نظام Maximo

الكاتب : ماكسيماوي | المشاهدات : 2,291 | الردود : 12 | ‏4 مايو 2010
  1. ماكسيماوي

    ماكسيماوي بـترولـي جـديـد

    5
    0
    0
    سلام عليكم جميعا:)
    والله بصراحة المنتدى طيب ورائع وينقل هموم الموظفين وارائهم تجاه مواضيع عدة وامانة شرف لي مشاركتي مع جماعتي وزملائي في هذا المنتدى.
    حاب اني اسأل اذا كان هناك من يستخدم نظام ال ماكسيمو في الشركة ودي اعرف شنو هي الامور او الصعوبات اللي تواجهونها واذا كانت هناك اي استفسار او فكرة او خدمة ودكم تصير لا يردكم شي.:)
     
  2. DICOVERY

    DICOVERY بـترولـي جـديـد

    29
    0
    0
    السلام عليكم ورحمة الله
    مشكور أخي العزيز على عضك للخدمات من خلال maximo المشكله اللي نواجهها لمن نطلب بعض المواد نلاقي الأجراءات طويله ومالها داعي !! وبالأخير محد يعملها aproved المهم إذا ممكن تسهلون لنا هالموضوع .
    والسلام ختام
     
  3. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    باسمي وباسم زملائي في منتدى القطاع النفطي نرحب بك أخي الكريم مكسيماوي

    فعلا نظام مكسيموا نظام جيد وسهل آمورا كثيرا
    ونتمنى من زملائنا الذين يتعاملون مع النظام طرح مالديهم وما يواجههم من عقبات في النظام
     
  4. زهرة التوليب

    زهرة التوليب بـترولـي خـاص

    مشكور اخوي على هالبادره الطيبه منك

    بصراحه انا الشغله اللي احسها طواله ومالها داعي في الماكسيمو
    لما ادخل بيانات معينه لفاتوره
    احتاج اني ادزها مرتين حق المسؤول علشان يسوي لها aproved
    وثالث مره اطبع الريبورت !!

    وبعد فتره ترجع لي الفاتوره من الماليه علشان اعتمدها وتروح حق المسؤول يرجع يسوي لها aproved !!

    ما تعتقد إن الاجراءات وايد طويله وتاخذ وقت
    خاصه انها تحتاج متابعة من عدة أطراف
    لأنها مرات مو بس تحتاج موافقة المسؤول مرات لازم موافقة المدير اذا كان المبلغ كبير
     
  5. ماكسيماوي

    ماكسيماوي بـترولـي جـديـد

    5
    0
    0
    عزيزي الغالي انا معاك بس النظام هو ترجمة ل لسير العمل المطلوب من الادارة التجارية ومرات قلة تكون بسبب ظروف اخرى تتعلق بموظفين الدائرة التجارية انفسهم.
    النظام مايقدر يغير شي او يقصر الفترة الزمنية اللا في حالة وحدة بان الدائرة التجارية تغير طريقة التعامل مع هذه الطلبات ثم مرة اخرى تطلب ترجمته في النظام.
    لاتقطع اخوي واذا في اي استفسار او مساعدة فانا حاضر وبالخدمة.
     
  6. ماكسيماوي

    ماكسيماوي بـترولـي جـديـد

    5
    0
    0
    الزميلة العزيزة زهرة كلامج صحيح في الشركة هناك حساسية وحرص كبير على دفع الفواتير والعملية اللي انتي تقومين فيها هي كالتالي:
    1- استقبال الفاتورة ثم ترجمتها لامر دفع بعد التأكد من قيام المقاول بالعمل اللازم ثم ارسالها اول مرة للمسئول
    2-(يجب التدقيق وموافقة المسئول المباشر)
    3-مرات اختي الفاتورة تكون مبعوثة للشركة قبل انجاز العمل وحين يتم انجاز العمل هناك امور واشياء لم يقم بهاا المقاول او اجهزة لم يستطيع جلبها لسبب او لظروف خارجة عن ارادته-هنا يجب عمل خصم او تطبيق حق الجزاءات على فاتورة المقاول لحفظ حقوق الشركة.(يتم عن طريق المهندس)(الريبورت)
    4-وايضا هنا يجب التدقيق وموافقة المسئول المباشر على الخصومات اذا كانت موجودة ثم تخرج من عنده الى المالية
    5-بعد ذلك المالية لازم تحول العملية الى نظام الفواتير ليتسنى لهم دفع مستحقات المقاول والمالية يجب ان تاخذ الموافقة من القسم المسئول لضمان والتأطد اخر مرة قبل الدفع .
     
