مهندس بالخفجي صارلي 3 سنوات ومازلت على اول مربوط

الكاتب : interkw | المشاهدات : 1,182 | الردود : 8 | ‏3 مايو 2010
  1. interkw

    interkw بـترولـي جـديـد

    31
    0
    0
    السلام عليكم

    ياجماعه اسمعوا قصتي وافيدوني انا مهندس متعين بالخفجي من ثلاث سنوات
    كل سنه اخذ زياتي طبيعي والحمدلله
    الحين انصدمت بان الشركه فتحت الرواتب الاساسيه واني على اول مربوط للدرجه 21
    يعني انا والمهندس اللي راح يتعين جديد الشهر الجاي نفس المعاش وانا اقدم منه ب3 سنوات
    شاللخبطه وبعد اذا كان عنده خبره سنه راح ياخذ اعلى مني
    ابي احد يفيدني شقاعد يصير بالشركة وعند منو اشتكي
     
  2. ابواحمد

    ابواحمد بـترولـي جـديـد

    34
    1
    0
    خلي روحك رياضية انت في الخفجى

    السلام على الجميع
    يا حبيبى خل عندك اشوية روح رياضية وتقبل الامور الغريبة لانك بالخفجى لا وابي انورك بلي اكثر من سالفتك. انا مهندس تعينت مع خبرة 12 سنة وتوظفت على الدرجة 23 لكن الصدفة الغريبة ان المجموعة الى تعينت بعدى بسنة ومع خبرة 12 سنه على الدرجة 24 يعنى كل 3 سنوات بدرجة وانا كل 4 سنوات بدرجة والامر ان الى انا كنت مسئولة قبل لا انتقل الخفجى اليوم هو مسئولي بالخفجى فعادى احنا بالخفجى وهذه الشركة قراراتها مزاجية بس ياريت ياجماعة تنورون الاخوان بالوفرة لاتفوتهم هالسالفه علشان هم يقولون مدام اننا تحت ادارة شركة وحدة لازم نكون مثل بعض فياريت يشملونهم معنا بالحلوة والمرة.
     
  3. الظلم شين

    الظلم شين بـترولـي نشيط جدا

    197
    0
    0
    أخوي مع أحترامي الشديد كلامك غير منطقي والدليل على كلامي وينك الثلاث السنين يعني كل سنه ما تدري عن راتبك زاد أو مثل ما هو ؟ يا أخي أنا بقول بصدقك لأن من كثر الفلوس ما تدري شنو تحسب بس نصيحتي تروح حق المدير المالي وتوريه العين الحمره لأن لوأنك نهاية المربوط كان قلت معذور كان قلت نفس الوفرة مكانك راوح لا يزيد راتبك لأنك وصلت نهاية المربوط بس أنت أول المربوط ونصيحة أخرى قل حق أبو أحمد لا يدخل الوفرة لأنك راح تحس نفسك بنعيم
     
  4. Bos3ayd

    Bos3ayd بـترولـي مميز

    523
    4
    18
    كلام الاخ صحيح ، الشركة عدلت جدول الرواتب وانا الحين خبرتي سنه وشي بالشركة و حالي حال الي يتعين هالسنه يعني الزياده الي يتنا السنه الي طافت مافرقت بيني و بين الي توه متعين، لكن انا ماشوف انها مشكله بالعكس اتمنى الخير لي و لغيري :)

    احب اقول حق الاخ انه لازم تصحح عنوانك لانه فيه شي من الغلط و المفروض تقول "صارلي 3 سنوات و تم مساواتي مع حديثي التعيين" ، لان كلمت "مازلت" تعني انك تعينت على درجتك ما يتلك اي زياده سنويه على راتبك ^_^

    بالتوفيق
     
  5. interkw

    interkw بـترولـي جـديـد

    31
    0
    0
    اخوي الله يسلمك فهمتني غلط انا اتمنى للجميع الخير بس اللي اقصده ان عاملوني احسن منه مو مثله يعني
    لو خدم بر الشركه سنه راح يعادلونها ويعطونه عليها زايده على الاساسي ويتعداني بالراتب وانا صارلي ثلاث سنين قبله
    انا مابي ينقصونهم بس ابي يعادلون لي كل سنه خبر على الاقل
     
  6. جابر

    جابر قــلــم بــتــرولــي أعضاء الشرف

    كلامك صحيح يا interkw
    والله يعينك ...ومانلوم الناس اللى ماتعرف عن الخفجى شى ومستغربه وتعتقد إن الأمر مو صحيح ...

    وأزيدك من الشعر بيت ..لو واحد متخرج معاك ..وأشتغل بوزاره ..وداومه 3 ساعات ..
    يتوظف اليوم بالشركه ودرجته أعلى من درجتك ...وراتبه أكثر من راتبك ...


    عادى ..إبتسم ....أنت بالخفجى
     
  7. Bos3ayd

    Bos3ayd بـترولـي مميز

    523
    4
    18
    من هذي الناحيه معاك حق ، لكن وين الي يطالب بحقوقنا...

    الله كريم
     
  8. القرناس

    القرناس بـترولـي نشيط جدا

    153
    0
    0
    ليش هالكلام اللي بالأحمر؟؟؟غريب أمرك!!
     
  9. Eng.Vampire

    Eng.Vampire بـترولـي خـاص

    قصصكم غريبه وعجيبه عن الخفجي ...
    الظاهر الخفجي " مسكونه" :)
     
جاري تحميل الصفحة...

مشاركة هذه الصفحة