النقابه فاشله واتمنى التغيير في السنه القادمه

الكاتب : دسمان79 | المشاهدات : 1,570 | الردود : 13 | ‏2 مايو 2010
  1. دسمان79

    دسمان79 بـترولـي نشيط

    82
    0
    0
    والله ثم والله لا لي ناقه ولا جمل في امور الانتخابات بس بصراحه نقابتنا عظم الله اجرهم واجر العمال على هذي النقابه الفاشله مع احترامي لاشخاصهم الكريمه بس مافيه اي شيء فادونا فيه مثل:
    1- علاوة التميز حق الانتاج تتصل على واحد يقول عند مكتب الوزير الثاني يقول عند ديوان الخدمه والصرف بعد شهرين الى 3 شهور ويمكن اكثر مع ان هالعلاوه راهنو عليها قبل الانتخابات بس الضاهر فرحة الفوز نستهم....
    2-كادر اخوانا المهندسين اللي بصراحه صدمه تجاهل مهندسي القطاع النفطي..
    3- 120 دينار المنقوصه من الزياده..
    4_بيوت الاحمدي والتجاوزات اللي فيها من حصول البعض على بيوت حكوميه عن طريق الاسكان ولا الحين في بيوت الاحمدي ومطوليييييين قاعدين يؤجرون بيوتهم وقسائمهم عيب والله عيب وحنا نعاني الاجارات العاليه ..
    5_ مقارنه بالنقابات الاخرىمثل( نقابت الخدمات) والنقابات الاخرى مكانك راوح ..
    6_ موضوع الكورسات الخارجيه اللي المفروض كل سنتين صارت مرتين بالخدمه ..
    والهموم واجد بس اللي عنده شيء يذكرنا فيه بس اتمنى بصراح التغيير في المرات القادمه وان النقابه الحاليه تجتهد في المطالب العماليه.. وشكرا
     
  2. i5phone

    i5phone بـترولـي جـديـد

    16
    0
    0
  3. العامري

    العامري بـترولـي نشيط جدا

    غريبه محامي النقابه لي اللحين مابين ;)
     
  4. koc-76

    koc-76 بـترولـي مميز

    591
    0
    0
    الكورسات للحين كل سنتين من وين جايب هالمعلومه؟
     
  5. محمد المذن

    محمد المذن بـترولـي مميز

    694
    0
    0
    ههههههه
    والله شقول ياخوي قلتها من قبل واقولها الحين النقابة ماتقدر تسويلك كل شي يعني عبدالله الزعبي ابو خالد غير وسوبر مان غير ترا لازم تفرقون
    انزين في اعضاء في مجلس الامه اقسمو والمشكله انهم اقسمو على اسقاط القروض هل طالحت
    حاولو قد مايقدرون لاكن مالله كاتب
    ولاكن كل شخص له رايه وكل شخص له نظرته وان كان الانتقاد ليس لمجرد الانتقاد نفس ما كنتوا تسون ايام الانتخابات فالربع يرحبون فيه ويسمعون كلام العمال بس روح لهم


    والي الله كاتبة بيصير
     
  6. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم اخوانى الكرام عمر النقابة ماتكون فاشلة وهذا تفكير غلط مع احترامى لرأيك يااخى وسبب احترام الشركات النفطية

    العامل الكويتى هى النقابات ودورها فى اعادة حقوق الموظفين لهم ..اخى المحترم اذا كان فية واحد موزين فى النقابة مو يعنى كلهم

    ماهم زينين !!!!!

    عط ربعك فرصة واذا غلط واحد فيهم نبهة وقولة انك غلطان وانا اعرف انة مجلس جديد ويجب اعطائة الوقت الكافى لذالك

    اخى الفاضل انا لاادافع عنهم ولا اعرف احد فيهم بس الواجب انى اقول الصراحة واعرف مايقومون فية من خدمة 5000 موظف كويتى

    فى شركة النفط وكذالك اعرف انهم يرفضون الخصخصة ولهم كلمة وموقف فى ذالك وهذا يدل على حسهم بالمسؤولية وخوفهم على

    الموظف الكويتى ...