  7. زهرة التوليب

    زهرة التوليب بـترولـي خـاص

    انا معاك اخوي بكل اللي قلته واكيد الحرص واجب

    بس المشكله في المسؤول او السنير اذا كان بارد وما يسوي aproved بسرعه حق الفاتوره !!
    وبالتالي الموظف يقعد يحن على راسه علشان يسوي لها aproved

    وانا عندي اقتراح حلو ياريت تاخذونه بعين الاعتبار

    اللي اهو ان الواحد فينا اذا ياتله فاتوره في الماكسيمو يتم تبليغه فيها عن طريق الايميل

    يعني يتم ربط الماكسيمو في ايميل الشركه
    علشان بنفس الوقت الشخص يكون عنده خبر ان الفاتوره موجوده في Inbox :)
     
  8. feed gas

    feed gas بـترولـي خـاص

    صعوباااااات وايد اولها ( خطك الصغير ) ترا النضر شييييييش بييييييييييييش بارك الله فيك !
     
  9. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    اقتراح جيد
    حتى يتم نبيهه بأسرع وقت فتتم الموافقة سريعا حتى نبتعد عن تأخير العمل

    أحسنتي زهرة
     
  10. ماكسيماوي

    ماكسيماوي بـترولـي جـديـد

    5
    0
    0
    اختي زهرة/اخوي الخالدي
    الخدمة موجودة في النظام واي موظف(كبير المهندسين او رئيس القسم) يستقبل ايميل يبلغه بان هناك فاتورة يجب عليه الاطلاع و الموافقة عليها بس اختي الكريمة هذه الخدمة تلغى من الموظف نفسه لان مرات عدة يشتكونالموظفين من كثرة ايميلاتهم
     
  11. زهرة التوليب

    زهرة التوليب بـترولـي خـاص

    انا التيم ليدر عندي ما توصله ايميلات !!
    كل ما اسوي فاتوره اضطر اني ابلغه علشان يتابعها معاي !!

    وانا اشوف هالشغله مو عمليه صراحه
    والايميل وايد ضروري ويسهل علينا عملية المتابعه
    انا عنفسي ما توصلني ايميلات !! يمكن لأني موظفه عاديه
    بس ليش ما تخلون العمليه اختيارية
    يعني اللي يبي يستقبل ايميل يكون في براوزر او خانه معينه نختاره ويوصلنا الايميل
    واللي ما يبي يلغي هالخاصيه
    وكان الله غفورا رحيما

    والف شكر اخوي على متابعتك ومجهودك الرائع :)
     
  12. ماكسيماوي

    ماكسيماوي بـترولـي جـديـد

    5
    0
    0
    صباح الخير زهرة خدمة الايميل موجودة عزيزتي بس اذا تقدرين تخبرين الMaximo help desk وسوف يقومون بتفعيلها لرئيس القسم وبعدها راح ماتشوفين انشالله هذا التاخير
    اما بالنسبة للبراوزر او اختيار الموظف للاسف النظام من الاساس لا توجد فيه هذه العملية الاختيارية بس اذا الموظف يبيها ويطلبها لحظيا وبسرعة يتم اضافتها له من قبل Maximo help desk
    مشكورة واتمنى اني قدرت افيدج
    شكرا
     
  13. زهرة التوليب

    زهرة التوليب بـترولـي خـاص

    يعطيك الف عافيه ما تقصر اخوي :)

    واكيد راح اراسلهم علشان يضيفون لي خدمة الرسايل
     
جاري تحميل الصفحة...
مواضيع مشابهة
  1. اللجنة الثقافية
    الردود:
    0
    المشاهدات:
    1,152
  2. المحرر النفطي
    الردود:
    0
    المشاهدات:
    6,252
  3. Almehanna.84
    الردود:
    6
    المشاهدات:
    21,969
  4. المحرر النفطي
    الردود:
    0
    المشاهدات:
    649
  5. المحرر النفطي
    الردود:
    0
    المشاهدات:
    2,777

مشاركة هذه الصفحة