العتب على الشركه ام على اعضاء النقابه .....؟

الكاتب : امن الشويخ | المشاهدات : 1,169 | الردود : 13 | ‏3 مايو 2010
  1. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    السلام عليكم ورحمة الله وبركاته
    أما بعد ...



    بما اني جديد في هالمنتدى حبيت اكتب اول موضوع لي واتمنى يكون في محله ...

    واقول لكل انسان وجهة نظر <<< ركزو على هالنقطه عدل .... يعني مو شرط وجهة نظري نفس وجهة نظر

    شخص او اخر ...


    عموما ندخل في الموضوع ...!


    اولا مشاكلنا كموظفين عدة .. منها



    1- الزياده المنقوصه

    2-على قولتهم ماندري منو طقاقنا هل الادراه في شركة اوسكو هي المسؤل عن تقييمنا وعن ادارتنا في الشركات الاخرى ام الشركة المفروين لها ... علما بان كل ادارة تقطها براس الشركه الثانيه واحنا اللي نتمصخر

    3-المحسوبيه..؟ يعني لازم واسطه تمشي شغلك لكن تكون كفاءه مالك عندهم اي شي

    4-زيادة الاخوان القوة الشاطئيه

    5-اماكن استلام رجال الامن والاطفاء ... والله اللي يشوفهم يقول في زريبه مو مكان عمل او بيئة عمل

    6-ادارة الماليه في اوسكو الهابطه ... كلماتهم معروفه الغلط وارد والشركه جديده

    7-الممثل فخري مادري شنو اسمه المستشار في شركة اوسكو او المحقق .. اللي يركبك الغلط غصب لو كنت مو غلطان

    و

    و

    و

    و

    و

    اشياء كثيره لاتحظرني حاليا




    ولكن الى متى هذا التبذل يا شركة الخدمات النفطيه




    وهنااا السؤااااال



    من المسؤول في معانات رجال الامن والاطفاء ....؟


    هل هي عدم تحركات النقابه أم الشركه وادارتها الفاشله .,.,.,.؟؟؟





    ارجو التفاعل في الموضوع لأهميته بالنسبه لنا كموظفين الاوسكو
     
  2. منطقي_واقعي

    منطقي_واقعي بـترولـي جـديـد

    29
    0
    0
    بالنسبة للزيادة المنقوصة فانا اؤكد لك ان الشركة هي نقصت جميع الموظفين

    فسوف تكون هناك طامة كبرى اذا كان النقصان على ناس وناس
     
  3. لاتغرك البهرجه...

    لاتغرك البهرجه... بـترولـي جـديـد

    19
    0
    0
    رجل
    الكويت
    هلا فيك امن الشويخ انا نفس حالتك جديد


    انا اشوف العتب على الحكومه او بالاصح المجلس الاعلى للبترول


    شركه مفروض منحله من زمان
     
  4. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    منطقي واقعي



    لاتغرك البهرجه


    كل الشكر على تفاعلكم


    والزياده المنقووصه يا اخي منطقي واقعي من الشركه اتحدا جميع الموظفين ان ينزل رات معين للجميع لازم كل واحد ينقص عن الثاني او يزيد عنه


    اتمنى من الاخوان التفاعل والنظر في الموضوع لاهميته لقصوى لموظفين الخدمات البتروليه
     
  5. Boat Commander

    Boat Commander بـترولـي جـديـد

    7
    0
    1
    ذكر
    انا والله ما اقول الا حسبي الله و نعم الوكيل و احنا فلسنا من الشركه و كلامك 200 بل 100 عدل
     
  6. Mr.Ahmad

    Mr.Ahmad بـترولـي مميز

    من شهر 11 لي شهر 3 والشركه تخصم مني تقريبا 60 دينار والسبب ان الشركه كانت تصرف لي بدل شفت

    للعلم صارلي 3 سنين دوامي دازين كتاب حق اوسكو يتضمن (إلغاء) بدل الشفت لان دوامي صباحي

    وهالمعاش خاصمين مني 120 دينار هم عشان نفس السبب

    ولمه اجيك على تفاصيل الراتب عن طريق موقع الشركه , ما القى ان عندي بدل شفت !!!!

    بالله شنو سبب الخصم؟؟ الله اعلم :)

    موظفين بو طقه :)
     
  7. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    يا جمااعه



    من وجهة نظري العيب مو فيهم .....؟



    العيب فينا كموظفين ..... نعم فيناا .!



    لان مافينا احد تحرك ولا فيه اي اضرابات الكل ساكت ويرضى باللي يجي منهم ...


