قصيدة عجبتني ..

الكاتب : العجمـي | المشاهدات : 691 | الردود : 7 | ‏9 مايو 2010
  1. العجمـي

    العجمـي بـترولـي خـاص

    1,857
    0
    0
    سـر
    kuwait





    القصيدة للشاعرة : نوف العتيبي



















    إذا المراجل لبسة شماغ وعقال





    قل للعذارى يلبسنّ العمايم







    ما عاد يفرق زول حرمه ورجال





    دام الفعايل تشبه البعض دايم







    المرجله ما هيب كلمه وتنقال





    وتروح ما راحت هبوب النسايم







    وإلا خشونة صوتٍ أو رفع الأثقال





    أو رزة صدور ٍ وفعل الزلايم









    ولا هي بعد مفتاح موتر وجوال





    وإلا ردا السان ٍ حديثه شتايم









    المرجله شيمه عن القيل والقال





    رفيع نفس ٍ حر بالجو حايم









    المرجله عقلٍ وِزن وزنه جبال





    ودون العقل وش فرقنا والبهايم









    يا مسندي لو مايل الوقت بي مال





    يا وِلد ابويه يا عظيم العزايم









    يا معرّب الجدين امن العم والخال





    يا نخوة المفزوع وقت الهزايم









    المرجله يا خويه هي طولة البال





    هيّ العزم هيّ الصبر فالظلايم








    فيها الكرم عزه و دله وفنجال





    فيها الكرامه عن ردا الطبع شايم









    ومن لا يعرف الرب في طيّب الحال





    لابد وقت الضيق بالهمّ هايم









    حتى صلاتك مع جماعات ورجال





    في خيرها يا خوي نعم الغنايم









    و اليا انتصفت الليل يا طيب الفال





    يا عظمه اجرك وانت ساجد وقايم









    ولامنّها للرب رِفعنّ الاعمال





    حسن الذكر لا قالو فلان صايم









    واحذر تبيع النفس في درب الانذال





    وتتبع خوي إبليس راع النمايم









    النفس خيلِ لك إذا كنت خيّال





    ومن لا قوى نفسه قوته الهزايم









    ولا صرت ما تدري, على ويش رجال؟





    والله خسارة فيك ذبح التمايم









    ما شاء الله عليها وصح لسانها وسلامتكم ،،

    م/ن




     
  2. متمكنه

    متمكنه بـترولـي نشيط

    97
    0
    0
    صح لسانها بنت الريايل

    ومشكور اخوي العجمي على نقل مثل هالابيات
     
  3. diners

    diners بـترولـي نشيط جدا

    يعطيك العافية
     
  4. محمد الشيباني

    محمد الشيباني بـترولـي نشيط جدا

    306
    0
    0
    ولا صرت ما تدري, على ويش رجال؟

    والله خسارة فيك ذبح التمايم

    لاهنت على النقل و انا اجيزها لتنتقل معنا لمرحلة 48

    وشكرا
     
  5. العجمـي

    العجمـي بـترولـي خـاص

    1,857
    0
    0
    سـر
    kuwait
    العفو
    الله يعافيك

    العفو يالغالي



     
  6. بن عامر

    بن عامر بـترولـي خـاص

    1,159
    0
    0
    k.o.c
    kuwait
    صح لسانك و لسان الشاعرة يا ذيبان .
     
  7. كويتيه ماركه

    كويتيه ماركه بـترولـي خـاص أعضاء الشرف

    يعطيك العافيه ولاهنت ع النقل
     
  8. العجمـي

    العجمـي بـترولـي خـاص

    1,857
    0
    0
    سـر
    kuwait
    حياك الله يا بن عامر

    شكرا ع المرور كويتيه



     
جاري تحميل الصفحة...

مشاركة هذه الصفحة