استمرارية اوسكو .... هل من حماقه ؟

الكاتب : لاتغرك البهرجه... | المشاهدات : 1,340 | الردود : 10 | ‏3 مايو 2010
  1. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت
    السلام عليكم



    اخواني منكوبي شركة اوسكو


    حبيت اتكلم بموضوع شركتنا واستمراريتها في ظل اداء متهالك عقيم متخبط


    اوسكو متعبه موظفينها ومتعبه الشركات التي تتعامل معاها مثل المؤسسه ونفط الكويت



    طيب هل في استمرار اوسكو حكمه وربحها يطلع من رجال الامن والمطافي



    مثال : ارسلت اوسكو عدد 10 رجال امن لشركة نفط الكويت

    تربح اوسكو 10 بالمئه من قيمة راتب الفرد يعني اذا راتبه 1000 تربح 100

    باللله عليكم هذا منطق ربح


    طبعا ميزانية اوسكو من مؤسسة البترول وبعض شركاتها



    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,




    ازمه ماليه مرت على العالم شركات فلست واوسكو موجوده ولا يخفسون بالتقييم عشان ازمه ماليه




    انا اشوف من الحماقه استمرارها وهدر فلوس لانه في ناس ما كانت تحلم بالمناصب وتحقق احلامها


    وين تحققت تحققت باوسكو اكبر من احلامها وهم ما يستاهلون مناصبهم الي هم فيها





    لو تنحل اوسكو والكل الامن والمطافي يتوزعون بالشركه الي هم فيها يكون اوفر واريح للكل


    وكل اداري باوسكو يرجع لمحله الي كان فيه قبل



    كان ارتحنا وارتاحو




    بس الحماقه مفروضه :) علينا





    وكلش ولا هالمستشارين الي بلعو الاخضر واليابس :)



    اوسكوا تحتاج قرار شجاع يمشي على ابو عبدالمحسن
     
  2. Mr.Ahmad

    Mr.Ahmad بـترولـي مميز

    افضّل حل شركة اوسكو

    وتثبيت رجال الأمن والإطفاء في اماكن عملهم

    أو

    يتم نقل عقودهم وأوراقهم للمؤسسة , وتكون المؤسسة هي المسئولة عنا

    على الأقل الموظف يحس ان وراه مسئول (نوعا ما) افضل من مسئولي اوسكو

    أما

    اوسكو والله ولا تدري عن موظفينها خصوصا اللي ينظلم , حقه يضييييييييع اسرع من شربة الماي

    خل يوظفونهم بستار بكس وايد احسن لهم :) , بدال لا ينزلون ويصعدون ويتعبون روحهم
     

  3. دامك تشوف كل هذا فيها

    حماقه ايضا انك لحد الحين قاعد فيها ولا قدمت أستقالتك .!!

    روح قدم أستقالتك واعلنها اهنيه عشان ماتكون أحمق مثلهم

    اسف على كلامي لكن متعود على الصراحه
     
  4. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت




    هلا فيك اخ احمد شاكرك على مشاركتك الي نورت الصفحه
     
  5. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت
    هلا فيك اخوي بوابة اليدوي

    الحماقه ماهي في رجال الامن والمطافي

    الحماقه في بعض الاداريين في الشركه الي ظلموا موظفين نفسك ونفسي بوابات وشقا وتعب اخر شي المعاش ناقص بالغلط


    بعدين من حضارة الفكر الانتقاد ومن حقي الانتقاد نعم اوسكو ادارتها فاشله

    وابشرك ماني مقدم استقالتي بس ان شاء الله بتنحل الشركه وحنا باقيين فيها

    ولو قدمت استقالتي مثل ما تفضلت راح اكون احمق

    ليش اقطع رزقي ورزق اعيالي


    حنا لو في دور قوي للنقابه كان وصل راينا بس للاسف مجرد اسم النقابه ودورها هش
    بس حنا ان شاء الله متأملين منهم خير توهم بننطر عليهم .

    هذا المنتدى متنفس نعبر عن رأينا فيه وننتقد ونشكر ادارته على فتج المجال لنا .


    وصراحتك احترمها مثل ما احترمك واحترم رأيك بس صراحتك مفهمتك الموضوع غلط :)


    واشكرك على مشاركتك
     
  6. قوة الأمن الصناعي

    قوة الأمن الصناعي بـترولـي نشيط

    146
    0
    0
    لاتغرك البهرجه

    أبو عبدالمحسن مايشبع لو تعطيه أملاك قارون

    99% من العماله بالمنشآت النفطيه تابع لشركته ماني عارف الطمع لي وين يوصل

    وحنا فعلا منكوبين وسالفة الأزمه بكل أمانه سمعت فيها مانقدر نعطيك تقييم عالي عشان الأزمه الماليه

    مادري سهمي غالي لهدرجه

    وبالنسبه لأخونا اللى يقول قدم إستقالتك .. لما الأنسان ينتقد أي شي مو معاناتها يقطع رزقه لكن

    يحاول يغير ممكن كلمه منه تغير ميزان دول مو شركات واذا انت فعلا صادق في كلمتك ان الانسان ودك ان لاتذمر يستقيل

    انت ماتنتقد أخوك لا صفط سيارته غلط ليش ما تبرأ منه ..؟!