    يااخى العزيز اعلم انك بخير مادام اخوانك موجودين بالنقابة ووقف معاهم وهم ماراح يخيبون ظنك فيهم وتفاأأل بالخير وشكرا

    اخوك سالم العجمى
    نقابة العاملين فى القطاع النفطى الخاص
     
  7. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    الهموم العمالية واحدة ويبقى عامل الوقت والفترة الزمنية المتبقية هو الفيصل ولكل مجتهدٍ نصيب
    نسأل الله أن يوفق الجميع
     
  8. صح كلامك خصوصاً بيوت الأحمدي الأغلبية مستأجرين فيها وين المسئولين عنهم حرام ساكنين فيها وغيرهم أولى منهم
     
  9. Ahmad Alenezi

    Ahmad Alenezi بـترولـي نشيط

    53
    0
    0
    السلام عليكم و رحمه الله و بركاته......

    اخي الكريم اللي تكلمت عن النقابه ...انا ليس بحكم عليهم ولا عليك.. لكن بقول كلمه حق و ابيك اتقبلها بكل صدر رحب لو سمحت...

    النقابه مو ماسكين المصباح السحري عشان يسوون كل اللي تبيه و بلحظه!!!!!!!!!!

    انا دائما انتقد الطرح وليس الاشخاص.. كل شي في له اجراءات و عامل الوقت هو الفيصل كما ذكر واحد من الاخوان يعني لمه تشوف الدنيا كلها راحت و ما سمعت منهم شي ولا شفت منهم شي ذيك الساعه لك الحق بانك تحكم عليهم بالفشل ..... لكن بمجرد انهم يطالبون و يتكلمون و يناشدون اتوقع هذا هو دورهم على العكس من المفهوم الشائع انه النقابه هي اللي تقرر و هي اللي تحكم..... ترى حالهم من حالنا احنا بس اللهم عليهم المطالبه والباقي يبقى على اصحاب القرار يعني شي مو بيدهم......

    يارب نفهم هالشي و ما نتهجم على الناس و نحكم عليهم بالفشل و بالكلام الجارح معنه تشوفهم قاموا بدورهم و طالبوا و ناشدوا في الاعتصام يعني اكثر من جذيه شنو تبيهم يسوون؟؟؟

    (((((((((((((((القرار مو بيدهم )))))))))))))))))

    لو القرار بيدهم جان ما شتكوا ولا تكلموا و ثق تماما انه كل انسان يتحمل المسؤوليه و خصوصا انه في ناس تهاجمه بالقسوه راح يبذل كل جهده عشان يرضي الناس وخصوصا عمل النقابات لانه انا اشوف والله شغلتهم صعبه ناس تعطي من عمرها لكن من يقدر هالشي؟؟؟ وهذه مشكلتنا احنا كله نبي كل شي وماكو شي يعجبنا


    عالعموم انا والله اني قلت كلمه حق ولا اعرف النقابه ولا عمري تعاملت مع النقابه ولا ادري اصلا منو بالنقابه

    واتمنى محد يزعل من كلامي
     
  10. دسمان79

    دسمان79 بـترولـي نشيط

    82
    0
    0
    والله ما اقصدهم بأشخاصهم

    اخواني النقابه ما سوت شيء لقسم الانتاج واعدونا وراهنو واقسموا بالله ان علاوة التميز تنزل قبل الانتخابات وما شفنا شيء ( لا والظاهر ما كو شيء يعني باح ) اتمنى ان كلامي مو صحيح..
    واللي يزيد الطين بله يا اخ سالم العجمي انهم اذا اتصلت فيهم كل واحد يركبك دبايه والله ان واحد يقول عند مكتب الوزير (الوزير شكله دوامه فلاتي ) صارله اكثر من سنه عنده, والثاني يقول عند ديوان الخدمه المدنيه ( شكو ).
    انا صراحه انصحهم يستفيدون من المهندس طلال القحطاني وياخذون عنده دورات في كل شيء
    ( في التصاريح في الجرايد ) ( وفي البرستيج ولبست البشت ) (وفي علاقاته اللي ماشا الله كل مكان تشوفه ) مو حنا رئيس النقابه ما شفناه اللي يوم جانا السنتر لا ظهور اعلامي ولا هم يحزنون.
    طلال القحطاني رجل واحد سوى اللي ماسوته نقابتنا الحبيبه من يوم استلمت من سنتين .
    والله يااخون اتمنى من النقابه تجمع قوتها وحنا وياها بأذن الله طالما انهم يمثلونا يا اخي مطالبنا واضحه ونبي منكم اكثر من هالمطالب
    ( تذاكر لندن + علاوة التميز + الزياده 120 المنقوصه + كادر ربعنا المهندسين + بيوت الاحمدي
    والمحسوبيه اللي فيها + زيادة بدل الاجار 300 الى 500+قانون الrest day + حنا بالسناتر الاكل الله يديم النعمه نبي وجبات من مطاعم او يلغونها ويعطونا بدالها فلوس مثل 100 دينار بالشهر بدل هالوجبات اللي ياكلونه الهنود ويحوشهم بلاوي في بطونهم + ربعنا اللي جابو الهندسه من برى شسويتو لهم محد وقف وياهم مسكين مستانس بالشهاده ةربعه بالوزارات عدلو اوضاعهم وهو صارله سنه لا ما حطها بالسستم مو بعدل وضعه بس يبيها بالسستم حق الرانكنج مو راضين اختبارات انجليزي وتخصص ومقابله واذا نجحت انطر يا حلو لين يجيك الربيع
    ( من الحسد اللي فيهم ) بس الحمدلله الرزق من ربك والامور واجد واتمنى من الشباب الادلاء برايهم
    انا تعبت وانا اكتب وشكرا للجمــــــــــــــــــــــــيع
     
