالدوام ومااذكر اني في يوم نمت ولله الحمد اهم شي عندي اني مريح ضميري وثاني شي مو معطي فرصه لاي مسوؤل يسمعني كلمه انا في غنى عنها
    وثاني شي ازيدك اعاني من ديسك وماخذت طبيه الا مره وحده لاني حاب شغلي وبعدين الشي اللي ماتاخذه الا بعوار راس الله الغني عنه اشتري راحتي والله اللي يقسم الارزاق . بطلب منك اخوي طلب ياريت تتفائل وتتوقع الشي الزين مو الشين وبس واصابع ايدك مو مثل بعض مثل مافيه ناس مايداومون ومقزرينه طبيات بالمقابل في ناس ملتزمين بدوامهم .
    ودمتــــــم .
     
  13. الصايغ

    الصايغ بـترولـي خـاص

    .......

    ودي اعرف متي في العادة ينصرف البونص
     
جاري تحميل الصفحة...

مشاركة هذه الصفحة