    ماتنتقد وزارات الدوله ومجلس الامه والوزراء خلاص اطلع عيش برا ..؟!

    مو كل شي أنتقده معناتها لازم اتركه وأهده

    إسمحلي بنقطه نظام أقولك سعة التفكير عندك لا تتعدى 1 كيلو بايت

    لاتغرك البهرجه منها للأعلى للأمام إنشاالله

    وتسلم على الموضوع وتقبل مروري وتحياتي
     
  7. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت
    اخوي الامن الصناعي او مثل ما احب اسميك جيفارا اوسكو


    شكرا لك على التعليق وشكرا لك على مرورك
     
  8. k.n.1984

    k.n.1984 بـترولـي نشيط

    64
    0
    0
    السلام عليكم

    والله لو يحولونا ويثبتونا في اماكنا قسم بالله ياكلونا اكل المسئولون

    والله ماتعرف طقاقك بس احمد ربك انك في اووووووووووووسكو

    اي مشكله تحصلك في k.o.c او k.n.p.c او غيرها من الشركات

    ويكتبون فيك الف كتاب مايقدرون يضرونك مادام اوسكو موجوده


    يارب تديم اوسكوووووووووووووووووووووووووووووووووووووووو
     
    آخر تعديل: ‏10 مايو 2010
  9. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    يا اخوان



    اسمحولي على مداخلتي البسيطه



    خلونا نفكر شوي .....,!



    شركة الخدمات القطاع النفطي <<<< بتفكير العضو المنتدب وباقي الاداريين ان الشركه منحله منحله لامحاله


    شركة الخدمات القطاع النفطي <<<< الموظفين الاداريين ضايعين بالطوشه وكل واحد يقطها براس الموظف الثاني لانه و عارف شغله


    شركة الخدمات القطاع النفطي <<<< لو اتدشها مو تقول شركة تعتبر نفطيه لا تتخيل انك دخلت الكونغرس الامريكي كل شي بموعد


    شركة الخدمات القطاع النفطي <<<< تخبطها اداريه رهيبه تدل على ضعف السيطره من العضو المنتدب على رؤساء الاقسام


    شركة الخدمات القطاع النفطي <<<<لما تتحول يا الموظف (أمن او اطفاء) للتحقيق راكبك يعني راكبك الغلط لو انك مو سوي شي


    شركة الخدمات القطاع النفطي <<<< اتحدا شخص يعرف جم راتبه بالكامل لانهم يتلذذون في انقاص رواتبنا


    شركة الخدمات القطاع النفطي <<<< بالأخص مدراء وقائدو الفرق في الأمن اقولهم الله يعينكم على نفسكم الواحد على باله صار

    رئيس جمهوريه مايلتفتلك ويزعل اذا مريت عليه يقول شلون تجيني روح حق اللي انزل مني مرتبه يكلمك.




    شركة الخدمات القطاع النفطي <<<<تفرزك في احدى الشركات وبالاخص الشويخ وضابطين الامن في الؤسسه يتمتعون في كتابة

    الكتب على رجال الامن متفاخرين بانهم ظباط وانت يارجل الامن سلتوح (في نظرهم) علما بان ضباظ المؤسسه شهاداتهم متوسطه.




    بعد كل هالكلام ...


    هل تتوقعون شركة الخدمات القطاع النفطي فاشله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



    كل الكلام اللي كتبته تعبر عن وجهة نظري انا شخصيا ...!


    وكل انسان له وجهة نظر ويجب ان تحترم .




    اخر كلمه اقولها الف مبروك علينا شركتنا الفاشله بجميع اداراتها ..

    تقبلوو تحياتي
     
  10. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت

    هلا فيك اخوي kn
    اخوي كلامك هذا قبل الحين جايبين مستشار مصري بالقيمه الفلانيه عشان يطلعنا كذابين :D

    رجل ما شاء الله عليه محترف:D


    شاكر مرورك وتعليقك :)
     
  11. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت




    مشكور اخوي امن الشويخ على الكلام الطيب وعلى رايك الي اتفق معاك فيه بشكل كبير


    شاكر مرورك وتعليقك وتقبل تحياتي
     
جاري تحميل الصفحة...

مشاركة هذه الصفحة