  11. محمد المذن

    محمد المذن بـترولـي مميز

    694
    0
    0
    كثرة مطالب العمال والنقابة قاعد تسعى فيها لاكن ماتقدر تدرون ليش
    النقابة فقدت قوتها وقوتها تتمثل بالعمال
    يعني النقابة اذا قالت اضراب المفروض انه ماتلاقي احد مداوم
    الحين جمعية عمومية بس 20 من 4000 الي حضرو
    وولاسف يرجع واحد ويقول الغلط من النقابة
    ياجماعة النقابة لازم تسترجع قوتها (العمال) لازم نتكاتف عشان نقدر ناخذ كل هالمطالبات
    والحل الوحيد برأي يوم 1 مايو
    شوف الموضوع وانت احكم
    http://www.q8ow.com/vb/showthread.php?t=28877
     
  12. acid flare

    acid flare بـترولـي نشيط

    78
    0
    0
    شباب النقابة فيهم البركة انشاء الله
    والموظفين هم الساعد الايمن للنقابة لان من غيرهم النقابة ما تقدر تسوي شيء
     
  13. مطنوخ

    مطنوخ بـترولـي جـديـد

    16
    0
    0
    السلام عليكم ورحمة اللة وبركاتة

    دسمان واللة كلامك صحيح 100 %100 واللة كلامك يعور القلب انا اسمع عن علاوة التميز اكثر من سنيتين وحبيت اقولك ريح نفسك وخلك مثلى مرتاح علاوة تميز ما فية خلنا ننتظر كم سنة على ما تجى الانتخابات ويجلسون نقاباتنا يلوحون بالعلاوة وحنا نعطيهم الاصوات سوا الائتلافية او العمالية ( اغسل يدينك من العلاوة اذا اللة سهل امور العلاوة الحساد واجد وراح يوقفونها )

    اما بالنسبة للاكل اللة يديم النعمة وربى اكثر من سنتين ما كليت من اكل الشركة كلة من برى واذا تبى الصراحة حنا نتحمل النصيب الاكبر من الخطا لان حنا اهل السناتر محد وقف طلبيات من مطعم الشركة ولا فية احد منا قدم احتاج عند المسؤولين بالشركة

    اما بالنسبة لبيوت الشركة فهذى مصيبة اللة يعين اللى ساكنين برى بيت الوالد متاذين واللة يكون بعونهم
    مافية نقابة للاسف مع احترامى لكل الاعضاء بالنقابة وكل واحد ومجهودة وعطائة بالعمل

    بالمختصر المفيد ماعاد فية نقابة لا الحين ولا بعدين انا اسمع عن النقابات السابقة ايام الاضراب وايام الاعتصام
    تلقى رياجيل كلمتهم وحدة وكلهم قلوبهم على العمال اما الحين اللة يخلف علينا وعليك مافية نقابة

    وارجو من الجميع يتقبل وجهة نظرى بصدر رحب

    ودمتم سالمين
     
  14. دسمان79

    دسمان79 بـترولـي نشيط

    82
    0
    0
    يامرحبا يا مطنوخ شكرا على مرورك الطيب وعسى الله يعين النقابه على مطالبنا وهمومنا وكل الشكر للأخ فيصل الكندري على طيبه وسعة صدره
     
جاري تحميل الصفحة...

مشاركة هذه الصفحة