    لكن لو تحركو النقابه وتحركو الموظفين وقامو يكتبون بالجرايد وشويه مني وشويه مناك والله بتلاقون شغلنا ماشي


    بس للاسف لاحياة لمن تنادي
     
  8. Mr.Ahmad

    Mr.Ahmad بـترولـي مميز

    اذكر مره وحده قريت بالجريدة عن هالاخطاء والخصومات بالراتب والتخبط الاداري

    حلوه تخبط ها؟ :cool:

    هم الوضع استمر على ما هو عليه

    حتى لو تحركنا واضرابات وغيره

    العيب بالادارة نفسها اللي توظف ناس ما تفهم شي بتخصصها واللي تمتاز بـ عدم المبالاة

    الاغلبيه طبعا
     
  9. قوة الأمن الصناعي

    قوة الأمن الصناعي بـترولـي نشيط

    146
    0
    0
    اذا حبينا نتكلم عن العيب راح نلقى العيب الأكبر في الشركه كإدراه فاشله

    أهم شي عندهم جلوسهم ورا المكتب واذا تحب تقابل أي أحد كلهم بإجتماع

    حتى الكونغرس لو حاب تقابل اي عضو فيه غصبن عنه يطلع يشوف شنو مشكلتك

    الأخوان الاداريين فيهم عزة نفس أكثر من الكونغرس

    واذا بنرد للنقابه .. راح نردد كلمة مشهوره من قبل الشركه النقابه جديده ويالله نقول بسم الله

    الحل الأمثل خطير لكن يبيله تكاتف وقوه

    وإنشاءالله راح يتم طرحه بموضوع

    تقبل تحياتي ومشاركتي وشرفتنا بتواجدك
     
  10. يوسف الخالدي

    يوسف الخالدي بـترولـي نشيط

    50
    0
    0
    تبي الصراحه النقابه هي المسؤوله عن مطالب الموظفين ولا مايعرفونا الا وقت الانتخابات
    الصج ينقال اللي مايشتريني بفايده ماشتريه براس مال ومن قدم لقى
    والوعد جدام الانتخابات المقبله يبين منو اللي يستاهل
     
  11. همام

    همام بـترولـي جـديـد

    10
    0
    0
    السلام عليكم ,, الله يعين النقابه على بعض الناس اللي مو فاهمه شي لحد الحين ,,
    يا شباب النقابه توها جديده وقبل اسبوعين تقريباا نزلوو تصريحه بالجريده ,, يعني انطرو شوي واتحدا اللي عنده مشكله شرط انه بس يكتب اهنيه وانه ماكلم احد من اعضاء النقابه ,, وبأأذن الله حقنا ماراح يضيع

    ,,, عندي كلمه حق النقابه ؟؟

    ياليت لو احد من الاعضاء يتشرح يوميا ويدخل المنتدى ويشوف المشاكل والاقتراحات وترا ماراح يكلف من وقتكم 10 دقايق ,,

    نصيحه الى اعضاء النقابه ؟؟

    اذا بينكم مشاكل داخليه يالاعضاء حاولوو انكم تحلونها كل هذا عشان مصلحه العمال ,,


    والله يوفقكــــــــــــــــــــــــــــــم
     
  12. Mr.Ahmad

    Mr.Ahmad بـترولـي مميز

    اوافقك :)

    بس 10 دقايق ما تكفي

    لان موظفي الامن والاطفاء 1000 مادري 2000 مادري 3000
     
  13. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    اشكرر الجميع من من كتبوا ملاحظات وردود في صفحتي


    ونرد ونقووول الهمه يا شباب


    والهمه يا رجال الامن ورجال الاطفااء ويانقاااابه


    شدو حيلكم


    مافيه شي يجي وحنا قاعدين


    تحركوا ترى الحركه فيها بركه



    لاتكونون ناس اتكاليين كل واحد يقول اتكالي على الثاني




    خلوكم ايد وحده


    والله يقدم اللي فيه خيرر




    رجااء اخير يانقابه على قولة المثل كثرت الدق يفك اللحام ... يعني عليكم بالشركه دقوو فيها لين يلبون المطالب







    استودعكم الله
     
  14. امن الشويخ

    امن الشويخ بـترولـي جـديـد

    32
    0
    0
    رجل امن طايح حظه
    الكويت
    كلمة حق تقاال في اعضاء نقابتنا الموقره



    بداية الف مبرووك اعتراف الشوؤن في النقابه


    ثانيا انا اشوف مبادرات طيبه من النقابه واتمنى بذل جهد اكبر علما بان الاخوان في النقابه مو مقصرين


    ثالثا رجال النقابه احظرو اجتماعاتكم شدو حيلكم من عرفناكم وانتم ناس قدها وقدود


    وفعلاا تستحقون النجااح وترى رجال الامن والاطفاء يبون منكم هالله هالله في اخوانكم

    هالله هالله في ربعكم اللي وصلوكم


    على قولة المثل دوم لهم وهم يدومون لك



    حنا وياكم يد وحده يا اعضاء النقابه


    وصفحتكم مشررفه دائماا



    وتفاعكلم يدل على اجتهادكم








    واخر كلامي ... يشهد الله انا مالي علاقه في اعضاء النقابه لا من قريب ولا بعيد ولكن كلام حق يقاال ويستاهلون منا كل خير


    ترى حالهم من حالنا ولازم نوقف معاهم مثل مايوقفون معانا



    تقبلوو احترامي وشكري يا عموم رجال الامن والاطفاء ويانقابه


    انتم كفوو سواء في عملكم او في شخصكم الكريم





    والله يا انتم عندي يارجال الامن والمطافي تسوون الشركه واللي فيهاا <<<<<<<<<< تراني خربتها على شانكم يا اخوان
     
جاري تحميل الصفحة...

مشاركة هذه الصفحة