مبنى (دار الوطنية) وين المواقف !!!

الكاتب : زهرة التوليب | المشاهدات : 1,039 | الردود : 8 | ‏2 مايو 2010
  1. زهرة التوليب

    زهرة التوليب بـترولـي خـاص

    بصراحه المبنى كل يوم قاعد يثبت فشله

    اول شي مافي مكاتب حق الموظفين اليدد اللي كل بين فتره وفتره قاعدين يوظفونهم عندنا
    والحين صارت مشكلة بالمواقف !!!

    يا جماعه مافي مواقف كافيه تستوعب عدد الموظفين في المبنى !!

    هذا وموظفين المقاول قاعدين يسفطون في مكان ثاني !!
    لو يسفطون معانا شنو راح يصير !!

    صرنا مكدسين داخل المبنى مثل علبه الساردين !!
    والحين حتى مواقف مافيه !! والله ان في اوقات بعض الموظفين يسفطون في مواقف عمال المقاول !!

    هذا يبين ان عدد الموظفين اكثر من عدد المواقف !!

    ياريت يشوفون لنا حل لأن صراحه الكل قام يتذمر من هالشي
    انا عن نفسي اداوم مبجر الحمدالله القا مسفط بس اللي يدامون بعد الساعه 7 وربع يالله يالله يلقون مواقف !!

    يعني مثلا خل يسوون سرداب مواقف !!
    او خل يسوون مواقف خاصه حق المدراء ورؤساء الفرق مع الدي ام دي الصوب الثاني
    علشان يفضى مكانهم حق الموظفين
     
  2. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    مبنى حده فاشل بس شكل من بره وبالداخل يعلم الله
    مبنى فيه فوق 1000 موظف ومواقفه حق 200 موظف ولا مو جذيه السالفة 150 موقف محجوز حق المسعولين والقيادات
    يعني باجي الموظفين خل يدبرون حالهم يصفطون فوق بعض أو يداومون بقطار يقطهم عند المبنى كيفهم دبر حالك عمي
     
  3. زهرة التوليب

    زهرة التوليب بـترولـي خـاص

    اي والله صدقت اخوي

    عاد جان زين يسمعونا ويحلون هالمشكله
    لأنهم مو حاسين فينا مواقفهم موجوده ومو هامهم حال الموظفين
    باجر اذا وصلت درجة الحرارة 50 ما ادري شنو راح يسوون الموظفين !!
     
  4. DICOVERY

    DICOVERY بـترولـي جـديـد

    29
    0
    0
    السلام عليكم ورحمة الله
    أدري كلامي راح يزعج البعض ولاكن هذه وجهة نظر !!!
    الحمد لله أنه أحنا بالكويت وتقدرين تستعملين سيارتك تروحين وترجعين من الدوام لو كنتي بأوربا شتقولين لأنك مضطرة تستعملين الباص أو المترو علشان توصلين دوامك بالوقت وحتى لو أستعملتي السيارة لازم توقفينها بمكان المخصص وتركبين الباص ، أو في الدول المزدحمة لازم تركبين من قطار الى قطار وأتوقع الكل شايف هالشيئ .
    بالنسبة لمواقف المبنى أتوقع تكفي الموظفين بس المشكله الكل يبي موقف عند الباب !!!! حتى المواقف البعيده في باصات تنقل الموظفين لغاية الباب بس المشكله فينا مو في الموقف والمبنى .
    حلو الواحد يسوي رياضه :) وبسكم دلع وتشكي ولا شيئ عاجبكم . يازينكم لا سافرتوا تتمتعون بركوب الباص أو المترو وتقولون ياريت عندنا مثله ، أتحداكم تركبون المترو أو الباص بالكويت .

    سامحوني على صراحتي ....
     
  5. acid flare

    acid flare بـترولـي نشيط

    78
    0
    0
    يا اخي الكريم لاتقولي في اوروبا او اي دولة اخرى انا بالكويت الحين بدل ما يسون مصافط كبيرة وتشيل شوية سيارات ونصها للمسؤلين لو كانوا مسوين مصافط متعدد الادوار احسن وتشيل اكثر وتاخذ مساحة اقل
    وبعدها انا ابيك انت ان تصفط السيارة خارج الادارة بالشمس وتروح الدوام مشي انا ابي اشوف ريحة العرق الى وين واصلة واركب بالسيارة علشان اشوفك داخلة وانت مشوي بالفرن
    ارجو منك ان لا تزعل هذا للتوضيح
     
  6. DICOVERY

    DICOVERY بـترولـي جـديـد

    29
    0
    0
    مشكور على الرد ! أنا أحترم وجهت نظرك ومنو يقولك أنه في سايق هندي ينطرني كل يوم بسيارة يوصلني لغاية مكتبي .
    كل يوم أمشي من المواقف لغاية الباب بالحر والمطر شنو المشكله ؟؟
    تقول ريحة العرق ومنو قالك أن أحنا نشتغل بمحل عطورات !!!!
    آخر الشهر من تستلم المعاش تنسى الكلام . السيارة مكيف المكتب مكيف البيت مكيف خل تحوشك الشمس شوية .
     
  7. acid flare

    acid flare بـترولـي نشيط

    78
    0
    0
    اشكرك يالحبيب على احترام وجهة النظر ولك جزيل الشكر وانما هذا يدل معدنك الطيب
    انا قصدي المواقف الخارجية اللى برة الادارة على ما اعتقد بان المسافة ليست بقصيرة وبعديده ايضا وخاصة بالصيف
     
  8. حمود الشمري

    حمود الشمري بـترولـي نشيط جدا

    172
    0
    0
    الله يعطيكم العافيه اخواني انا اللي اعرفه انه في باصات موجودة بالمواقف توصلك من المواقف للمبنى
     
  9. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    زهرة

    أتوقع المواقف سهل توسعتها
    خصوصا ان فيه ساحات ترابية من جميع جهات المبنى غير مستخدمة
    من المفترض انها تستغل
     
جاري تحميل الصفحة...

مشاركة هذه الصفحة