أخوكمـ محتاج نصيحتكمـ

الكاتب : Petr0King | المشاهدات : 761 | الردود : 9 | ‏7 مايو 2010
  1. Petr0King

    Petr0King بـترولـي جـديـد

    3
    0
    0
    سلام عليكمـ ..
    يا جماعة الخير .. انا طالب مستجد بكلية الهندسة جامعة الكويت ..

    ومحتار بين الهندسة المدنية وهندسة البترول .. فحبيت آخذ شوركمـ


    بيتنا بالديرة .. بيننا وبين شركة نفط الكويت .. مسافة 25 دقيقة سيارة بسرعه 120 كيلو متر

    اذا تخصصت بترول .. راح انحكر بشركات النفط البعيدة والي دوامها طويل



    بنفس الوقت .. اذا تخصصت مدني .. اعداد المهندسين المدنيين كبيرة .. ومالهم الا الوزارات الحكومية

    في شركات خاصة تحتاج مهندسين مدنيين وتعطيهم مميزات مثل مميزات النفط؟



    يسوى اتخصص بترول واطق هالدرب كل يوم ؟ ولا اصير مهندس ممدني بالحكومة .. حاط ريل على ريل واستلم معاش معقول ؟ ..


    لو يرجع فيك الزمن وتكون مكاني .. شنو تخصص ؟ وليش؟

    مشكوورين..

     
  2. Bent_Abooha

    Bent_Abooha بـترولـي نشيط جدا

    لوو يرجع فيني الوقت اغير تخصصي من غير اي تفكير بغض النظر عن الطريج
    حلو الواحد يختار تخصص يفنحله مجالات وايده ومشكله هندسه البترول مرتبطه باماكن معينه لو مارتحت فيها ملزوم تتكيف معاها
    بس هندسه مدنيه له مجالات وايده حكومه وخاص وشركات النفط تطلب مهندسين مدنين ووكيميائيه ووكهربائيه وغيرها مو حكر على هندسة البترول
    واذا النفط فيه مميزات اللحين ماتدري عقب جم سنه تتغير الموازين تماما
    خل جدامك مجالات مفتوحه ووايده تختار على راحتك احسن من مكان معين وبالنهايه انت استخير وشوف شنو ميولك ووين مصلحتك
     
  3. بو جاسم

    بو جاسم بـترولـي نشيط

    113
    0
    16
    اخي الكريم تخصص اي تخصص كلهم يدشون البترول مو بس هندسه البترول..... يعني حتي المدني ينقبل

    بس انا اقترح عليك لو انقبلت وللحين بيتكم بالديره انك تمشي بسرعه 140 كم/ساعة علشان توصل في 20 دقيقه فقط:)
    ولا تسرع ففي العجله الندامه وفي التاني السلامه
     
  4. حمود الشمري

    حمود الشمري بـترولـي نشيط جدا

    172
    0
    0
    الله يعطيك العافيه وانشالله بالتوفيق في دراستك وحياتك انشالله التخصصين مقبولين في القطاع النفطي وتوكل على وشوف اللي يناسبك انت وتوكل على الله واذا ما تبي النفط فالمهندسين خارج القطاع النفطي وضعهم احسن من اخوانهم بالقطاع
     
  5. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    هندسة مدنيه ونت مغمض
     
  6. Petr0King

    Petr0King بـترولـي جـديـد

    3
    0
    0
    يعطييييييكم العافية .. وماقصرتوا

    وان شاءالله بتخصص هندسة مدنية .. تخصص Structure أو Transportation

    دعواتكمـ


    ماعندكم نصيحة ثانية بعد ؟؟؟ بخصوص الدراسة او الوظيفة ..

    نستقبل نصايحكم بصدر رحب


    :p
     
  7. Chem.Eng

    Chem.Eng بـترولـي نشيط جدا

    182
    0
    0
    مادري انا احس الديره غرقانه مدني
    بترول وميكانك او كهربا
    بس الكهربا فرص قليله بالنفط
    المدني اعرف ناس مو مسماهم مهندسين
    فمادري شوف الانسب
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    اذا تبي القطاع النفطي تخصص البترول اسهل من المدني في القبول المدني ضعيف الطلب عليه بالقطاع النفطي
     
  9. خلف الشمري

    خلف الشمري بـترولـي نشيط جدا

    169
    0
    0
    مدام تستقبل نصائح

    حافظ على صلاتك

    حافظ على صلاتك

    حافظ على صلاتك
     
  10. Petr0King

    Petr0King بـترولـي جـديـد

    3
    0
    0
    .. الدنيا غرقانة مهندسين بشكل عام .. ومدني بشكل خاص

    بعد شنسوي .. هذا الي حاصل بالديرة ..


    وبالنسبة حق قطاع النفط .. ماحس ان عندي ميول له ..

    افكر بالراحة نفسية والذهنية والجسدية .. اكثر من الفلوس

    شالفايدة اقضي طول عمري بقطاع النفط واشم هالغازات الملوثة .. وبالمقابل يسكتونني بتأمين صحي وبدلات عالية

    وكله من وقتي ووقت عيالي .. من 7ونص لي 3 ونص


    يعطيكم العافية مرة ثانية ..

    صلاتي اهيا حياتي .. :p
     
جاري تحميل الصفحة...

مشاركة هذه الصفحة